Theeyeschico


130   0   0   0
9.nəsil yazar
entry: 130
reytinq: 900
karma: 977
izləyən: 7
oxunma: 93,337
sifariş sayı: 15





(youtube: )



yazarların ən pis pərt olduğu an

Bəzi həftə sonları madam ki, bir gün bikar oluram, heç olmasa faydalı bir iş görüm düşüncəsiylə hovuza gedirəm. Gecə getdiyim üçün mənim kimi 1-2 psix olur o saatlarda hovuzda. Çox vaxt 45 yaş plus, arzu rzayevə oxşatdığım, div boyda bir day-day olur məndən başqa. Bu da dəhşət hərəkətlidir, suyun altına bu başdan girir, yarım saatdan sonra o tərəfdən çıxır, michael phelps’dən bir az yavaş üzür filan, qısası aquaman’in day-day version’ıdır kişi. Mən isə 20 metri sürətlə üzən kimi ağ ciyərim ağzıma gəlir, bitən siqaret paçkaları yadıma düşür, özümə söyə-söyə kanalzasiya arxına tərəf qaçıram.
Bu minvalda vaxt keçərkən day-day suyun altında çox qaldığı üçün, mən xəstənin ağlına gəldi ki, kişi birdən batar. Deyən lazımdır ki, “ay axmaq, sən kimsən axı aquaman’in dərdini çəkirsən? Özünü zorla hərləyirsən”. indi Day-day hər dəfə suyun altından gec çıxanda mən day-dayın anası imiş kimi dərd çəkirəm. “Ay allah, görən uşaq noldu?” Havalarındayam. Yenə belə bir anda artıq dayana bilmədim, su eynəyimi zadı taxdım, girdim suyun altına ki, görüm day-day nə iş görür orda.(bu ana kimi bunu dəfələrlə etmişdim)
kişi şaquli vəziyyətdə, üzündə sıfır mimika, qolları açıq suyun içində süzülürdü. Çox qorxuducu görsənirdi. Heç ana ürəyi buna dayanarmı? Təbii ki, yox! Girdim suyun altına, yerdən təkan alaraq 150 kiloluq aqua day-dayı qucaqlayıb yuxarı qaldırmağa çalışdım. O anda nə baş verdi tam xatırlamıram, amma axırda day-day məni suyun içindən çıxartdı və gurladı: “ayə, nağarsan, bajıoğlu?”… boğula-boğula: “day-day, batmamışdın sən?”…
yenə biabır olmuşdum…
sonra day-day çıxıb gedənə kimi mənimlə məzələndi, o hissələri nəql etməyəcəm, abrım əl vermir, ayıbdı.
Belə-belə içindəki yaxşılıq hissini öldürdü yazar…

39 əjdaha! Theeyeschico

26.06.2022 - 12:46 #352457 mesaj facebook twitter

zamanla geridə qaldığı üçün darıxılan şeylər

Evdən qaçmaq. Yeniyetməliyin ilk çağlarında həftədə bir mamaya “bəsdir day, bezdim əlinizdən” deyə qışqırıb, ağlaya-ağlaya evdən qaçmaq dəbdə idi. Sonra burnunun suyu axa-axa uzağı məktəbin yanına kimi gedib, oradan o tərəfə yolu tanımamaq. Əlacsız qalıb evə qayıdanda qürurun tapdalanmasın deyə gizlincə evə girmək. Axşam mama yemək gətirəndə “istəmirəm, get burdan” demək. Sonra mama yeməyi qoyub gedir, sən isə yenə də əlacsız qalıb yeyirsən yeməyini.
Maraqlı ironiyadır, darıxılan evdən qaçmaqdır, istənilən isə evə qaçmaq. Bir tərəfdən də məktəbdən o tərəfə yolu tanıyırsan artıq.

25 əjdaha! Theeyeschico

19.06.2022 - 02:31 #351893 mesaj facebook twitter

hildegard von blingin

Günümüz mahnılarını bardcore* tərzdə cover'ını hazırlayan kanadalı musiqiçi/illüstrator.
Musiqilərin cover'ında erkən orta əsr instrumentlərdən və Shakespearean-ish sözlərdən istifadə edir, eyni zamanda videolardakı illüstrasiyaları da özü recolouring edir.
Ümumiyyətlə bardcore tərzdə musiqi hazırlayan bir çox musiqiçi vs. Var, daha çox bilinənləri: 1 link , 2 link , 3 link - bunlardır, ancaq hildegardın tərzi çox daha fərqlidir.
Bəyəndiyim cover'lardan bəziləri:

(youtube: )

(youtube: )

(youtube: )


Kanalın adı isə 11-ci əsrdə bəstəkar, yazıçı, filosof və rahibə olan hildegard von bingen'in adından gəlir. Bu xanım haqqında qısa məlumat verim ki, xristianlar tərəfindən sayılıb-seçilən tarixi şəxsiyyətlərdən biridir, eyni zamanda ilk feministlərdəndir və bəstələri ilə müasir dövr operasına təsir etdiyi də deyilir.
Spotify'də də aylıq 150k dinlənilirmiş, mənim zövqüm deyil, ancaq maraqlısı üçün: link link

1 əjdaha! Theeyeschico

15.06.2022 - 16:09 #351697 mesaj facebook twitter

sans toit ni loi

Sans toit ni loi 1985-ci il tarixli bir agnes varda filmidir. ingiliz dilində filmin adı vagabondsdır. Hansı ki, avara, sərgərdan, məqsədsiz, sərsəri bla bla mənalarına gəlir. Film də bir vagabond olan monanın həyatı və yaşam seçimi üzərində qurulub.

Filmin ilk səhnəsində boş bir sahədə monanın ölü bədənini görürük. Bundan sonra isə hadisələr əvvələ qayıdır.
Monanın film boyunca qarşılaşdığı insanların dilindən onun haqqındakı fikirlərini eşidirik, ancaq hamısı müxtəlif fikirdədir və mən də onu təsvir etmək istəyəndə monanın yaşama motivini, ya da xarakterini tam başa düşə bilmədiyimi anladım.
ilk baxışda sanki mona axına qoşulub hərəkət edən, tək məqsədi azadlıq, yalnızlıq və bir az narkotik olan biri kimi gəlir. Yəni bu əslində vagabond kimi yaşamağın onun öz seçimi olmasını və bunu dəyişmək istəməməsini göstərir. Elə ki, Yolda ona kömək etmək istəyən bir kəndli qalmaq üçün yer, iş verəndə də mona bunu istəmir və sərgərdanlığa davam edir. Çünki bunun(hara isə bağlı qalmağın, pul qazanmaq üçün başqalarıyla birlikdə işləməyin) öz azadlığını qısıtlayacağını düşünür. Bu tərəfilə film əslində monanın yox, digərlərinin, yəni bizim kimi ailə, iş, dostlar kimi asılılıqları olanların axına qoşulub getdiyini göstərir, çünki mona sərbəstdir, ancaq biz yox, bizi bir yerə bağlayan iplər(öhdəliklər) var. Mona buna görə cəsarətli biridir, yəni bu ipləri qırmaq, cəmiyyətin qoyduğu qaydalardan qırağa çıxmaq asan deyil və bu cəsarəti də xəyalpərəstliyindən doğur, mənə elə gəlir ki.
Filmdə bəzi obrazlar(eyni zamanda bəzən izləyici kimi mən də) monanın azadlığına həsəd aparır, ancaq təbii ki, azadlığın qiymətinin mona üçün baha olduğunu düşünmürlər - kənddəki filosofdan başqa. Onun da monaya dediyi kimi : “You chose total freedom but you got total loneliness.”

Əgər siz də cəmiyyətin sizə verdiyi mavi/qırmızı həblər arasında seçim etmək ərəfəsindəsinizsə, məncə, baxış bucağınızı genişləndirə biləcək bir filmdir. izləməyinizi tövsiyə edirəm.

Ps. Bu mahnını xatırlatdı, əlavə etməsəm olmazdı

(youtube: )

6 əjdaha! Theeyeschico

12.06.2022 - 11:52 #351485 mesaj facebook twitter

azərbaycanda yaşamaq

Öhdəliklərinlə xəyalların arasında seçim etmək məcburiyyətində qalmaqdır. O da ki, Əgər seçim şansı varsa.
Məni təəssüfləndirən ətrafımdakı insanların çoxunun öhdəliklərini seçməsidir. Əslində Hansı doğrudur? Who knows...

"No matter what kind of wisdom dictates you the option you should pick, no one will be able to tell if it's right or wrong till you arrive to some sort of outcome, resulting from your choice. The only thing we are allowed to do is believe that we won't regret the choice we made." ~ Levi (AOT)

9 əjdaha! Theeyeschico

29.05.2022 - 01:20 #350466 mesaj facebook twitter

unudulmaz kitab cümlələri

Onun əvvəlki kimi, həmin bu yerdə dayanması ona çox qəribə və əcayib görünürdü. Elə bil o doğrudan da təsəvvür edirdi ki, o indi də, əvvəlki kimi, həmin şeylər haqqında düşünə bilər, yenə də əvvəlki kimi, həmin mövzular və mənzərələrlə maraqlana bilər... o şeylərlə ki, lap bu yaxınlara kimi onu maraqlandırırdı. Bu hətta az qaldı ona lap gülməli görünsün; eyni zamanda bu onun qəlbini sıxır, ona əzab verirdi. Bütün bu keçmiş şeylər, keçmiş fikirlər, keçmiş məsələlər, keçmiş mövzular, keçmiş təəssürat, bütün bu mənzərə, hətta o özü də, hər şey, hər şey indi ona - ayaq altından güclə nəzərəçarpan bir dərinlikdə, aşağıda göründü... sanki o yuxarıya uçur, hər şey onun gözləri önündə qeyb olurdu...

f.dostoyevski - cinayət və cəza

3 əjdaha! Theeyeschico

28.05.2022 - 17:17 #350436 mesaj facebook twitter

rəsmi sənədlərə olan tələblər

Sənədlərin kompyuter üsulu ilə hazırlanması 6.38-90 dövlətlərarası standartın tələbinə uyğun surətdə həyata keçirilir.

Kompüter üsulu ilə yazılan sənədlərin (maliyyə, statistik və digər cədvəllər istisna olmaqla) mətni “Arial” 12 şrifti ilə A4 formatda bir və ya bir yarım sətirarası intervalla yazılır.

Sənədlər çap olunarkən vərəqdə aşağıda göstərilən qədər sahələr saxlanılır:
1. soldan — 25 mm;
2. sağdan — ən azı 8 mm; 3. yuxarıdan — 20 mm; 4. aşağıdan:
-A5 formatlı kağızlar üçün — azı 19 mm;
-A4 formatlı kağızlar üçün — azı 16 mm.

9327-60 dövlətlərarası standart üzrə A5 formatlı sənədlərin mətni bir sətirarası intervalla, mətbəə üsulu ilə nəşr edilən sənədlərin mətni iki sətirarası intervalla, qalan sənədlərin mətni isə bir yarım sətirarası intervalla çap edilir.

Sənədin hər abzasının birinci sətri sol sahənin hüdudundan beş-səkkiz çap işarəsi intervalı ilə çap edilir.

Təşkilatın adlarında köməkçi sözlərdən başqa bütün sözlərin və onların tərkibinə daxil olan xüsusi isimlərin baş hərfi böyük yazılır (Qadın Problemləri üzrə Dövlət Komitəsi, Qaçqınların və Məcburi Köçkünlərin işləri üzrə Dövlət Komitəsi, Ticarət və Sənaye Palatası və s.).

Təşkilatların struktur bölmələrinin adının yalnız baş hərfi böyük yazılır (məsələn: Azərbaycan Respublikası Dövlət Statistika Komitəsinin Aparatı).

Struktur bölmələrinin tərkibindəki ayrı-ayrı struktur vahidlərinin adı kiçik yazılır (məsələn: Azərbaycan Respublikası Dövlət Statistika Komitəsi Aparatının Əmək statistikası şöbəsi).
Rayon (şəhər) icra hakimiyyəti orqanlarının adlarında bütün sözlərin baş hərfi böyük yazılır (Nərimanov Rayon icra Hakimiyyəti, Lənkəran Şəhər icra Hakimiyyəti və s.).
Böyük hərflə yazılması qanunvericilikdə bilavasitə nəzərdə tutulan vəzifələrin adları (Azərbaycan Respublikasının Prezidenti, Azərbaycan Respublikasının Baş naziri, Azərbaycan Respublikasının Baş prokuroru və s.) istisna olmaqla, qalan vəzifə adları kiçik hərflə yazılır (Azərbaycan Respublikasının maliyyə naziri, Azərbaycan Respublikası Dövlət Sığorta Kommersiya Şirkətinin sədri, Azərbaycan Milli Elmlər Akademiyasının prezidenti, Bakı Dövlət Universitetinin rektoru, Beyləqan Rayon icra Hakimiyyətinin başçısı və s.).
Başlanğıc hərflərindən yaradılmış mürəkkəb ixtisar adları böyük hərflə yazılır (məsələn: Daxili işər Nazirliyi - DiN).
iki və daha artıq səhifəsi olan sənədlər ikinci səhifədən başlayaraq nömrələnməlidir. Nömrələr ərəb rəqəmləri ilə yazılır.
Sənədlərdə nömrə anlayışı «No» işarəsi və ya «nömrə» («nömrəli») sözü ilə ifadə olunur.

Ps: böyük hərflər burada görsənmədiyi üçün anlaşılmaz ola bilər, aşağıdakı təlimatda 4-cü fəsilə baxın.
mənbə link

2 əjdaha! Theeyeschico

21.05.2022 - 18:05 #350123 mesaj facebook twitter

zövq verən kiçik oğraşlıqlar

Taksiylə uzun yol gedəndə çox vaxt taksi sürücüləri ilə söhbətimiz yaxşı alınır, adətən, eyni söhbətləri edirlər deyə taksilərlə flörtdə ustalaşmışam çünki. Söhbət başlıqları əsasən "boltun çox faiz tutması", "qəpiklə ödəniş edənlər", "beş ulduz verməyənlər", "dünən gecə maşına minən trans"*, "şoferimizin əsgərdə vurduğu zabit" və s. Kimi "elit" mövzular ətrafında fırlanır. Həm də yolun sonunda etməyi planlaşdırdığım oğraşlığı düşünərək daha həvəslə sürücülərlə söhbətə girişirəm. Hətta bəzən müxtəlif rayonlara şirin qonaqlıq təklifləri də alıram.*
Mənim oğraşlığımın obyekti yolun sonunda, ödəmə vaxtı çatanda "qonaq olardın" demək cəsarətini özündə tapan sürücüdür. Həmin anda üzümdə əclaf bir təbəssüm əmələ gəlir və * "qonaq? Çox sağol, gecən xeyrə qalsın!" Deyib düşürəm. Həmin anda Yaranan səssizlik... sürücüdəki "kemalim yapmaz" baxışı...
təbii ki, əziz sürücümüz içində mənə ağır təhqirlər etmədən öncə "haha, zarafat edirəm, elə şey olar? O qədər yol gəlmişik" deyib pulu verirəm. Bəzi adrenalin sevən şoferlər yenə dirəşir "vallah, düz deyirəm, qonaq ol" filan deyirlər, qayıdıb "yemə məni, allahyar, alnının tərini sil" demədən sağollaşıb gedirəm.

24 əjdaha! Theeyeschico

03.05.2022 - 11:48 #349353 mesaj facebook twitter

84 charing cross road

Baş rollarında anthony hopkinsanne bancroftun yer aldığı 1987-ci il tarixli dram filmi.
Bu film iki cəhətinə görə izlənməyə dəyər. Birincisi, çox geek ədəbiyyat söhbətləri gedir, kitablardan çox maraqlı sitatlar var, amma əgər siz də mənim kimi ingiliz ədəbiyyatını yaxşı bilmirsinizsə, filmin bu tərəfinin dadını tam ala bilməyəcəksiniz, yenə də qətiyyən sıxıcı gəlmir o hissələr.
Filmi izlənməyə dəyər edən ikinci cəhəti obrazlar arasındakı çox içdən hiss edilən münasibətlərdir. Empatiya bacarığı olmayan birisi belə, məncə, obrazların hansı hisləri keçirtdiyini başa düşər.

Ümumi filmin mövzusu frankla helenin məktub dostluğu ətrafında qurulub. Helen kitablara həddən artıq maraqlı biridir və öz ölkəsində tapa bilmədiyi kitabları ingiltərədən gətirtmək üçün frankın kitabxanasına məktub yazır, beləliklə onlar tanış olurlar. Film boyunca da helen hər dəfə hansısa kitabı frankdan tapmasını xahiş edir və belə məktublarla söhbət edirlər.

spoiler
Mənə görə ən maraqlı, bəlkə də təsirli obrazı frankın həyat yoldaşı noradır, hansı ki, son səhnədə əslində biz onu daha yaxşı tanıyırıq. Nora frankla aralarında ziddiyət olduğunun fərqində olsa da frankı qəlbdən sevir və frankın da helenə qarşı hissləri olduğunu anlayır, hətta helenin maktublarını, zarafatlarını, yazı üslubunu qısqanır. nora özü-özlüyündə tək-tənha olduğunu anlayır. hər nə qədər frank onun yanında olsa da, helendən minlərlə kilometr uzaqda olsa da, heleni heç vaxt görməsə də aralarındaki ən tənha insan noradır. Son səhnədə helenə yazdığı məktubda özü kimi tək-tənha insanların əslində çoxluq təşkil etdiyini yazır. insanlar eyni evdə, bir ailədə yaşayırlar, hər gün danışırlar, ancaq əslində tənhadırlar, ya da minlərlə kilometr aralıdadırlar, ayda bir dəfə məktublaşırlar, ancaq tənha deyillər.
spoiler

Ümumiyyətlə, çox underrated film olduğunu düşünürəm, yəqin ki, ancaq dialoqlar(bəzən monoloqlar) ətrafında qurulub deyə. Yenə də, bir çox yüksək reytinqli action filmlərindən daha axıcıdır, mənə görə. izləyin, izlətdirin..

6 əjdaha! Theeyeschico

24.04.2022 - 02:38 #349036 mesaj facebook twitter

tongue fu

Bu kitabı bir neçə il əvvəl oxumuşdum və demək olar ki, oxuduğum yadımdan çıxmışdı, çünki həmin vaxt oxuyanda "bunları azərbaycanda tətbiq etmək mümkün deyil" deyə düşünüb, kitabdakı fikirləri ignore eləmişdim. Səbəbi kitabda ancaq "belə mülayim olun, elə mülayim olun, insanları anlayın, onların dərdlərini öyrənin" kimi şeylər deyilməsidir. Ancaq həyatında uğur qazanmış* insanların qəsdən ya da özləri də bilmədən bu kitabdakı "hint"ləri həmişə tətbiq etdiyini görürəm. Çox mürəkkəb fikirlər də yoxdur kitabda, hamısı sadə şeylərdi, atalar sözlərini yaxşı bilən insan da burdakı fikirləri bilir, ancaq tətbiq etmək çox praktika tələb edir.
Bu entryni yazmağıma səbəb keçən gün metroda başıma gələn hadisədi, hansı ki, yenə kitabda keçən "insanlara onların dərdlərindən danışın" tövsiyəsinin nə qədər işəyarar olduğunu xatırlatdı. Hadisə belə baş verdi ki, metroda sağ küncdə qısılıb oturmuşdum və bir aya yaxındır hər gecə 4-5 saat ancaq yata bilirəm, həm də ətrafımdakı hamıyla didişirəm deyə, üstəgəl bir sürü problemlərim var deyə, əsəblərim həddən artıq gərgin idi, ucundan fizioloji affekt vəziyyətində idim. Yanımda oturan qaqaş isə dayanmadan dizini sağa-sola oynadır və mənim dizimə toxundururdu. Hər dəfə dizi mənə dəyəndə əsəbdən beynimdə milyonlarla neyron ölürdü. istədim sakit formada deyim ki, "ayağını toxundurma", amma bunda “intimate space” qanacağı da yoxdur, yapşanıdır deyə düşünüb azca sərt tonda dedim ki, "qaqaş, ayağını dəydirmə narahat edirsən". "Yaxşı" dedi və dayandı. 10-15 saniyədən sonra yenə başladı. Başımdan qaynar su tökülmüş kimi oldum, indi özüm yazanda da niyə o qədər çox əsəbləşmişəm anlamıram. Niyəsə qəsdən edirmiş kimi düşündüm və "xəstəsən, ala sən, demirəm ayağını dəydirmə?" Dedim. bu nöqtədə qaqaş tongue-fue edərək məni kor-peşman elədi. Birincisi üzr istədi və qəsdən eləmədiyini dedi(avtomatik mən onun qəsdən etdiyini düşündüyüm üçün özümü günahkar hesab elədim) və mənim dərdimdən özününküymişcəsinə danışmağa başladı. "Sənin də əsəblərin mənimki kimi gərgindi deyəsən, bilirəm, belə xırda şeylər adamın əsəbinə toxunur" məzmununda şeylər dedi. O an mənim əslində nə qədər gərgin vəziyyətdə olduğum yadıma düşdü, səhv hərəkət etdiyimi anladım. Yol boyu qaqaşdan üzrxahlıq eləmişəm, "sənalla üzrlü say" deməkdən birtəhər oldum. Başqa reaksiya almış olsa idim, yəqin ki, hər iki tərəf üçün pis nəticələnərdi.
Yəniii, insanlara onların dərdlərindən danışmaq həmişə psixoloji kontakt yaratmağa kömək edir. nə qədər fərqli xasiyyətdə olursa olsun nəticədə insan insandır.

29 əjdaha! Theeyeschico

20.03.2022 - 12:26 #347688 mesaj facebook twitter

azərbaycana və ya azərbaycanlılara xas xüsusiyyətlər

Texnologiyanın inkişafı ilə azərbaycanlıların yeni-yeni xüsusiyyətləri meydana gəlir. Bunlardan biri də, xeyir-şər günlərində bir-birinin şəklini storydə paylaşmaqdır. Bu Xüsusiyyət çox da yeni deyil yəqin ki, amma "renessans" mənə indi gəlib çatıb. Əslinə qalsa, məncə, Bunda qeyri-adi bir şey yoxdur, yəni yaxınlarımızı paylaşmaq normaldır, amma bəzi "attention whore" manyaklar geri dönüşüm almaq üçün hər yoldan keçənin ad günü olanda instagram storysində bayram şənliyi qurur. Təbrikini video ilə çatdırıb sağlıq deyənlər, ad günü olan şəxsin hər yaş dövrünə aid şəkil paylaşanlar, 2 vərəq təbrik mesajı yazanlar zad, insan övladını bu qədər sevmir. Yoxsa, quru-quru "Təbrik edirəm, hər şey könlüncə olsun" yazmaqla təbrik olar, ala?
Bir də ölən adamın məzarının yanında şəkil çəkdirib paylaşan xəstələr var. Onlara da "allah rəhmət eləsin" demək bəs eləmir, yəqin ki, whatsappda status paylaşaraq daha çox rəhmət qazandırırlar, bilmirəm. Tək bildiyim, belə şeylərin səmimiyyətsiz olduğudur.

5 əjdaha! Theeyeschico

16.02.2022 - 03:35 #345701 mesaj facebook twitter

ən nifrət edilən insan tipi

Restoranda, kafedə və s. Yerlərdə ona xidmət edən ofisianta ya da hansısa xidmət sektorunda işləyən şəxsə ödəniş etdiyi üçün onun üzərində bütün haqları satın aldığını düşünən insan tipi. Bu insanların fərqləndirici əlaməti əmr cümləsi ilə danışmalarıdır. "Bizə filan, filan şeyləri gətir!" , "bu köynəyin böyük razmerini ver!" və sairə. "Zəhmət olmasa" , "siz" sözünü leksikondan çıxarırlar bir anlıq. Anlamır ki, kimsə ona xidmət edir deyə ondan aşağı səviyyədə deyil. Həkim də, vəkil də, müəllim də pul qarşılığında başqalarına xidmət edir, necə ki, ofsiant və satıcı.
Amma yenə də mənim kimi işin zibilini çıxarıb ofisianta yaltaqlıq etməyin, axırda özünüzü self-service edən yerdə tapa bilərsiniz.

17 əjdaha! Theeyeschico

05.02.2022 - 23:01 #345079 mesaj facebook twitter

don’t try so hard

queenin 1991-ci ildə yayımladığı innuendo albomundan bir mahnı. innuendo albomu freddie mercury ölmədən öncə yayımlanmış son albomdur. Bu mahnı da freddie mercurynin xəstəliyi dövrünə təsadüf edir və tezliklə öləcəyini bilən bir adamın verdiyi səmimi tövsiyədir sanki.
Ən yorğun anda, dibdə olanda belə, “dibdə” ya da “zirvədə” olmağın əslində o qədər də önəmli olmadığına inandırır məni.


if you're searching out for something
don't try so hard
i you're feeling kind of nothing
don't try so hard
when your problems seem like mountains
feel the need to find some answers
you can leave it for another day
don't try so hard

but if you fall and take a tumble
it won't be far
if you fail you mustn't grumble
thank your lucky stars
just savour every mouthful
and treasure every moment
when the storms are raging round you
stay right where you are
oooh don't try so hard
oooh don't take it all to heart
it's only fools they make these rules
don't try so hard

one day you'll be a sergeant major
oh you'll be so proud
screaming out your bloody orders
hey but not too loud
polish all your shiny buttons
dressed as lamb instead of mutton
but you never had to try
to stand out from the crowd

oh what a beautiful world
is this the life for me
oh what a beautiful world
it's the simple life for me
oooh

oh don't try so hard
oh don't take it all to heart
it's only fools they make these rules
don't try so hard
don't try so hard
don't try so hard



(youtube: )

6 əjdaha! Theeyeschico

02.02.2022 - 00:10 #344789 mesaj facebook twitter

ən şit zarafat

Yeni ildə yemək sifariş verdiyimiz restoran sahibinin elədiyidir:
- svejiylə bir yerdə nə qədər elədi şot?
-iki yüz iyirmi iki manat... 2022 gəlir axı xd

Çox gülməlidi, şahin kafe, çox!

4 əjdaha! Theeyeschico

31.12.2021 - 20:51 #342546 mesaj facebook twitter

the day before you came

abbanın dağılmadan öncə yayımladığı, abba tərzində olmayan, tək-tük melonxolik, slow mahnılarından biri.
Mahnının sözlərində sanki bir qadın, “o şəxs” gəlmədən öncəki günlük həyatını xatırlayır. Həyatının çox monoton, məqsədsiz olduğunu söyləyir və elə başa düşülür ki, “o” gələnə kimi bunu anlamamışdı. “O” gələndən sonra doğrudan yaşamağa başladığını hiss edir. Ondan ayrılandan sonra isə keçmiş həyatının nə qədər boş, məqsədsiz olduğunu anlayır. indi yanında nə sevgilisi var, nə də keçmiş həyatı. *

Must have left my house at eight, because I always do
My train, I'm certain, left the station just when it was due
I must have read the morning paper going into town
And having gotten through the editorial, no doubt I must have frowned
I must have made my desk around a quarter after nine
With letters to be read, and heaps of papers waiting to be signed
I must have gone to lunch at half past twelve or so
The usual place, the usual bunch
And still on top of this I'm pretty sure it must have rained
The day before you came
I must have lit my seventh cigarette at half past two
And at the time I never even noticed I was blue
I must have kept on dragging through the business of the day
Without really knowing anything, I hid a part of me away
At five I must have left, there's no exception to the rule
A matter of routine, I've done it ever since I finished school
The train back home again
Undoubtedly I must have read the evening paper then
Oh yes, I'm sure my life was well within it's usual frame
The day before you came
Must have opened my front door at eight o'clock or so
And stopped along the way to buy some Chinese food to go
I'm sure I had my dinner watching something on TV
There's not, I think, a single episode of Dallas that I didn't see
I must have gone to bed around a quarter after ten
I need a lot of sleep, and so I like to be in bed by then
I must have read a while
The latest one by Marilyn French or something in that style
It's funny, but I had no sense of living without aim
The day before you came
And turning out the light
I must have yawned and cuddled up for yet another night
And rattling on the roof I must have heard the sound of rain
The day before you came


(youtube: )


(bax: klipi ilə dinlənilməli olan musiqilər)

6 əjdaha! Theeyeschico

29.08.2021 - 17:04 #335093 mesaj facebook twitter

unudulmaz kitab cümlələri

"ben çok seyahat ettim, dünyayı avucumun içinde çevirdim ve bir şeyi iyice anladım. insanı en mutlu eden şey, ihtiyaçlarıyla varlıkları arasında bir denge bulunmasıdır. bütün sorun, bu dengenin nasıl sağlanacağı. insan bunu belki varlıklarını yükseltip ihtiyaçlarının düzeyine çıkararak yapabilir. ama bu budalalık olur. bunu yapmak, arada bir sürü doğa dışı şeyler yapmayı gerektirir. pazarlık etmek gibi, çalışmak gibi, çabalamak gibi. öyleyse? öyleyse akıllı bir adam dengeyi, ihtiyaçlarını azaltarak, yani onları varlıklarının düzeyine indirerek sağlar. bunu yapmanın da en iyi yolu, bedava olan şeylerin değerini bilmektir. dağların, kahkahanın, şiirin, bir dostun verdiği şarabın, yaşlı ve şişman kadınların, bakın bana! ben elimdekilerle mutlu olmayı çok iyi bilen biriyim. bütün mesele elimdekileri yeteri kadar çoğaltmak"

(bax: şibumi)

13 əjdaha! Theeyeschico

27.08.2021 - 02:37 #334918 mesaj facebook twitter

nessi gomes

bu sifarişi boynuma qoyan: reyn
Guernsey adalarında portuqal ailəsində doğulan, əslən ingiliz olan müğənni, mahnı sözü yazarı. ilk albomu olan “diamonds and demon”u pərəstişkarlarının topladığı pullar sayəsində çıxarmış, şöhrətini də bu albomdan sonra qazanmışdır. Öz dili ilə desək, “bu albomdakı qaranlıq və işıqlı nağıllar insanın vəziyyətini, psixikasını, kollektiv qorxularını və əzablarını daha dərindən kəşf etməyə kömək edir.”

All related -

(youtube: )

Bir müddətdən sonra klipdəki hamının yerindəymiş kimi hiss edə, ya da orada olmaq istəyə bilərsiniz. *

2 əjdaha! Theeyeschico

14.08.2021 - 14:30 #334177 mesaj facebook twitter

qohumlarını sevməyən insan

bu sifarişi verən: adsızinsan

“qohumlara olan sevgi ona görə mənəviyyatsızdır ki, heç nəylə qazanılmır. Sevgini isə qazanmaq lazımdır”
(bax: fyodor dostoyevski)

Cəmiyyətdəki “qohum” tabusunu beynində yıxmış, sərbəst mühakimə bacarığı olan insandır. Qohumları sevək, amma sadəcə qohumdurlar deyə yox.

22 əjdaha! Theeyeschico

13.08.2021 - 02:01 #334037 mesaj facebook twitter

güldürən dialoqlar

- ala, bilirsən də dayı olmuşam, sabah birinci dəfə görəcəm uşağı, nə hədiyyə alım görəsən?
- nəm ala, bilmirəm. Qızdı, oğlan?
- qız
- neçə yaşı var?
- 404 error not found..

13 əjdaha! Theeyeschico

11.08.2021 - 17:23 #333859 mesaj facebook twitter

unudulmaz kitab cümlələri

“Bu cavanların şəxsiyyətlərində heç bir maraqlı cəhət yox idi, bu cür cavanlara hamı təsadüf etmişdir. Elə hər yoldan ötən bu dörd nəfər üçün nümunə ola bilər. Bunlar nə mərhəmətli, nə kinli, nə alim, nə cahil, nə dahi, nə də axmaq idilər. Lakin bunlarda bir sehr, bir cazibə var idi ki, buna da “iyirmi yaş” deyirlər.”

(bax: les miserables)

4 əjdaha! Theeyeschico

11.08.2021 - 02:25 #333820 mesaj facebook twitter

/ 20 »

blok -   başlıqlarını gizlət

Son bəyənilənlər