ən son elədiyiniz yaxşılıq

Bir gün evə gedirdim. Hava hələ qaralmamışdı. Birdən azyaşlı çoxda tanış olmayan bir uşaq yaxınlaşdı. Əmi mənim pulum yoxdu, mənə yemək alarsan? – dedi. ilk dəfə o an idi ki, biri mənə əmi deyə səslənirdi * baxmayaraq ki yaşım hələ 21 idi .

Uşağı həmin an başımdan eləmək istəmədim. Gəl, – dedim, sənə isti bulka alım. Məhləmizə yaxın bir yer var idi. hər gün hər saat isti bulka, çörək, peraşki ala bilirdin sərxanın butkası. Məktəblilərin dərs sonrası ən sevimli yeri idi. Bu yer üçün ayrıca bir entry lazımdır, xalqlar uşaqlarına duyurulur.



Elə ordaca uşağa cemli bulkanı, çöplü sokunu aldım verdim. Çox sağ ol əmi – deyib sağollaşdı mənimlə.

Həmin anda yuxum buradaca qurtardı. Oyanıb telefondakı saatıma baxdım. Saat 8:13 göstərirdi. Hazırlaşıb getməliydim artıq....
sifarişi verən: Winston

saqqal çıxartmaq

ilk öncə saqqal çıxartmaq istədiyinə görə səni təbrik edirəm. Bunu istədiyinə görə ya hələ yeniyetməlik dövründəsən, ya da ki həqiqətən (bax: kosa) birisən.

(Bu post biraz uzun olacaq. Detallara çox girirəm)

Bu post yazmağımda məqsəd həm özümün necə oldu ki, üzümdə tük çıxartmağı bacardığımı, hansı üsullara əl atdığımı, həm də ki, bu yoldan keçmiş biri olaraq özümdən balacalara abi tövsiyəsi verməkdir* yalnız öz təcrübəmi danışacam .

1-ci hissə:
2024-cü il idi. O vaxtı hələ 4-cü kursda oxuyurdum* əziz dostum burda onu qeyd eləyim ki, yəni mənim üzümdə bu vaxta qədər çıxmayıbsa, səndə çıxmamağı da normaldı . Üzümə yaxından baxsan uzağı 10-15 dənə tük görə bilərdin. 20 yaşında olmaq, ətrafındakı bir çox dost-tanışının yeni-yeni üz qırxan maşınkalarla tanış olmağa başlaması, biraz maskülen görünmək istəyi, yaşı 16-18 olan amma baxanda balaca uşağın əmi deyəcəyi tiplərin varlığı, + saqqalın gətirəcəyi özgüvən səni saqqal çıxartmağa məcbur edəcək qədər güclü stimullar olacaq ki, sən araşdırmağa başlayasan.

2-ci hissə :
Yanvar ayı idi səhv etmirəmsə. Patok dərsi idi. Həmişə ən arxalarda otururdum. Çox sağ olsun, Yusif adlı bir dostum var idi. Qrupumuzda ən çox əxi tipi olan adamlardan biri idi.

Dərsdə yaxınlaşdım ki:
- Yusif, abi mənə tövsiyə ver görüm, necə edim ki, saqqal çıxardım? Araşdırma elədim, gördüm ki minoksidil deyə bir şey var. istifadə etmisən mi?
- Abi düz araşdırmısan. Aptekdən ala bilərsən. Yalnız diqqət elə, qara qutudakından al - üstündə farsca yazılan - o daha yaxşı nəticə verir.

Axşam evə çatmamış ilk iş yolun qırağındakı aptekə girdim. Xanıma eynən Yusifin dediyi kimi təsvir elədim. Gələn kimi də ona şəkil atdım ki, bəs təsdiqlə görüm düzmü almışam. Dostum fotonu atıram. Almaq istəyəcəyin qutu eynən bu olmalıdı:



içindən çıxanlar:
1-flakon
2-pipetka

istifadə təlimatını burda deməyəcəm.* bir zəhmət özün oxuyarsan .

3-cü hissə: Mənim transformasiyam

Dostunuz qətiyyətli biri olacaq ki, saqqal işini 1-2 ay içərisində həll elədi. Səbir və davamlı qulluq sizə lazım olacaq yeganə iki şeydi. Bir də çoxlu dua.



Bu şəkildəndə göründüyü kimi hələ də seyrək hissələr qalır. (Narahat olma, seyrəkliyi doldurmağın da taktikası var. Bölüm 4-də deyirəm).

4-cü hissə:
Bu hissə də minoksidil istifadə edərkən etməli və etməməli olduqlarından, vacib ipuçlarından danışıram.

1. ilk onu deyim ki, evdəkilərin nəsə deyəcəklərindən ehtiyat edirsənsə, heç də çəkinmə. Lap gizli-gizli et.
2. Tövsiyyə edilən norması gündə 2 dəfədir. Səhər-Axşam. Ancaq mən gündə bir dəfə ilə kifayətlənirdim. Həm də ki üzə çəkdiyim ilk vaxtlar üzümdə dəhşət yanma hiss edirdim (tərkibindəki spirtli məhlula görə). Ona görə bil ki, üzün yanırsa, deməli minoksidil öz təsirini göstərir )
3. Yaxşı effektini görmək istəyirsənsə, çəkdikdən həmən sonra çıxmasını istədiyin bölgələri masaj etməyə başla. Gözlərinə və dodaqlarına fikir ver. Onlara dəyməməlidir. Bir sözlə ehtiyatlı ol. Nə qədər xeyirli bir şey olsa da, yanlış istifadəsi istəmədiyimiz nəticələrə gətirib çıxara bilər.
4. Məhlul biraz yağlıdır. Quruması təxmini yarım saat çəkir. Nə qədər çox masaj etsən. o qədər məhlul tez quruyacaq.
5. Biraz tüklərin qalınlaşması vaxt alacaq. Ən çox səbrli olmalı olduğun vaxt bu vaxtdır. Sən disiplinli bir şəkildə səhər- axşam etməyinə bax.
6. Həə, bayaq yuxarıda dediyim seyrəklik temasına gəldik. Deməli dostum, əgər 1-2 aylıq istifadədən sonra hələ də üzün seyrək olarsa, bu artıq sənin dermaroller almağın üçün bir mesajdır. Ucu iynələrlə dolu, üzündə rahat hərəkət edə bilməsi üçün təkəri olan üzəqulluq alətidir. Bunlarda uzunluq söhbəti olur. Yəni ki, 0.5mm-dən 2-ə qədər gedir. Mənim istifadə etdiyim 1.0 mm olub həmişə.

7. Hər həftə mənim etdiyim kimi öz transformasiyanı kameraya çək. Bu şəkildə nəyi düzgün edib, nəyi etmədiyini daha yaxşı görəcəksən.
8. Məhlulu çəkəndən sonra çölə falan çıxma. Üzünü hava ilə təmasdan qoru.
9. Məhlul minimum–qutudakı təlimatda yazdığı kimi 3 saat qalmalıdı. Daha sonra bolca su ilə yumalısan.

Bax belə ağlıma gəldikcə bu posta əlavələr edəcəm.

Nəticə: xoşbəxt, özgüvənli bir gənc.

Ağlında yenə də sual işarələri qalsa, mənə yazmaqdan çəkinmə.

P.s: Yanlış öz təcrübəmi danışdım.
P.s.s: 4-cü hissədə yazdıqlarım tibbi tövsiyyə deyil.
P.s.s: Düzgün istifadə olunmadıqda tüklərin tökülmə ehtimalı var !

Bura qədər oxuduğun üçün təşəkkürlər. Bir dənə "əjdəha"nı çox görmə )