hands of stone


321   11   2   0
hands of stone 4.nəsil yazar
reytinq xalı: 1045
karma xalı:1869
entry sayı:321
izləyənlər:9
sifariş sayı:0

son yazdıqları| | əl əməyi göz nuru| favori seçdikləri| favori seçilənləri| bütün entryleri| saxlanılanlar| lövhə/blog

harvey weinstein deməli belə, dünən dediyim kimi, davam edək. harvey qardaşı ilə birlikdə miramaxı qurandan bəri mükəmməl sayılacaq uğurlara imza atan bir prodüserdir. daha sonra weinstein company-ni qurur qardaşı və tarantino ilə birlikdə. ən çox tarantino ilə işləyib. pulp fiction, malena, shakespeare in love, gangs of new york, my week with marilyn kimi filmlərin prodüseri olub, hansı ki bu filmlər hamısı mükafatlı filmlərdir.
bundan başqa digər məşhur filmlərin də executive prodüseri olub: reservoir dogs, true romance, jane eyre, good will hunting, lord of the rings, kill bill, inglourious basterds, the fighter, apollo 18, silver linings playbook, django unchained, marco polo, southpaw, war and peace, nəysə da, saymaqla bitməz.
bu kişi hollivudda hər gəncin işləmək istədiyi adamdır, çünki bacarıqsız insanları belə zirvələrə qaldıra biləcək gücə sahibdir. son hadisələrdən sonra necə qaldırdığı da məlum oldu. demokratdır, hillari klintonla çox yaxındır. poxlarının üstü açılana qədər sən demə hamı harvey-nin necə biri olduğunu bilirmiş. yaxınları mənfəətə görə, zərərçəkənlər isə qorxduqlarından və leqal əngəllərə görə səslərini çıxarmırmışlar. yuxarıdakı entrimdə də qeyd etmişəm, non-disclosure agreement.
hillarinin demək olar ki, bütün seçki kampaniyalarına külli miqdarda pullar buraxıb, siyasi çevrələrlə puluna görə babat əlaqələr qurub. hətta trump-ın keçmiş məsləhətçisi, qatı sağçı, breitbart-ın rəhbəri steve bannona da 250 min dollar bağışlayıb.
yuxarıda təcavüz və tacizə məruz qalanların siyahısını yazmışdım. indi editləyib, konkret olaraq kimlə hansı şəkildə münasibətdə olduğunu da yazacam, istəsəniz, təzədən oxuyarsınız.
skandal ashley judd, rose mcgowanın nyt-a müsahibəsi ilə başladı. ardınca da bir çox aktrisa, aktyor, yazıçı-ssenaristlər müsahibələr verməyə başladı. harvey əksər ittihamları qəbul etdi və etdiklərinə görə üzr istədi. bəzi ittihamları qəbul etmədi. məsələn, zorla təcavüz etdiyini qəbul etmədi, sadəcə təkliflər etdiyini, şəxslər razılaşmadıqda isə məcburi hərəkətlər etmədiyini bildirdi.
amma təbii ki, yalan deyir. qərb cəmiyyətindən tutmuş türklərə qədər bu hadisədə qadın aktrisaları günahlandırdılar. mən xeyli müşahidədən sonra başa düşdüm ki, sən demə, qurbanı ittiham etmək təkcə şərqə xas bir şey deyilmiş. kralı amerikadadır. aşağıdakı videoya baxın.
(youtube: )

deməli, adam təkcə cinsi əlaqə yox, manyak-manyak şeylərə də meyilli imiş, məsələn, qadının önündə masturbasiya, çimərkən qadınların onu izləməsi. belə şeylərdən həzz alan anormalın biridir. özü də uzun müddətdir ki, terapist yanına getdiyini etiraf edib. buyurun aşağıdakı səs yazısına qulaq asın.
(youtube: )

fikir verin, necə israrçı adamdır. oğraşın səsi də tipik təcavüzçü səsidir, elə bil ereksiya ərəfəsində ola-ola danışır.
buna qədər 2006-cı ildə bir dəfə bunu məhkəməyə versələr də, russel crowe və matt damon poxunun üstünü basdırıb, iddiaçını fikrindən daşındırıblar. halbuki matt damon trump seçiləndə tumanını başına keçirmişdi, indi nə olduğu üzə çıxdı. ümumiyyətlə bu klinton kruqu liberalların hamısı belə qəhbədirlər. hilları qancığı bu seçkilərə görə əliyevlərdən də milyonlarla pul almışdı.
öz də toruna saldığı aktrisaların əksəriyyəti, sektora təzəcə girmiş gənc qızlardır.
bu hadisədən sonra bir çox aktrisa təkcə harvey yox bir çox prodüser, rejissorların belə işlərlə məşğul olduqlarını etiraf etdilər. hətta çox zərərçəkən qorxusundan üzə çıxmadı. işlər nəinki hollivudda, bütün iş dünyasında belə gedir, belə də davam edəcək. çünki bütün bunları tənzimləyən bir qanun da yoxdur. bu hüquqi boşluq bu cür hadisələrin baş verməsində böyük pay sahibidir. məhz sübut azlığı, qeyri-zorakı əməllər olduğuna görə də harvey həbs olunmayacaq. uzaqbaşı pul cəzası zad.
ən sevdiyim aktrisa meryll streep belə bu xiyara nə bəy tərifləri deyib vaxtilə. indi çıxıb deyir ki, xəbərim yox idi, təəssüflənirəm. qələt edirsən, xəbərin var idi. bu qancıq da klinton kruqundadır.
ardını yazacam, erkin qədirli demişkən, amma erkindən fərqli olaraq mən həqiqətən də yazacam.
hickok45 silah həvəskarları üçün əvəzedilməz, ən yaxşı youtube kanalı. greg kinman adlı keçmiş polis silahları həm başa salır, həm də atış edir. quşu gözündən vura bilən dəqiqliyə sahibdir. keçin baxın. məsələn bu videoda ən sevdiyim antik tapança mauser c96-la şou göstərir. qəmlonun tapançası.
(youtube: )
daphne caruana galizia maşınına yerləşdirilmiş bombanın partlaması nəticəsində ölən qadın jurnalist. 4 ay əvvəl hakimiyyətə gəlmiş malta labor party-nin lideri, baş nazir muscatın panama papers skandalı nəticəsində azərbaycan hakimiyyətindən külli miqdarda rüşvət aldığını ortaya çıxmışdır, daphne də bu iddialar əsasında geniş bir araşdırma apararaq baş nazir muscat və arvadının həqiqətən də panamadakı banklarda hesablarının olduğunu, bu hesablara pulun əliyevlərə məxsus offshore şirkətlər vasitəsilə köçürlüdüyünü aşkar etmişdir.
ölümünün təbii ki, bu hadisəylə əlaqəsi var, amma nə muscatın, nə də ilhamın jurnalist öldürmək başları üçün deyil. özü də beynəlxalq arenada bu qədər reputasiyası olan jurnalist. məncə apardığı araşdırma daha dərinə gedirdi, böyük ehtimalla avropa birliyinin rüşvətxor idarəçi elitasına ucu gedib çıxıb. onlar da ölüm əmrini veriblər. sırf bu hadisələrə, avropanın idarəçi elitasının ikiüzlülüyünə görə anti-establishment, far-right, far-left, euro-sceptic partiyaların, hərəkatların qalib gəlməsini istəyirəm. yoxsa bunlar ağıllanan deyil. amma bunu da bilirəm ki, avropadakı brüssel mərkəzli, berlin dəstəkli idarəçi elita, brürokratiya o qədər güclüdür ki, populist çıxışlar edən radikal liderləri də özlərinə tabe edərlər. bunu onsuz da fransa prezident seçkilərində gördük, marine le pen bütün karyerası ərzində avropa birliyindən ölkəni çıxardacağını desə də, seçkiyə bir neçə həftə qalmış artıq havanı dəyişmişdi. elitanın qabağında gücsüz idi. avropada bu elita qaldığı müddətdə ilqar məmmədov kimi siyasətçi həbsdə qalacaq, merkel almaniyada qaldığı müddətdə ilqar həbsdə qalacaq. çünki onlara ilham kimi kukla sərfəlidir, cənub qaz axını, ucuz enerji (neft və qaz) onları maraqlandıran əsas şeydir və bunların da yanında rüşvət.
yeri gəlmişkən bunu da qeyd edim ki, muscat labour party-nin (işçi partiyası) lideridir. işçi partiyaları rusiya meyilli olur.
işid bugün etibarilə son əsas qalaları raqqada da məğlub oldular. artıq dağınıq halda bir neçə qəsəbədə, kiçik şəhərdə qalıblar. bütün neft quyuları, biznes kanalları əllərindən çıxıb, de-fakto məğlub hesab edilirlər. amma əsas maraqlı və bölgə üçün həlledici gedişlər bundan sonra başlayacaq.
gəlin yaxın şərqin bundan sonrakı keçəcəyi zaman kəsiyinə post-isis deyək. bundan sonrakı suriyanın taleyi necə olacaq, əsas məsələ budur. ilk növbədə onu qeyd edək ki, suriyanın torpaq bütünlüyü iran, rusiya, çin kimi dövlətlər tərəfindən dəstəklənir. ümumiyyətlə əsəd rejimi nə qədər qaniçən, cinayətkar bir rejim olsa da, son illərdə işidə qarşı "mübarizə"sinə görə babat sempatiya qazandı dünyada. nəinki dövlətlərdən, hətta əksər insanlar tərəfindən bu sempatiya göstərildi, əsasən də ağ adam olan avropa və amerikalılardan.
amerika işidə qarşı mübarizədə öz ordusundan qismən istifadə etdi. yəni zabit heyəti göndərib, işidə qarşı döyüşən sdf -ə(əsasən kürdlərdən, müəyyən qədər də ərəblərdən təşkil olunub) təlim keçdilər və təbii ki kontrolunu da ələ keçirdilər. yenə də kürdlərdən təşkil olunmuş ypg-pyd-pkk terrorçu qrupları da bu əməliyyatlarda ən fəal iştirak edənlər kimi dünyaya təqdim edildilər. təbii ki amerika medyası tərəfindən.
əslində isə kürdlər kobanidən başqa heç bir yerdə işidə qarşı aktiv döyüşmədilər və döyüşmək də istəmirdilər. ruslar, əsəd rejimi bunu videolarla sübut etdi, kürdlər artıq əsəd rejiminə qarşı döyüşür. kürdlər bu qarışıqlığı dövlət qurmaq fürsəti kimi görürdülər və hələ də elə görürlər. bunu bərzanidə gördük, amma onda alınmadı.
indi isə amerikanın da başbilənliyi altında suriyada kürd dövləti qurmaq üçün mübarizə aparırlar. mənim fikrimcə belə bir şey alınmayacaq, çünki bu yaxınlarda həm türk ordusu idlib və afrinə girdi (bu iki şəhər olmadan kürdlər aralıq dənizinə çıxa bilmirlər, yəni blokadada qalırlar), həm də rusiya əsədin hakimiyyətdə qalmasında qərarlı görünür. amma rusiyanın torpaq bütövlüyündə nə qədər qərarlı olduğu bilinmir, çünki rusiya da öz növbəsində pyd-ypg qrupunu yanına çəkmək istəyir, yəni əsədin hakimiyyətdə qalması şərtiyə suriyada bir kürd dövlətinin qurulması rusiyanın maraqlarının əleyhinə deyil. ən azından rusiya hakimiyyəti daxilindəki atlantik qruplaşması belə düşünür. təbii ki avrasiyaçı qrup suriyanın torpaq bütövlüyünü dəstəkləyir. amma bir şey də var, əgər rusiya suriyanın bölünməsinə göz yumsa və orada amerikanın diktəsi altında bir kürd dövlətinin yaranmasına icazə versə, onsuz da rusiyada get-gedə imici zədələnən putinə bir zərbə də burdan gələcək. çünki rus milləti liviyada qərbin at oynatmasına, qəddafinin öldürüməsində səbəbkar kimi öz dövlətlərini görürdü.
bununla da aydın olur ki, bir tərəfdə amerikanın "sizə dövlət quracam" vədini yerinə yetirməsini gözləyən kürdlər amerika, digər tərəfdə isə əsəd suriyası türkiyə iran rusiya (rusiya bir az mübahisəlidir hələ ki) dayanır. indi görək amerika kürd dövlətini dünyaya necə qəbul etdirəcək, mənim gördüyüm odur ki, çoxluq suriyanın bütövlüyünü dəstəkləyir. və onu da qeyd edim ki, bu kürdlər iraqdakı kimi kürdüstan yox, sol ideologiyalı, öcalan "çizgi"sində bir dövlət qurmaq istəyir.
mən hal-hazırda görünən vəziyyəti yazmışam, amma məncə, abş həmişəki kimi yenə də kürdləri istifadə edib, sonra buraxacaq, bərzani kimi legitim qəbul olunan siyasətçiyə belə etdilər, pkk altında birləşən terroristlərə dövlət qurmaq kimi ağılsızlıq etməyəcəklər. müasir dövrdə heç bir dövlət artıq separatist qüvvələri axıra qədər dəstəkləmir, müəyyən nöqtəyə qədər istifadə edir.
harvey weinstein son günlərdə amerika gündəmində barəsində minlərlə xəbər paylaşılmış insan. 5 oktyabrda haqqında new york times-da böyük bir məqalə çıxdı və bu məqalənin məzmunu bütün abş gündəminə bomba kimi düşdü.
əvvəla harvey weinstein kimdir? harvey 1995-ci ildən etibarən film sektoruna matrimax şirkətini quraraq girib. 25 yaşından etibarən girdiyi film sektorunda güclənməyə, varlanmağa başlayan və siyasi dairələrlə yaxşı əlaqələr quran harvey aktrisa və aktyorlara çəkəcəyi filmlərdə rol verməyi vəd edirmiş və onları iş görüşməsi adıyla bahalı otellərə dəvət edib cinsi istismar və ya təcavüz edirmiş. bəzilərinə təklifləri qarşılığında istədiyini edirmiş, çox az hissəsində alınmayıbmış. cinsi istismar etdikdən sonra zərərçəkən aktrisaların dövlət orqanlarına və ya medya orqanlarına müraciət etməməsi üçün onları karyeralarını bitirəcəyi ilə hədələyirmiş.
bir tərəfdən də məcburi olaraq non-disclosure agreement bağlayıb. yəni bu anlaşmaya görə sən əgər harvey müəllimin sənə nə etdiyini medyaya danışırsansa, harvey müəllim səni məhkəməyə verib tumanına kimi alır.
davam edəcəm editləyərək çox uzun və maraqlı xəbərlər silsiləsi var, sadəcə indi bilinən təcavüzə məruz qalanların siyahısını yazıram.
1)emily nestor-harvinin köhnə resepsionisti, hüquq fakültəsi məzunu, harvey bir yeməkdə buna cinsi əlaqə qarşılığında mentoru olacağını deyib.
2)lauren o`connor-harvey-nin şirkətinin assistentlərindən biri, o da tacizə məruz qalıb.
3)laura madden-bu da keçmiş işçilərdəndir. harvey qızdan 1991-ci ildə onu masaj eləməsini istəyib.
4)zelda perkins-şirkətin london ofisinin assistenti. iş yoldaşı digər qadınlarla birlikdə harvey tərəfindən cinsi istismara məruz qalıblar. qısacası, harvey ofisdəki qadınların hamısının dadına baxıb.
5)ashley judd-1997-ci ildə harvey tərəfindən otel otağına dəvət edilib. harvey ondan masaj etməsini və özünü duş qəbul edərkən izləməsini istəyib.
6)rose mcgowan-97-də harvey ilə cinsi əlaqədə olub, 23 yaşında. non-disclosure agreementə görə səsini çıxarmayıb.
7)ambra battilana gutierrez-2015-də harvey bu italyan modelin iş toplantısında döşünü əlləyib, qız polisə şikayət etsə də, heç bir nəticə olmayıb.
8)lucia evans-2004-də miramaxın ofisində harvey-ni minet edib. (oral seks)
9)asia argento-bu qadın da deyilənə görə çox məşhur italyan rejissor dario argentonun qızıdır və harvey bu xanıma da otel otağında minet elətdirib.
10)mira sovino-otel otağından qaçan qadının evinə gəlib harvey. cinsi əlaqəni qəbul edib ya etməyib bilmirəm.
11)emma de caunes-otel otağından cinsi əlaqə təkliflərini eşidəndə qaçıb.
12)rosanna arquette- bu qadın da otel otağında cinsi əlaqə üçün zorlamalara məruz qalıb.
13)gwyneth paltrow-harvey tərəfindən əllənib və masaj üçün otağına qalxması təklif olunub.
14)angelina jolie-harvey bu tanrıça qadına da şərəfsizlik etib, amma angelina qəbul etməyib. angelinanı çıxıram, amma hollivudda çox kaşar var imiş.
15)tomi-ann roberts-harvey-nin qabağında soyunmağa məcbur qaldığını deyir.
16)katherine kendall-masaj
17)judith godreche-masaj.
18)dawn dunning-threesome təklifi.
19)zoe brock-çılpaq ola-ola qızı otaqda ora-bura qovurmuş.
20)romola gara-soyunub, 18 yaşında.
21)lauren sivan-restoranın tualetində divara sıxıb qabağında masturbasiya edib. sikim gijdıllağ ağzını.
22)liza campbell-harvey ilə birlikdə çimib.
23)lea seydoux-harveynin onu zorla dodağından öpməyə cəhd etdiyini bildirib.
24)cara delevingne-harveynin otel otağında başqa bir qadına zorla öpüşüb, harvey cinsi əlaqəyə girməyə çalışanda qaçıb.
25)kate beckinsale-17 yaşında olanda harvey buna da cinsi əlaqə təklifi edib, amma qız rədd edib.
26)jessica barth-masaj təklifi.
27)sophie dix-cinsi əlaqə təklifi olunsa da, qaçmaq üçün tualetdə gizlənib.
28)eva green-harvey cinsi əlaqə üçün müntəzəm olaraq eva xanıma da taciz edirmiş, eva qoz qoymayıb.
29)terry crews-bu da qurbandır, bu qaranın nəyinə tamah salıb, bilmirəm.
iraq ordusunun kərkükə girməsi dünən axşam saatlarından başlayaraq indiyə qədər davam edən hərbi əməliyyatlar nəticəsində iraq ordusu kərkükə girdi. ilk saatlarda bərzani hökuməti və süleymaniyyə (iraqın şimalında kürdlərin yaşadığı şəhər) mərkəzli "kürt yurtseverler birliyi"nin peşmərgələri iraq ordusuna müqavimət göstərsə də qısa müddət ərzində ordunun üstünlüyü ələ keçirməsindən sonra peşmərgə geri çəkilərək, ərbilə qayıtmışdır. hal-hazırda kərkük tamamilə mərkəzi iraq hökumətinin idarəsi altındadır. iraq ordusuna bu hərbi əməliyyatda qasım süleymaninin rəhbərlik etdiyi şiə silahlı dəstəsi həşdi-şəbi və türkmən silahlıları dəstək vermişdir. kərkük türkmən elidir, kürdlərin kərkükə kürd torpağı deməsiylə ermənilərin qarabağa erməni torpağı deməsinin arasında heç bir fərq yoxdur, həyasızlıqdır.
edit 1: on minlərlə sivil kürd hal-hazırda kərkükü tərk edib, ərbilə doğru gedirlər. şəhərdə türkmənlərlə ərəblər bayram edir.
ibrani ibrani yəni, ingilis dilində hebrew, semitic dillər qrupuna daxildir və klasifikasiyasına görə də afro-aziat dil sayılır. israildə yaşayan yəhudilər bu dili danışır. o torpaqlardan çıxan ilk ibranilər də buna yaxın dildə danışırdı. təbii ki, o dil artıq istifadə olunmur. çar rusiyası, ukrayna (əsasən də odessa), polşa, macarıstan, almanya ərazisində yaşayan yəhudilər isə yiddish dilində danışırdılar. bu dildə ibranicə elementlər olsa da, yayıldığı coğrafiyaya əsasən tərkibi german, slavyan, roman dillərindən alınmış sözlərdən ibarətdir və aşkenazilər bu dildə danışır. yəni ibranilərlə aşkenazilər fərqli yəhudilərdir, dilləri fərqlidir, yaşadıqları tarixi ərazilər fərqli olub, mədəniyyətləri də fərqlidir. bəzi tarixçilər aşkenazilərin babalarının xəzər türkləri olduğu hipotezisini ortaya atır, nə dərəcədə doğrudur bilmirəm. amma akademiyada ciddi tarixçilər tərəfindən rədd olunan fikirdir və əsaslı sübutları da yoxdur.
konspiroloqların, anti-semitistlərin də sevdiyi və mütəmadi olaraq istifadə etdiyi iddiadır bu. çünki anti-semitistlər dünyaya yəhudilərin israil torpaqları ilə əlaqəsi olmadığını, oranı ərəbləri qıraraq işğal etdiklərini və məhz bu işğalçı, qəsbkar genləri də ulu babaları yarı-köçəri, hərbçi türklərdən götürdüklərini göstərmək istəyirlər.
azərbaycanda 2018 prezident seçkiləri azərbaycanlıların sistemi nisbətən ağrısız dəyişməsi üçün son şansdır. yox əgər bu dəfə də bir şey alınmasa, dəyişiklik ancaq inqilab yolu ilə gerçəkləşməli olacaq.
carabao ən sikbaşı enerji içkisidir.
7 oktyabr 2017 milli şuranın mitinqi əli kərimlinin londondakı ailəsinin komfortu, cəmil həsənlinin çörək pulu üçün keçiriləcək daha bir lazımsız mitinq. məhsul stadionunda mitinq keçirmək birbaşa ilhamın əlinə oynamaqdır. milli şura ilhamı hakimiyyətdə azərbaycanın neft-qaz erası bitənə kimi saxlamağa çalışan avropa birliyi, böyük britaniyanın proyektidir.
25 sentyabr 2017 kürdüstan referendumu 2 gün əvvəl keçirilmiş referendum. ilk öncə onu demək lazımdır ki, bu referendumun nəticəsindən asılı olmayaraq heç bir dövlət kürdüstanın müstəqilliyini legitim hesab etməyəcək. referendumun keçirilməsi israilin icazəsi və bundan da önəmlisi bərzaninin öz qərarı ilə baş verdi. çünki bərzani üçün bundan daha yaxşı fürsət ola bilməzdi. bərzani bölgədəki prosesləri yaxşı oxuyan bir siyasətçi kimi başa düşürdü ki, suriya və iraqın zəifləməsi, bütün regional güclərin və amerikanın başının suriyaya qarışması referendum üçün əlverişli şərait yaratmışdı. bu bir səbəb, digər səbəb isə amerikanın kürd dövləti proyekti üçün bərzanini yox, pyd-ypg, əsl adıyla pkk-nı qurucu kimi dəstəkləməsiydi. buna görə də bərzani sürətli hərəkət elədi. yenə başqa bir səbəb, bərzaninin xalq arasında mövqe itirməsi idi. neft qiymətlərinin düşməsindən sonra həm xalq çətin vəziyyətə düşmüşdü, həm də bərzani peşmergenin maaşını ödəyə bilmirdi. bütün pul israilin verdiyi borclar əsasında ödənilirdi. deməli bərzani yeni bir imic yaratmalı idi.
abş-ın kürd dövləti proyekti üçün bərzaniyə yox, pkk-a dəstək olmasının səbəbləri var. bərzani kürdlər arasında heç vaxt birləşdirici fiqur ola bilməz. aşirət rəhbəridir və dini qanadda yer alır. əsl kürd lideri hələ də öcalandır.
kürdüstan teması yeni bir şey deyil və bərzani sülaləsi dədə-babadan müstəqil kürdüstanın qurulması, qurucusu olmaq üçün çalışır. atası mustafa bərzani də bunun üçün mübarizə aparıb, aşirətin digər liderləri də, məsələn mahmud bərzani, əhməd bərzani. deməli bu tarixi missiyadır. müxətlif dövrlərdə bərzani sülaləsinə müxtəlif dövlətlər dəstək olub. məsələn, əvvəlcə ssri dəstəkləsə də, amerikanın iraqa girməsindən sonra arxalarından çəkilib. daha sonra israil, təbii ki indiyə qədər, bir də amerika. amma qeyd etdiyim kimi amerika bərzanini bir müddət dəstəklədikdən sonra kürdləri birləşdirəcək daha önəmli ünsürün pkk olduğunu başa düşdü.
nəysə, indi keçək əsas məsələyə. referendum həqiqətən də nəyisə dəyişəcəkmi? bu de-fakto müstəqilliyə apararmı? əlbəttə ki yox. səbəbləri çoxdur. birinci səbəb kürd muxtariyyətinin bel sütunu olan neft-qaz sənayesidir. neft eksportları dayansa xalq aclıqdan qırılacaq. kürd muxtariyyəti neft və neft məhsullarını, maye qazı ceyhan limanına çıxardırdı, ordan isə bu məhsullar avropa bazarlarına daşınırdı. indi türkiyə qapıları kürdlərin üzünə bağlamaqda qərarlı görünür. iran və iraq həmçinin. kürdlərin bir alternativ yolu qalır, suriya-aralıq dənizi yolu. bu da mümkün deyil, çünki menbiç, afrin və sahil xətləri əsəd-rus birləşmələrinin əlindədir. bərzani nefti bu riskli bölgə ilə daşıya bilməyəcəklərini başa düşür. digər tərəfdən erdoğan da vana xəttinin öz əllərində olduğunu, belə bir plan düşündükləri təqdirdə türk ordusunu menbiç, afrinə yığacağını bildirdi. və məncə erdoğan bunu tez eləməlidir, suriyaya ordunu soxsa, kürdüstan məsələsi təxirə salınacaq.
ikinci səbəb, ərzaq təhlükəsizliyidir. kürdüstana girən məhsullar həm iran, həm də türkiyə tərəfindən göndərilirdi. iran artıq sərhədi bağlayıb. türkiyə də həqiqətən bağlasa kürdlərin aclıq təhlükəsi də yaranacaq.
kürdüstan hal-hazırda dağlıq qarabağ kimidir. əksər dövlətlər tərəfindən separatçı, qeyri-legitim quruluş kimi qəbul olunur. çin qəbul eləmir, amerika könülsüz görünür. bir məsələ var ki, türkiyə-iran-iraq koalisiyası kürdüstana ordu yeritsə, amerika kürdüstanı dəstəkləyəcək və bu üç dövlətlə açıq meydanda döyüşməkdən çəkinməz. kürdləri sevdiyinə, kürdüstanı dəstəklədiyinə görə yox, iranın iraqı tamamilə təsiri altına salmamasına görə. çünki iran həm iraqda, həm də suriyadakı savaşdan ən əlverişli nəticə ilə çıxan dövlətdir. abş burada uduzduğunu bilir, böyük orta şərq proyektinin tamamilə batmaması üçün də kürdüstanı istəksiz də olsa, qorumağa məcburdur. çünki həm iraq, həm suriya siyasi hakimiyyəti iran tərəfindən himayə olunur.
bu referendum rusiyanı xüsusilə çətin vəziyyətə salıb. rosneftin kürd nefti və qazı ilə bağlı planları var idi, kürd nefti və qazı üçün boru kəmərləri çəkib, bunları türkiyə üzərindən avropa bazarlarına çıxarmaq istəyirdi. bu referendum planları təxirə saldı, amma batırmadı. indi deyəcəm niyə batırmadı.
çünki bərzani bölgəni yaxşı oxuyan bir lider kimi de fakto müstəqillik elan etsə, bütün yuxarıda sadaladığım problemlərin onu məhv edəcəyini yaxşı bilir. ona görə də yumşaq siyasət yürüdəcək, hələ ki de fakto müstəqillik elan etməyəcək. ilk işarələr onsuz da dünəndən verildi. medyada türkiyə və irana özlərindən təhlükə gəlməyəcəyini, bu dövlətlərlə diplomatik dostluqlarını davam etdirmək istədiyini bildirdi. deməli hələ ki kürdüstan olmayacaq. amma atılan addım çox önəmli idi, kürdlərin motivasiyasını da yüksəltdi və bir şeyi də sübut etdi ki, iran, türkiyə bölgədə əvvəlki kimi rahat hərəkət edə bilmir.
erdoğan da yumşalma tərəfdarıdır, yalandan gurullamağına baxmayın, iraq neftindən ən böyük xeyiri türkiyə, türk şirkətləri götürür. məsələn genel enerji. kürdüstanın ucuz qazı da türkiyəyə lazımdır.
bu qədər, bitirdim. məsələyə öz münasibətim isə budur, kürd dövləti yaradılmasına qarşıyam. birincisi, millətçiyəm və həmişə türk birliyinin qurulmasının tərəfdarı olmuşam. coğrafi yox təbii ki, mədəni-iqtisadi. avropa birliyi kimi bir şey, amma ortaq dildən istifadə olunan birlik. ikincisi, kürdüstan qurulması böyük bir planın tərkibidir. bu plan isə bütün bölgə üçün etnik qırğınlardan başqa heç bir şey vəd etmir.
sözaltı sözlük tərslikdən elə işləmədiyi günlərdə qlobal geopolitikada önəmli hadisələr baş verdi. indi yavaş-yavaş qaçırdığımız gündəmi yazacam.
lütfi zadə Axır ki öldü. Soxum goruna, hələ ki olmasa da.
the guardian Əliyevlərin Avropa və uk-dakı çirkli pullarını yumaları, yevroparlamentdəki deputatları, bürokratları rüşvətlə satın alması faktları haqqında araşdırma məqaləsi yayımlayıb. O saat yapın trolları da tökülmüşdü saytın Facebook səhifəsində comment guppuldatmağa. Sizin peşənizi sikim.
Əliyevləri qoyduq bir kənara, onların bu cür yollara əl atmaları bilinən haldır. Amma, demokratik dəyərlərin, hüquqi dövlət konsepsiyasının carçısı və qoruyucusu olan Avropa birliyi və üzv dövlətlərin bürokratiyasının korrupsiya və rüşvətə bulaşması riyakarlıqdır. Bu insanların çıxıb putinə, ərdoğana irad bildirmələri sırtıqlıqdır. italiya, Fransa cəhənnəm, Almaniya və uk siyasətçilərinin də satılması adamı əsəbiləşdirir. Almaniya kimi ölkənin keçmiş prezidenti türk şirkətində, keçmiş baş naziri rosneftdə işləyir, bunlar putinə qarşıdırlar guya? Ona görə də Avropa ölkələrində Marine Le pen, corbyn, geert wilders, beppe grillo kimi populist, avropa birliyinə, establishmentə qarşı siyasi liderlərin yüksəlişi hər nə qədər arzuolunmaz olsa da, normaldır. Çünki avropalılar artıq bunların korrupsioner olduğunu bilir. Avropadakı siyasi elitanın dəyərlər, avropanın rifahı vecinə deyil. Nəysə uzatmaq istəmirəm.
moskvada müsəlmanların mitinqi artıq bir neçə saatdır ki, davam edir. Aksiyanın təşkil olunması dağıstan və çeçenistandan planlaşdırılıb. aksiya iştirakçıları myanmarın roginya vilayətində müsəlmanlara qarşı edilən qırğınlara etiraz edərək, rusiya hökumətindən hadisələrə münasibət bildirməyi və myanmata hərbi müdaxilə etməyi tələb ediblər. özləri də könüllü şəkilə gedib vuruşacaqlarını bildiriblər.
26 mart, 12 iyunda rus gənclərin putin rejiminə qarşı dinc aksiyasına göstərilən münasibət buna göstərilmədi, yalnız sosial şəbəkələrdəki etirazdan sonra polis küçəyə çıxdı. polis o mədəni gəncləri dubinka altına saldı, amma çeçenləri görəndə gizlənməyə kol dibi axtarır. çünki etirazdakı müsəlmanların bir hissəsi silahlı idi və yuxarıdan da tapşırıq yox idi. bu mitinqin putinə heç bir ziyanı yoxdur. hətta çıxıb myanmara barmaq silkələyib xal da qazanar axmaq çeçenlərin gözündə. putin dostları ilə rusiyanı talasa da səs çıxarmayan rusiya müsəlmanları, indi ümmət dərdinə düşüb.
bu müsəlmanlar uzun perspektivdə rusiyanın başına bəla olacaq, bu artıq açıq-aşkar görünür. rusiyanın qanunları faktiki olaraq şimali qafqazda işləmir. praktiki şəriət normaları ilə idarə olunur cəmiyyət. çeçenləri başlarında satqın kadırovu saxlamaqla bir neçə il yola vermək olar. amma ani bir qığılcımla həm mücahid çeçenlərin, həm də rus ordusunda xidmət edən çeçenlərin silahı ruslara tuşlanacaq. öz də bu dəfəki çeçenlər basayevin vaxtındakılardan qat-qat çox döyüş təcrübəsinə malikdirlər. indiyə qədər rusiya maraqları uğrunda hər yerdə döyüşüblər. əfqanıstan, suriya, iraq, ukrayna. onda ruslar üçün fəlakət başlayar. hətta bundan qazlanıb başqırdlar, digər şimali qafqaz xalqları da ayağa qalxar, bitir hər şey. bunları yaradan elə putin hakimiyyətinin özüdür. çünki putin bilir ki, dağıstan, çeçenistandakı özbaşınalıqlara göz yummasa, silah hakimiyyətinə doğru tuşlanacaq. kadırov putin şəkilli koftanı elə-belə geyinmir, pulları kəsilsə gör nə oyun göstərərlər. təbii ki bütün bunlar da rusları qıcıqlandırır, verdikləri vergilərin təmənnasız şimali qafqaza axmasını, çeçenlərin özlərini lotu kimi aparmalarını qəbul edə bilmirlər.
night king --spoiler--

fikrimcə white walker deyil. xarici görünüşünə görə insanlara daha çox bənzəyir, nəinki walkerlərə. maraqlıdır, görəsən danışa bilir. məncə bilir. haqqında olan teoriyalar maraqlıdır. ama əsas maraqlı olan bir şey daha var. nə səsli, nə də jestlə əmr vermədən ordunu hərəkət etdirir. əjdahanı belə "dracarys" demədən püskürtdü. mistik güclərinin olduğunu bilirdik. əlavə olaraq deyəsən, telepatiya qabiliyyəti də var. yəni mesajı tabeliyində olanların beyinlərinə yeridir birbaşa. əjdahanın da həmçinin.

--spoiler--
1 2 3 4 5 6 7 8 9 10 11 12 13 14 15 16 17 18 19 20