avatar the way of water

ilk filmlə demək olar ki, eyni olan film. Sadəcə bu dəfə suda keçir. Eyni hekayə, eyni antagonist. vəd etdiyi təzə heç bir şey yoxdur. Mənə elə gəlir ki James cameron 13 il sonra sırf CGI-ın necə inkişaf etdiyini göstərmək üçün bu filmi çəkib, çünki vizuallara söz yoxdur. ilk filmdə olduğu kimi avatarın vizuallarını keçə biləcək film yenə yeni bir avatar filmi ola bilər. Böyük əmək, böyük zəhmət hiss olunur, ancaq bu qədər. Bütün bu əziyət boşa getməsin deyə ən küt adamın belə başa düşəcəyi bir ssenari yazıblar. Çox böyük büdcəli filmdə olduğu kimi. Hətta işi bir az da qarantiyaya alıb ilk filmlə eyni ssenarini yazıb, su əlavə ediblər.
Nəticə: Möhtəşəm CGI və effeklər görmək istəyirsinizsə gedib baxın, IMAx-da film möhtəşəm görünür, Amma filmlərdə hekayə sizin üçün önəmlidirsə getməyin, çünki film 3 saatdır ürəyiniz patlayacaq.

əsgərliyə gedənlərə veriləcək məsləhətlər

Mənə həmişə deyirdilər, o qədər də ciddiyə almırdım, amma həqiqətən doğru imiş. insanlarla ortalıqda yaxınlıq etməyin. Zarafatlaşmayın. Yaxın olduğunuz adamla sırada və s. Zarafat etməyin. Səmimi söhbətlərinizi tək olan vaxtlara saxlayın. Heç kimin sizinlə zarafat etməyinə icazə verməyin. Əsgərlikdə "povud götürmək" deyə anlayış var. Orda hamı özünü yaxın hiss edir. Nə siz bu səhvə düşün nə də başqasının bu səhvi etməyinə icazə verin. Adam əsgərliyə getməmişdən əvvəl deyir yox e, mən onsuz da ciddi adamam, mən belə etmərəm. Elə deyil əsgərlikdə mühit başqa olur. insanın xarakteri çönür. Ona görə siz siz olun bəzi qaydaları yaddan çıxarmayın. Bu arada 3 aylıq "maladoy" dövrü "trail'' kimi istifadə edə bilərsiz görün nə edəndə hansı nəticə verir.

rəng teoremi

Rəng teoremi. (baxma: colour theory)
Rəng teoremi həm rəssamlıqda həm də fotoqraflıqda ən əsas anlayışlardan biridir. Ümumiyyətlə vizual sənətlərlə məşğul olmayan insanların belə rənglər haqqında müəyyən məlumata sahib olmağı onların sözün əsl mənasında dünyaya baxışını tamamilə dəyişəcəkdir. sadə anlayışlardan ilk entry-ə başlamaq istəyirəm.
Əvvəla rəng dediyimiz şeyin nə olduğuna nəzər salaq. Rəng elektromaqnit spektrın gözə görünən hissəsidir.

Yuxardakı şəkildə də gördüyümüz kimi bizim görə bildiyimiz rənglər olduqca limitlidir. Bəzi canlılar bütün dalğa boyundakı rəngləri görə bilirlər. Əlbəttə bu bizə avantaj yaratmadığı üçün biz bu cür təkamül olmamışıq. X-ray dalğalarını görə bilməyi təsəvvür edin. Yoldan keçənlərin sümüklərini görə bilmək və sairə. düzü rəssamlara və ya həkimlərə avantaj yarada bilərdi bəlkə (bax: anatomiya) ama daha çox ziyanı var -* nə isə keçək əsas mövzuya.
Rəngləri anlamaq.
1. Rəng çarxında rənglər (baxma: hue ) 12 dənədir. qalan bütün rənglər bu 12 rəngin tündlüyünü saturasiyasını artırıb azaltmaq ilə yaranır.

2. Saturasiya rəngin canlılıq, piqment miqdarı mənasına gəlir. rəngin tündülüyünü dəyişmir sadəcə rəngin dolğunluluğudur. Rəng nə qədər dolğundursa o qədər diqqət cəlb edir. real həyatda rənglər bizə nə qədər canlı gəlsə də əslində çox solğun, pastel tonlarında olur. Əgər bütün rənglər eyni dərəcədə saturasiyalı olsa idi gözlərimiz bu qədər informasiyanı qəbul edə bilməz, ciddi xəsarətlərə yol açardı.
Rənglərin eyni dərəcədə saturasiyalı olmamağının səbəbi:
Etrafdakı rənglər (işıq fotonları) dayanmadan bir-biri ilə qarışıq üst-üstə düşürlər. Rənglər isə bir birləri ilə qarışma dərəcəsindən aslı olaraq öz parlaqlığlarını, canlılıqlarını itirirlər. daha ətraflı bu başlıqda olacaq - (baxma: ambient light)
3. Rəngin tonu yəni tündlüyü/açıqlığı. (baxma: colour value) Rəngin saturasiyasına təsir etmir. ən tünd rəng belə yüksək saturasiyalı yəni canlı ola bilər. Yəni qara dediyimiz bir çox şey məsəl üçün qaranlıq otağın divarları əslində qara deyil. sadəcə tonu azdır. rənglər hələ də ordadır. sadəcə biz görə bilmirik. Bu da bizi lap entry-nin əvvəlinə gətirib çıxarır. Biz görə bilmirik deyə orada rəng yoxdur mənasına gəlmir. Biz qaranlıq otaqda görmürük, amma kəpənək çox aydın görə bilir. insan gözü rəng baxımdan çox acizdir. Görə bilmədiyimiz o qədər rəng var ki, bir saniyəlik belə hamısını görə bilsək ağlımızı itirə bilərik.
Ümumiyyətlə rəng haqqında eksperiment aparmaq üçün photoshopu məsləhət görürəm. praktika həmişə oxumaqdan və dinləməkdən daha üstündür.
Bu başlıqda ümumi olaraq rəng teoreminin nə olduğu haqqında bir fikir yaratmağa çalışdım. Bu haqqda deyiləcək o qədər çox şey var ki, bunları bir entry-ə sığdırmaq mümkün deyil. Ona görə rəng teoreminin digər hissələrini qarışıqlıq yaranmasın deyə altdakı digər başlıqlarda yazmaq fikrindəyəm. Bura qədər oxudunuzsa, çox minnətdaram.
(baxma: ambient light)
(baxma: rəng qrupları)
(baxma: rənglərin mənaları və tarixi)

sözaltı art

1) Illustrasiya

2)Portret

3) Etaplar ilə maraqlanan üçün. Bunu taxta üzərində işləmişəm. Yağlı boyanı istənilən bərk materialın üzərində işləmək olur, ancaq əvvəlcə gesso yəni qruntla ortməliyik ki, işləyəcəyimiz səth boyanı absorbsiya etməsin. Etaplara gəldikdə isə əvvəlcə eskizi qruntlanmış taxtaya köçürüb boya ilə tünddən açıqa doğru getmişəm. Bununla bağlı daha ətraflı yazacam. Tündən açığa getmək dedikdə çoxu nə demək olduğunu anlamır. Əslində bu entrini yazmağımın əsas səbəbi budur. Başlıq məni həvəsə gətirdi. Fikrim var ki, bundan belə vaxtim olduqca bəzi bildiklərim texnikaları və s. başlıq açaraq yazım. Həm bildiklərimi yada salmış olaram, həm də bəlkə kiməsə xeyrim dəymiş olar.

4) Comic book stilində