ginekomastiya

Sözlük yazarları və oxucular arasında bu problemdən əziyyət çəkən, əməliyyat olmaq istəyənlər üçün "içeriden" məlumatları paylaşıram.

Deməli əməliyyatın üzərindən 1 ay keçib. Youtube-daki videolara baxsaz elə bilərsiz ki, adamlar sanki əməliyyata yox bərbərə gedirlərmiş kimi rahat danışırlar. Ay nə bilim əməliyyatdan sonra heç bir ağrı olmur, 3 gün sonra normal həyata dön, 1 həftə sonra idmana başla bla bla bla. Yoxdu elə dünya.

Narkozdan ayılanda əməliyyat olunan nahiyədə şiddətli ağrılar hiss edəcəksiz. Bu ağrılara görə ağrıkəsicilər və antibiotik vurulur və ağrılar azalmaqla bərabər hələ 3-5 gün olacaq. Xüsusilə korset taxacağınız üçün dərin nəfəs aldıqda ağrılar daha çox hiss olunacaq.

Drenaj, korset və sarğılara görə bir neçə gün diskomfort hiss edəcəksiz. Yatarkən sağa sola yatmamaq tövsiyyə olunur. Üzü üstə yatmaq qəti qadağandır.

Bu arada masturbasiya etmək 1-3 həftə məsləhət görülmür. ilk günlər qadağandır. Səbəb isə qan təyziqi yüksəldiyi üçün hematoma (daxili qanaxma), seroma (maye yığılması), tikişlərin açılması, şişkinlik kimi risklər var. (Sıkın dişinizi beyler)

Əməliyyatdan sonra sarğıları açarkən bir sıra sürpriz mənzərələrlə qarşılaşa bilərsiz. Çuxur (crater deformity), dəri altına qan yığılması, çuxurun əksinə qan yığılan hissədə şişkinlik və s. Bunlar zamanla düzəlir. Ən azından məndə hələlik hematoma sağalıb. Çuxur isə hələ də qalıb. Həkimin, fitnes mütəxəssislərinin və ai-nin dediyinə görə 3-6 ay ərzində sinə normal görüntünü alır. Yəqin bir neçə ay sonra bununla bağlı da entry yazaram

yalançı ginekomastiya

Həqiqi ginekomastiya ilə qarışdırılan, əsasən kişilərdə yağların və piy toxumalarının həddən artıq toplanması nəticəsində yaranan görünüş.

(bax: pseudoginecomastia)

Əsasən keçid dövründə düzgün qidalanmamaq, passiv həyat tərzi nəticəsində əmələ gəlir. Həqiqidə hormonal balans pozulma kimi hallar müşahidə olunursa, yalançıda belə bir şey olmur. Yalançı ginekomastiya əslində düzgün qidalanma (pəhriz) və disiplinli idmanla 90 % aradan qaldırıla bilər. Bədənin ümumi yağ faizi aşağı salınmalıdır. Yenə də öz-özünüzə diaqnoz qoymayın. Həkim yoxlanışı, ultrason müayinəsi lazımdır. Dövlət xəstəxanasında mənə yalançı ginekomastiya diaqnozu qoyulmuşdu. Həkim pəhrizə zada ehtiyac yoxdu, idman et, keçib gedəcək demişdi. Təbii ki, bu qeyri-peşəkar yanaşmadı. Dövlət xəstəxanasından başqa nə gözlənə bilər ki.. Özəldə bilindi ki, vəz də var imiş və həmin vəzlər idmanla getmir. Cərrahi müdaxilə mütləqdir

ginekomastiya

Başlıq adını səhv yazdığım üçün silib yenidən açıram

Kişilərin baş bəlası olan, diskomfort hiss etdirən (özəlliklə isti havalarda) xəstəlik. Ginekomastiya əslində yeni doğulmuş oğlan uşaqlarının demək olar hamısında olur və ilk 2 həftə ərzində öz-özünə geri sovrulur. Həddi-buluğ yaşlarına gəldikdə (14-16 arası) bir çoxunda təkrar hiss edilməyə başlayır. Əlamətləri:
Əvvəl bir tərəfdə hiss edilir, döş ucunda sərt bir toxuma böyüyür. Zamanla toxunduqca ağrı verməyə başlayır. Sonra digər tərəfdə də əmələ gəlir. Uzun müddət yüngül barmaqla toxunduqda belə ağrı verir. Başqalarını bilmirəm, amma məndə bir müddət sonra sıxdıqca içindən şəffaf maye gəlməyə başladı. Tam xatırlamıram, lakin bu da bir neçə ay çəkmişdi deyəsən. 17-18 yaşa gəldiyimdə artıq maye gəlmirdi və ağrılar demək olar tamamilə yox olmuşdu. Sadəcə ortada pis görüntü qaldı. O vaxtlar telefonum, kompüterim, dolayısıyla internetə çıxışım olmadığı üçün bunun nə olduğunu bilmirdim. Ətrafımın (hətta ailə üzvlərimin) psixoloji təsirinə məruz qalırdım. Bir gün kəlbətinlə lezva götürüb tualetdə özümü kəsib doğramağa belə cəhd etmişdim ))

20 yaşımda artıq bunun ginekomastiya olduğunu öyrəndim. Ürək edib atama məsələni danışdım, videoları göstərdim. Amma dedi ki, get tullan. Turnik, jim zad elə keçib gedəcək (keçmədi).

Nəhayət özüm hərəkətə keçdim, pulumu yığdım, 2 gün öncə əməliyyat oldum. ilk dəfə idi narkozla əməliyyat keçirdirəm. Əslində məndə yalançı ginekomastiya idi. Amma 5 mm vəz də olduğu üçün həm liposuction, həm də areola kəsiyi ilə vəz çıxarılması prosesi aparılıb. Əməliyyat 2 saata yaxın çəkibmiş. Əməliyyat masasında sadəcə ağzıma oksigen maskasının taxıldığını xatırlayıram. Oyananda əməliyyat olunan nahiyədə və boğazımda kəskin ağrılar hiss edirdim. Əməliyyat nahiyəsini başa düşdüm, amma boğaz ağrısını anlamadım. Sanki angina olmuşdum. Udquna bilmirdim. Sən demə, ağzıma ağciyərlərimə qədər uzanan intubasiya adlı boru soxublar. Bir də hər iki tərəfə drenaj taxılıb. Bu drenaja çirkli qan, maye filan yığılır. Dünən və sırağa gün drenaj qabları tez dolurdu, indi azalıb. Əməliyyatın üzərindən 2 günə yaxın müddət keçib amma hələ də udqunarkən sızıltı hiss edirəm. Bundan əlavə qızdırmam və kəskin baş ağrılarım var. Amma bu bədənimin narkoza verdiyi reaksiyadır yoxsa soyuqdəyməm var, bilmirəm. Görək başımıza nə gəlir.

Sadəcə onu bilirəm ki, 10 illik travmamdan xilas oldum. Qalıb 2-3 həftə səbr etmək

Edit: liposuction olmayıbmış, vəzlər və yağlar areolaya atılan kəsikdən çıxarılıbmış. Əməliyyata girmədən öncə həkiminizlə bu məsələni dəqiqləşdirin. Ki, liposuction olacaq ya yox. Çünki bəzi forumlarda simmetriya üçün liposuctionun vacibliyini qeyd edənlər var. istənilən halda hər bir insanın fiziologiyası fərqlidir. Cərrahınızla əməliyyata qədərki, əməliyyat vaxtı və əməliyyatdan sonraki prosedurları, baş verəcəkləri, riskləri filan hər şeyi detallı soruşun.

çuşka

Bunu daha çox danışırkən araya rus dilində sözlər soxuşduranlar üçün deyirlər. Amma yarı azəri yarı ingiliscə danışanlar da bu kateqoriyaya daxildi

(baxma: so)
(bax: but)

2026 iran müharibəsi

Fikirlərimi yazmaq istəyirəm, amma belə həssas dönəmdə linçlənmək psixoloji təsir edir. Normalda qozuma olmur. Ona görə sosial şəbəkələrdə filan susuram. Ümumiyyətlə sıravi vətəndaşın nə dediyinin bir önəmi yoxdur, adamlar masada plan qurublar, oyunu ona görə oynayırlar. Bizə düşən hadisələrə emosiya ilə deyil, səbəb-nəticə əlaqəsi ilə yanaşmaqdı. indi, ABŞ-nin məqsədi iranı yox etməkdir. Bunu sadəcə ölkəni daxildən çökərtməklə deyil, xaricdən də təcrid etməklə həyata keçirmək istəyir. Bir çox hərbi rütbəlilər, nazirlər öldü, Xamenei öldü, iranda xaosdur. Zatən başları bu xaosa qarışıb. Aq adamlar naxçıvana, türkiyəyə dron atmaqla nə əldə edəcəklər? Səbəb? Nəticə? Susacam dedim, amma bu gün bir tanışımla bunu müzakirə (daha doğrusu mübahisə) etmişik (məcbur söhbətə kurs olundum). Mənə deyir sən iranpərəstsən, şiəsən filan (özü sələfidi). Şiə sünni söhbəti edəcək ən axırıncı adamam. Nə dəxli? Siyasi oyunları, pərdəarxası məqamları analiz edib nəticəyə gəlmək üçün mütləq tərəfdar olmaq lazımdır? Tərəfsiz analiz etmək olmaz? Mən israrla bu hadisələri təxribat (false flag) kimi qiymətləndirirəm. Kim nə deyir desin. Prezidentin çıxışı da hər zamanki kimi publikaya oynamaqdır (baxma: diplomatik teatr)

Deyir dron iran istehsalı shahed dronudu. Oyunu quran bunu düşünməyəcək qədər dubdu aq? Reaper (abş) yaxud harop (israil) atacaqdılar?

Acı həqiqət: Tarix boyu ən böyük strateji gedişlər çox vaxt xalqın coşqulu sədaları altında, amma xalqdan gizli şəkildə həyata keçirilib.

(bax: yazarların linçə səbəb olacaq fikirləri)

özümü öldürdüyüm günün ertəsi

Ruhum kənardan yasımı izləyər yəqin. Mollanın "mərhumun əmvatına salavat zikri edək!" Təlimatından sonra yas süfrəsində olan qohum-əqrəbanın 90 faizinin "allahümmə səlli əlamuhəmməsnfjdksjfkfs" deyib soxub gedəcəyi, dalıyca lavaşa bükülmüş halvanı aşla yeyib üstündən dovğayla çayı sırayla hərəsindən bir qurtum içməklərinə şahid olacağım yas mərasimim. Ki, ey kanda, həyatda nələrsə etməyə çalışdın, dişinlə, dırnağınla, götünlə divara dırmaşmaq istədin, həyatı gözündə çox böyütdün, elə hey çalışdın ətrafın, qohumun, dostun tanışın, hətta tanımadığın, bəlkə ömrü boyu sadəcə 1 dəfə rastlaşacağın insan qəhbənin biri də olsa, ən axırıncı adam da olsa, sırf o səndən narazı olmasın deyə bəzən soxdun içivə, udqundun, altdan aldın, öz haqqından keçdin, stress yaşadın, ürəyivə naqruska elədin və s. Niyə? Bax gör niyə bləə...

2024

Bu ildə başıma gələnlər
1. 23'ün sonunda çarəsizlikdən pox kimi bir işə girdim. Hər gün əsəb, hər gün stres. Smenlə olması da ayrı bir dərd (gecələr 14 saat). Və nəhayət 24ün əvvəlində o xarabadan ayrıldım.
2. işdən ayrılan ərəfələrdə elə iş yerində məndən 10 yaş böyük, 2 uşaq anası olan boşanmış, amma boşandığı əri ilə bir evdə yaşayan, türmədə və iş yerində sevgilisi olan qadınla duyğusal münasibətim oldu. Pox olsun belə münasibətin içinə. Düz 5 ay onun arxasıyca süründüm. Daha doğrusu o məni süründürdü. Necə də axmağam aq.
3. 6 ay işsiz qaldım. Məşğulluğa Back end kursu üçün müraciət etmişdim xəbər çıxmadı. Günüm boş-boş reels, shorts videoları izləməklə keçirdi. 7 iş görüşməsinə getdim. Hamısı uğursuz oldu. Evdə divarlar üstümə gəlirdi. "Parasız erkeği sadece annesi sever" deyimi var. Məni anam da sevmirdi artıq..
4. Nəhayət yaxşı pis bir iş tapdım. 3 aydı işləyirəm və 2 həftədir front end kursuna yazılmışam (sən saydığını say gör fələk nə sayır). Hal-hazırda eşqü-məhəbbət, hicranu-vüsal dərdim yoxdur. il pox kimi başladı normal bitdi. Ümumilikdə vur sikə tulla il oldu mənim üçün. Heç bir arzumu reallaşdıra bilmədim. 2025 üçün roadmap'ım yoxdur. Hələlik tək hədəfim masabaşı iş tapmaqdır. Sonrasına sonra baxarıq