Tility


50   2   0   0
10.nəsil yazar
entry: 50
reytinq: 143
karma: 419
izləyən: 3
oxunma: 92,293
sifariş sayı: 1






qaziyəm

Siz nə qansız insanlarsınız?!
Hamımız baş düşürük ki, hər zaman hər vəziyyətdə sui-istifadə halları mövcuddur. Amma çoxumuz yorğan altında xumarlananda istəyərək vəya istəməyərək soyuq cəbhələrdə gecələyənlər, fiziki və psixoloji sağlamlıqlarını orada qoyanlar olub, olacaq. indi bir zəhmət onlara yol verin 5 dəqiqə sizdən əvvəl növbədən keçsinlər, sizdən 5 manat az ödəsinlər, sizin vaxtınızı 5 dəqiqə əlavə alsınlar. Sizin qiymətli zərləriniz tökülməyəcək, südünüz də daşmayacaq.
Hamı çox dünyagörüşlü olur burada, bəzən guya incə zövqlü, mütaliəni sevən, renessansdan kvant mexanikasına qədər anlayanlar, müharibənin arxa fonunda baş verənləri dərk edənlər, heyvan haqlarına qədər qoruyanlar yığını... Özünüzə gəlin.
banklardan birində hələ müharibə davam edərkən şəhid anasının necə ağladıldığını görmüşük. Yəni bu yazılar kimi təəccübləndirə bilər ki? Özünüzə gəlin.

6 əjdaha! Tility

09.01.2022 - 23:33 #343113 mesaj facebook twitter

2 əjdaha! Tility

02.01.2022 - 22:06 #342700 mesaj facebook twitter

media haqqında qanun layihəsi

Son illər milli məclisdə müzakirə olunan məsələlər Rusiyanın son dönəm qanunvericilik yolunu xatırladır. Sadəcə 2 il və ya il yarım arxadan gəlirik biz. Elə bil orada bir gij qanun verilir bizimkilərdə oxuyub, bəyənib eynisini, üstəlik daha dəhşətlisini ortaya çıxarırlar. Bu mənə bizim bir çox elmi ədəbiyyatımızın rus dilli mənbələrdən oğurlanması reallığını xatırladır. nəysə mövzudan çox uzaqlaşdım. Geri dönək.
Media haqqında bənzər bir qanun orada da 2019-da qəbul edilib. Bu il isə Rusiyada güc strukturlarına, birbaşa polislərə hədsiz səlahiyyətlər verən qanun qəbul edildi. O qanun dəhşitizmin zirvəsidi. Düşünün artıq qanunvericilik səviyyəsində Rusiyada polis heç bir əsası olmadan sadəcə təxmin etdiyinə görə özünü tanıtmadan evinizə icazəsiz istənilən vaxt girə bilər, axtarış keçirdə bilər və axtarış vaxtı sizin günahsız olduğunuz isbatlansa belə sizə, əmlakınıza, sağlmlığınıza dəymiş ziyan ödənilməyəcək. Bu qanunu oxuduqca adamın əti ürpəşir. Və ağlıma gələndəki eynisini bir neçə ilə bizim ağzıgöyçəklər də bizə sırıyacaqlar insan qorxur. Deməli orada media qanunu ilə medianı ələ yığdılar, güc strukturlarına əlavə səlahiyyətlər verərək özlərini sığortaladılar və nəhayət indi də internetə əl uzadıblar. Hələki o qanun layihəsini oxumamışam amma böyük ehtimal insanların internet azadlıqları məhdudlaşdırılacaq. Nə demək istəyirdim, demək istəyirdim ki, bu gün mətbuatı qısıtlayanlar sabah həyatınızın bütün sahələrinə əl atacaqlar və özümüz ola bildiyimiz, bəzən bəzi sözləri deyə bildiyimiz yeganə yeri - interneti belə biz rəiyyət üçün əlçatmaz edəcəklər zamanla. Media haqqında qanun layihəsi ilə tanış olmayanlar axı orda nə var deyə bilər. ilk baxışda heç nə yoxdu, hamının haqqı qorunur. Amma eyni zamanda hər kəsin hər şey haqqında nəsə demək haqqı qısıtlanır. Çox yaxın tarixdə katibəsinin arxa planını "gözü görmədiyi üçün" guya təsadüfən sığallayan deputatın belə indi icazəsi olmadan o görüntülərini paylaşmaq olmaz. Necə deyərlər hamının haqqı qorunduğu üçün heç kimin heç nəyi qorunmur. ) Bundan sonra dövlət əmlakını dağıdanları, büdcəni xalqa çox görənləri, siyasətçilərin ölkə büdcəsi hesabına saxladığı qadınlarını, altlarında dövlət hesabına bentley ilə gəzənləri, qollarında bir malikanə dəyərində saat daşıyanları və bənzəri şəxsləri artıq onların icazəsi olmadan müzakirə də etmək olmaz. Nu nu nu... layihədə ekstremizm, terrorizmlə bağlı mübarizə, vicdan azadlıqlarını təmini vs. çox zad var. Amma hər şey göründüyü kimi deyil. Ona hörmət elə, buna söz demə. Bunun fəlsəfəsi - salla başı, al maaşı- üzərində qurulub. Hətta bəzən halalca maaşı almaq üçün də tələb olunan an başını salla.

17 əjdaha! Tility

26.12.2021 - 11:17 #342187 mesaj facebook twitter

asan könüllü

Sadəcə pulsuz işlədilən, gətir götürlə məşğul olan, qapını aç ört xidməti göstərən, asanda itənlərə lazımlı yərlərə yolu başa salan işçi təbəqəsi. Adamınız, pulunuz yoxdusa kimsə sizi asan xidmətə işə götürən deyil, necə ki digər qurumlara götürmürlər. Adam və pul varsa heç bircə gün belə adi vəzifədə bələ işləmədən də istənilən şöbənin müdiri də ola bilərsiniz, bunun üçün sizə könüllülük lazım deyil. faktdı, sübutdu, gözlərimlə gördüklərimdi. Nətər deyirlər, and içə bilərəm amma təəssüf ki, sübut edə bilməyəcəm. Bir iki gün əvvəl biri tapşırılmağın yaxşı bir şey olduğunu yazırdı, təbii əziyyət çəkənlərin üzərindən tapdalayıb keçmək yaxşı şeydi. əzilən sən olmayana qədər...

15 əjdaha! Tility

22.12.2021 - 20:39 #342024 mesaj facebook twitter

uzaqdan sevmək

Hər birimiz həyatımızın müəyyən mərhələsində kosmonavt olmuşuq, kosmonavt olmaq yaxşıdır, vacibdir. bəzən uzaqdan sevmək real sevgilərdən daha güçlü hislər, xatirələr buraxır.

3 əjdaha! Tility

20.12.2021 - 18:47 #341894 mesaj facebook twitter

bərbad reklamlar

Hakimiyyətin uğurlarının yerli xəbərlərdə reklam edilməsi. Deməli, gələn ilin mart ayında alacağınız (hələ vergiləri nəzərə almadan) 20-30 faizlik maaş artımının bu ilin sentyabrından reklam edilməsi. Yarım il əvvəldən hay-həşir salıblar. Halbuki kammunal ödənişlər gecəyarı anidən artır, alış-verişdə qiymətlər günbəgün yüksəlir. Heç onları yarım il əvvəldən təmtəraqla qeyd etmirik. Bu haqsızlıqdır. Gərək onların da xəbərini ən az yarım il əvvəldən reklam etsinlər.

4 əjdaha! Tility

20.12.2021 - 18:32 #341893 mesaj facebook twitter

leptin

Leptin Neyroendokrin və metobolik prosesləri və enerji mübadiləsini tənzimləyən hormondur. Yağ toxuması hüceyrələri tərəfindən ifraz olunur. Leptin latınca leptos sözündən əmələ gəlib arıq, nazik mənasına gəlir. Leptin 2. Tip şəkərli deiabet, ürəyin işemik xəstəliyi riskinin klinik və laboratoriya göstəricisi kimi çıxış edir.
Leptinin funksiyaları özünü mərkəzi beyində Obrs reseptorları ilə leptinin qarşılıqlı təsir zamanı göstərir. Bu reseptorlarla qarşılıqlı təsir nəticəsində leptin iştah azaldıcı vasitəçilərin, əsasən, proopiomelancortin-in sintezini stimullaşdırır və eyni zamanda iştah artıran vasitəçilərin, xüsüsən neyropeptid Y-nin sistezini azaldır. Nəticədə leptin toxluq hissini yaradır. Bu fizioloji göstəricilər leptinin normal funsionallığı zamanı görülən mənzərədir. Normada leptinin organizmdə konsentrasiyası yemək qəbulundən sonra yüksəlir və ümumi iştahın düşməsi ilə müşahidə olunur. Leptinin normadan az olması arıqlamağa, normadan çox olması piylənməyə gətirir. Leptin normada qadınlar üçün 3,7-11ng/ml, kişilər üçün 2-6 ng/ml müəyyən olunub. Stres, həddən artıq qida qəbulu, xroniki böyrək çatışmazlığı, vs. Leptin səviyyəsinin yüksəlməsinin əsas səbəblərindəndir. Bundan əlavə ağız, boğaz, qulaq, burun boşluğu infeksiyaları, stomotoloji problemlər də leptin səviyyəsinin yüksəlməsinə səbəb olur. Leptin hormununun uzun müddət ərzində həddən artıq olması organizmdə onun təsirinə qarşı müqaviməti artır. Yəni leptin kifayət qədər sintez olunsa da pasientlər toxluq hiss etmirlər. Leptin hormonunun azalması kifayət qədər qidalanmadıqda, ağır fiziki əməklə məşğul olduqda, hiperterioz, vərəm, artrit, bədxassəli şişlər, yuxu rejiminin pozulması zamanı ortaya çıxa bilər.

4 əjdaha! Tility

19.12.2021 - 14:41 #341815 mesaj facebook twitter

lgbt

Bir müəllimim deyirdi ki, hər hansı bir fərd ya da topluluq dini, milli, mənəvi dəyərlər deyərək sözə başlayırsa demək orada kasıbçılıqdı. Bütün bu atributikanın istifadəsi hara isə, nəyə isə çatmaq istəyi, əzmi, əzabı, çətinliyindən irəli gəlir. Həmin fərd və topluluğun əli pula çatanda əvvəlki dəyərləri bir məna daşımır və ona ehtiyac duyulmur. Sizə tezliklə istəyinizə çatmağı arzulayıram, hər kəsə, özümə də... Bura qədər milli mənəvi dəyərlərin qoruyucularına həsr olunurdu.
Lgbt üzvlərinin insan olduğu nə üçünsə unudulur. Sizdən əksik deyillər, əksinə çox bacarıqlı, işgüzar insanlar var aralarında. Evdə anasının qorxusundan istədiyi qızı özünə aldırmağa cəsarəti çatmayanlar, mən sizdən fərqliyəm deməyə güçü çatanları bəğənmir (bəğənmir bu da məni, bu da məni)... Ona görə eqonuzu arxa cibinizə qoyun zəhmət olmasa.
lgbt-ə üzvlərinə isə uğurlar. Həyatınızı yaşayın, xoşbəxt olun. Öpdüm

3 əjdaha! Tility

14.12.2021 - 23:24 #341550 mesaj facebook twitter

3 əjdaha! Tility

14.12.2021 - 22:27 #341547 mesaj facebook twitter

150 balnan universitetə qəbul olmaq

150 balla universitet qazanmaq dövlət büdcəsinin sizin 2min ilə 10min manat arasında dəyişən pulunuza olan ehtiyacıdır.

Yüksək balla universitetə qəbul olmaq təbii ki savad, məntiq, təfəkkür, hətta diqqət və cəld reaksiya vermə bacarığınızın olduğunu göstərir. Çünki sadəcə düzgün cavabı tapmaq yox həm də sürüşdürmədən doğru xananı nişanlanmaq, səhifələri hər tərəfli yoxlamaq, gôzdən vacib heç bir şeyi qaçırmamaq bunların hər biri məntiqin və reaksiyanın bariz nümunəsidir. Sadəcə Azərbaycan kimi qohumbazlığın, tapşırığın, rüşvətin höküm sürdüyü şərq təfəkkürlü, post-sovet respublikada savadınız inkişafınız qarşısında dayanan ən əsas maneəyə çevrilə bilər. Bu ölkədə heç bir qurumda savadlı işçi sevilmir. Bu şəhər əfsanəsi deyil, real həyatdır. Savadın əvəzinə dayı tapın özünüzə və ya satın, alın, atın, aldadın amma pul tapın, tapın ki sabah siz də bu sistemin layiqli dacamçısı olaraq savad, bacarıq kimi lazımsız faktorların qarşısını alaraq insanları oxumaq, inkişaf etmək, savadlı və məntiqli olmaq, hər şeyə maraq bəsləmək kimi cəfəng fikirlərdən qoruyasınız. Öpdüm

1 əjdaha! Tility

13.12.2021 - 23:17 #341460 mesaj facebook twitter

qışın gəldiyinin anlaşıldığı anlar

Ağacdakı son yarpaq yerə düşməmiş, bir damla yağış yerdəki toza qarışıb milli, sevimli palçığı gətirməmiş (1) su boruları partlayırsa, (2) qaz kəsilirsə, (3) işıqlar sönürsə deməli vətənə qış gəlib.

3 əjdaha! Tility

12.12.2021 - 19:06 #341383 mesaj facebook twitter

valideyn diktaturası

"Hər bir qəddar diktatura özündən daha qəddar diktatura tərəfindən devrilir". Atadan qurtulub qardaşın pəncələrinə keçə bilərsiniz və ya ailənin daha qəddar fərdinin əlinə düşə bilərsiniz, ya qəddar bir ər, ya da daha çətini tanımadığınız üçünçü şəxslərin pəncələri vs... Mənfi başlayan ssenaridən yaxşı bir şey gözləmək axmaqlıqdır.
Bu vəziyyətdə iki qurtuluş yolu var. Uzun illər alır bu proseslər. 1. Sizin özünüzün həmin daha qəddar diktaturaya çevrilmə ehtimalınızın olmasıdır. Yavaş yavaş diktaturanı ələ almaq. 2. Maddi azadlığınızı qazanıb evdən mümkün olduğunca uzaqlaşmaq . Bu iki yol bir-biri ilə sıx əlaqəlidirlər, maddi azadlıq sizi diktatorluğa rahatlıqla aparacaq. Amma qurtulub özü üçün yaşayan biri olmaq, yoxsa özünü yeni diktatora çevirmək sizin seçiminizdi.
Heç nədən, heç kimdən qorxmayın. Çünki elə bir vaxt gəlir ki, insan qorxmaqdan da bezir.

3 əjdaha! Tility

12.12.2021 - 14:51 #341366 mesaj facebook twitter

gör nə deyirəm

O qız danışanda elə bilirəm ki, Azərbaycan ssr-nin pambıqçıları yenə digər bütün ittifaq respublikalarının pambıqçılarından daha çox məhsul toplayıblar. Ya da şiroko şağayet azerbaydjhan.
Qısaca isə Üç şəkildə ifadə edə bilərəm bu səviyyəsizliyi
1. Pafos
2. Daha çox pafos
3. Həddindən artıq əttökən, iyrəndirən və diksindirən pafos

4 əjdaha! Tility

11.12.2021 - 11:09 #341309 mesaj facebook twitter

yunanıstan deyəndə ağıla gələnlər

Nə qədər iqtisadi problemlər yaşasalar da fakt sübut bizdən yaxşı yaşayırlar.
Bir dostun dediyi kimi bəzən 1 ay əvvəl qədər ayın bütün günləri miting cədvəli ilə dolu olur. Demək ki, bizdən daha dekoratik mühit var. Biraz ironik, biraz şişirdilmiş olsa da yeni Yunanistanlılar qədim Yunanlılar kimi çörək, şərab və tamaşa olmayınca çölə tökülüşürlər.
Dünya görüşüm çox dardı mənim -*. Şəxsən mənim üçün bugün Yunanistan deyəndə spiker ioannis Theodoratos gəlir ağlıma. Türklər sevir bu adamı tərcümə edib, youtube yükləyib sonrada ağızlarına gələni deyirlər. Kişi onsuzda boş boş cərənləyir. Qarabağ savaşı vaxtı bunun dediklərini popkorunsuz izləmək günah idi.

(youtube: )

2 əjdaha! Tility

08.12.2021 - 22:21 #341194 mesaj facebook twitter

2 əjdaha! Tility

08.12.2021 - 16:20 #341181 mesaj facebook twitter

dil vurmaq

Bir sesksist başlıq daha. Çox düşündüm, tərəddüd edirdim. Amma və lakin yazmaq lazımdı bu haqda.
Maskulinlik kultunuz dağılsın sizin. Başdan ayağa qədər yalanmaq istəyəyənlər sonda da götlərindən öpülməsini gözləyənlər qadın bədənindən iyrənirlərmiş. Bu düşüncənin altında bir cox sosial-psixoloji səbəb var, onları nəzərdən keçirmək istəyirəm.
1. Cəmiyyət qadına fərd kimi yanaşmır, o mal-mülkdür, yükdür, kiminsə istifadəsində olan obyektdir. Ona görə qadının cinsi həzz almaq haqqının olması fikri yəqin kişilərdə şok effekti yaradır. Belə cəmiyyətlərdə qadınlar daha ciddi sosial problemlərlə üz-üzə olduqları üçün cinsi həzz almaq haqqı ilə bağlı məsələlər onların həyatlarında axırıncı sırada durur.

2. Cəmiyyətdə yərləşmiş düşüncə tərzi. Kişi qadının bu istəyini etnik, dini səbəblərlə rədd edə bilər. Buna argument kimi, bu kişiyə yaraşmaz ibarəsi istifadə edilir. Kişilik kultuna gəldikmi? Göydən zənbillə düşənlərə yaraşmır belə şeylər. Qətiyyən...

3. intim gigiyena problemi kişilərin cunnilingusdan çəkinməsinin səbəblərindən ən vacibidir. Üstəlik bu mövzu çox dərin məsələdir. Xoşagəlməz qoxu, axıntı, göbələk infeksiyaları və adlarını çəkmək istəmədiyim daha ciddi cinsi xəstəliklər. Ancaq bunun heç vaxt tək tərəfli problem olmadığı unudulmamalıdır. Təmizlik və sağlamlığın qorunması hər bir şəxsin məsuliyyətidir. Ancaq bütün bunlar haqqında məlumatlandırılmayan şəxsdən nə gözləyə bilərik biz? Bu baxımdan ölkədə vaxtilə bütün universitetlərə soxuşdurulan dinlər tarixi, əxlaq dərsini, daha sonra tolerantlıq başlıqlı lazımsız dərslərin, məktələrdə əvvəllər insan və cəmiyyət daha sonra bir çox lazımsız dərslərin yerinə uşaqlara cinsi tərbiyə dərslərinin verilməsini istəyərdim. Ailənin evdə övladına başa salmadığını heç olmasa məktəbdə başa salsınlar. Amma bunu oxuyanlar, sən nəyi götürüb, nəyi axtarırsan deyə gülə bilərlər mənə. Haqlıdırlar çünki, 9cu sinifdə biologiya müəlliminin üstündən atlayaraq keçmədiyi insanın çoxalması haqqında mövzudakı 2 səhifəlik lazımsız məlumatlar belə normal qarşılanmır bu cəmiyyətdə. Bir xatirəmi daha danışım. 10ya da 11ci sinifdə hərbi hazırlıq dərsində yaralanmalarda qanaxmanın dayandırılması movzusu 17yaşlı oğlanların necə səviyyəsiz gülüş, zarafat mövzusuna çevrilməsi faktı hələ də ağlımdadır. Qanaxma sözü üzərindən əttökən zarafatların davam etdiyi 45 dəqiqə əzabı. Yeni və gizli bir şey öyrənmiş meymun tayfasının banan sevinci deyərdim gördüklərimə. Cəmiyyətimizin mədəni səviyyəsinə olan son inam zərrələrini deyəsən o zaman itirmişdim.

4. Ya təcrübə əksikliyi ya da mənfi təcrübələr. Amma bu bizim ölkə üçün labüd problemlər deyil. Bunlar bizdən biraz daha aydın fikirli cəmiyyətlərin problemləridir. Biz bananımızı yeməyə, qabıqlarını başqalarının başına atmağa davam edək.

5. Qadınlar iyrənc deyil, gözəldir, zərifdir. Necəsinizsə özünüzü elə qəbul edin. Nə istəyirsinizsə onu edin, gözəl qızlar. Özünüzü bir yığın meymuna görə incitməyin. Öpeyrəəəm

14 əjdaha! Tility

08.12.2021 - 15:56 #341177 mesaj facebook twitter

yeni il ab-havalı film və serial bölümləri

Yeni filmlər tapdım.
Romantik komediya sevənlər üçün love hard məsləhət görülür. Bu tipli filmlərin sevimli mövzusu çeynənmiş söhbətlərdəndu. Filmdə görünüş fetişizminin daxili gözəlliyə məğlub olması nağılı biraz yeni anbalajda təqdim olunub. Əslində yaxşıdı, gülmək əylənmək qarantiya edilir. nina dobrev ilə

(youtube: )

ikinci diqqətimi çəkən film qara yumor sevənlər üçün keira knightley ilə ailə komediyası silent night (səssiz gecə)
(youtube: )
.

6 əjdaha! Tility

04.12.2021 - 02:09 #340942 mesaj facebook twitter

bir qızın tükəzban olduğunu anlama yolları

Türklərin bütün gəzəyən rus dilli qadınlara nataşa ləqəbi qoşmasına oxşadı bu başlıq. Düşünün bir, təsadüfən bir hadisəylə əlaqədar əli adını oğraşlıqla əlaqələndirsəydik, ayşən adını gəzyənliklə, tofiq adını xəyanətlə, filan adı pedofilliklə vs... Demək istədiyim tükəzban gözəl addı, bütün adlar kimi. Ad insanı insan etmir, onu müəyyənləşdirmir, insan ada dəyər qoşur. Tükəzban gözəl addı, dəyərli bir müəllimimin adıdır. Təəssüf, indi həyatda yoxdur, amma daxilimdə bir vəfa borcum var o qadına qarşı. Halbuki childfree haqqında düşünürəm, amma işdi övladım olsa nə vaxtsa ona tükəzbanın qısaldılmışını - tükəz adını verəcəm. Belə başlıq görəndə ətim ürpəşir. bizi böyüdənlərin başımıza yerləşdirdiyi yanlış çərçivələri gələcəyə ötürməyək. öpdüm.

10 əjdaha! Tility

04.12.2021 - 01:36 #340941 mesaj facebook twitter

eyni anda 4 qadınla münasibətdə olmağa icazə verildiyi üçün islam dininə sitayiş edən kişi obrazı

Güldürən başlıqlar silsiləsindən -*. Başlıq deyəsən cox uzundu, bu mövzunun məğzi kimi. Bəli qeyd şərtsiz islam kişilərin dinidi. Adicə sosial şəbəkələrdə bizim millətin səhifələrində biraz cəmiyyətimizin normalarından kənar çıxan qadın xəbərləri görəndə (məsələn, üzündəki amazon meşəsini azaldan qız, xarici ilə evlənən, nikahdan kənar övladı olan, birdən çox insan ilə əlaqədə olan, bezəndə, istədiyində kişidən boşanan, ya da hansısa kişiyə kirpiyini qaldırıb təsadüfən baxmaq istəyən qız, qadın) həmin qadına elə ilk zərbəni o gözəl dilləri ilə qadınlarımız vurur. Təhqir də diz boyu, sonda da bir kişi nümayəndə gəlir yazır ki, kişiyə olar qadına olmaz. Yerli din və cəmiyyətimiz kişipərəsti. bu faktdi, pis və ya yaxşıdı demirəm. Məni dəhşətə gətirən qadınların beyinlərinin nə dərəcə yuyulmasıdı. Uzatmaq istəmirəm, onsuzda kifayət qədər uzatdım maraqsız cümlələrlə. sifarişi verən: mariya kürüsü

5 əjdaha! Tility

04.12.2021 - 01:11 #340939 mesaj facebook twitter

zəhər tuluğu

22 dekabrda eyniadlı tam metrajli filmin premyerası olacaq. Gözləyirik.

(youtube: )

1 əjdaha! Tility

03.12.2021 - 14:04 #340917 mesaj facebook twitter

/ 20 »

blok -   başlıqlarını gizlət