yas mərasimi

Görəsən yas mərasimi nədir? Biznes, yoxsa adət, bəlkə də vicdan borcu? Əslində ölünün adı ilə yemək paylanması qədim türk inancı olan tenqriçilikdən gəlir. Belə ki, qədim türklərdə hər bir insan özündən 7 nəsil əvvəlki atalarına və özündən 7 nəsil sonrakı nəvələrinə cavabdeh idi. Müəyyən müddətdə öz atalarının adından insanlara yemək paylamalı, öz nəvələrinin isə onlara görə aşağılanmaması üçün düzgün insan olmalı, onlar üçün çalışmalı idilər. Günümüzdə yas mərasimi islamın bir hissəsinə çevrilib. Lakin bu hansı dində olursa olsun biznes və ya xəbər portalı deyil. Və yaxud da tenqrizimdə 10 manat verib qarın otarmaq kimi bir şey yox idi. Bu bizim adətimizdir və məncə ona hörmətlə yanaşmalıyıq. "dəyərlərimizi qoruyaq!!!"

şeir

Bayrağım

Türküstana gedən şanlı yolumda,
Gökbörüyə qardaş olan bayrağım.
Turana səsləyən o üç rənginə,
Yüzillik tarixi qoyan bayrağım.

Rəsulzadəmizdən yadigar qalan,
Bütün şəhidlərə səcdəgah olan,
Şuşa qalasında vüqarla duran,
Düşməni qorxuya salan bayrağım.

Soyumuz gəlmişdir Bilgə kağandan,
Zəfər qanımızda Fateh Sultandan,
Teymur xan mirası Ulu Turandan,
Millətimə salam deyən bayrağım.

Göy rəngi almışdır Ulu Göytürkdən,
Qırmızısı qandır şəhid mələkdən,
Müsəlman şəhidi Əli Ləbbeykdən,
Yaşılı islamdan alan bayrağım.

Qurdbaşlı bayraqdan aldığın vüqar,
Hilalın könlümdə taxtını qurar,
Şanlı tariximi yadıma salar,
Çətin zəfərlərdən çıxan bayrağım.

Sən nigaran olma, Təbriz dönəcək,
Ərdəbil üzünə bir də güləcək,
irəvan düşmənə dağ çəkdirəcək,
Dərdimi yadıma salan bayrağım.

Düşmən çox olsa da sanma ki, təksən,
Sağında al bayraq, ona dirəksən ,
Mələklər uduzmaz, sən ki mələksən,
Allahdan xilasçün gələn bayrağım.

Çox bəla çəksən də, dirçələcəksən,
Səbr et, qardaşlarla birləşəcəksən,
Turana mənsiz də sən gedəcəksən,
Xalqıyla Turana gedən bayrağım.

Müəllif: Kök6Türk

yaxşı oğlan

Yaxşı oğlan feminist olar yoxsa vor zakon?! Məncə yaxşı oğlan özü kimi olar. Bir insan özünü fərqli aparanda necə çirkin görünürsə biz də özümüzü başqalarına oxşatmağa çalışdıqda cılızlaşırıq. Bəs biz niyə yaxşı oğlan olub öz milli dəyərlərimizə sahib çıxmırıq? Niyə özümüzü ya rusa, ya fransıza və s. millətlərə bənzədirik. Taa qədimdən türklərdə ər oğul at çapıb qılınc oynadardı, dövləti xalqı üçün yaşayardı, yoxsa ki heç kimə faydası olmadan atasından aldığı 5 manata siqaret alıb tüstülədə-tüstülədə "A.U.E. jizn voram" demirdi, ya da əlinə dəxli belə olmayan plakat alıb "Yaxşı oğlan feminist olar" demirdi, ya da 200-300 manat üçün "cinsi azlıq" ifadəsini götürməyi özünə rəva görmürdü. Sizi bilmirəm, ancaq məncə yaxşı oğlan özü kimi olar.