hey you

5 nәfәr oğlanın qaldığı ev (± 2). tәsәvvür edin.
yox, әgәr tәsәvvür etmәkdә çәtinlik çәkirsinizsә, mәn sizә yardımçı olum.
demәli, evdә günün 24 saatı hәyat var, hamı oyaq olur. gecәynәn gündüz bәrabәrdir.
yemәyin hazırlanma vaxtları hәlә dә müәyyәn edilmәmişdir. bu sahәdә araşdırmalar davam edir.
nә olursa olsun, hәmişә diskussiya etmәyә mövzu var. nә bitib-tükәnsә dә danışmağa mövzu tükәnәn deyil. söhbәtdәn söhbәt çıxır.
əgәr evdә internet varsa, bütün qurğular hәmişә internetә qoşulu vәziyyәtdә olur vә hәrәsindәn bir avaz gәlir. bilmirsәn evdәki söhbәtә "konsantre" olasan yoxsa, evdәki müxtәlif cihazlardan gәlәn musiqiyә bәnzәr sәslәrә. əslindә hәmin evin sakinlәri bunu asanlıqla bacarırlar. bu dünyanın 8'ci möcüzәsi sayılır.
evin sәliqәsi bölmәsinә heç girmәyәk. zövqә görә dәyişir.
indi gәldik әsas mәsәlәyә. bütün bu sadaladıqlarımı hamısını eyni vaxtda canlandırın. nә alındı? xaos!
bu arada, yadımdan çıxmamış deyim, əslində evin rəsmi sakinləri adətən 3 olur (ev sahibinin bildiyi). qalanları bir gecəlik qonaqdı, sadəcə mühit əlverişli olduğu üçün aylardı burda qalırlar, yoxsa şey eləməzlər.

azərbaycandakı insan modelləri

çox vaxt fikir verirəm metroda uşaqlarını məktəbdəb götürən valideynlər (əsas da analar) uşaqlarının çantasını götürüb uşaqlara özləri boyda telefon verirlər, yol boyu uşaqlar da bütünlüklə telefona köklənir. hələ evdə nə dərəcədə telefonla (kompüterlə) oynadıqlarını bilmirəm. məktəbli bir uşaq üçün belə bir vərdiş yaratmaq valideyinlərin başlıca və mən deyərdim ki, ən böyük səhvidir. bu yaşda uşaqlarda kitaba həvəs yaratmaqdansa, valideynlər əksini edir. bu səhvin fəsadlarını isə təxmin etmək bir o qədər də çətin deyil.
bir tanışım var, ailəlidir, bir gün söhbət əsnasında bu mövzu müzakirə mövzusuna çevrildi. o qeyd etdi ki, 4 yaşlı oğlum var, bu yaşından onu kitablara öyrəşdirmək üçün mütəmadi olaraq azyaşlılar üçün nəzərdə tutulan şəkilli kitablar alıram. hələ indiyə kimi telefon nədir bilmir və bilməyəcək də, qoy indən oxumağa, öyrənməyə köklənsin.
indi özününüz müqayisə edin, hansı doğru yoldur?