manifest

Azərbaycan dilinə "təzahür" kimi tərcümə olunan manifest
anlayışı və ya cazibə qanunu xəyallarınızı gerçəkləşdirməklə
bağlı olsa da, sizdən arzu etdiyinizə doğru konstruktiv addımlar
atmağınIzı tələb edir. Odur ki, siz yatarkən istəklərinizin
dərhal və ya bir gecədə baş verəcayini gözləməməlisiniz. Nəyisə manifest etdirmək istəyirsinizsə bir neçƏ vacib nüansı bilməlisiz. Hansı ki, bunlar manifestin tez bir zamanda həyata
keçməsinə təkan veracək.
1- Məqsədlərin barəsində aydın ol

Birincisi və bəlkə də ən əsası, nə istədiyini dəqiq bilməlisən. Xəyallarını manifest edən tək sənsən, ona görə də istər sevgili, istər sağlam münasibət, istərsə də daha yaxşı bir iş üçün dəqiq ol. istədiyin nə olursa olsun, bir şey vacibdir: niyyətini mümkün qədər konkretləşdir. Nə qədər aydın və qısa olsan, bir o qədər yaxşıdır. Məsələn, “mən ruh yoldaşımla tanış olmaq istəyirəm” demək əvəzinə, həmin insanın necə görünəcəyi barədə ətraflı təsəvvür yaratmalısan. Qısaca, həyatına çəkmək istədiyin şeyi aydın təsvir etməlisən.

2- Nə istədiyini müəyyən et və kağıza yaz.

Arzularının və məqsədlərinin nə olduğunu dəqiq müəyyən etdikdən sonra kainata istəyini göndərməlisən. Bu, müxtəlif yollarla edilə bilər: dua, meditasiya, vizuallaşdırma, niyyətlərinizi ucadan söyləmə, əldə etmək istədiyiniz şeyin şəkilləri ilə dolu olan "gələcək qutu"su vs. istədiyinizi dəqiq söyləməlisən. Manifest üçün dəftər tutarkən də dəqiq bir şəkildə istədiklərini indiki zamanda yazmalısan: qısa və aydın.

3- Hədəflərinə doğru işləməyə başla.

Manifest həm də birgə yaradılış kimi tanınır, çünki bu, səninlə Kainat arasında əməkdaşlıqdır. Buna görə də nə istədiyini bilmək işin yalnız yarısıdır, tədbir görmədən heç bir nəticə görməyəcəksən. Məqsədlərinə çatmaq üçün hansı addımları ata biləcəyini düşünmək üçün bir az vaxt ayın, sonra onları rutininə əlavə et.

4- Fərqində və minnətdar olmaq.

Xəyal etdiyin şeyi istədiyin zaman çərçivəsində əldə etməyə bilərsən, ancaq əsla neqativə köklənməməlisən. Manifest ərəfəsində 21 günlük şükran dəftəri tuta bilərsən. Bu dəftərə sahib olduğun şeyləri yazarkən kainata minnətdar olduğunu ifadə etməli və şükr etməlisən.

5- Bütün neqativ inanc və enerjini burax.

Şüuraltına işlənmiş olan istər ailəvi istərsə də şəxsi neqativ fikirlərindən azad olmalı, enerjini daima yüksəklərdə tutmalısan. Bacara bilməyəcəyinə qarşı olan inancını yox et və daima təkrarla: "bütün gözəlliklərə layiqəm və sahibəm." Unutma ki, dünyaya yaydığımız enerji geri aldığımız enerjidir. Pozitiv ol ki, eyni şəkildə həyatına da pozitiv şəxs və hadisələri çəkə biləsən. Əgər bu dediklərimi etməkdə çətinlik çəkirsənsə şüuraltını təmizləyəcək, blokajlarını şəfalandıracaq meditasiyalar edə bilərsən.

Sadəcə inan və gözlə. Kainat və ya Yaradıcı (adına nə deyirsizsə) ona inananları yarı yolda qoymur. Sahib olmaq istədiyin şeylərə sahibmiş kimi davranmaq da ən güclü manifest texnikasıdır.

yazarların ağlına ilişib çox düşündüyü suallar

Bu aralar dini inancımı daha çox sorğulamağa başlamışam. Həqiqətən Allahın varlığına inanıram mı? Fikrimcə ucsuz-bucaqsız bu kainatın bir Yaradıcısı mütləq var. Bəs islama inanıram mı? Bax, bu barədə şübhələrim var və bunu dilə gətirməyə utanıram. illərdir qəlbimdə böyütdüyüm Allaha olan sevgimə xəyanət edirmişəm kimi gəlir. Yox olub torpağa qarışmaq istəyirəm ki, bu bitmək bilməyən cavabsız suallarımın ağuşundan qurtula bilim. Düşündükcə fikirlərimin altında əzilirəm. Nəyisə səhv edirəm bəlkə? Bəlkə Allah mənə nifrət edir? Bəlkə, Allah islamı yox başqa bir dini tək haqq yolu seçib? Bəlkə özündən bir parçasını bizə üfləyən Allah, halıma acıyır? Amma... Bəs onlar haqlıdırlarsa? Həqiqətən kainat özü-özünü yaradıbsa, hər şey boşdur mu? Beynimin bir yarımkürəsi dindar, digər yarımkürəsi isə ateistliyi seçib. Bilmirəm, düşünməkdən dəli olacam. Bəlkə də dəliyəm?