azərbaycanın ermənilərə qarşı etnik təmizləmə aparması iddiası

son günlərdə dünya mediasında Azərbaycana qarşı istər xəbər saytlarında istərsə də sosial media üzərindən Qarabağda etnik təmizləmə apardığımızla bağlı yazılar paylaşılır. Bu fitili başladan özünü eko-aktivist kimi təqdim edən Qreta olduğunu düşünə bilərsiniz amma son 1 il ərzində paylaşılan psotalar 2020 müharibəsi dönəmində belə bu qədər paylaşılmamışdı. Artıq bunun Avropa Birliyi rəsmiləri tərəfindən səsləndirilməsi və Azərbaycanın AŞPA ilə əməkdaşlığa son verilməsi onsuzda yaxşı olamayan Azərbaycan-Avropa münasibətlərində nələrinsə düzgün getmədiyini görsədir. Son aylarda da bu etnik təmizləmə propaqandasının şiddətlənməsi bundan qaynaqlanır. Məsələ burasındadır ki Avropada bunu insan haqlarının pozulması barədə qətnamələrdə etnik təmizləməni də əlavə edirlər. Əlbəttə ki bu da hakimiyyətimizə əlavə manevr imkanı yaratmaqda kömək edir. Hər dəfə əlavə qətnamə qəbul olunduqda televiziyada qəbul edilən qətnamənin yalnızca etnik təmizləmə hissəsinə əhalini fokuslayaraq anti-Avropa və anti-demokratiya propaqandası apara bilirlər. Əlbəttə ki bununla mübarizə aparmaq yerinə öz hakimiyyətini qorumaq üçün iyrənc bir propaqanda alətinə çevirmək gələcəkdə böyük problem yaradacaq. Etnik təmizləmə iddiaları vaxt keçdikcə soyqırım iddiasına və bununla da ermənilərin Qarabağda legitimliyinə gətirib çıxara biləcəkləri mümkün görünür. Amma kreslo sevdası bundan daha önəmli olduğundan gələcək nəsillərə qondarma bir soyqırım vəsiyyət etmiş oluruq.

700 bal yığan tələbələrin sonrakı aqibəti

Azərbaycanda universitetə qəbul ola bilmək üçün bir çox ölkədə olduğu kimi imtahan sistemi tətbiq olunur. Hər nə qədər insanlar rüşvətlə qəbulun qarşısını aldığını düşünənlər olsa da abuturiyentlərin həqiqətən də bacarıqlarını ölçmədiyini düşünənlər olduqca çoxdu. Bəs həqiqətən də yığılan bal abuturiyentlərin bacarıqları haqqında məna kəsb edir mi. Bu yazıda bu vaxta qədər 700 bal yığan abuturiyentlər indi nə edir bunun haqqında yazacam. Narahat olmayın hər kəsin sahib olduğu 'Dayoğlu mən adam tanıyıram 700 bal yığıb indi bazarda kartof satır ' deyənlərdən deyiləm.
700 bal ilk dəfə 2007-ci ildə olub və günümüzə- 2024-cü ilə qədər bu say 126 nəfərdi. 2007-dən 2018-ci ilə qədər bu say 123 olsa da son 6 ildə bu say 3-dü. Möhtəşəm ölkəmizin dataları saxlayıb, paylaşmaqda 'möhtəşəm' olduğundan 700 bal yığanların bütün siyahısını əldə etmək mümkün deyil. Buna görə də internetdə tapdığım şəxsləri paylaşacam.

1)Emil Abbasov

2007-ci ildə Emil Abbasov I qrup üzrə 700 bal toplayaraq Bakı Dövlət Universitetinin tətbiqi-riyaziyyat və kibernetika fakültəsinin informatika ixtisasına qəbul olub. BDU-da 1 semestr oxuduqdan sonra “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində 2008-2012-ci illərdə Koreya Respublikasının Seul və Suvon şəhərlərində yerləşən Kyung Hee Universitetində (KHU) kompüter mühəndisliyi ixtisası üzrə bakalavr pilləsində təhsil alıb. Hal-hazırda Washingtonda SRC Research Scholars Program-da araşdırmacı kimi çalışır.
2)Məmməd Hacılı

2014-cü ildə 700 bal toplayaraq Bakı Mühəndislik Universitetinin ( keçmiş Qafqaz Universiteti) Kompüter Mühədisliyi fakültəsinə qəbul olub. Hal-hazırda Microsoft şirkətində Software Enginner kimi çalışır. IBM, Azercell ,Swisscom, CERN kimi şirkətlərdə çalışıb.
3)Cavad Əliyev

2017-ci ildə 700 bal toplayıb UNEC-in Beynəlxalq iqtisadiyyat Məktəbində maliyyə ixtisasına qəbul olub. Hazırda NEQSOL Holdinqdə investisiya mütəxəsisi olaraq çalışır. Bundan öncə PwC ,Deloitte kimi nüfüzlu şirkətlərdə çalışıb.
4)Nərmin Məmmədli

2014-cü ildə 700 bal toplayaraq BDU-nun CS ixtisasına qəbul olub. University of Tartuda Maqistr təhsilini alıb. Hal-hazırda Bolt şirkətində Data Analtik kimi çalışır.
5)Mahirə Əsədzadə

2017-ci ildə 700 bal toplayıb BANM-ın Proseslərin Avtomatlaşdırılması ixtisasına qəbul olub.Hal-hazırda Macarıstanda _VOIS şirkətində marketinq data scientisti kimi çalışır.
6)Vahab Cəbrayılov

2017-ci ildə 700 bal toplayıb BANM-da Proseslərin Avtomatlaşdırıması ixtisasına qəbul olsa da 2019-cu ildə Türkiyənin ODTU-də CS ixtisasında yenidən təhsil almağa qərar verib. Colombia Universitetində Phd bitirdib.Hal-hazırda həmin universitetdə araşdırmacı asistent kimi çalışır.
7)Abdulla Əsgərzadə

2017-ci ildə 700 bal toplayaraq BANM-da təhsil alamağa qərar verib.Hal-hazırda Washingtonda kariyerasını davam etdirir (haqqında yetərli məlumat yoxdur)
8)Asra Bayramova

2018-ci ildə 700 bal toplayaraq BANM-da informasiya Təhlükəsizliyi ixtisasına qəbul olub. Hal-hazırda Kapital Bankda informasiya təhlükəsizliyi mütəxəsizi kimi çalışır.
9)Huseyn Abdullayev

2020-ci ildə 700 bal toplayaraq BANM -da informasiya təhlükəsizliyi ixtisasına qəbul olub. Hələ də təhsilini davam etdirməsinə baxmayaraq MPAY-da DevOps Engineer kimi çalışır.

Siyahıda yazmadığım daha çox adam var. Əsas 1-ci qrupda olanları tapa bildim. Ümümi belə baxdığımızda nəticənin elə də ürək açan olduğunu deyə bilmərəm. Ümid edirəm ki DiM ölkə üzrə birinci olan bu şəxsləri gələcəkdə daha uğurlu strategiya ilə üzə çıxara biləcək . Say günümüzdə azalıb keyfiyyətin artması ümidi ilə. Bunu oxuyan sən isə özün qərar ver. Səncə 700 bal yığmaq uğurlu olmaq üçün vacibdir?

zaman

Uzun müddətdən sonra yenidən Söz6 hesabı girməyimlə necə də tez keçdiyini anladığım məfhum. 3 il keçib bu hesabı açmağımdan və bu 3 ilə nəzər yetirəndə həyatımdakı dəyişiklikləri saymaqla bitmək bilmir. 3 il əvvəlki mən belə bu qədər dəyişikliyin 3 ildə olacağını təxmin edə bilməzdi. Özüm də buna inana bilmirəm. Həyatımdakı dəyişikliklərin çoxu açıq danışmaq lazımdırsa müsbət dəyişikliklərdi. Həyat tərzim, yaşadığım mühit, dostlarım, məşğuliyyətlərim və ən əsası da fikirlərim. Fikirlərimin dəyişdiyini bu 3 ildə birdən baş vermədiyini 3 il öncəki entrilərimi keçmişdən yeniyə doğru ardıcılıqla oxduğumda anladım və belə olduqca mühim dəyişikliklərin olduğunu gördüm , hansı ki əvvəlki mən bunu anlaya bilmiyib. Bəlkə də bunun özü də elə 3 ildə olan dəyişikliklərdən biridir. Açığı mənə elə gəlir yalnışlarım və doğrularımla bu 3 ili olduqca gözəl və produktiv olaraq keçirmişəm. Belə xatırladıqda 2021-in məndən çox uzaq olduğunu düşünsəm belə xatirələrim mənə baş verən hadisələrin dünən baş verdiyini hiss etdirir. Açığı deyim özümdəki dəyişiklikləri və ən əsası da zamanın oluqca tez keçdiyini mənə ən gözəl formada göstəriyi üçün Söz6-a təşəkkür edirəm. Məncə insan yaşadıqlarını xatırlamalı , zamanın axıb geydiyini anlamalı və ən əsası da keçmiş düşüncələrini müqayisə edə bilməlidi. Bunun üçündə 3 il əvvəlki mənə Söz6-da yazar olduğu üçün təşəkkür edirəm. Bəli hər şey qaydasındadı . Ümid edirəm bu postun part2-i 3 il sonra yenidən burada paylaşaram.

14 may 2023 türkiyə seçkiləri

Ərdoğan turu üstün tamamlamağı bacararaq çox adamı təəcübləndirməyi bacardı. Böyük ehtimalla , Ərdoğan ölməsə 2-ci turda 50%-i keçərək yenidən iqtidar seçiləcək. Çox adam istər CHP seçiciləri istərsə də ölkəmizdə xalqın cahilliyindən şikayətlənirlər. Buna şübhə yoxdur. Türk xalqının necə fanatik olduğunu və qütbləşməyə olduqca meyl edən xalq olduğu aşikardır. Buna görə də səs verdikləri partiyaya futbol komandası tutarmışcasına bağlanmaları çox normaldır. Ərdoğanın bu qədər səs yığmasında da əsas faktor bu oldu. Bu hər zaman bilinən fakt idi.Amma burada ən böyük səhvi xalq deyil CHP etdi. Bu kütlədən səs ala bilmək üçün çabalamalı olan "6-lı masa" bu kütlədən xəbərdar ola-ola həmin kütlənin nifrət etdiyi , hətta Dəccal kimi gördüyü Kemal Kılıçdaroğlunu namizəd çıxardı. Elə burda artıq seçimin taleyi həll olunmuşdu. Bəs CHP niyə Kemal Kılıçdaroğlunu namizəd çıxardı? Cavab sadədir. CHP-də hər kəs seçimdə Ərdoğanı məğlub edəcəklərinə əmin idilər və buna görə də artıq seçimə ,Ərdoğanı məğlub etməyə fokuslanmaq yerinə nazirliklərin kimə veriləcəyini fikirləşirdilər. Məhz buna görə də Kemal Kılıçdaroğlu masadan özünü namizəd çıxara bilsin deyə Ali Babacan və Ahmed Davudoğlu kimi köhnə akpliləri ətrafına toplamışdı. istədiyi kimi də oldu. Onun namizədliyinə qarşı çıxan bir Meral Akşener oldu ki o da masada tək o etiraz etdiyi üçün CHP ilə razılaşmalı oldu.
Gələk 2-ci məsələyə. CHP-nin seçim propaqandası olduqca zəif qaldı. Pisdir demirəm amma Türkiyəyə uyğun propaqanda deyil. Hər ölkənin , hər şəhərin ayrı propaqandaya ehtitacı var.Türkiyə yalnız Ankara , istanbul deyil ki reformlarla səs qazanasan. Onsuz da ölkədə dəyişiklik istəyənlər CHP-yə səs verəcək . Belə pr apararaq kütləni genişləndirə bilməzsən.
3-cü məsələ isə seçilmədən xarici ölkələrlə quracağln münasibəti açıq aşikar göstərmək. Yox Rusiyaya sanksiya qoyacayıq yox türk yolu qurub Azərbaycanı ordan uzaqlaşdıracayıq kimi şeylər danışsan AK partiyadan uzaqlaşmış seçiciləri özünə yaxınlaşdırmaq yerinə daha da uzaqlaşdırmış olarsan . Həmin kütləni biraz analiz etsəniz Azərbaycanı necə sevdiklərini hətta bir çoxu Qarabağın geri alınmasına görə Ərdoğana səs verir. Ən əsası da Amerikaya qarşı nifrətləri olduğu da bilinən şeydi. Elə təsadüfu deyil ki Devlet Bahçeli ,Süleyman Soylu kimi Ərdoğanın adamları hər zaman öz nitqlərində Amerikanı hədəf alırlar. Yəni bir sözlə Rusiyaya qarşı siyasət yeridəcəyini bildirərək Ak partiləlrin gözündə "Amerikanın uşağı" oldu.
Əslində səbəbləri daha da uzatmaq olardı. Amma qısaca desək kreslo sevdasına görə Türkiyənin gələcəyini çox böyük təhlükəyə atdılar.

mossack fonseca & co

Mossack Fonseca & Co. Adı olduqca böyük skandallarla hallanmış mərkəzi Panamada yerləşmiş hüquq şirkət.
Şirkət 1977-ci ildə Yürgen Mosscak tərəfindən əsası qoyulub. 1986-cı ildə isə şirkətdə əsas söz sahiblərindən biri olacaq panamalı vəkil Ramon Focensa da həmin şirkətə qoşulub. Şirkət qısa müddət ərzində şirkətlərin vergi cənnəti olan ölkələrdə qeydiyyatdan keçirilməsində əsas söz sahibi şirkət olur. Fəaliyyət göstərdiyi illər ərzində 300 mindən çox şirkətin qeydiyyatdan keçirilməsini gerçəkləşdirib. Belə baxdığımızda vergi cənnəti olan ölkələrə şirkətlərin qeydiyyatdan keçirilməsi normal görsənə bilər. Amma burada adı hallanan şirkətlərin bir çoxunun əsas məqsədi vergidən yayınmaq deyil. Vergi cənnəti olan ölkələrin cəlbedici edən əsas cəhətlərindən biri də gizlilikdir. Belə olunca da bir çox insan qaçaqçılığı, uşaq ticarəti, narkotik və s. kimi fəaliyyətlərlə milyonlar qazanan şirkətlər həmin ölkələrə axın edir. Hətta həmin gizlilikdən istifadə edərək terror qruplaşmalarını maliyələşdirmək də olduqca asan olur. Buna görə ABŞ və Böyük Britaniya rəsmiləri dəfələrlə vergi cənnəti olan ölkələrə xəbərdarlıq etməsinə və həmin ofşor hesablarda yaradılan şirkətərə sanksiya qoymasına baxmayaraq heç bir nəticə əldə edə bilmirdi.Mossack Focensa Co şirkəti həmin şirkətlərin mərkəzlərini dəyişdirərək sanksiyalardan qaçmalarına yardımcı olurdu.
Hadisələr 2016-cı ilincı ilə qədər belə davam etdi. 2016-cı ildə amerika mərkəzli jurnalist araşdırma mərkəzi ICIJ Panama Papers-i yayımladı. Mənə elə gəlir bu artıq Panama Papers-i eşitməyən yoxdu. Burada müxtəlif vergi cənnəti ölkələrdə siyasətçilər və onların ailələrinin şirkətləri haqqında çox geniş məlumat əldə etmək mümkündür. Siyahı olduqca uzundur.Hətta bu siyahıda ilham Əliyev və ailə üzvlərinin şirkətlərinin bu şirkət tərəfindən qeydiyyatdan keçirildiyini görmək mümkündür. Təbii ki də bu məlumatlar üzə çıxınca onsuzda artıq bəzi hökümətlər tərəfindən haqqında araştırma aparılan Mossack Fonseca & Co şirkəti üçün sonun başlanğıcı oldu. Şirkətin bir çox ölkələrdəki mərkəzlərində polislər araşdırma başlatdı. Vəziyyət belə olunca da artıq şirkətdə böyük çöküş yaşandı və 2018-ci ildə fəaliyyətini dayandırdı.

adnsu-da keçirilən novruz tədbirində tələbələrin gəncəli vorzakona yazılmış mahnıyla rəqs etmələri

SSR-nin dağıldıqdan sonra digər ölkələr kimi Rusiyada da çox böyük iqtisadi böhran yaranmışdı. Vəziyyət o dərəcəyə gəlib çatmışdı ki artıq insanlar bir tikə çörək belə tapa bilmirdilər. Dövlətdə tam anlamıyla xaos hökm sürüdü. Dövlət vəziyyətdən çıxmaq üçün dövlət müəssiələrini özəlləşdirməyə başladı amma vəziyyəti daha da qəlizləşdirdi. Çox cüzi məbləğlərə olduqca mühim gəlir qazandıracaq müəsisələr oliqarxların əlinə düşməsiylə artıq dövlət tam olaraq idarəetməni itirdi. Gənclərin böyük əksətiyyəti universiteti bitirdikdən sonra iş tapa bilməyəcəyini anlayıb universitet təhsillərini yarıda qoyurdular. Artan işsizlik gənclərin bir qismini içkiyə aludə olmağa digər qismini isə kriminal dəstələrə qoşulmalarına səbəb oldu. Həmin dönəmdə Rusiyada bunun nəticəsində çox böyük kriminal qruplaşmalar formalaşdı ki buna əsas səbəb işsizlik və dövlətin hüquq orqanlarının tamamilə çökməsi idi. Həmin dönəmdə uşaq olmuş və ya gəncliyi həmin dönəmdə keçmiş gənclərə itirilmiş gənclik adlandırıldı. Bu gün hələ də Rusiyada həmin gənlikdən qalar yaraları görmək mümkündür.
Yuxarıda yazılanları oxuduqda insana Azərbaycanı xatırladır. Dövlətin yaratdığı oliqarx məmurlar,əhalinin günü-gündən kasıblaşması, gənclər arasında narkotikdən asılılığın artması və ən əsası kriminal aləmə marağın artması. Yəni bu gün universitetlərdə gənclərin kriminal mahnılara qulaq asmasına təcüblənməyin. Hər hökümət daxilən çökməyə başladıqda bu mərhələlərdən keçir. Çox güman bir 20 il sonra bu gəncliyi məhv olmuş gənclik kimi xatırlayacayıq.

azərbaycanda islahatlar

Hər il ölkəmizin xəbər saytlarında prezidentin şəklini qoyub ali baş komandan cənab ilham Əliyev islahatlara başladı artıq gənclər vəzifəyə gəlir yeyinti olmayacaq kimi xəbərlər paylaşırlar. Nə hikmətdisə üstündən 1 il keçməmiş həmin vəzifəyə təyin olunan məmuru ya dtx yeyintidən tutur ya da cənab kayfa gəlib yenə islahat aparıb onun yerinə yenisini gətirir. Cənab 20 ildir ki düzgün kadr qura bilməyib. Ən insana pis təsir eliyən isə xalqın bu cür xəbərlərdən orqazm olmasıdır. Hə e qaqa özü yaxçıdı ətrafı pisdi düşüncəsini bu cahil xalqın beyninə yeritdilər. 20 ildir ki düzgün kadr formalaşdıra bilməyən hökümətin eliyə biləcəyi ən böyük islahat istefa verməkdir.

misir qasımlı

Əvvəllər görüb keçirdim amma son vaxtlar insanların bu mövzunu uzada-uzada yazıb saqqız eləməsi insanın əsəbinə toxunur. Nəymiş kişinin oğlu irəvan Azərbaycandı deyib deyə ermənilər şərlədib tutub. Adama deyən lazımdı Ukraynada o qədər qazimiz var mənim tanıdıqlarım daxil. Lap qazini burax Ukraynada ən böyük icmalardan biri azərbaycanlılardı.Bu qədər müddətdi heç kəsi şərləyib tutmuyublar bir səni tutublar. Ən pisi də odur ki insanlar bu mözvu haqqında qaqa Ukrayna şərəfsizdi qaqa Zelenskiyə kömək elədik elədiyinə bax . Nəymiş Ukrayna məhkəməsi ədalətli deyilmiş. Misir Qasımlıya 8 il iş verdilər hamı başladı post paylaşmağa sabahsı günü Bəxtiyar Hacıyev heç bir səbəb olmadan tutulanda girdilər mağaralarına. Belədi də lap müxalifliyi buraxaq neçə-neçə hərbiçimizi xain adıyla bir gecədə şikəst qoydular buna da səsləri çıxmadı. Ermənin nəyinə lazımdı sizə quyu qazmaq elə əsas özünüz bir-birinizə quyu qazansız.

iranda etirazçının maşınla polisləri əzməsi

Başlığı görəndə istər-istəməz ağlıma 2003-cü ildə ilham Əliyev özünü prezident seçdikdən sonra edilən etirazlar düşdü. Nə qədər xalq başlanğıcda polisə bir şey etmək istəməsə də bu mümkünsüzdür ki belə bir hadisə baş verməsin. O vaxt da biri maşını götürüb sürmüşdü polislərin üstünə. Bəziləri deyəcək ki polis də səninlə eyni millətdəndi erməni deyil ki o da bir ananın övladıdı pulun qazanır əmrin quludu falan dedilər. Çox yox heç 1 saat keçməmiş xalqa atəş açdılar , yaşlı cavan uşaq demədən hamısı ölməkdən betər elədilər. Üstündən 19 il keçib hər il polislər xalqa zülüm verir. Buna görə də yox insandı yox hamımız Adəmdən gəlmişik falan demədən polisə neyniyirsən elə yoxsa onlar sənə eliyəcək. sifarişi verən: Derek

zəngəzur

Tarix:19.09.2022
Göyçə-Zəngəzur Türk Cümhuriyyəti yaradıldı bu gün. Xalqımız da yenə qayıtdı 2020-ci ilə. Zəngəzur alınsa hər şeyin güllük-gülüstanlıq olacağını düşünürlər. Axmaq xalq yenə də bu yalana inanır. Axmaq sözünə görə bəziləriniz qınaya bilər amma bu belədi. Qarabağ işğaldan azad olunduqdan sonra hər şeyin daha yaxşı olcağını düşünürdü amma vəziyyət acınacaqlı vəziyyətdədir.Adamdan soruşarlar ki sən 86 min kv km-lik ərazidə nə qurub-yaratmısan ki gözün artığındadır. Elə bil rayonlarda içməli su tapa bilməyən, interneti , işığı bərbat yerdə yaşayıb ya 18 yaşında universitet oxumaq üçün ya da bir kısmat çörək pulu qazana bilmək üçün Bakıya axışan bunlar deyil. Sən get bax gör mən bu 86 min kv km ərazidə yaşayış üçün normal ərazi qura bilmisən? Düzələn şey deyilsiniz , ən azından indilik ...