Son yazılanlar
)fata-morqana
fata-morqana
sözlük yazarlarının favori
celda 211
yunan burnu
dəfnə
sandman
Google və Kung Fu sözündəki "Fu" suffiksinin birləşməsindən əmələ gələn slenq. Google axtarış sistemindən yüksək səviyyədə, ustalıqla istifadə etmə bacarığını ifadə edir.
Bir neçə asan növlərini bu linkdə 
də görə biləcəyiniz müxtəlif üsullarla internetdə lazım olan məlumatı daha asan və dəqiq tapmaq mümkün olur.
bu sifarişi verən: hechliyin_menasi Bəzən insanın özünə dəyər verməsi üçün lazım olan ən vacib keyfiyyətlərdən biri.
Bu barədə son vaxtlar çox düşünürdüm. Sifariş bölməsində görəndə yazmaq istədim.
Əvvəllər "yox" deyəndən sonra uzun müddət vicdan əzabı çəkirdim. Günlərlə fikirləşib, bəzən ətrafımdakıları da bezdirib özümə əzab verirdim. indi də tamamilə bu xasiyyətimdən əl çəkməmişəm. Amma artıq "yox" deyəndə, razılaşmayanda özümü əvvəlkitək günahkar hiss etmirəm. Bəlkə daha soyuq, ruhsuz, eqoist insana çevrilirəm. Amma, deyəsən, özümü daha rahat hiss edirəm. Çünki bu günə qədər sırf özümü günahkar hiss etməyim və ya qarşımdakı pis olmasın deyə istəmədiyim yerlərə gedib, istəmədiyim işləri görüb, bəzən istəmədiyim filmlərə baxıb, istəmədiyim insanlarla ünsiyyətdə olmuşam.
Əminəm ki, çoxumuz beləyik.
Cəmiyyət olaraq elə bir halda yaşayırıq ki, istəmədiyimiz şeylərə yox demək, səsimizi çıxarmaq, razılaşmamaq kimi seçimimiz çox vaxt olmur. Bir növ başını aşağı salıb hər şeylə razılaşmaq uşaqlıqdan öyrədilir. Ona görə də "yox" deyən insan avtomatik neqativ sifətlərlə təsvir olunur.
Düşünürəm ki, kiminsə həyatına, azadlığına hər hansısa bir ciddi təsiri olmadığı müddətdə "yox" demək pis bir şey deyil. Sadəcə bunu hansı tərzdə deməyimiz, özümüzü necə ifadə etməyimiz də önəmlidir.
Əsl adı Stephen James Wilkinson olan və musiqi fəaliyyətinə 2005-ci ildə başlayan ingilis musiqiçi və prodüser. Yaradıcılığında müxtəlif janrlara müraciət etsə də, əsasən, folk və electronic musiqi elementlərini özündə cəmləyən folktronica, indie pop və indie rock ifaçısı kimi tanınır.
Varlığından bu yaxınlarda təsadüfən spotify-da bu mahnısına
)
)
Uzun illərdir keçirilən mahnı müsabiqəsinin sayca 65-cisi. Uşaqlıqdan sevərək, həyəcanla və maraqla hər il baxdığım, hətta yarışmanın səhərisi vacib imtahanım olanda sırf canlı izləmək üçün gecə oyaq qaldığım yarışmaya nədənsə son illər əvvəlki marağım qalmayıb. Buna səbəb mahnıların illər keçdikcə daha pis olması, yoxsa mənimlə bağlı dəyişikliklərdir, dəqiq bilmirəm.
Bu ilki mahnıların bir neçəsinə qısaca qulaq assam da, diqqətimi cəlb edən sadəcə Fransanın mahnısı oldu. Hə, bir də Danimarkanın 70-80-ci illər vayblı mahnısı da pis deyildi. Bizim ölkəni təmsil edən mahnıya bayaq qulaq asdım və təəssüf ki, istəsəm də, bəyənə bilmədim.
Təbii ki, hər hansısa proqnoz vermək üçün hələ tezdir. Səhnə performanslarından da çox şey asılıdır.
(Aylar sonra gələn edit: Artıq bütün çıxışları izlədikdən sonra qalib olmasını istədiyim italiyanı təmsil edən Maneskin qrupu idi. Elə məhz onlar da qalib gəldilər. Son dəfə 2017-ci ildə Portuqaliyanı təmsil edən Salvador Sobral qalib gələndə belə sevinmişdim. Təsadüfə bax ki, hər ikisində də təmsilçilər öz dillərində ifa etdikləri mahnılar ilə çıxış edirdilər. Mahnının hansı dildə olmağının, deməli, o qədər də əhəmiyyəti yox imiş, əsas odur ki, qəlbə yol tapsın. Necə deyərlər, "musiqinin dili yoxdur".)
Musiqi nə dil, nə də sərhəd tanıyır.
)
Casiopea 3rd olaraq da bilinən yapon jazz fusion qrupu. 1976-cı ildə yaradılan qrup, bu illər ərzində arada fasilələr verməsinə, heyətində dəyişikliklər olmasına baxmayaraq, hələ də fəaliyyətini davam etdirməkdədir.
)))))
Adını Kral Artur əfsanəsindəki Morgan le Faydən götürən optik hadisə. Morgan le Fay, (italyanca Fata Morgana, yəni, Pəri Morqan) Kral Arturun cadugər ögey bacısı idi. Haqqında olan müxtəlif əfsanələrdən birinə görə o, havada yalançı qəsrlər yaradaraq dənizçiləri öz toruna salır və beləliklə, onların ölümünə səbəb olurdu.
Günümüzdə bir çox təbiət hadisəsinin elmi izahı olsa da, bir neçə əsr bundan öncə belə hadisələr insanlarda vahimə yaratmağa bəs edirdi. Uzun müddət insanlar fata-morqananın da sehrli, qorxunc bir hadisə olduğunu düşünürdülər.
Fata-morqana dilimizdə ilğım, dünyada miraj(mirage) olaraq bilinən qeyri-adi təbiət hadisəsinin bir növüdür, optik illüziyadır. Azərbaycan dilinin izahlı lüğətində miraj, "Xəyal, ilğım; üfüqdə cismin və ya göyün bir hissəsinin xəyali görüntüsü, daha çox düzənlik, səhra və dənizdə müşahidə olunan optik hadisə.... " kimi verilən təbiət hadisəsidir. ilğım obyektdən həm yuxarıda, həm də aşağıda təzahür edə bilər. Səhrada və ya digər ərazidə əgər uzaqdan su sahəsi görünürsə, yaxınlaşdıqda isə heç nə yoxdursa, deməli, görünən sadəcə səmanın əksidir. Başqa sözlə, alt ilğımdır.
Məsələn, bu şəkildəki görüntünü misal göstərmək olar:
Fata-morqana isə mirajın/ilğımın xüsusi və mürəkkəb növüdür.
Üst ilğımdır. Obyektin təzahürü ondan yuxarıda əks olunur.
Quruda, qütblərdə də rast gəlinə bilməsinə baxmayaraq, fata-morqana ən çox dəniz üzərində görülür. Ən çox rast gəlindiyi yerlərdən biri də Messina boğazıdır.
Hadisənin yaranma səbəbi kimi atmosferin aşağı qatlarında temperatur inversiyası göstərilir. Bilirik ki, atmosferin yuxarı qatlarına çıxdıqca temperatur aşağı düşür. Lakin temperatur inversiyası zamanı isə dənizin üzərindəki havanın temperaturu, onun üzərindəki atmosfer qatındakı havanın temperaturundan daha aşağı olur. Aşağıda soyuq, yuxarıda isti hava olur. Fərqli temperatur və sıxlıqlı qatlardan keçən günəş şüaları sınır, əyilir və bununla da obyektlərin üfüq xəttindən yuxarıda tərs dönmüş, bulanıq, ikiləşmiş və s. formada əks olunması baş verir. Bu optik illüziya nəticəsində sanki göydə üzən qayıqlar, gəmilər, binalar, üfüqdə zolaq şəklində uzanan divar və.s görmək mümkündür.
Fata-morqana görüntüsü həm də insanın obyektin əksini necə, hansı məsafədən görməsindən asılıdır. Əks olunan obyekt nə qədər uzaqdadırsa, o qədər böyük ölçüdə görünür.
Bu nadir rast gəlinən, qeyri-adi təbiət hadisəsi ilə bağlı bir çox maraqlı məqamlar var. Hətta bəzi mənbələrdə Titanikin batmasında da fata-morqananın rol oynama ehtimalının olduğu qeyd olunur.
Əlavə məlumat üçün:
https://www.farmersalmanac.com/fata-morgana-mirage-28630
https://www.skybrary.aero/index.php/Fata_Morgana
https://www.wired.com/2015/01/fantastically-wrong-fata-morgana/amp
American Horror Story: Apocalypse - Michael Langdon
)
Latın dilindən tərcümədə xoş niyyətli, vicdanlı, dürüst, həqiqi kimi mənaları verən beynəlxalq hüquq termini. Bona fide prinsipi vicdanlılıq prinsipidir. Məsələn, bir müqavilədə tərəflərin bona fide olduqları qeyd olunursa, bu onların müqavilənin şərtlərinə vicdanlı şəkildə, hüququn tələblərinə uyğun şəkildə əməl edərək öhdələrinə düşəni yerinə yetirməli olduğunu bildirir.
bona fides isə xoş niyyət, dürüstlük, vicdanlılıq deməkdir.
city pop janrının önəmli simalarından olan yapon musiqiçi. Yaşasaydı, iki gün sonra 61 yaşı olacaqdı.
)
Həyatda məni ən qorxudan şey.
Bu o demək deyil ki, məsuliyyətsizəm. Xeyr, əksinə. Bəlkə də, hərdən həddən artıq məsuliyyət götürürəm üzərimə. Həddən artıq intizamlıyam bəlkə də. Ya da nə vaxtsa olmuşam. Bunu özümə uşaqlıqdan məcbur etmişəm və ya bəzi hallarda edilmişəm. Amma həddən artıq məsuliyyətli olmaq məni boğur. Hərdən qaçıb öz dünyamda yaşamaq istəyirəm. Ancaq etmək istədiyim şeyləri etsəm, necə də gözəl olardı həyat. Etmək istəmədiklərimə yox deməyi yavaş-yavaş öyrənirəm. Amma tam olaraq qaça bilən deyiləm. Bunu bilirəm.
istəsək də, istəməsək də biz kimsəsiz adada yaşamırıq. Həyatımızın istənilən hissəsində insanlar var. Tam olaraq onlardan uzaqlaşmaq da istəmirik axı. the last man on earthdəki phil də bir müddət sonra istəmədi the last man on earth olmağı.
Amma insan azad deyil. Heç vaxt olmayıb. Çünki məsuliyyət hissi hər zaman həyatımızın tərkib hissəsi olacaq. Bunun çox pis bir şey olduğunu da demirəm.
Bunları ona görə yazmıram ki, kimsə mənim əlimi-qolumu bağlayıb, yaxud da azadlığımı sərhədləyib. Bu kənar təsirlərlə yox, sırf özümlə bağlıdır. Ya da bir az da görünməz qüvvə olan insan cəmiyyətiylə. Bunlar sadəcə mənim subyektiv fikirlərimdir.
Yenə mən və rabitəsiz fikirlərim.
Remember, remember the 10th of November!
Celda 211( 211 nömrəli kamera)
2009-cu il ispaniya istehsalı həbsxana mövzulu film. Rejissoru Daniel Monzon olan filmdə hadisələr əsl həbsxanada cərəyan edir. Hətta əsl məhkumları da görmək mümkündür. Film ispaniyanın Oskarı hesab edilən Goya mükafat mərasimində 8 nominasiya üzrə qalib gəlib.
Filmin baş qəhrəmanlarından olan Juan gözətçi olaraq işə başlayacağı həbsxanaya bir gün əvvəl gəlmək qərarına gəlir. Həbsxananı ziyarət edərkən yuxarıdan başına daş parçasının düşməsi nəticəsində huşunu itirir və gözətçilər onu yaxınlıqdakı boş olan 211 nömrəli kameraya aparırlar. Lakin bu vaxt həbsxanada buranın ən təhlükəli cinayətkarlarından hesab olunan Malamadrenin başçılığı ilə məhkumlar üsyan qaldırırlar və gözətçilər oranı tərk etmək məcburiyyətində qalırlar. Juan gözlərini açanda kamerada olduğunu, üsyan başladığını görür. Məhkumların arasında sağ qalmaq üçün ağlını işlətmək qərarına gəlir və həm əynində gözətçi paltarı olmadığı üçün, həm də məhkumların onu tanımamasından istifadə edərək onların arasına qarışaraq özünü onlardan biri kimi göstərir. Filmin əsas hissəsi də məhz bundan sonra başlayır.
Ədalət, vicdan kimi mövzuların işləndiyi film, əvvəldən axıra kimi verdiyi həyəcan hissini itirmir.
Greek nose, yəni yunan burnu demək olar ki, profildən heç bir əyriliyi olmayan düz buruna deyilir. Alınla burun arasında boşluq nəzərə çarpmayacaq dərəcədə az olur. Bu burun forması hal-hazırda müasir yunanların əksəriyyətində yoxdur. Ümumiyyətlə, burun formasının belə adlandırılması qədim yunan heykəllərinə əsaslanır.
Miloslu Venera heykəli
Belə bir düşüncə var ki, qədim yunan heykəllərində burun yunanların əksəriyyətinin burun formasına görə deyil, daha çox "mükəmməl" hesab etdikləri formada hazırlanırdı. Roma heykəllərində isə təbiilik daha çox üstünlük təşkil edirdi. Maraqlısı isə budur ki, qədim heykəllərin günümüzə kimi gəlib çatmış versiyasının çoxunun burun hissəsi qopmuş vəziyyətdə idi. Heykəllərin əksəriyyəti sonradan restavrasiya olunub.
Omar Apollo - Kamikaze
)
Agoodmovietowatch: link 
Maraqlandığınız kateqoriyalara uyğun filmlər tövsiyə edən sayt.
Məşhur çinli rejissor Wong Kar-wainin in the mood for love adlı filminin ən məşhur və ikonik Corridor Glance səhnəsində səsləndirilən Yumeji's Theme adlı parça
)
Latınca adı laurus olan həmişəyaşıl ağac.
Dəfnə yarpaqlarından istifadənin orqanizmə faydaları çoxdur. Yuxarıdakı entrydə də bəziləri qeyd olunub. Lakin bu ağacın öz simvolik mənası da var. Ümumiyyətlə bəşər tarixi boyu insanlar həmişə simvollardan istifadə ediblər və bu, hələ də davam edir. Müxtəlif ideologiyalar, dinlər, təşkilatlar, ölkələr, brendlər, futbol klubları, musiqi qrupları və s. özlərini ifadə etmək üçün simvollardan, rəmzlərdən istifadə edirlər.
Dəfnə ağacı, xüsusilə bu ağacın bir növü olan nəcib dəfnə(Laurus nobilis) Qədim Yunanıstan və Romada qalibiyyət və sülhün, ölümsüzlüyün rəmzi hesab edilirdi.
Yunan və Roma liderləri hərbi zəfərlərini, eləcə də, Qədim Olimpiya Oyunlarının qalibləri qalibiyyətlərini qeyd etmək üçün başlarına dəfnə yarpaqlı çələng taxırdılar.
Hətta bəzi olimpiya medallarının üzərində də dəfnə yarpaqlarını görmək mümkündür.
Dəfnə yarpaqlarından düzəldilən çələng, sadəcə, hərbi və idman sahəsində zəfərləri qeyd etmək üçün istifadə edilmir, o həm də akademik uğurun rəmzi hesab edilir. ilk dəfə italiyanın Padua universitetində başlayan bu adət daha sonra ölkənin digər universitetləri tərəfindən də mənimsənildi.
Müasir italiyada hələ də tələbələr məzun olarkən, başlarına dəfnə yarpaqlarından çələng taxırlar.
Laureat və bakalavriat (baccalaureate) sözlərinin də laurusdan yarandığı düşünülür.
Dəfnə ilə bağlı qalibiyyətlə əlaqəli müxtəlif idiomlar da mövcuddur, məsələn, to rest on one's laurels, ispanca dormirse en los laureles və rus dilində почивать на лаврах idiomları, demək olar ki, hər üçü həm hərfi olaraq, həm də idiomatik olaraq eyni mənanı verirlər. Bu idiom hərfi olaraq dəfnə yarpaqları üstündə yatmaq mənasını verir. izahı isə keçmiş uğurlarına arxayın olmaq, qalibiyyət əldə etdikdən sonra rahatlaşmaqdır.
Son bəyənilənlər
