yaramaz

vaqif mustafayevin çəkdiyi və ramiz fətəliyevlə birgə ssenarisini yazdığı bu film məşhur italyan rejissoru bernardo bertoluççi tərəfindən dünyanın ən yaxşı 35 filmi sırasına daxil edilib .amerikan tənqidçisi r. hollouey "financial times" qəzetində "yaramaz" filmini yenidənqurmanın ab-havasını göstərən ən yaxşı ekran əsəri hesab etmiş, kinolenti sovet kinosunda yeni dalğanın ilk uğurlu müjdəçisi adlandırmışdır.
1)1989-cu ildə odessada "qızıl dyuk" beynəlxalq kinofestivalı
filmə odessa centlmenlərinin prizi verilmişdir.
hətəm rolunun ifasına görə aktyor mamuka kikaleyşviliyə priz verilmişdir.
2)1989-cu ildə qabrovoda komediya filmlərinin festivalı
filmə "çaplinin qızıl əl ağacı" prizi verilmişdir.
3)1989-cu ildə
film "sovetskaya kultura" qəzetinin prizinə layiq görülmüşdür.
4)1989-cu ildə kalinində sovet kinosu aktyorlarının "ulduzlar-89" i ümumittifaq festivalı
aktyor mamuka kikaleyşviliyə debütə görə priz verilmişdir.
5)1991-ci ildə
quruluşçu rejissor vaqif mustafayevə, quruluşçu operator aleksandr ilxovskiyə, səs operatoru əsəd əsədova, aktyorlar mamuka kikaleyşviliyə və yaşar nuriyə, quruluşçu rəssam nazim hacıyevə, ikinci rejissor nizami musayevə azərbaycan republikasının dövlət mükafatı verilmişdir.
rollarda
mamuka kikaleyşvili-hətəm
həsənağa turabov-qəzənfər
yaşar nuri(yaşar nuriyev kimi)-maşalla
larisa borodina-iradə
ağahüseyn kərimov-mirzə baba
hamlet xanızadə-ələsgər
məlik dadaşov-molla
zərnigar ağakişiyeva-qaynana
hacı ismayılov-hacı
bəsti cəfərova-ələsgərin katibəsi
rasim balayev-nazir köməkçisi
səidə quliyeva-hətəmin keçmiş arvadı
muxtar maniyev-iş icraçısı
eldəniz zeynalov-hətəmin iş yoldaşı
rahib əliyev-hətəmin iş yoldaşı
zöhrə şirinova(z. şirinova kimi)
nazim ağayev-hətəmin sürücüsü muxtar
lalə bağırova-katibə
brilliant dadaşova-qonşu

ümid partiyası

ümid partiyası 1993-cü ildə təsis edilərək, elə həmin ildə də dövlət qeydiyyatına alınıb. partiyanın ilk sədri "qızıl qələm" mükafatı laureatı, jurnalist, bir sıra kitabların müəllifi mərhum əbülfət əliyev olub. ümid partiyasının fəaliyyətində əsaslı dönüş 2002-ci ilin dekabrında vətəndaş birliyi partiyasının ümid partiyasına birləşməsindən sonra başlayıb. 2002-ci il dekabrın 15-də ümid partiyasının iii (i) qurultayında partiyanın sədri iqbal ağazadə seçilib. sıralarında istedadlı, intelektual, liderlik və təşkilatçılıq qəbiliyyəti olan yeni nəslin, xüsusən də gənclərin birləşdiyi ümid partiyası yeni bir qüvvə kimi azərbaycanın siyasi səhnəsinə daxil oldu.
2003-cü ilin martından etibarən müxalifətin koordinasiya mərkəzinin təşkil etdiyi kütləvi etiraz aksiyalarında ümid partiyası ilk dəfə öz kolonu ilə iştirak etməyə başladı. bu aksiyalarda partiyanın kolonunun kütləvilik və aktivlilik baxımından aparıcı müxalifət partiyaları ilə ön sırada olması istər medianın, istər ictimai-siyasi qüvvələrin və istərsə də beynəlxalq təşkilatların diqqətini cəlb etdi. 2003-cü il may ayının 9-da partiyanın ali məclisi 2003-cü ilin prezident seçkilərində "bizim azərbaycan" blokunun namizədi müsavat başqanı isa qəmbərin namizədliyinin dəstəkləmək və "bizim azərbaycan" blokuna qoşulmaq barədə qərar çıxardı və müsavat partiyası ilə 21 may 2003-cü il tarixdə ikitərəfli saziş imzalandı. bu blokda 30-dan artıq siyasi partiya və 70-ə yaxın ictimai təşkilat birləşirdi.
2003-cü il iyunun 30-da cənubi azərbaycanda yaşayan soydaşlarımızın hüquqlarının tapdanmasına etiraz olaraq iran islam respublikasının bakıda yerləşən səfirliyi qarşısında partiya üzvlərinin keçirdiyi dinc aksiya polis tərəfindən vəhşiliklə dağıdıldı. aksiya iştirakçılarının bir hissəsi ciddi bədən xəsarəti aldı və 6 nəfər həbs olunaraq sonradan məhkəmə qərarı ilə hər biri 15 sutkaya qədər həbs cəzasına məhkum edildi. ümidçilərin bu aksiyası ölkə ictimaiyyətinin, mətbuatın, hüquq müdafiəçilərinin, ölkəmizdə fəaliyyət göstərən xarici ölkə səfirlikləri və beynəlxalq təşkilatların diqqətini özünə cəlb etdi.
2003-cü il iyulun 24-də və avqustun 4-də ümid partiyası dövlət başçısı heydər əliyevin səhhətinin qeyri-müəyyənliyi şəraitində onun adından imzalanacaq fərman və sərəncamlarının hüquqiliyinin böyük şübhə doğuracağı haqqında bəyanatlar verərək, dövlət başçısının fərman və sərəncamlarının tanınmaması istiqamətində siyasi partiyaları və ictimai təşkilatları birgə əməkdaşlığa çağırdı.
2003-cü il avqustun 5-də ümid partiyasının rəyasət heyəti ilham əliyevin qeyri-qanuni yolla baş nazir təyin olunmasına etiraz olaraq "monarxiyaya yox deyirik!", "ailə üsul-idarəsinə etiraz edirik!" şüarları ilə avqustun 6-dan etibarən aclıq aksiyasına başlamağa qərar verdi. avqustun 8-i və 13-ü tarixlərində ümid partiyasının qərargahı qarşısında aclıq aksiyasına dəstək mitinqləri keçirildi. bu aksiya ölkədə prezident səlahiyyətlərinin mənimsənilməsinə və kostitusityanın ciddi şəkildə pozulmasına etiraz olaraq həmin dövrdə keçirilən yeganə kompaniya beynəlxalq ictimaiyyətin, xüsusən də dünyanın aparıcı mediasının böyük diqqətinə səbəb oldu. belə ki, dünyanın aparıcı mediasında azərbaycanda i.əliyevin baş nazir təyin olunmasına etiraz olaraq yalnız ümid partiyasının keçirdiyi aksiyalardan götürülmüş kadrlar təqdim olunurdu.
2003-cü il prezident seçkiləri kampaniyası zamanı istər rayonlarda, istərsə də, bakıda təşkil olunmuş 7 sentyabr və 12 oktyabr mitinqlərində ümid partiyası kampaniyanın aparıcı qollarından biri kimi açıqca sezilirdi.
seçkidən əvvəl bəyan etdiyi kimi, ümid partiyası və onun lideri iqbal ağazadə həm 2003-cü il 15 oktyabr prezident seçkiləri günü məhkəmələrin qarşısında səsvermə hüququndan məhrum olunmuş seçicilərin yanında, həm də 16 oktyabrda səslərinin oğurlanmasına etiraz edən xalqın önündə oldu. 2003-cü ilin 17 oktyabrında ümid liderinin deputat toxunulmazlığı siyasi sifarişlə götürüldü, din mcqmi əməkdaşları onun evinə basqın edərək 17 nəfər ailə üzvləri, vəkil və jurnalistlərlə birlikdə zorakı üsulla həbs edildi.
bu həbslə kifayətlənməyən hakimiyyət ümid partiyasına və müttəfiqlərinə repressiyalarını davam etdirərək, bir çox ümidçiləri zorakı üsullarla bu hadisəni pisləyən ifadələr almağa və partiyanı tərk etmək haqqında bəyənatlar verməyə məcbur etməyə çalışdılar. hakimiyyətin repressiya maşını ümidçiləri sındırmadı, ən ağır günlərdə ölkədə qeyri-rəsmi hökm sürən fövqəladə vəziyyətdə belə ümid partiyası bir gün də olsun fəaliyyətini dayandırmadı, əksinə həbs olunmuş müxalifət liderlərinin baş verən qanunsuzluq və ədalətsizliklərə etiraz olaraq həbsxanada keçirdikləri aclıq aksiyasına partiya olaraq tək ümid dəstək verdi. 2004-cü il 7 mart tarixində azərbaycanda 16 oktyabr hadisələrindən sonra liderinin həbsdə olmasına baxmayaraq, müxalifət düşərgəsində ilk ümumrespublika müşavirəsi keçirməklə bir partiya olaraq siyasi böhrandan çıxmağı bacaran qüvvə olduğunu göstərə bildi.
20 aprel 2004-cü ildə siyasi böhrandan sonra müxalifətin ilk birgə tədbiri kimi ümid partiyasının gənclər təşkilatı tərəfindən təşkil olunmuş dəyirmi masada 16 oktyabrı "demokratiyanın müdafiə günü" kimi qeyd olunması təklifi ictimaiyyət tərəfindən dəstəkləndi.
müxalifət liderləri ilə bağlı ədalətli məhkəmə qurulması tələbi ilə məhkəmə keçirilən binanın qarşısında bir neçə dəfə etiraz aksiyası təşkil etdi.
1 dekabr 2004-cü il tarixdə ümid partiyası demokratik seçki mühitinin olmamasını, faktiki olaraq fövqəladə vəziyyət rejiminin qüvvədə saxlanılmasını və demokratik müxalifətin ümumi rəyini nəzərə alaraq 17 dekabr 2004-cü ildə keçiriləcək bələdiyyə seçkilərində iştirakdan imtina qərarını verdi.
22 oktyabr 2004-cü il tarixdə ağır cinayətlərə dair məhkəmənin qararı ilə 3 il müddətinə həbs olunan partiya lideri iqbal ağazadə digər silahdaşları ilə birlikdə beynəlxalq təzyiqlər nəticəsində 20 mart 2005-ci ildə əfv fərmanı ilə azad edildi.
6 iyun 2005-ci il tarixdə ümid partiyasının ali məclisi "bizim azərbaycan" blokunda təmsilçilikdən imtina etməklə, müsavat və digər partiyalarla ikitərəfli əməkdaşlığın davam etdirilməsini qərara aldı. ali məclisin elə həmin tarixli sessiyasında ümid partiyası 06 noyabr 2005-ci il parlament seçkilərində müstəqil olaraq iştirakla bağlı qərar verdi və partiya 2005-ci il parlament seçkilərinə 30 namizədlə qatıldı. seçkilərin nəticələrinin əksər dairələrdə kütləvi şəkildə saxtalaşdırılmasına baxmayaraq, həqiqətən də xalqın etimadını qazana bilmiş çox az sayda namizəd millət vəkili seçilə bildi ki, bu namizədlərdən biri də 35 saylı xətai üçüncü seçki dairəsindən deputatlığa namizəd ümid lideri iqbal ağazadə oldu. ümid partiyası 10 noyabr 2005-ci ildə seçkilərin xalqın iradəsini tam ifadə etməməsi və beynəlxalq standartlara cavab verməməsi haqqında parlament seçkilərinin nəticələrinə dair yekun bəyənat verdi. beləliklə, 2005-ci il parlament seçkilərində ümid yalnız bir mandat qaza bildi.
partiya qərargahı[redaktə]

ümid partiyası nərimanov rayonu ərazisində yerləşən birmərtəbəli özəl binada yerləşir. partiyanın qərargahı digər müxalifət təşkilatlarının qərargahları ilə müqayisədə normal sayıla bilər. bundan əlavə, partiya sədri iqbal ağazadənin qərargahın həyətində rezidensiyası da var