ailə süfrəsi

Ağlıma gələn ilk şey:


sifarişi verən: onafilankəsdeyirlər

mayday

“Mayday” beynəlxalq səviyyədə qəbul olunmuş təcili yardım siqnalıdır. Bu söz əsasən hava və dəniz nəqliyyatında ,yəni təyyarələrdə və gəmilərdə istifadə olunur. “Mayday” çağırışı edildikdə bu, vəziyyətin çox ciddi olduğunu və dərhal yardım lazım olduğunu bildirir.
Bu ifadə xüsusilə radio rabitə vasitəsilə təhlükə siqnalı göndərmək üçün istifadə edilir. Pilot və ya kapitan “Mayday, Mayday, Mayday” dedikdə bu, gəmi və ya təyyarənin həyati təhlükə ilə üzləşdiyini göstərir. Bu siqnal digər bütün rabitə mesajlarından üstün sayılır və dərhal diqqətə alınır.
“Mayday” sözünün mənşəyi fransız dilinə dayanır. O, “m’aidez” sözündən yaranmışdır və mənası “mənə kömək edin” deməkdir. Vaxt keçdikcə bu ifadə tələffüz baxımından dəyişərək “mayday” formasını almışdır. 1920-ci illərdə isə beynəlxalq radio rabitə qaydalarında rəsmi olaraq qəbul edilmişdir.
Bu siqnalın ən vacib xüsusiyyəti onun yalnız ən ciddi təhlükə hallarında istifadə olunmasıdır. Məsələn, təyyarədə mühərrik sıradan çıxdıqda və ya gəmi batma təhlükəsi ilə üzləşdikdə “mayday” çağırışı edilir. Bu zaman bütün diqqət həmin vəziyyətə yönəldilir və təcili xilasetmə əməliyyatları başlanır.
“Mayday” adi bir söz deyil, həyat təhlükəsi olan vəziyyətlərdə istifadə edilən beynəlxalq təcili yardım çağırışıdır. Bu ifadə insanların həyatını xilas etmək üçün çox vacib rol oynayır və bu gün də bütün dünyada eyni mənada istifadə olunur.
sifarişi verən: adsızinsan

la femme

La Femme 2010-cu ildə Fransanın Biarritz şəhərində Sacha Got və Marlon Magnée tərəfindən yaradılmış alternativ rok qrupudur. Yarandığı gündən etibarən qrup fərqli musiqi janrlarını bir araya gətirməsi və eksperimental üslubu ilə diqqət çəkmişdir. La Femme-in musiqisində new wave, psixodelik rok, elektron musiqi, punk və surf rok elementləri birləşir ki, bu da onların yaradıcılığına özünəməxsus rəng qatır.

Qrupun ilk studiya albomu olan Psycho Tropical Berlin 2013-cü ildə yayımlanmışdır. Bu albom qrupun məşhurlaşmasında mühüm rol oynamış və Fransa musiqi ictimaiyyəti tərəfindən müsbət qarşılanmışdır. Albomda yer alan Sur la planche 2013, Hypsoline və Antitaxi kimi mahnılar dinləyicilər arasında böyük maraq qazanmışdır. Xüsusilə “Sur la planche 2013” qrupun ən tanınmış və simvolik mahnılarından biri hesab edilir.

2016-cı ildə işıq üzü görən Mystère albomu qrupun yaradıcılığında yeni mərhələ yaratmışdır. Albomda yer alan Sphynx, Tatiana və Où va le monde mahnıları həm Fransada, həm də beynəlxalq auditoriyada rəğbətlə qarşılanmışdır. Bu albom qrupun musiqi üslubunun daha da zənginləşdiyini göstərmişdir.

Sonrakı illərdə La Femme fəaliyyətini uğurla davam etdirmiş və Paradigmes (2021), Teatro Lúcido (2022), Paris-Hawaï (2023) və Rock Machine (2024) albomlarını təqdim etmişdir. Bu albomlarda qrup fransız dili ilə yanaşı ispanca və ingiliscə mahnılara da yer vermiş, musiqi sərhədlərini genişləndirməyə çalışmışdır.
La Femme-in uğur qazanmasının əsas səbəblərindən biri onların yalnız studiya yazıları ilə kifayətlənməməsidir. Qrup canlı konsertlərində enerjili çıxışlar, maraqlı səhnə dekorasiyaları və fərqli vizual effektlərdən istifadə edir. Bu xüsusiyyətlər onların dünya üzrə geniş dinləyici kütləsi qazanmasına kömək etmişdir.
La Femme müasir Fransa alternativ musiqisinin ən uğurlu kollektivlərindən biri hesab olunur. Onların müxtəlif üslubları birləşdirən musiqisi, uğurlu albomları və məşhur mahnıları qrupun beynəlxalq səviyyədə tanınmasına şərait yaratmışdır. Bu gün La Femme həm Fransada, həm də dünyanın müxtəlif ölkələrində alternativ musiqinin önəmli nümayəndələrindən biri kimi qəbul edilir.

(youtube: )

(youtube: )

(youtube: )

alizee

Alizée — 2000-ci illərin əvvəlində pop musiqidə böyük uğur qazanan fransız müğənnidir. O, xüsusilə gənc yaşda şöhrət qazanması və fərqli pop üslubu ilə tanınır.

Alizée 1984-cü ildə Fransanın Korsika bölgəsində doğulub. Uşaqlıqdan musiqi və rəqsə maraq göstərib. Onun karyerası 2000-ci ildə “Graines de Star” adlı istedad yarışmasında çıxışı ilə diqqət çəkməsi nəticəsində sürətlənib.

Onun əsl sıçrayışı məşhur fransız sənətçi Mylène Farmer və bəstəkar Laurent Boutonnat ilə əməkdaşlıqdan sonra baş verib. 2000-ci ildə çıxan “Moi… Lolita” mahnısı Avropada və Asiyada böyük hit olub. Bu mahnı onu beynəlxalq səviyyədə tanınan pop ulduzuna çevirib.

(youtube: )

(youtube: )

(youtube: )

(youtube: )

doğum ləkəsi

Doğum ləkəsi (ingiliscə birthmark) insanın dərisində doğulduğu anda və ya doğulduqdan qısa müddət sonra yaranan xüsusi bir izdir. Bu izlər dərinin digər hissələrindən rənginə və ya quruluşuna görə fərqlənir və bədənin istənilən yerində ola bilər.

Əslində doğum ləkələri çox yayılmışdır və onların böyük əksəriyyəti tamamilə zərərsizdir. Onlar əsasən dəridəki hüceyrələrin məsələn, piqment verən hüceyrələrin və ya qan damarlarının normadan bir az fərqli inkişaf etməsi nəticəsində yaranır.
Doğum ləkələri ümumilikdə iki əsas növə bölünür. Birincisi, piqmentli ləkələrdir. Bunlar dəridə rəng verən hüceyrələrin çoxalması ilə yaranır və adətən qəhvəyi, qara və ya mavi rəngdə olur. Məsələn, xallar və “café-au-lait” ləkələri bu qrupa daxildir.

ikinci növ isə damar mənşəli (qırmızı) ləkələrdir. Bunlar dəridəki qan damarlarının çoxluğu və ya genişlənməsi ilə əlaqədardır. Məsələn, “çiyələk ləkəsi” (hemangioma) və ya “port-wine stain” kimi tanınan qırmızı ləkələr bu qrupa daxildir.

bəzi doğum ləkələri zamanla yox olur, bəziləri isə ömür boyu qalır. Xüsusilə bəzi damar ləkələri uşaq böyüdükcə kiçilir və ya solur. Amma bəzi hallarda, xüsusilə böyük və ya diqqət çəkən ləkələr qalıcı ola bilər.
Keçmişdə insanlar doğum ləkələrinin səbəbini düzgün bilmədiyi üçün müxtəlif miflər ortaya çıxmışdı. Məsələn, inanılırdı ki, ananın hamiləlik zamanı qorxması və ya hansısa yeməyi çox istəməsi uşağın dərisində iz yaradır. Bu fikirlər bu gün elmi baxımdan doğru sayılmır.
doğum ləkələri tibbi baxımdan təhlükəli deyil və çox vaxt müalicə tələb etmir. Yalnız nadir hallarda məsələn, ləkə böyüyərsə, dəyişərsə və ya sağlamlıqla bağlı risk yaradırsa həkim müdaxiləsi lazım ola bilər.

xəyal quraraq yatmaq

Maladaptive daydreaming – yəni zərərli xəyallara dalma – sadəcə çox xəyal qurmaq deyil, bəzi insanlar üçün bu, demək olar ki, ikinci bir həyat kimidir. Psixoloq Eli Somer tərəfindən aparılan araşdırmaya görə, bu vəziyyətdə olan insanlar real həyatda yaşamaq əvəzinə saatlarla öz yaratdıqları dünyada yaşayırlar.

Araşdırmada iştirak edən şəxslərin bəziləri gündə 4–8 saatdan çox xəyal qurduqlarını bildiriblər. Bu xəyallar təsadüfi deyil əksinə, çox detallı, ssenarili və təkrarlanan olur. insanlar özlərini bu xəyallarda daha güclü, daha uğurlu və ya daha sevilən biri kimi görürlər. Yəni reallıqda çatışmayan hissləri xəyalda “tamamlayırlar”.

Ən maraqlı faktlardan biri odur ki, bu xəyalların çoxu müəyyən mövzular ətrafında fırlanır. Məsələn:
-qəhrəman olmaq və insanları xilas etmək
-güc və nəzarət əldə etmək
-sevgi və münasibətlər yaşamaq
-qaçış və azadlıq ssenariləri
-hətta zorakılıq və dramatik hadisələr
Bu göstərir ki, maladaptive daydreaming sadəcə “boş fantaziya” deyil, insanın daxili ehtiyac və qorxularının bir növ güzgüsüdür. Araşdırma həm də göstərir ki, bu hal çox vaxt təsadüfi yaranmır. iştirakçıların hamısının uşaqlıqda müəyyən çətinliklər yaşadığı məlum olub məsələn:
ailə problemləri, emosional tərk edilmə,zorakılıq və ya travma,tək qalmaq və sosial təcrid və.s.
Bir çoxu uşaqlıqda özünü qorumaq üçün xəyallara sığınıb. Zaman keçdikcə isə bu, vərdişə çevrilib və artıq nəzarətdən çıxıb. Digər maraqlı bir detal isə belədir ki, bəzi insanlar xəyal qurarkən sadəcə bunu yatarkən etmir. Onlar otaqda gəzişir, əllərində nəsə fırladır, səhnələri sanki “oynayır”, oturduğu yerdən işləyərkən düşünür.. Bu, xəyalları daha da real hiss etdirmək üçün bir növ “ritual” rolunu oynayır.


Amma ən vacib tərəf odur ki, bu vəziyyətin mənfi təsiri böyükdür. Araşdırmada qeyd olunur ki:
-sosial münasibətlər zəifləyir
-dərs və iş performansı düşür
-insan real həyatdan qaçmağa başlayır
Yəni xəyal dünyası nə qədər cazibədar olsa da, real həyat getdikcə boş qalır.
Buna baxmayaraq terapiya alan insanların çoxunda bu xəyalların müddəti və intensivliyi azalıb. Hətta bəzi hallarda tamamilə yoxa çıxıb. Bu da göstərir ki, maladaptive daydreaming idarə oluna bilən bir haldır..

Nəticə olaraq, bu araşdırma göstərir ki, maladaptive daydreaming sadəcə xəyal qurmaq deyil – bu, çox vaxt insanın ağrılarından qaçmaq üçün qurduğu bir “təhlükəsiz dünya”dır. Amma bu dünya nə qədər rahat görünsə də, uzun müddətdə insanı real həyatdan uzaqlaşdırır və onu tək buraxa bilər.


Mənbə: Maladaptive Daydreaming: A Qualitative Inquiry
Eli Somer, Ph.D.

hilda furacao

“Hilda Furacão” 1998-ci ildə çəkilmiş Braziliya mini-serialıdır və Roberto Drummond-un romanı əsasında hazırlanıb. Serialın əsas qəhrəmanı Hildadır. Bu rolu Ana Paula Arósio canlandırır. Hilda varlı və sakit həyatını tərk edib azad bir yol seçir və bu qərar onun həyatını tam dəyişir.
Serialda ən diqqət çəkən münasibət Hilda ilə rahib Frei Malthus arasındadır. Bu obrazı Rodrigo Santoro ifa edir. Frei Malthus dini həyat seçmiş, sakit və inanclı biridir. Hilda ilə tanışlıqdan sonra onun daxili dünyasında böyük dəyişiklik baş verir. Onların münasibəti sevgi ilə inanc arasında qalan çətin bir hekayədir.

Onların hekayəsi ilk baxışdan qarşıdurma kimi başlayır. Malthus Hildanı “xilas etməyə” çalışır, hətta onu dəyişmək istəyir. Amma zaman keçdikcə bu mübarizə hisslərə çevrilir. Əslində, onların münasibəti “sevgi ilə mübarizə” arasında qalır.


Hilda Malthusda saflıq, sakitlik və təmiz niyyət görür. Bu, onun həyatında nadir bir şeydir. Malthus isə Hildada sadəcə gözəllik yox, azadlıq və cəsarət görür — onun heç vaxt yaşamadığı bir həyat. Bu səbəbdən bir-birinə həm çəkilirlər, həm də qorxurlar.

Amma final olaraq, Onlar bir-birini dəyişdirir. Hilda Malthusu həyatı daha real görməyə məcbur edir. Malthus isə Hildaya sevginin yalnız fiziki olmadığını hiss etdirir. Hətta bir səhnədə Hilda onunla evlənmək istədiyini deyir, amma Malthus buna baxmayaraq geri çəkilir çünki o, sevgidən yox, seçimindən qorxur..

sifarişi verən: Tony soprano

yazarlara aid başlığı görüb bəlkə bu dəfə məni yazıblar deyə ümidlənmək

Reaksiyaya bonus:

yazarların ruh halı

sıraya düzülmüş Midtermlər, tekrar və layihə deadline-ları ilə yaşadığım son 2 həftə

rozasea

Rozasea əslində çox adamın düşündüyü kimi sadə “üz qızarması” deyil. Bu, əsasən üz nahiyəsində – yanaqlar, burun, alın və çənədə özünü göstərən xroniki dəri problemidir. Adətən dəridə qızartı olur, bəzən xırda sızanağa oxşar səpkilər çıxır, hətta damarlar daha görünən hala gəlir. Bəzi insanlarda isə dəri yanırmış kimi hiss olunur və çox həssas olur.

Bu problemin dəqiq səbəbi tam bilinmir, amma bir neçə faktorun təsiri olduğu düşünülür. Məsələn, günəş şüaları, stress, çox isti içkilər, acılı yeməklər və ya uyğun olmayan kosmetik vasitələr rozaseanı daha da artıra bilər. Bəzən genetik də rol oynayır, yəni ailədə varsa, səndə də ola bilər.
Rozaseanın fərqli formaları var. Bəzilərində sadəcə qızartı olur, bəzilərində isə sızanaq kimi səpkilər çıxır. Daha ağır hallarda burun dərisi qalınlaşa bilər. Hətta gözlərə təsir edən forması da var – gözlərdə quruluq və qıcıqlanma yarada bilir.

Bu xəstəlik tam yox olmur, amma düzgün yanaşma ilə çox yaxşı idarə etmək mümkündür. Ən vacibi dərini qıcıqlandırmamaqdır. Məsələn, çox isti su ilə üz yumaq, sərt skrablar istifadə etmək vəziyyəti pisləşdirə bilər. Günəşdən qorunmaq da çox önəmlidir – SPF istifadə etmək demək olar ki, mütləqdir.
Qidalanma da rol oynayır. Əgər sən artıq fərq etmisənsə ki, müəyyən qidalar (məsələn, çox acılı və ya isti şeylər) səndə qızartını artırır, onları azaltmaq yaxşı olar. Stress də təsir edir, ona görə həyat tərzini bir az daha balanslı etmək kömək edə bilər.
Ümumiyyətlə, rozasea təhlükəli bir şey deyil, amma düzgün baxılmadıqda narahatlıq yarada bilər. Düzgün dəri baxımı, uyğun məhsullar və bir az diqqətlə bu vəziyyəti nəzarətdə saxlamaq mümkündür.

səninlə belə ola bilərdik

sifarişi verən: Derek