görünməzəl


240   0   0   0
görünməzəl 5.nəsil yazar
reytinq xalı: 202
karma xalı:-99
entry sayı:240
izləyənlər:3
sifariş sayı:5

son yazdıqları| | əl əməyi göz nuru| favori seçdikləri| favori seçilənləri| bütün entryleri| saxlanılanlar| lövhə/blog

əbülfəz elçibəy iddia edilənin əksinə azərbaycanın ilk və tək demokratik yolla seçilmiş prezidenti olmayan şəxs. seçki məntəqələrində komissiya üzvlərinin qutulara ovuc-ovuc bülleten atması nəticəsində qalib gəlmiş, siyasətdən bir zad qanmayan, irqçi, eyni zamanda da saf və qismən səmimi olduğunu düşündüyüm siyasətçi.
türkiyə deyəndə ağıla gələnlər siqaret çəkən, söyüş söyən qızlar, qadınlaşmağa meyillənmiş oğlanlar, xurafatçı dindarlar, xurafatçı dinsizlər, piyada keçidində saxlamayan taksilər, od qiymətinə nəqliyyat, şərbətdən ibarət olan şirniyyatlar, düyüdən ibarət olan dolmalar, yalançı müxalif media, yalançı yandaş media, yalançı medianın xəbərlərini bilə-bilə yayan qoyun sürüsü insanlar, sekulyarizmi din düşmənliyi zənn edən eşşəklər, din alveri edən təriqətlər, cəhənnəmdə yanmayan kəfən satan mollalar, irqçi türkçülər, terror dəstəkçisi kürdlər, terror dəstəkçisi amma eyni zamanda irqçi türklər, ağılasığmaz ət qiymətləri, işğalı fəth adlandıran barbar sürüsü, qarşı fikrə dözümü olmayan cahillər, qarşı fikrə dözümü olmayan aydınlar, nələr nələr nələr...
təndir çörəyi bir çox azərbaycanlının həqiqisini yemədiyi çörəkdir. bəli, bir xəmir parçasının təndirdə bişmiş olması onu teorik olaraq "təndir çörəyi" edir. amma bu yetərli deyil. Bakıda və əksər yerlərdə təndir çörəyi adı ilə bişirilən və satılan xəmirlər, hansı ki, 1-2 saat qalan kimi rezinə dönür, təndir çörəyi adına təhqirdən başqa bir şey deyil. sağlamlığa da çox zərərlidi. əsl təndir çörəyi isə günlərlə qalsa belə təzə çörək kimi dadlı və yumşaq olur. xəmirinin hazırlanması və bişirilməsi girdirmə çörəklərdən fərqli olaraq daha uzun vaxt aparır, tipik ev çörəyi kimi. amma insan o çörəyi yeyəndən sonra o andan etibarən yeyəcəyi çörəklərə çörək deməyə utanır.
inkişaf etməmiş ölkədə yaşamağın dözülməz ağırlığı 2-3 il əvvəl, Android-in, IOS-un at oynatdığı bir dövrdə Windows Phone işlətmiş biri olaraq deyə bilərəm ki, inkişaf etməmiş bir şey insanı daha çox xoşbəxt edə bilir. Digər platformalarda illərdi olan yeniliklər gəldikcə telefon heç vaxt marağını itirmirdi, neçə il idi doğru-düzgün bir yenilik gətirə bilməyən Android və IOS isə çox sıxıcı gəlirdi. Məsələn isveçdə yaşayan bir insanı nə xoşbəxt edə bilər ki? Həyatdan gözləntisi nə ola bilər ki? Heç kəs durub girdirmə xoşbəxtlik indekslərindən danışmasın, hər şeyə sahib insan xoşbəxt olmur. insan mərhələli şəkildə, yavaş-yavaş bir şeyləri əldə etdikcə xoşbəxt olur, yenilik dəyişiklik inkişaf olmayanda insan xoşbəxt ola bilməz.

inkişaf etməmiş ölkə əgər inkişaf etmək yolundadısa, dözülməzlik bir yana, insan çox xoşbəxt ola bilər. dözülməzlik o vaxt olar ki, inkişaf etməmiş ölkədə yaşayırsan və ölkə elə yerində də sayır, inkişaf etmək fikri yoxdu. hətta, bəlkə günü-gündən geriyə doğru gedir.
vətəni sevmə məcburiyyəti məcburiyyət deyil, instinktdir. insan özünə aid olan şeyə bağlanır, sevir, sadiq olur. özünə aid olan şeylərə (bu ailə dost məkan əşya hər şey ola bilər) bağlı olmayan, sevməyən, qoruma hiss olmayan şəxslər əksərən xaraktersiz, xain, sədaqətsiz insanlar olurlar. bu adamlar atalarını da onlara yemək gətirdiyi qədər sevir, analarını da çay dəmlədiyi qədər sevir. ona görə də, vətəni sevməmək özlüyündə mənfi bir şey deyil, arxasında dayanan mənfi şeylərin göstəricisidi.
azərbaycan türkləri tarixi faktların və mövcud dnt analizlərinin nəticəsi olaraq türk deyil, türkləşmiş olduqları bilinən xalq. cənubluları kök olaraq əsasən azəri (irandilli etnik qrupdur, böyük ehtimal ki, qədim midiyalılar), şimallıları isə alban və qismən iranlıdır.
şahsiyet yalnızca haluk bilginer üçün belə izlənməyə dəyən serial.
taleh yüzbəyov azərbaycanda yaşadığı üçün uğur qazanması, ortaya nəsə az çox keyfiyyətli iş qoymuş olması həzm edilə bilməyən növbəti insan.
armen sarkisyan ermənistanın yeni prezidenti. bu ermənilər də bizdə nə görsələr oğurlayırlar. görüblər ki bizdə 30 ildi prezidentin soyadı dəyişmir (bax: əbülfəz əliyev) (bax: heydər əliyev) (bax: ilham əliyev) , Serj sarkisyanın da qohum əqrəbasında prezident olası adam tapmayıblar, soyadı eyni olan random birini tutub gətiriblər. bu yaxınlarda da səlahiyyətlərini alıb baş nazirə verəcəklər. tapın görüm baş nazir kim olacaq?
soyadı quliyev olan şəxslərin facebook profilləri çox beynimi qurcalayan bir məsələdi. dostluğumda soyadı quliyev olan şəxslərin bir xüsusiyyəti diqqətimi çəkmişdi. hamısı atasının adının ilk hərfini profilinə yazır. Məmməd A. Quliyev, Günel A. Quliyeva, Seymur C. Quliyev və s. Bir dəfə boş vaxtıma düşdü, soyadı quliyev olan çoxlu profil axtarıb tapdım, soyadının önünə ata adının baş hərfini yazanlar o qədər çoxdu ki, təsadüflə izah edilə bilməz. sirrini hələ də bilmirəm, soyadı quliyev olan varsa aydınlatsın. yoxsa komplo teoriyaları qurmağa başlayıram artıq beynimdə.

#269451 deyəndən sonra yadıma düşdü, gizli təşkilatın ən məşhur üzvü Aqil M. Quliyevdi.
1 2 3 4 5 6 7 8 9 10 11 12 13 14 15 16 17 18 19 20