isveçrə

Bu ölkənin necə ikinci dünya müharibəsində toxunulmaz olduğunu bilirsiniz? Ona görə yox ki, Hitlerin yazığı gəlib bulara. Xəritəyə nəzər yetirsəniz, ölkənin tam olaraq Faşist italiyası və Nazi Almaniyası isə burun-buruna olduğunu görəcəksiniz. iş orasındadır ki:
1) Ölkənin inanılmaz çətin relyefi var. Bir dağ silsiləsi qurtarır, o biri başlayır. Soyuq iqlimi də nəzərə alsaq, bəli zəbt olunacaq ən son yer kimi düşünmək olar.
2) Bunlar çox ağıllı millətdir aga. Götürüb bütün körpülərin, yolların altına mina bastırmışdılar ki, ən ani və zəif təhlükədə belə, düşmənin gözünü qorxutsun və keçinilməz yolları ümumiyyətlə mümkünsüz etsin. Good Job!
3) Hər bir dağın ətəklərində gözlə görünməsi imkansız snayperlər və bunkerlər yerləşdiriblər. Yəni, Nazilər və yaxud Faşistlər necəsə ilk 2 maneəni keçib hücuma keçsə, bunlar anidən güllələyib yox edəcəklər olan-qalanı. Yəni, düşmən əsgərlər heç gözlənilməyən yerdən güllə yeyib o dünyaya səyahət edəcəkdilər.
Uzun sözün qısası, həqiqətən çox tədarüklü strategiyaları var idi. insanlar hələ də, inanırlar ki, işğal olunmamalarının səbəbi buranın israil torpaqları kimi holyland olması falandır. Reallıqda isə, ölkənin həm hökumət həm də millət olaraq necə hazırlıqlı olduqlarını görüb heyran qalmamaq əldə deyil. Ələxsus, mənim kimi savaş strategiyaları manyakı olan insanlar tərəfindən

zack snyders justice league

Qısacası ilk filmə nəzərən yaxşı idi. Ən azından obrazların backstorylərini görə bildik. Amma, DC bir ləkə olaraq qalır. DC Detective Comics deməkdir. Marvel hər necə ki, storytellingdə ustadırsa, DC də kriminal, detektiv tərzi comicləri ilə məşhurdur. Yəni, 43 yaşında bir insan belə rahatlıqla oxuya bilər. Onu belə sadə, bəsit film ilə göstərmək biraz utancvericidir. Və ən əsası gələk mənim ən sevdiyim superhero - Batmana. Komikləri oxumusunuzsa, Batmanın elə 4-5 alienla güclə vuruşduğu qədər zəif olmadığını bilirsiz. Adam dünyanın 1 nömrəli detektividir. Ağlı və məntiqi ilə bu adam Supermenə belə qan uddurub a kişi. Filmdə belə yan obraz kimi durması mənə çatmadı. Uzun sözün qısası, DCEU məncə digər filmləri cancel eləsin, sadəcə Man of Steeldən davam etsin. Və hər bir obraza dair Marvel kimi film çəksin. Bunun başqa yolu yoxdu. Biraz Man of Steel babat idi, qalanlarını apar tulla. Adi action filmlərini sevən biri üçün Ok ola bilər, amma DC imicinə bir ləkədir. Nəysə ki, Robert Pattinsonun Batmanına ümüdlərim böyükdür.

21-ci əsrdə dünyaya uşaq gətirən insan modeli

Normal insan modelidir) Qulağa cool səslənmir, bilirəm. Amma, dünyanın ən normal şeyidir. Bunu individual olaraq demirəm, özünüz bilərsiniz, heç övladınız olmaya da bilər, 15 dənə uşağı olan valideyn də ola bilərsiniz. Lakin, cəmiyyət üçün məcburidir. Çox sadə bir nümunədən gedəcəm. Əgər, yaşlı nəsil cavan nəsildən say baxımından çox olsa bu yerdə qalan cavanların həyatları zülmət olacaq. Yaşlıların pensiyaları məhz ödənilən vergilər əsasında təmin olunur. Əgər cavan nəsil azdırsa, məcburi olaraq ya pensiyalar aşağı düşəcək, ya da vergilərin faiz dərəcəsi artacaq. Ki, bu da onunla nəticələnəcək ki, insanlar artıq "əgər qazandığımın böyük hissəsini vergiyə verirəmsə, niyə bu qədər işləyim ki?" mentalitetinə axın edəcək. Sadə, bəsit nümunə gətirdim. Bilirəm, cool görünmək üçün gərək ələ salardım belə şeyləri amma bir çox sosial məsələlərə rasional baxmağı üstün tuturam.

universitetə qəbul olanlara məsləhətlər

Qəhvənizi hazırlayın danışacaqlarım var: ilk öncə yalandan "mən arxa partada oturan introvert birisi idim" deyib duyar kasmayacam. Oxuduğum illərdə fakültənin ən populyar oğlanlarından biri idim. Və gördüklərim əmin olun ki sizə də çox yardım edəcək.
1) BDU-da oxumuşam. Hal-hazırda magistrdayam. Nə edirsinizsə, edin sosiallaşın. Universiteti bir təhsil ocağı kimi görməyin. Təzə dostlar qazanın. Zatən gələcəkdə 80% ilə aranız kəsiləcək. Çox gözəl sosial baxımdan dərslər qazanacaqsınız.
2) Etiraf səhifələrindən uzaq durun. Bir poxa dərman deyillər. Zatən çoxunu dostlar bir-biri ilə məzələnmək üçün yazır.
3) 4 il vaxtınız olacaq. Gedib çayxanalarda və yaxud başqa yerlərdə boş-boş keçirməyin. Oğlanlar üçün deyirəm martial arts, rəqs, fitness kimi şeylərlə məşğul olun. Nəzərə alsaq ki, keçid dövrünün ortalarındasınız testosteronunuz havada olacaq. Yəni, rahat 4 ilə 10-15 kq əzələ yığa bilərsiz. Gələcəkdə nə hormonlarınız bu qədər yüksək olacaq, nə də bu qədər boş vaxtınız olacaq.
4) Dil öyrənin. Ələxsus ingilis dili. Amma rus dili də olsa əla. inanın ki, bunun bəhrəsini 10 il sonra görəcəksiz. Bəlkə onda "Loki adında bir ibnə var idi, yaxşı ki, o vaxt bunu yazmışdı" dediniz. Bu arada bizdə ingiliscə bilən adam çox azdı. Sərbəst fikrini ifadə də biləcək insan sayı 100-dən 2 ya da maximum 3dür.
5) Bunu deməyimə ehtiyac yoxdur məncə, amma bir qız sizə qapını onun üçün açdız deyə çox sağol dedisə, bu o demək deyil ki, sizi sevir. Sonra 2 metrlik cüdoist sevgilisi ilə burun-buruna gələndə gec olacaq.

graviton

slut adlı yazarın onun haqqında düşüncələrini oxudum və yazdığı entryə girdim. Belə ki, yazdığı məlum entrydə heç bir qeyri-adi bir şey görmədim. Çox doğru dediyi və qatıldığım nöqtələri oldu. Qardaş düz deyirdi, indiki dövrdə təəssüf ki, gənclər ağlamağı sevirlər. instagrama girirsən bir dənə qaqaş heç adını belə bilmədiyi qıza aşiq olub götürüb onun dərdini çəkir, biri götürüb kasıb olduğuna görə özünü pis hiss edir və s. Dostlar, sizə bir şey deyim. Mən özüm də kasıb bir ailədən çıxmışam. indi də belə mükəmməl yaşayım yoxdu və hətta maşınım da yoxdur. Lakin, günümüzdə insanlar çox həssaslaşıblar. Mark Mansonun "The art of not giving a fuck" kitabını oxumuşdum orda belə gözəl yazı var: "Öncələr mənim babamın min dənə problemi olurdu və o, hər zaman deyirdi ki, həyat pox kimidi, nəysə gedim torpağı şumluyum" tam olaraq bunu yazmamışdı, amma buna oxşar şeydi. Yəni, keçmiş dövrdə insanlar və ələxsus kişi daha "mentally tough" idi. Amma, indi hamı bir şeydən ağlıyır. Və sizi əmin edirəm, extravert olduğumdan ətrafımda çox insan var və açıq görürəm ki, ağlayanların çoxu heç də alt təbəqənin üzvləri deyil. Hətta bir qonşum var idi indi köçüb 26 yaşında idi o vaxt. Biz də danışırdıq ki, bəs iqtisadiyyat pis gündədi, vəziyyət pisdi zad. Bizə küçə lampasını göstərdi dedi ki, "o lampanı görürsən?" dedim nə deyir ala bu. təsdiqlədim dedi ki, "biz gürcüstandakı kənddə yaşayanda dua edirdik ki, kaşki bura bir işıq çəkərdilər günümüz daha işıqlı olardı" . Açıq danışım toxundu mənə bu sözü. Və bu adam səhər oxranlıq edirdi, axşam isə 4 saat taksiyə çıxırdı. Yəni, bu adam da bilir ki, həyat göy qurşağı deyil, lakin oturub ağlamaqdansa, götürüb bir yanan barmağa zad eliyirdi. Deyəcəyim odur ki, hamımızın problemi var, hamımızın gələcək qayğısı var. Lakin, insanlar sevirlər problemlərini həll etməkdənsə onu şişirtməyi. Mövzuya gəldikdə isə gravitonun yazdığı entry də bununla bağlı bir şey idi. Sanki çox belə bərbad bir şey yazmışcasına belə tənqidlərə məruz qalması mənə çatmadı. Gərək kimsə deyəndə ki, həyatım pox kimidi biz də oturub ona qoşulaq və pessimist bir mühit yaradaq? Olmaz nəsə optimist və ən əsası realist bir şey demək? Biz də gərək arxada duman mahnısı qoşub dərdli-dərdli siqaret çəkək? Və ən əsası əgər bəyənməmişdinizsə o yazını umbaylaya bilərdiz, ehtiyac yoxdu onu şişirdib sanki, belə vacib məsələ halına gətirmək

sözlük yazarlarının uşaqlıq şəkilləri

Bu ümumi kollaj
Burda Marine corpsda xidmət edirdim Vyetnamda
Burda da dəstəkçilərimi salamlayıram