atlı lobya

40 0 0 0

4. nəsil yazar

Entry: 40

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

bölgələrə getmək

+29 əjdaha

azərbaycanda olarkən edilə biləcək eyni zamanda həm maraqlı, həm də ucuz şeylərdən birincisidir yəqin ki. avtobuslarla gediş-gəliş qiyməti çox vaxt 10-15 manatdan o tərəfə keçmir, ümumi xərciniz də maksimum 20-30 manat kimi bir şey çıxır (hazırki qiymətlərdən xəbərim yoxdur və söhbət bir günlük gedib-gəlməkdən gedir). demək olar ki, bütün şəhərlərin xəritələri google maps və başqa xəritələrdə var, ona görə də adam hara istəsə gedə bilir, yəni azıb qalmaq problemi yoxdur. bunlar texniki məsələlərdir.

qaldı məsələnin digər yanı: insanlar və yeni yerlər görmək. bu ölkə bizimdir: imişlisi, beyləqanı, salyanı, tovuzu, şəmkiri, oğuzu, xaçmazı, şabranı, ucarı, culfası, ordubadı, babəki, hacıqabulu, zərdabı, astarası, göygölü, gədəbəyi, balakəni, pirallahı adası. görmədiyimiz şeylərə inana və sahib ola bilmərik: xaçmaza gedib küçələrində saatlarla gəzmədən, girib kafelərin birində 70 qəpiyə pivə almadan ona sahib çıxa bilmərik. aid olduğumuz dar çərçivənin kənarındakı insanların yemək yedikləri nimdaş yeməkxanalarda yemək yeməsək, "biz" ola bilmərik. biləsuvarda axundov küçəsindəki balaca dükanında dəftərxana ləvazimatları və kitab satan daydayla söz kəsməsək, onu anlaya bilmərik. tanımadığımız yerlərdən, orada yaşayanlardan başqa heç kəsin keçmədiyi küçələrdən keçməsək, qusara gedib küçələrinin, evlərinin, köhnə olsa belə, nə qədər səliqəli olduğunu görüb təəccüblənməsək, lənkəranda yolun ortasında futbol oynayan uşaqların oyunlarına məcburi pauza verdirməsək, onları görməsək, bir-birimizi başa düşə bilmərik.

insan görsəl canlıdır, düşüncəmizin təməli görmə duyğumuzla bağlıdır. abstrakt ideyalar belə düşüncəmizdə görsəl metaforalarla təmsil olunur. dilə, ədəbiyyata, hətta elmə belə nəzər salsaq görsəl metaforaların çoxluğunun fərqinə varmaq olar. insanlığın ən abstrakt məşğuliyyəti sayılan riyaziyyatın belə yaranışı görmə duyğusu ilə əlaqəlidir. belə olduğu təqdirdə, görmədiyimiz insanları, yerləri sevə, onlara sahib çıxa, onları başa düşə bilmərik. özümüzü adi həyatda, küçədə, fotolarda, kinolarda, rəsm əsərlərində görməsək, kim olduğumuzu, niyə burada olduğumuzu, var olduğumuzu bilə bilmərik, bu ölkənin onu çapıb-talayanlara yox, bizə aid olduğunu başa düşə bilmərik. bunları bilməsək, getdikcə yaşadığımız məhlənin sərhədləri daralar, sonra evin divarları gələr üstümüzə, sıxılıb kiçilərik. sıxılıb kiçildikdə isə heç nə edə bilmərik.

silinmiş entry.

22 əjdaha! 07.02.2016 01:27, atlı lobya

#197251 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

aseksual asosial intellektual insan modeli

+24 əjdaha

ölkədə və sözlükdə çox rastlanan insan modelidir (yalnızlıq başlığının zorlanması bunun ən yaxşı sübutudur), qısaca aasi adlandırmaq olar. içindəki şərqli və qərblinin qarşıdurmasından bu vəziyyətə düşmüşdür. aasi, intellektual olaraq qərbli olsa da, bəzi şərqli xasiyyətlərini qoruyub saxlayır. aasi evdə ornette colemana qulaq asır, amma toya gedib əmisinin qəlbini qırmamaq üçün qol-qanad da açıb oynayır, godard fanıdır, amma azərbaycanlı qızlarla seksin mümkünsüzlüyü qarşısında acizdir. bütün bu təzadlar onu yavaş-yavaş sosial quruluşun ən uclarına sürükləyir və aasi evinə qapanıb, ah, bu dünya məni başa düşmür, mən çox asosialam, mən çox aseksualam, mənim kimi sənət zövqü olan yoxdur ətrafda, çox yalnızam bu dünyada deyə fikirləşməyə başlayır (sonra tez girib yalnızlıq başlığına bir entry yazır) və bu fikirlər onu atmosferin yuxarı qatlarına qaldırıb, günəş sisteminə və bütün kainata yollarını açır. o artıq olduğu cəmiyyətdə düşdüyü ziddiyətli vəziyyətlərdən əzab çəkmək məcburiyyətində deyil, çünki onun öz planeti var, o ən mükəmməl, heç kəsin diqqətindən və şəfqətindən əsılı olmayan, hamıdan ağıllı, zövqlü, descartesın "düşünən varlığına" dönmüşdür. öz planetindən yer üzünə qayıtdığı nadir anlarda isə ətrafındakılara aşağıdan yuxarı baxmağa başlayır; onun üçün taksidə üzeyirə qulaq asan qaqaş dünyanın ən primitiv həşəratından da aşağıdır. yaşadığı ziddiyyətləri belə bir duruşla həll edən aasini yer kürəsinə qaytarmaq çətin olur. ona başa salmaq olmur ki, sənin kimi ən azı yüzlərlə, minlərlə insan var. başa salmaq olmur ki, sənət zövqün bu qədər yüksəkdirsə, niyə məsələn, bir jurnal çıxarmırsan, ya da elə özün bir sənət əsəri ortaya çıxarmırsan, niyə heç nə eləmirsən? bunları dediyiniz an, aasi sizdən yüksəyə doğru ucalmağa başlayacaq və sizi də onu başa düşməyən, ona dəyər verməyən əzici çoxluğa aid bir həşərat kimi sinifləndirəcək. nə olduğunu başa düşməmiş bir də görəcəksiniz ki, aasi göyün 7-ci qatında durub, mənalı baxışlarla uzaqlara baxır.

silinmiş entry.

19 əjdaha! 02.01.2016 16:16, atlı lobya

#192507 şikayət

azərbaycan avropada qey olunacaq ən pis yerdir

+20 əjdaha

cəmiyyətin necə işlədiyi haqda zərrə qədər fikri olmayan insanların altında özlərini biabır elədikləri növbəti bir başlıq. yoldaşlar, cəmiyyət oynamaqdan doymadığınız gta-dakı kimi missiyalardan keçə-keçə inkişaf eləmir, elə işləmir. lgbt üzvlərinin problemi sizin də probleminizdir, bərabərsizlik problemidir. sizin özünüzü güc bəla ilə dolandırmağınıza, düz-əməlli təhsil almadığınıza, işdə təhqir olunmanıza, adam kimi iş tapa bilməmənizə, rahat ailə həyatı və sosial imkanlara sahib olmamanıza gətirib çıxaran problemdir. bunların səbəbləri həm siyasi, həm iqtisadi, həm də sosialdır. bu o deməkdir ki, bu problemlər sizin belə haqqında çox şövqlə danışdığınız müharibə, aclıq və s. problemlərilə yaxından əlaqəlidirlər. əgər homoseksualların, qadınların və başqa sosial qrupların haqlarının tanınmadığı ölkədə, indiki halda, onların aktiv şəkildə əzildiyi ölkədə rahat yaşayacağınıza inanırsınızsa, sizinlə bir on ilə, siz böyüyüb boya-başa çatdıqdan sonra danışarıq. indi isə xahiş edirəm, abrınıza sığının. sizin dediklərinizdən sizin əvəzinizə utanmaqdan üzümüzün suyu tökülüb, həqiqi sözümdür. internet dediyin şey sizə hər cür məlumata çıxış verən bir zaddır, beyninizin qıfıllarını açın, araşdırın, öyrənin görün məsələ nə yerdədir, bu insanlar nə istəyir, problem nədir. minority adlı azərbaycanca jurnal belə çıxarırlar sizin üçün, girin oxuyun, görün söhbət nədən gedir.

silinmiş entry.

17 əjdaha! 11.05.2016 21:00, atlı lobya

#213367 şikayət

səfərbərlik olsa müharibəyə gedəcək yazarlar

+18 əjdaha

başlıq səfərbərlik olsa müharibəyə getməyəcək yazarlar olsaydı, sözlükdə müharibə həvəsi ilə ən yuxarı səslə hay-şüvən qaldıran yazarlar olardı.

alman yeni dalğasının əsas fiqurlarından olan helma sanders-brahmsın deutschland bleiche mutter (almaniya, solğun ana) adlı filmini yada salmışdır bu vəziyyət. filmdə annanın atası hans və onun dostu nazi partiyasının üzvü ulrich rolları cəmiyyətdəki iki tip insanı çox dəqiqliklə təsbit edir. belə ki, müharibə başladıqda partiya üzvü olan ulrich'i yox, məhz sakit, dinc hans'ı cəbhəyə aparırlar. niyə? çünki, ulrich kimi 'vətənpərvərlər' dəyərlidirlər, onları vətən uğrunda öldürüb, israf eləmək olmaz, onlar daxildə qüvvəni möhkəmləndirmək üçün lazımdırlar.

yoldaşlar, bu gün sözlükdə və xaricində müharibə üçün dəridən-boğazdan çıxanlar bizim milli ulrich'lərimizdir. onların istəyi müharibəyə getmək yox, müharibənin nəticəsinin yarada biləcəyi fürsətlərdən yararlanmaqdan ibarətdir (özləri bunun vətənpərvərliklərindən qaynaqlandığını da düşünsələr də). geri qalan hans'lar isə, istəməsələr də ön cəbhəyə gedib alət kimi istifadə olunacaqlar. müharibədən sonra isə, evə qayıda bilənləri evliliklərinin, həyatlarının dağıldığını, vətənpərvər ulrich'lərinsə var-dövlət, vəzifə ilə təmin olunduqlarını görəcəklər, çünki, müharibənin mahiyyəti budur, yoldaşlar, müharibə ulrich'lərin yaşaması, hans'ların ölməsi üçündür. müharibə gücün özünü yeniləməsi, genişləndirməsi və möhkəmləndirməsi üçündür.

silinmiş entry.

17 əjdaha! 05.04.2016 13:01, atlı lobya

#208877 şikayət

vətən üçün ölməyi istəyəcək qədər axmaq olmaq

+16 əjdaha

heç də axmaq olmaq deyil, əksinə gezi parkını polisdən və hökümətdən qorumaq kimi, yeri gələndə ayaqüstə alqışlanası bir şeydir. insan digər heyvanlar kimi territorial varlıqdır və özünü müəyyən coğrafi əraziyə bağlı hiss etməsindən, o ərazini, dostlarını, qohumlarını qorumağa çalışmasından təbii heç nə yoxdur.

lakin "vətəni qorumaq" adı altında nəyin bizə sırıldığına baxmaq lazımdır. əgər 25 ildir donub qalmış, heç bir mandatı olmayan, ölkədəki insanlarla yaxından-uzaqdan əlaqəsi olmayan hakimiyyətlər tərəfindən dəfələrlə alovlandırılaraq müxtəlif məqsədlərlə istifadə olunan bir şeyi, birdən-birə "vətəni qorumaq" adlandırırlarsa, onda şübhələnmək lazımdır, yoldaşlar. niyə bir köpəyin oğlu soruşmur ki, əliyev və ya sarkisyan durduqları yerdə bu cəsarəti haradan aldılar? hamımız bilirik, cəbhə boyu atışma hər zaman olan bir şeydir; bəs onda niyə bu dəfə bu qədər insan öldürdülər? vətəni qorumaq üçünmü?

silinmiş entry.

16 əjdaha! 05.04.2016 02:52, atlı lobya

#208773 şikayət

seksizmin çağ öyrətim modeli

+15 əjdaha

bəlkə də, sözlükdə qadın yazar sayının kişi yazarlarına olan nisbətinin bu qədər kiçik olmasının səbəblərindən biridir. iddia etmək olar ki, müstəqil azərbaycan təhsilinin tarixinə baxanda, ən yaxşı təhsili çağ öyrətimin türk liseyləri verirdi. bu liseylərin müasir dünyadakı resurslara çıxışı olduğundan, burada oxuyan insanların keyfiyyətli təhsil alıb, özlərini inkişaf elətdirmə şansları, dövlət məktəblərində oxuyan şagirdlərlə müqayisədə daha böyük idi. bundan əlavə rüşvət və sair tipli cəmiyyət xəstəliklərinin olmadığı kiçik bir vakuum idi çağ öyrətimin liseyləri (təbii ki, özlərinə aid xəstəlikləri var idi, amma iddia edirəm ki, bunların heç biri böyüdələcək bir şey olmayıb).

di gəl ki, çağ öyrətimin qafqaz gimnaziyasını çıxmaq şərti ilə bütün məktəbləri ancaq kişilər üçün idi. ola bilsin ki, bu vəziyyət çağ öyrətimin təmsil etdiyi ideologiyaya uyğun idi, lakin, bir az gec də olsa, böyük hərflərlə qeyd etmək lazımdır ki, bu, ölkədə onsuz da yuxarı olan gender bərabərsizliyinə nəhəng töhfə vermişdir. buradan bir sual yaranır, bəs niyə azərbaycan dövləti bu qədər açıq-aşkar ayrıseçkiliyə illərlə göz yumub?

silinmiş entry.

15 əjdaha! 08.01.2016 19:18, atlı lobya

#193713 şikayət

sovet ittifaqı

+16 əjdaha

müstəqillik dövründən sonra post-sovet məkanında ictimai düşüncəni bütövlüklə əlinə almış, qərbin ən sarsaq institutları tərəfindən maliyyələşən millətçi-liberal düşüncənin təmsilçilərinin səfehcəsinə kolonialist adlandıraraq ələ saldıqları tarixi ölkə. ayə, siz heç bilirsiz kolonializm nədir, sovet niyə yaranıb? sovet dövrünün özündə belə düzgün quraşdırılmayan akademik tarixi araşdırma, sovetin ardından qərbdən axan propaqanda puluna tabe olmuş post-sovet pizdes intellektuallarının əlində yenə də tərəfsiz akademik sahə ola bilməmişdir. bunun nəticəsində bu gün yeni nəsil sovet tarixinə düzgün baxa bilmək imkanından məhrumdur: ağzını açan reagan administrasiyanın üzvü kimi danışır. ayə, bir dəfə heç olmasa müstəqil fikir yürütməyə çalışın, sizə pulsuz verilənləri sual edin də, bahalı konfraslarda ağzı köpüklənə-köpüklənə danışanlardan soruşun ki, bəs a johnson ağa, bəs bu sovet iki kəlimə oxuya bilməyən cahillər ölkəsində onlarla universitet açıb, bunun harası qolonializmdir? ə bəs bu qolonializmdirsə, amerikanın 20-ci əsrdə etdiklərini demirəm, elə gözümüzün qabağında iraqda, əfqanıstanda elədikləri nədir bəs, hay? bu sarsaq, qrantoyedlərin hekayələrinə cəmiyyət artıq doyub. bu gün bizə lazım olan tarixi tərəfsiz, obyektiv şəkildə araşdırıb bizim də cəmiyyət olaraq içində iştirak etdiyimiz prosesləri anladan həqiqi tarixçilər, akademiklərdir. azərbaycan cəmiyyətini düzgün anlamaq üçün tarixi qürur mənbəyi axtarışı və ya propaqanda aləti olmaqdan çıxarıb, ona tərəfsiz, ən azından məntiqli və "consistent" yaxınlaşmağı öyrənməli, sovet tariximizi düzgün dəyərləndirməyi bacarmalıyıq.

p.s. sonra da əli kərimli gəlib deyir ki, bəs demokratik düşərgədə intriqalar dayandırılsın. niyə? özünü alternativ adlandıranları cəmiyyət niyə sual etməyi dayandırsın? 29 ildir müstəqil fikir yürütməyə cürəti olmayan sözdə demokratlara niyə qulaq asaq?

silinmiş entry.

12 əjdaha! 01.12.2018 22:28, atlı lobya

#280084 şikayət

1-2 aprel 2016 cəbhədə gərginlik

+13 əjdaha

yenə adi insanların öldürüldüyü yeni bir şou. bəzilərimiz qıraqdan baxıb ölü sayını müqayisə edir: onlarda çox öldü, yoxsa bizdə? yaxşıdır, yox, onlarda daha çox adam ölüb, ura, bayram edək. mediya zəbt olunmuş torpaqların kiçik bir hissəsinin alındığını iddia edir, bəzilərimiz buna orqazm olur, dözmür düşür həyətdəkilərlə paylaşır xoş xəbərləri. ermənilər bizi günahlandırır, bir erməni siyasətçi televiziyaya çıxaraq qəhrəman əsgərlərin şücaətlərindən dəm vurur; cavab olaraq biz erməniləri itin götünə soxub-çıxarırıq, klaviaturalar dayanmadan şaqqıldayır, məlumat ötürmək hirsi gözləri qızardır, beyinləri dondurur; ruslar o biri tərəfdən deyir, uşaqlar, gəlin sülh içində yaşayaq, sonra ermənilərə silah verir; uzaqlarda bir yerdə obama kimləsə görüşüb gülümsəyir; əliyev naharını yeyib, maşınına doğru tələsir; dünyanın bəzi künclərində isə nifrətdən doymuş, bezmiş, müharibə şousuna artıq etiraz səslərini qaldıran bəzi insanlar cənubi qafqaz birliyi qurmaq arzuları ilə yaşayır; bakıdan yerevana maşınla getmək istəyir, yolda düşüb sisianda bir çay içmək istəyir, qonşuluğunda ermənilərin, gürcülərin olmasını istəyir, erməni görəndə, indiyə kimi ona uşaqlıqdan bəri yedizdirilmiş bütün nifrətə baxmayaraq, qarşısında bir insan görmək istəyir.

silinmiş entry.

11 əjdaha! 02.04.2016 22:24, atlı lobya

#206201 şikayət

reduksiya

+12 əjdaha

fəlsəfi və gündəlik mənaları olan sözdür. gündəlik mənasında işlənəndə azalma sözü ilə əvəz etmək olar. elmdə fərqli* amma yaxından əlaqəli mənalarda istifadə oluna bilir. məsələn, kimyada reaksiyalarda elektron qəbul edən tərəf reduksiya olunan tərəf sayılır. fəlsəfi mənası isə reductionism ideyasından gəlir və müəyyən bir məfhumu daha təməl quruluş səviyyəsindən başa salınmasına deyilir. məsələn, psixologiyanı kimyəvi və fiziki faktorların işləyişi ilə açıqlamaq reduksiyonizmə bir misal ola bilər. elmdə reduksiyonizmin ən yaxşı misalı kimi kimyəvi reaksiyaların kvant fizikası ilə açıqlanmasını göstərmək olar. bir ideya kimi reduksiyonizm elmin təməlində durur; əgər dünyada heç bir qeyri-material şey yoxdursa, hər şey eyni zərrəciklərdən ibarətdirsə, deməli, ən azından nəzəri olaraq, istənilən məfhumu bu zərrəciklərin hərəkəti ilə açıqlamaq mümkün olmalıdır. lakin, təbii ki, belə bir şey inanılmaz dərəcədə çətindir, çünki, hər quruluş səviyyəsi ilə tamamilə yeni, qeyri-xətti, asanlıqla təxmin olunmayan xüsusiyyətlər ortaya çıxır. bir sözlə, bir şeyi onu təşkil edən hissələrin davranışı ilə açıqlamaq həddən artıq çətin və elm tarixində çox nadir bir haldır.

sosial strukturlar çox sayda fərdlərdən ibarət həddən artıq mürəkkəb strukturlardır. sosial quruluşlarda mürəkkəbliyin əsas mənbələri insan davranışının asanlıqla təxmin oluna bilinməməsi, daxili qruplaşmalar, institutlar və onların qarşılıqlı əlaqələri, qərarvermə mexanizmləri, tarixi treyektoriyalar, iqtisadi əlaqələr və s.-dir. yəni bir sözlə, sosial quruluşları onu təşkil edən fərdlərə reduksiya eləmək asan deyil, çünki onlar fərdlərə aid xüsusiyyətlərdən çox daha fərqli xüsusiyyətlərə sahibdirlər və işləmə mexanizmləri fərqlidir. tualetə getmək istəyən heç kəs referendum keçirmir.

bu müşahidəni qəbul etsək, maraqlı bir mənzərə çıxır qarşımıza. sözlükdə və xaricində sosial kritika janrında yazılmış şeylərin nə qədər fərd nöqteyi-nəzərindən yazıldığını görürük. misal olaraq, xalqlara axmaq, çalışqan və s. kimi fərdlərə xas xüsusiyyətləri aid etmək hallarını göstərmək olar. bundan başqa tarixi bu və ya digər döyüşlərə, dahi şəxslərə, ümummilli liderlərə reduksiya eləmək və yaxud bir cəmiyyəti nədəsə günahlandırmaq kimi səhvlər tez-tez edilir, hətta tarixin misalında, bütöv bir humanitar elm sahəsi əsrlər boyu bu səhvi edib. problemin kökü quruluş səviyyələrindəki fərqi görməməkdən gəlir. əgər hüceyrələr və atomları görmək müəyyən cihazlardan istifadə etməliyiksə, cəmiyyəti müşahidə etmək üçün bunlara ehtiyac yoxdur. amma bu aldadıcı bir asanlıqdır, çünki, sosial quruluşlar da kifayət qədər mürəkkəbdir. söhbətin tam içində olduğumuzdan, mürəkkəbliyi intuitiv olaraq başa düşə bilmirik.

sözügedən mürəkkəbliyi başa düşdüyümü və ya hamının baş düşməli olduğunu iddia etməkdən çox uzağam. demək istədiyim şey bu mürəkkəbliyin fərqində olmağın və sosial quruluşlar haqda mülahizələr irəli sürərkən onu nəzərə almağın vacibliyidir. sözlükdə xaricinə nisbətən daha az olsa da, müəyyən qədər mövcud olan dayaz ümumiləşdirmələr, stereotipləşdirmələr, irqçilik və s. kimi şeylərin hamısı bu səthi, düşünülməmiş reduksiyanın nəticəsidir. yoldaşlar, cəmiyyət sizin köhnə sinif yoldaşınız deyil. o axmaq, ağıllı, nə bilim, gombul, halaypozan, tüpdağıdan ola bilməz. əgər elə olduğunu düşünməkdə israrlısınızsa, siz də quyruqlusuz* daha doğrusu flagellalı , çünki sperm hüceyrələrinizin quyruğu var.

silinmiş entry.

9 əjdaha! 23.05.2016 10:21, atlı lobya

#214688 şikayət

sözlük yazarlarının tqdk qəbul imtahanında topladığı ballar

+13 əjdaha

yuxarıdakı 16 nəfərdən başqa heç kəsin qozuna, şeyinə, klitorisinə, vajinasına, yumurtalığına, spermatozoidlərinə olmayan ballar toplusudur.

silinmiş entry.

13 əjdaha! 10.07.2016 20:07, atlı lobya

#220992 şikayət

sumqayıtda yer adları

+16 əjdaha

(bax: gəmi) bir-iki il bundan əvvələdək sahildə atılıb qalmış, köhnə gəmi; maraqlıdır ki, gəminin özü getsə də adı qalıb;

(bax: sputnik) sülh küçəsi və heydər əliyev prospektinin kəsişməsinə deyilir, səhv etmirəmsə

(baxma: rossiya) keçmiş rossiya kinoteatrı; hal-hazırda içində mebel satırlar və deyəsən qabağında çayxana da var; nəriman nərimanov küçəsinin sülh və cəfər cabbarlı küçələri arasında yerləşən hissəsini başa salmaq üçün istifadə edilir

(bax: pioner) nəriman nərimanov və cəfər cabbarlı küçələrinin kəsişməsini bildirən yer adı, supermarket.

(baxma: dompioner) uşaq və yeniyetmələrin yaradıcılıq mərkəzi; dompionerin qabağı, hasara alınmazdan öncə, yerin adı (dompionerin qabağında) dilə çox yatqın olduğu üçün, görüş yeri kimi istifadə olunurdu.

(baxma: 14 mərtəbə) çox uzun müddət sumqayıtın ən hündür binası olduğu üçün yerli əhalinin leksikonuna girmiş bina.

(bax: bazar) sumqayıtda bir neçə bazar olmasına baxmayaraq, ingiliscə yazsaq "the bazar" adlandıra biləcəyimiz, sülh küçəsinə verilən ümumi ad. diqqət edin, sumqayıtda sülh küçəsinə bazar deyilir. burdan dərin fəlsəfi nəticələr çıxar, yoldaş oxucu.

(baxma: şərq bazarı) sumqayıtın şərqində hər hansı bir yeri başa salmaq üçün istifadə olunan orientir.

(baxma: mətanət) bakı və şəmsi bədəlbəyli küçələrinin kəsişməsinə işarə edən orientir; şadlıq sarayı

(baxma: dörd qardaş) sumqayıt-corat-novxanı yolunun başlanğıcındakı cəlil məmmədquluzadə və səməd vurğun küçələrinin kəsişməsinə işarə edir; şadlıq sarayı

(baxma: 7 nömrə) avropada şəhər turları verən avtobusların sumqayıt versiyası olub, şəhərin gəzməli-görməli yerlərinin hamısından keçir. 7 nömrə bir sumqayıtlı üçün həyat tərzi, həyat fəlsəfəsidir.

(baxma: 7-nin yolu) yuxarıda sözügedən avtobusun marşrut xətti olsa da, əslində nəriman nərimanov və zülfi hacıyev küçələrinə verilən ümumi addır.

silinmiş entry.

14 əjdaha! 18.10.2015 15:36, atlı lobya

#184105 şikayət

internetin həqiqi potensialı

+12 əjdaha

hökümətləri və korporasiyaları qorxudacaq qədər yüksəkdir. məhz buna görə də, bu qüvvələr tərəfindən davamlı olaraq hücuma və təcavüzə məruz qalır. internet insanlıq tarixində məlumatı, informasiyanı demokratikləşdirən ən böyük addım olub. əgər bundan əvvəl informasiya ancaq müəyyən qurumların əlində cəmləşirdisə, internet vasitəsilə demək olar ki, hər kəsin hər cür məlumata çıxışı yaranıb. təbii ki, iri şirkətlər öz çıxarları üçün sərt müəllif hüquqları qanunları yolu ilə çıxışı süni olaraq, mümkün qədər limitləməyə çalışırlar, amma bu çalışmanın nə qədər uğursuz olduğunu və həmişə uğursuz olacağını görmək çətin deyil. çünki, məlumat miqdarı artdıqca, internet bir sistem kimi təbii olaraq, məlumatın axışını daha səmərəli, daha nizamlı eləməyə doğru gedir.

amma internetin də böyük əmmaları var, onlardan biri də budur: astronomik miqdarda məlumat olsa da, bu məlumat kitabxanalardakı kimi, kateqoriyalaşdırılmayıb, yəni, məlumatın strukturu çox nizamsızdır. nizam isə, o məlumatdan istifadə üçün çox vacibdir. maraqlısı odur ki, eynilə təbiətdəki canlılar kimi, internet mühitləri, platformalarının da daxili nizamlarını sabit saxlamaq və artırmaq tendensiyaları var. canlılar həyatda qalmaq üçün xaricdən enerji əldə edib, bu enerjini öz daxili nizamlarını qoruyub saxlamaq üçün istifadə edirlər. canlı orqanizmlərin bir çox quruluş səviyyələri olduğu kimi (hüceyrə, toxuma, orqan, sistem, və s.), internetin də quruluş səviyyələri var (məlumat, kanal, vebsayt, və s.). canlılar kimi, internet resursları da təbii seçmə üzərindən təkamül prosesinə tabedirlər və bu prosesdə ən uğurlu saytlar, daxilindəki içəriyi ən optimal şəkildə nizama salan saytlardır. məsələn, youtube-un məlumat nizamlama sistemində maraqlı adaptasiyalar kimi kanalları, playlistləri və sağda gələn tövsiyyə olunan videoları göstərmək olar. bunların hər biri saytı təşkil edən məlumat vahidlərini müxtəlif şəkildə nizama salmaq metodlarıdır. facebookda məlumat vahidi postlardır və onlar quruluşca insanlar, səhifələr, qruplar, hashtaglər və s. vasitəsilə nizamlanır. soz6-da da başlıqlar, istifadəçilər, məsləhətxana və s. kimi adaptasiyalar var.

təkamül prosesinin məqsədi yoxdur və o heç vaxt dayanmır. canlılar yeni şəraitə düşdükcə, yeni adaptasiyalar əldə edib, fərqli nisbətlərdə həyatda qalırlar və bu proses uzun vadədə mürəkkəbliyin həddən artıq çox olduğu canlıların yaranmasına gətirib çıxarıb. interneti bir orqanizm kimi görsək, məlumat və onun istifadəçilər onun hüceyrələridir. necə ki, canlılar aləmində milyardlarla illər boyu daha da mürəkkəb növlərin yaranmasını müşahidə edirik, internetin də zamanla məlumatı idarə etmə mexanizmləri, quruluşları daha da nizamlanıb, optimallaşıb, mürəkkəbləşəcək. ona görə də, internetin gələcəkdə tam olaraq necə olacağını indidən demək çətindir, amma bir şeyi əminliklə demək olar ki, məlumata çıxış indikindən daha səmərəli, optimal olacaq və bunun üçün internet strukturları daha da nizamlı olacaqlar. və yəqin ki, belə bir kompleks bir əjdahaya həm sahib olan, həm də onun bir parçası olan insanlar, indi təsəvvür belə edə bilməyəcəyimiz şeylərə nail olacaqlar. cəmiyyətlərin quruluşları, iqtisadi münasibətlər, istehsal, hər şey dəyişəcək və zənnimcə, internet son 20-30 ildə olduğu kimi, bu dəyişimdə ən əsas rolu oynayacaq.

qeyd1: bu kontekstdə, gözümüzün ağı-qarası, soz6-nı daha güclü "orqanizm" eləməyin bir yolu, başlıqları da qruplaşdırmaq olardı.
qeyd2: təbii ki, mürəkkəbləşmə prosesi öz-özünə getmir; burada istifadəçilərin də aktiv rolu var. məsələn, youtube-da kanallar açan, playlistlər yaradan istifadəçilərdir, bunlar olmadan məlumat istehsal olunub, nizama salına bilməz.

silinmiş entry.

10 əjdaha! 19.04.2016 23:30, atlı lobya

#211135 şikayət

rossiya kinoteatrının sökülməsi

+11 əjdaha

sovet dövründə sumqayıtın ən vacib kinoteatrlarından biri olan, daha sonra azərbaycan respublikası dövründə mədəniyyət evinə çevrilərək öz taleyinə buraxılmış binanın bu yaxınlarda barbarcasına yerlə bir edilməsidir. ayrıca ermənilərin şuşanı dağıtmasını dillərindən düşürməyən manqurtların haqqında bir ağız açıb söz deməyəcəyi oxşar səviyyəli vəhşilik. sovet höküməti dövründə ölkənin az qala ən kiçik kəndinə qədər hər yerində tikilən mədəniyyət evləri azərbaycan cəmiyyətinin sahib olduğu ən böyük mədəni mülkləri təşkil edirdi. son 27 ildə hakimiyyətdə olan qudurğan burjuy hakimiyyəti bu mədəni irsi əvvəlcə sıradan çıxarmış, sonra isə yavaş-yavaş özəlləşdirərək ictimai hesabdan çıxarmışdır. bu sizin üçün o qədər də önəmli olmaya bilər, amma ölkənin mədəni olaraq iflic vəziyyətinə düşməsinin birbaşa səbəblərindən biri və əslində elə birincisi bu ictimai mülkün olmamasıdır. azərbaycanda film, musiqi festivalları, konsertlər, sərgilər keçirmək istəyən müstəqil adamların sayı n qədərdir, lakin onları görməməyinizin səbəbi məhz bu mədəni degenerasiya siyasəti çərçivəsində aparılmış ictimai mülksüzləşdirmə prosesidir: bu gün artıq azərbaycanda mədəni tədbir keçirə biləcəyiniz yer qalmayıb! və bu, burjuyların iddia edəcəyi kimi bazarın tələbatı yox, birbaşa olaraq birilərinin planlı siyasətidir. mexanizm belə işləyir: mədəniyyət evlərindən istifadə etmə üçün rəsmi kirayə haqları təyin olunur. bu qiymətlər, azərbaycanı boş verin, qərbi avropa normalarından dəfələrlə bahalı qoyulur (50 nəfərlik zal üçün 300 manat/saat-a verməlisiniz). belədə heç bir qurum bu məkanlardan istifadə edə bilmir. bir müddət sonra istifadədən düşmüş bu məkanlar istifadəsizlik əsas gətirilərək ya özəlləşdirilir, ya da tamamilə sökülərək ölkədə idarəolunmaz vəziyyətə gəlmiş və getdikcə böyüyən daşınmaz əmlak spekulasiya bazarına qurban gedir. bu mexanizmlə sumqayıtın artıq mən bildiyim 2 mədəniyyət evi sökülmüş və ya özəlləşdirilmişdir.

bu gün düşüncənizi, mədəniyyətinizi, elminizi özəlləşdirib spekulasiyaya qurban edənlər, sabah sizin evinizi də eyni acgöz qurdlara uf demədən satacaqlar, odur ki, düşməninizi yaxşı tanıyın və etdiklərini heç vaxt unutmayın. sabah gəlib özlərini alternativ kimi təqdim edəcəklərdən də haqqınızı, mədəniyyət evlərinizi, ictimai mülkünüzü, məkanınızı tələb edin.

aşağıdakılar sumqayıtın digər mədəniyyət evlərinin başlarına gələnlərdir.
(baxma: nizami klubunun şadlıq sarayına çevrilməsi)
(baxma: qarabağ kinoteatrının maşın dükanına çevrilməsi)
(baxma: 28 may mədəniyyət evinin özəlləşdirilməsi)

silinmiş entry.

10 əjdaha! 11.11.2018 23:30, atlı lobya

#279575 şikayət

sahibsiz entry

+10 əjdaha

içində bəzilərinin yazarların şəxslərinə hücum etməyi sevən insanlar olduğu bir qrup tərəfindən yığışdırılması istənən funksiya. qətiyyən yığışdırılmalı deyil. xüsusilə də, çaqqal-çuqqalın birləşib kimisə təkləyib, qışqır-bağır salıb, sözlükdən soyuda bildiyini nəzərə alsaq, bu funksiyadan beşəlli yapışmaq lazımdır. əgər bu bir mübarizədirsə—ki, bu bir mübarizədir artıq—qoy fikirlər, düşüncələr yarışsın, şəxslər, eqolar yox. arxasına hay-küyçü kütləni alıb, ora-bura qusan insanlara qarşı, təcavüzə məruz qalmadan bir fikir bildirmək üçün bu funksiyaya ehtiyac var.

silinmiş entry.

9 əjdaha! 05.04.2016 02:09, atlı lobya

#208757 şikayət

ilmar qəhrəmanov

+10 əjdaha

nature indeksdə azərbaycanın elmi hasilatının arasında ümidsiz axtarışlar zamanı kəşf etdiyim, çuxanlı (salyan) doğumlu, hal-hazırda qravitasiya Fizikası üzrə max planck institutunda post-doc edən nəzəri fizik yoldaşımızdır. saytından link

araşdırması ilə bağlı daha ətraflı məlumat tapa bilərsiz.

silinmiş entry.

8 əjdaha! 10.05.2016 12:45, atlı lobya

#213252 şikayət

umbaylama mədəniyyəti

+10 əjdaha

oturuşmamış bir zad. qərdeşim, adam yarım kilometrlik yazır, sonra kimsə girib umbay verir. ala xoşun gəlmir, lap əla, gəl razılaşmayaq, həqiqi sözümdür, razılaşmaqdansa, razılaşmayaq, umbaylayaq, söyüşək, döyüşək, amma danışaq da ala. istəyirsən söy, təhqir elə, amma bir şeylər elə də ala. mənə mövzu maraqlıdır ki, yazmışam o boyda, sənə də maraqlıdır ki, oxumusan. ortada hər iki tərəfdən çəkilmiş bu qədər əziyyət varkən, bir zəhmət çək, beynindən keçəni, nəylə razılaşmadığını, niyə razılaşmadığını, öz fikrini paylaş da ala, ölərsən? bu nə paxıllıq, bu nə simiclikdir ya kosmos! entrynin yanındakı "mesaj"-a basanda mesajda həmin entryə istinad verilir. səndən istənilən bir-iki kəlimə ilə fikrini çatdırmaqdır.

qeyd: söhbət təbii ki, bir cümləlik entrylərdən getmir, çünki onları yazmağa və oxumağa böyük əmək sərf olunmur.

silinmiş entry.

9 əjdaha! 25.05.2016 01:13, atlı lobya

#214897 şikayət

elm oxuyacaq olanlara məsləhətlər

+10 əjdaha

hansısa elm sahəsi üzrə təhsil almaq istəyən insanlara verilmək istənən məsləhətlərin toplandığı başlıq. ənənəvi olaraq hər elm sahəsi fərqli mövzularla maraqlansa da, interdisiplinar (sahələrarası?) tədqiqatların daha geniş yayılmağa başladığı dünyada bəzi ümumi məsləhətlər vermək mümkündür deyə düşünürəm.

(bax: riyaziyyat)
ən başlıcası təbii ki, riyaziyyatdır. təbiətin dili riyazidir deyirlər; bu riyaziyyatçıların götlərindən uydurduğu şey deyil, həqiqətdir. riyaziyyatla arası olmayan insanlara (məsələn, bioloqlara, psixoloqlara və s.) belə indilərdə riyaziyyat lazım olur. ümumiyyətlə, hər elm sahəsində ən maraqlı işlərdən biri, bəlkə də birincisi, maraqlandığınız məfhumu riyazi olaraq təsvir edib, anlamaq olduğuna görə riyaziyyatdan qaçış yoxdur. qaçışa ehtiyac da yoxdur. riyazi gözəlliyi anlamağa çalışmaq lazımdır. yaşlı vaxtında bu həqiqətin fərqinə varmış bir bioloq olaraq deyirəm bunu. mənə heç kəs deməmişdi zamanında bunu, barı sizə kimsə demiş olsun. hər şeydən əvvəl riyaziyyatı sevin və bu dildə özünüzü ifadə etməyi bacarın. məsələn, biologiya oxuyursunuzsa, universitetdə sizə çoxlu faktlar əzbərlədəcəklər. onları bir təhər yola verin, boş vaxtlarınızda riyaziyyat oxuyun, özünüzü inkişaf elətdirin, o əzbərlədiyiniz faktları gələcəkdə özünüz rahatlıqla oxuyub daha yaxşı başa düşə bilərsiz.

(bax: proqramlaşdırma)
yenə də, sahədən asılı olmayaraq, gündəlik və nəzəri işlərdə mütləq lazım olacaq bir bacarıqdır. mənə indiyə qədər əsasən matlab, r, python lazım olub, amma qabağınıza çıxdıqca başqalarını da öyrənməyiniz məsləhətlidir. bundan əlavə, latexdən də istifadə etməyi bacarın.

(bax: statistika)
elmi iddialar riyazi açıqlamalardan fərqli olaraq təbiətcə statistikdir. statistika əldə olan məlumatı görmək üçün bir növ eynəkdir. elm adamları təcrübələrinə statistika eynəkləri ilə baxırlar. mücərrəd bir fenomeni başa düşmək üçün geniş eynək kolleksiyası və bu eynəklərin necə istifadə etməyi dərindən bilmək lazımdır.

(baxma: mühəndislik)
ümumiyyətlə, bəlkə də gələcəkdə elm karyerası istəyirsinizsə, bakalavr təhsilinizi mühəndislik üzrə oxusanız daha yaxşı olar. mühəndislikdə yuxarıda sözügedən məsələləri daha orqanik şəkildə öyrənə bilərsiz, bonus olaraq, maraqlandığınız elm sahəsi üzrə bilgilər də ala bilərsiz. bundan əlavə, mühəndislikdə, edərək, layihə-əsaslı öyrənmək məsələsi var ki, bu da çox vaxt quru-quru nəzəriyyə ilə məşğul olaraq öyrənməkdən daha yaxşıdır.

qeyd: bu entrydə söhbət fiziki (fizika və astronomiya, kimya, yer elmləri) və təbiət (biologiya, tibb) elmlərindən gedir.

silinmiş entry.

9 əjdaha! 16.05.2016 00:14, atlı lobya

#213828 şikayət

azərbaycandan xaricə çıxanlara deyilən şeylər

+10 əjdaha

"brat, çalış özümüzkülərdən uzaq dur, onlardan adama xeyir gəlməz"
"bura gəlib neyniyəcəksəne, getmisən, kakraz, evlən, ev-eşik qur orda, rahat həyatını yaşa, kefsəne"

silinmiş entry.

10 əjdaha! 13.11.2015 18:50, atlı lobya

#187093 şikayət

40 satrap və çoban

+9 əjdaha

zənnimcə, odtüdə oxuyan sevgilisi onu marksist-leninist biri ilə aldatdığına görə əsəblərinə hakim ola bilməyən bir yoldaşımızdır. özünə səbr, uzun ömür və can sağlığı arzulayırıq. başın sağ olsun, rəis, həyatdı, olur belə şeylər.

silinmiş entry.

9 əjdaha! 09.01.2016 18:49, atlı lobya

#193822 şikayət

azərbaycanda müstəqil kinoteatr

+9 əjdaha

bəlkə də açılmasını gözləyən bir pul qapısıdır. eyni zamanda, məqsədi təkcə pul qazanmaq olmamalı olan potensial bir təşəbbüsdür. internet ortamından görünür ki, azərbaycanda normal, kommersiyal olmayan kinonun tamaşaçısı var və kiçik də olsa bir kinoteatrı yola verməyə kifayətdir. film fiction jurnalının internet məkanında məşhurluğu bunun bir göstəricisidir. ölkədəki kinoteatrların vəziyyətini nəzərə alsaq, ucuz, dünya kinosunun klassiklərini göstərəcək bir kinoteatr açılsa, o kinoteatra gedəcək adamlar tapılacaq. amma bu kinoteatrın popkorn kinoteatrlarından ucuz olması çox vacibdir (və əslində mümkündür, çünki vizyonda olmayan kinoları daha ucuza göstərmək olar). bu layihə qarşısında duran ikinci əngəl isə altyazı istehsalının olmamasıdır. amma ilk başda ingiliscə altyazı ilə başlayıb, sonra altyazı istehsalı üçün maddi baza yığa bilər deyə düşünürəm. bir sözlə, müstəqil kinoteatr, hal-hazırda nəzəri olsa belə, maddi baxımdan özünü təmin edə biləcək bir təşəbbüs ideyasıdır deyə düşünürəm.
sifarişi verən: qu quşu körfəzi

6 əjdaha! 03.07.2016 14:31, atlı lobya

#220089 şikayət

azərbaycan bayrağını qarabağdan asmaq

+9 əjdaha

(baxma: azərbaycan gerbini balkondan vurmaq)
(baxma: azərbaycan himnini hamamdan oxumaq)

9 əjdaha! 21.06.2016 15:19, atlı lobya

#218637 şikayət

maraqlı youtube kanalları

+8 əjdaha

Çoxu ingiliscə olacaq.

crash course link

: astromoniyadan ədəbiyyata qədər müxtəlif mövzularda videolar istehsal edən kanal. xüsusilə john greenin apardığı dünya tarixi, böyük tarix (big history) playlistinə baxmaq məsləhət olunur. (ing.)

scishow link

: elmi yeniliklər, beyninizi qaşıyan suallar və elmlə bağlı müxtəlif formatlarda videolar hazırlayan kanal. crash course'u düzəldənlər tərəfindən düzəldilir. (ing.)

minutephysics link

: fizika ilə bağlı hamı tərəfindən başa düşülə və mürgüləmədən baxıla bilən videolar hazırlayan kanal. (ing.)

La Blogothèque link

: tanınmış və tanınmamış musiqiçilərlə küçədə və ya digər ictimai məkanlarda çəkilən canlı performansları vizual olaraq maraqlı və keyfiyyətli bir formada çatdıran kanal.

real russia link

: şimal qonşumuzda vəziyyətin necə olduğu haqqında videolar hazırlayan, ingiliscə çox güclü danışdığına inanan mırt başqırdıstanlı qədeşin kanalı. (ing.)

cinema sins link

: hollywood filmləri ilə mırt tutan qədeşin kanalı. (ing.)

vihart link

: riyaziyyat və fizika ilə bağlı mövzuları maraqlı rəsmləri ya da başqa yollarla müzakirə edən bir xanımın (ən yaradıcı youtubeistlərdəndir özü, fikrimcə) kanalı. (ing.)

idea channel link

: hər həftə yeni bir populyar media obyektini (serial, komiks, və s.) götürüb onun haqqında maraqlı bir fəlsəfi iddia irəli sürüb, onu müzakirə edən kanal. (ing.)

synaps label link

: azərbaycan repində ən vacib reperlərin yığışdığı labelin youtube kanalı, keyfiyyətli videolar da buraxırlar.

mosfilm link

mosfilm kinolarının nəhəng arxivi.

azərbaycan kinosu link

: azərbaycan kinosunun youtube'da ən böyük arxivi; vusal1981 olaraq da bilinir.

numberphile link

: riyaziyyatla bağlı videolar istehsal edən kanal. (ing.)

silinmiş entry.

7 əjdaha! 03.11.2015 15:52, atlı lobya

#185780 şikayət

sumuer

+8 əjdaha

sözlüyün insanlığa etdiyi ən böyük zarafatdır.

8 əjdaha! 01.11.2015 19:55, atlı lobya

#185568 şikayət

birding azerbaijan

+10 əjdaha

azərbaycanda quş müşahidəsi ilə məşğul olan yoldaşların təşəbbüsü link

. Bloqlarında mütəmadi olaraq etdikləri müşahidələri, çəkdikləri şəkilləri və s. paylaşırlar. Lakin bloqla yetinməyib, nigar ağayeva ilə birlikdə Azərbaycanda Quş Müşahidəsi: Təbiət və Landşaft Bələdçisi (Birdwatching in Azerbaijan: A Guide to Nature and Landscape) adlı kitab link

da nəşr ediblər. Qarnı yekə daydaylar Beşbarmaq dağına maşın yolu çəkmək istəyərkən bu yoldaşlar Azərbaycanda yaşayan və ya buradan keçib gedən quşların qorunmasına, təbiətin bu hissəsinə olan diqqəti artırmağa çalışırlar. alınlarından öpür, uğurlar arzulayırıq. kitablarını alaraq təbiətimiz haqda, təbiətdə edə biləcəyiniz ən maraqlı zadlardan olan quş müşahidəsi ilə bağlı şeylər öyrənə bilərsiz.

silinmiş entry.

8 əjdaha! 28.02.2019 13:24, atlı lobya

#283902 şikayət

qaqaların dərin siyasi analiz birliyi

+11 əjdaha

Dünyanın bütün problemlərini o problemlərə baxmadan həll etmək gücündə olan kişi xeylaqları birliyidir. Feminizmi qadınlardan, lgbt haqlarını geylərdən, çevrə haqda alimlərdən, dünya siyasətini tarixin özündən (!) Daha yaxşı bilirlər, özü də heç biri haqda iki səhifə oxumadan! Təəssüf ki qloballaşma və insanların oxuma-yazma öyrənmələri bu qaqa qruplarını nəsli tükənmək təhlükəsi altında olan heyvanlar siyahısına salmışdır. Ona görə də, yoldaşlar, təklif edirəm ki, babalarımızdan bizə qalan bu tarixi irsi qoruyaq, onları hifz edək!

silinmiş entry.

10 əjdaha! 13.10.2019 14:29, atlı lobya

#290567 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

atlı lobya

son bəyənilənlər:

oxuyucuların bəyəndikləri: