why so serious qadan alım?


1280   0   0   0
why so serious qadan alım? 1. nəsil əcdad yazar
reytinq xalı: 2360
karma xalı:270
entry sayı:1280
izləyənlər:19
sifariş sayı:0

son yazdıqları| | əl əməyi göz nuru| favori seçdikləri| favori seçilənləri| bütün entryleri| saxlanılanlar| lövhə/blog
Fırtına öncesi sessizlikteyim.

toy Bir-birini sevən iki insanın birlikdə yeni bir həyata atılmasını qeyd etmək məqsədilə uydurulmuş ənənə. Çox saf görünür, elə deyil? Deyilmiş.

Axırıncı dəfə haçan bir toya getdiyimi bilmirəm, axıra kimi oturduğum toy da çox az olar. Qohumlarım evlənib, toyunu görmüşük, ancaq heç vaxt işin içində olmamışam. Başıma gələndə bu adətin necə iyrənc bir biznesə çevrildiyini tam olaraq gördüm.

Azərbaycanda "toy", iki gəncin ən xoşbəxt günü deyil, demək olar ki ən stressli günləridir. O gün qohumlar toya atanıza olan borcunu ödəməyə gəlir, digər hər kəs isə bəyi loxlamağa çalışır. Gəlin saçı düzəldiləcək, 50 manatlıq iş olur sənə 200 manat. Maşın tutulacaq, bəzədiləcək. Gəlinə gül alınacaq. Musiqiçilər gələcək evə, kameraman gələcək. Gic gic pozalar verməyini istəyəcəklər. Pulu ödənmiş olsa da bütün bunlarda iştirak edənlərin "şirinlik" adlı pazına keçəcəksən. Restoranlar utanmadan hər şeyi soxuşduracaq. Atəşfəşanlıq olsun, beş qatlı maket tortu olsun. fotoqraf mütləq restoranın öz adamı olmalıdır, istəməsən də zorla bir toy albomu soxuşduracaqlar 300 manata. Tort gəldi bəxşiş, aş gəldi bəxşiş, vağzalı çalındı bəxşiş.
Beş illik tələbəlik həyatında hər qəpiyin dəyərini bilmiş biri olaraq, bu cür toyuq kimi yolunmaq; üstünə bir də ailənin də "adətdi, olmalıdı" deyə onların tərəfində olması adamın əsəblərini pozur. Ən xoş günün olur sənə ən pox günün.
Oturursan masaya, yemək yeməməlisən çünki gəlinsən. Gülmə, deyərlər nə sırtıq gəlindi. Oynama, deyərlər gör necə sevinir.
O qədər stress yüklədilər ki boynuma, evdən çıxmadan iki dənə persen içdim, toyumda yeməyimi də yedim, şərabımı da içdim, güldüm hətta yorulana qədər də oynadım bərəlmiş gözlərin qarşısında. Yoldaşımla ikimiz səfil tələbəlik həyatı keçirdiyimizə görə, mümkün olduğu qədər az pul xərcləməyə çalışdıq. Toyun sonuna qədər də "bitse de gitsek" modunda takıldık. O gün bizim üçün qohum-əqrəbanı əyləndirmək üçün ən başda oturdulmuş iki kukladan ibarət olduğumuz gün idi çünki.
qəbir daşına yazılacaq sözlər "Perdido en el siglo"
Açıqlama olaraq: bəlkə də bu əsrin insanı deyildim, yoxsa dünyaya ümidlə baxa bilərdim.

Əslində evdəkilərdən tut sevgilimə qədər demişəm ki, öləndə məni yandırın. Amma bilmək olmaz, müsəlmançılığın mıxına keçib basdıra da bilərlər. Onda bunu yazsınlar, deyirəm.
dəvətnamə 2000-ci illərin başlarında bunlarda dəvət olunanın və dəvət edənin adının qarşısında "yoldaş" yazılırdı. Hətta bəzən heç ad yazmayıb, "yoldaş"la yola verirdilər. (bax: sovet dövründə yaşamış insan)
narcos -- spoiler --
3-cü sezonun hələ ki 4 bölümünü izləmişəm, ancaq bu qənaətə gəldim ki, bu sezon hadisələr çox tez baş verir.
ilk iki sezonda eskobarla qaçdı-tutdu oynayırdılar, amma bu sezonun 4-cü bölümündə artıq gilberto rodriguezi əlləriylə qoymuşlar kimi tapdılar və həbsə atdılar. hər halda bu sezon cali söhbətini bağlayacaqlar, 4-cü sezonu isə başqa bir kartel haqqında çəkəcəklər.
-- spoliler --
immortal beloved ludwig van beethovenin həyatından bəhs edən 1994 çıxışlı film. Baş rolunda Gary oldman oynayır. Film Beethovenin ölümüylə başlayıb flashbacklərlə onun həyatını, həyatındakı qadınların rolunu əks etdirir.
Mozart haqqında çəkilmiş amadeus filmindən fərqli olaraq bu filmdə beethovenin bəstəkarlığına çox toxunulmayıb. bir çoxları bunu irad tutur, ancaq nəzərə alsaq ki beethoven kar olub, onda bu iradı göz ardı edə bilərik.
Filmdə Gary oldman möhtəşəmdir, sırf onun üçün belə izləməyə dəyər.
Qeyd: həmçinin, həmin il çəkilən leon filmində oldman beethoven xəstəsi bir manyakı canlandırır. -*
1 2 3 4 5 6 7 8 9 10 11 12 13 14 15 16 17 18 19 20