fertility hollis


819   0   0   0
fertility hollis 2.nəsil yazar
reytinq xalı: 1746
karma xalı:-135
entry sayı:819
izləyənlər:15
sifariş sayı:0

son yazdıqları| | əl əməyi göz nuru| favori seçdikləri| favori seçilənləri| bütün entryleri| saxlanılanlar| lövhə/blog
çətindir

bəyin oğurlanması şamaxı rayonu, məlhəm kəndində çəkilən film. hansı ki bizim həyətdə çəkilib. uşaq vaxtı hər yay kəndə gedəndə aktyor və aktrisa kollektivi də qonaq olurdu bizə. hər dəfə də axşam düşən kimi yemək-içməkdən sonra bəyin oğurlanmasına baxıb gülüşürdülər. indi çoxusu rəhmətə gedib. qəribə xatirəsi var bu filmin məndə. filmdə atam da, anam da, dayım da, babam da var. hətta yaşar nuri maşından qorxduğu üçün bütün maşın səhnələrini babam icra edirdi. maşın da babanın idi. mənim bünövrəm qoyulmamışdı hələ o film çəkiləndə amma təxminən 10-15 yaşlarıma qədər hər yay o gözəl insanlarla o filmi izləməydən doymurdum. ev hələ də qalır. bir gün sözlüyümüz o qədər böyüyər ki, gəzinti adı ilə yığıb sizi apararam ora *
yalan minlərlə ayıbın içində məncə ən bağışlanılmaz qüsurdur. bizi adam eləyən yalnız sözdür və bizə bir-birimizlə ünsiyyətdə olmağa, tanımağa imkan yaradan da sözdür. bu halda bu sözlər yalanla qurulursa özünə təhqirdən əlavə qarşı tərəfə təhqirdir. mənə qarşı işlədilən yalan qarşı tərəfə olan əsəbdən daha çox özümə qarşı əsəbə səbəb olur. yəni mən belə pis insanam ki? sualı ilə üzləşdirir məni. bəzi insanlarda bu, xislətdə * var olan qüsura görə olsa da * bəzilərində zənnimcə valideynlərin övladlara çox vaxt boş şeylərin, bəlkə də heçnəyin üstündə tənbeh etməsindən, onları bilmədən, anlamadan törətdikləri səhv əməllərə görə cəza vermələrindən irəli gəlir. bu da uşaqda yalana alışqanlıq yaradır. bəzən hər tərəfdən mükəmməl xasiyyətə sahib insanın danışdığı hər söz yalan olur. bu da yuxarda adını çəkdiyim vəziyyətin nəticəsidir. dil bir dəfə çönüb yalana tərəf üz getsə, onu geri qaytarmaq çətin məsələdir. ağ yalan deyə bir şey yoxdur, yalan yalandır. günümüzdə çoxumuz yalandan istifadə edirik. ya vəziyyəti yaxşılaşdırmaq üçün, ya yola vermək üçün. bu da bizim xəbərimiz olmadan özümüzdə yalana meillənməyizə səbəb olur. nəticədə bəzən öz dediyimiz yalanlara özümüz inanırıq. hətta çaşğınlıq da yaradır. beyni yavaşladır.
əgər yalanın da həqiqət kimi bir sifəti olsaydı, bizim vəziyyətimiz daha rahat olardı bəlkə də. bu halda biz yalanı söyləyən şəxs tərəfindən deyilənlərin əksini düz hesab edərdik. təəssüf ki, bu çıxılmaz vəziyyət yaradır. çünki, həqiqətən əksinə olanın * min sifəti var və bu da bizim iradəmizə və qarşı tərəfə olan dəyərə görə inanılıb, bağışlanılsa da birbaşa özümüzə yalan demiş oluruq.
səndən öyrəndiyini sənə öyrədən insanlar yaradılışın ən əsəb pozan varlıqlarıdır. eqoist insanlar üçün isə dözülməz məxluqdur. götürək elə məni *. bir şeyi mən sevirəmsə o mənimdi, başqasına olmaz. ümumiyyətlə sevdiyim şeyləri ortaya atmağı da sevmirəm. amma çaşıb birdən kiminsə yanında filan şeyi sevdiyimi deyirəm, bir müddət sonra gəlir, bu onun sevdiyi bir şeymiş kimi mənə sübut edir. deyəndə ki, "ay kişi, bunu sənə mən demişdim axı". hələ bir insanın üzünə dururlar ki "sən də bunu bəyənirsən?". cin vurmasın, neynəsin?! işlətdiyim söz, sevdiyim nadir tapıntı bir film, hərkəsin bilmədiyi bir məlumat, mənim sayəmdə tanıdığı qrup və ya mahnını mənə öyrədərsə işlər dəyişər təbii ki. məlumatlanması, öyrənməsi yaxşı şeydi amma daha durub məndən öyrəndiklərini mənim gözümə-gözümə şey etməsi yaxşı hərəkət deyil. sakitəm, bəli.

(bax: o anın əsəbi ilə açılmış başlıq)
qalın qaşlı qız hər zaman üçün gözəl sayıla biləcək qızdır. bu tək qaş demək deyil. qaş forması olaraq qalın qaş özündə daim retro havası qatır ümumi görünüşə. hər adama da yaraşmaz təbii ki. amma və lakin karandaşla çəkilmişə bənzəyən nazik qaşdansa qalın qaşın məni daha çox feyziyab etdiyini inkar etmirəm.
alim qasımov hədsiz dərəcədə səmimi və komplekssiz insan. ləhçəsindən heç vaxt utanmadan hər yerdə bildiyi qədərini düzüb qoşub danışmağa cəhd edən möhtəşəm səs sahibi. atam sayəsində bütün muğamlarını əzbərə bildiyim və səsindən bezmədiyim yeganə muğam ifaçısı * *
qarışqa bugün yaxından müşahidəm nəticəsində ziq-zaq şəklində yeridiyini gördüyüm həşərat. dadına baxmaq istəyib heç vaxt riskə girmədiyim canlıdır. zahiri görünüşündən 'məni öldürmə' ifadəsi yağır zənnimcə. qorxmadığım yeganə həşəratdır eyni zamanda.
nuri sərinləndirici hövsan taksi şofer dayılarının əvəzedilməz favorisi. qulaqcıqla oturduğunuz halda belə diqqətinizi çəkəcək mənasız mahnıların ifaçısı gözəl insan və manıs.
universiteti bitirəndə yaranan boşluq hissi bitirmədən də yaranan boşluq hissidir. 4 illik bakalavr təhsilini mənim kimi 6ilə uzadanda bu normal haldır. əldə tutulacaq yorğunluq və yuxusuz gecələr keçirmədən davam edən təhsil həyatımızın bu boşluqla uzun müddət davam edəcəyi mütləqdir.
the walking dead 4cü sezon finalı ilə bu sezon haqqında olan fikirlərimi alt-üst etmiş serial. bu sezonun hər bölümü ayrı sıxıcı gəlirdi. hər bölümünü pərən-pərən düşmüş xarakterlərin hərəsinə bir həsr edirdilər. bir ara başın buraxdım, sonra dişimi sıxıb izlədim, peşman da olmadım. sezon finalı neydi abi?! rickin xarizması, darylin bunları qurtarmaq üçün özünü fəda etməsi * *, terminalda olanlar və rickin o son məşhur cümləsi məni məndən aldı. işte budur be dedirtdi sağolsun. 5si sezonu dörd gözlə * gözləyirəm, qadan alım.
sözaltı sözlük qaydaların vecinə alınmadığı, birbaşa təhqirin mizah və satira anlayışı olduğunu və heç kim bu mizahı öz üstünə götürməyə məcbur olmadığını qeyd edən moderatorlara sahib məkan. elədisə qoy elə olsun. bundan sonraki bütün entrylərimin sonunda mənə diss atanlara qabağdangəlmişlik edib tamamilə mizahdan ibarət olan bir söyüş və təhqir içerikli sonluq atacam. heç kim bu mizahı öz üzərinə götürməyə və mənə diss atmağa məcbur deyil zatən. qayda belədisə və bu hal qaydadan kənar qəbul olunmursa mən də bu qaydaya əməl edəcəyimə söz verirəm. saygılar, efenm.
ian curtis xatırlatma məqsədilə yazılmış tüpürdüyünü yalamaq söhbətindən dərhal sonra 2ci editlə bu xatırlatmanı etmiş olan yazarlara birbaşa təhqir yönləndirən yazar. sözlük moderasiyasının o editi ordan niyə, nə səbəblə silmədiyi məlum deyil. şəxsən mən iana təhqir etməmişəm. xoşniyyətli (!) entrymin ardından 2ci editlə özümə və digər bunu yazan yazarlara birbaşa təhqir olduğunu görürəm. yuxarda da qeyd olunub bu. məncə bir əncam çəkməmək sizin səhviniz olacaq.
rasputin #108006 entrysində hisslərimə tərcüman olmuş yazar. az öncə eyni entryni yazacaqdım eyni başlığa, qabaqlayıb məni *
ian curtis #85727 3 ay sonrakı editə görə heç kəs tüpürdüyünü yalamaq temasına girmir nədənsə. tüpürdüyünü yaladığı tədqirdə geri dönsə də yenidən xoş gəlib demək istədiyim yazar. böyük danışmayacaqsan, curtis. bol başlıqlar. * * *
sözlük yazarlarının təxmini yaşları sözlükdə 20-26 yaş aralığında gənclərin üztünlük təşkil etdiyini aydınlaşdıran başlıq. qalaxsinin aldığı nəticələrlə bir neçəsini çıxmaq şərti ilə eyni qənaətdəyəm.
georg friedrich handel 23 fevral 1685 doğumlu dahi alman bəstəkarı. yaradıcılığı boyunca külli miqdarda opera, oratoriya bəstələsə də həyatında yaşadığı ağır günlər sənətindən də yan keçməmişdir. sevimli bəstəkarım, yaratdığı əsərlərə qarşı layiqli münasibəti görməyincə və yığılan borclara görə londonda yerləşən evində tirtap yerdə tapılır. nökəri və yardımçısı şmidt sayəsində ilk yardımı aldıqdan sonra həkimin müayinəsilə apopleksiya olduğu, sağ tərəfinin tamamilə iflic olduğu və sadəcə bir möcüzə sayəsində hərəkər edə biləcəyi öyrənilir. handel əsəbdən, stresstdən, keçirdiyi məyus günlərin ağırlığından o nəhəng vücudunun bir hissəsini tərpədə bilmirdi. londonda işlədiyi teatrı qurtara bilmək üçün dayanmadan 4 opera yazdı, yığdığı bütün pulları bu iş üçün xərclədi. qarşılığında nə oldu? heçnəyi bəyənməyən london saray bəstəkarlarının məsxərəsi və laqeydlik. handeldəki həyat eşqi isə sönmək bilmirdi. yaşamaq və daha nələrsə yaratmaq istəyirdi və onun bu istəyi təbiət qanunlarını yenib sözün əsl mənasında bir möcüzə yaratdı. o aachendəki isti su sanatoriyalarına göndərildi və 3saatdan artıq suda qalmaması məsləhət görüldü. lakin handeldəki bu coşqu zəif ürəyinə rəğmən gündə 9saat isti suda qalmasına səbəb oldu. artıq bir neçə ay sonra o ayaqlarını, 1ay sonra isə bütün bədənini tərpədə bilirdi. və möcüzə baş vermişdi. o özünün yenidən həyata atılmasını bir şans olaraq görürdü və keçirtdiyi 4il iflic həyatından sonra yenidən notları vərəqə düzmək üçün səbrsizlənirdi. 3 opera və ardıyca saul, allegro e pensieroso kimi böyük oratoriyalar bəstələdi. lakin yenə zaman ona qarşı çıxmışdı. kraliçanın ölümü üzündən tamaşalar göstərilmir, bu arada ispaniya savaşı da başlayır, teatr salonları bomboş qalırdı. borclar üst-üstə yığılır, daha sonra sərt bir qış gəlir, şəhərdəki bütün salonlar qapalı qalır, səs sənətçiləri də xəstələnirdi. bu isə handelin çöküşü demək idi. borc aldığı adamlar qapının önünü kəsib hədələyir, tənqidçilər alçaldıcı sözlər yazıb ona lağ edir, tamaşaçı isə bütün bunlara laqeyd qalırdı. handel, get-gedə öz içinə qapanır və musiqi eşqi sönürdü və bu da yaradıcı adam üçün ölümə bərabər idi. bir gecə gənc bir şairdən ona məktub gəlir, şeirinə bir opera bəstələməyini rica edir. handel bunu özünə təhqir kimi düşünür, məsxərə obyekti olduğunu zənn edib əsəbləşir. lakin sonra bir dəfə bataqlıqdan qalxıbsa demək ki bu əl ona boş yerə uzanmayıb düşünərək şeiri oxumağa başlayır. elə ilk cümlələrdən sözlərin onun həyatıyla üst-üstə düşdüyünün fərqinə varır, üyəyinin gizlin yerində saxladığı musiqi istəyi coşub daşır və handel tam 3həftə dayanmadan işləyərək bu əsəri tamamlayır. bundan sonra iki gün boyunca yatıb dünyaya yeni insan kimi oyandığı hissi ilə yola düşür. the messiah əsəri ilk dəfə dublində böyük tamaşaçı kütləsinin qarşısında təqdim olunur. tükürpədən bu musiqi böyük səs-sədaya səbəb olur və handelin dövrünün bəstəkarlarının bacarmadığı işi görür, zala 1000dən artıq adam dolub onu gözləyir. aldığı qonorarı isə xəstəxanaya verir, onun üçün yenidən həyata qayıtmağına səbəb olaraq uzanan əl bəlkə də kiməsə kömək olacaq ümidi ilə. gözləri tutulur və kor ikən belə 5opera təqdim edir. son çıxışını edən handel izdihamın alqışlarını eşidərək kor gözlərində sevinc ilə londonda həyata gözünü yumur.bəstəkarlar arasında ən favorilərimdən biridir həmçinin bu qüdrətli, əməyi layiqincə qiymətləndirilməyən dahi.
tiramisu hazırlanışında savoiardidən və məşhur italyan pendiri olan mascorpone istifadə olunan, kreminin çiy yumurta və mascorponenin olması şərt olan qat-qat xəmirdən hazırlanmış italyan deserti. gələn sayımızda reseptini də yazaram *
freyleyn bəzi qərb ölkələrində ərsiz qadına müraciət edərkən deyilən söz
(bax: xanım)
blitskriq düşmən öz hərbi qüvvələrini səfərbər etməzdən öncə qələbənin günlər, həftələr və aylarla hesablanaraq əldə olunmasını təmin edən tezötən müharibə nəzəriyyəsi.
1 2 3 4 5 6 7 8 9 10 11 12 13 14 15 16 17 18 19 20