vagabondyouknow


40   0   0   0
6.nəsil yazar
entry: 40
reytinq: 229
karma: -183
izləyən: 4
oxunma: 55,151
sifariş sayı: 1






yazarların linçə səbəb olacaq fikirləri

sözlük yazarlarının hər üçündən birinin mizogenist olması.

sübut üçün heç uzağa getməyə ehtiyac yoxdur. bu gün təsadüfi olaraq iki, ya da üç başlığa girmişəm, əlaqəsi olmayan başlıqlarda belə ya açıq-aşkar, ya da "internalized" mizogeniya var. mənə çox maraqlıdır, qadın sözünün "kəbinli arvad" kimi işlədilməsinə görə feministlər niyə gijdıllax olsun? bu dünyanın çərxini kişilər çevirmir ki? feministlərin davası elə budur da. qadınları təsvir etmək üçün istifadə edilən bütün sözlərin mənşəyində hər hansı bir kişi ilə əlaqə durur - ata, qardaş, ər, oğul. bunu bilməyən və yaxud yeni öyrənən şəxs, məncə, bu günə qədər yaşadığı həyatı sorğulasın. üstəgəl, çalışsın ki, siyasi-iqtisadi həyatda bir az iştirak etsin və gündəmdəki problemlərdən bir qədər agah olsun.

son olaraq niyə kişilər azad qadın, badam qadın, noğul qadın kimi mövzularda fikir bildirmə hissi duyurlar heç baş açmıram.

why are you so obsessed with us?

mahsa amini

iranda əxlaq polisi tərəfindən hicabı düzgün taxmadığı üçün öldürülən 22 yaşlı qadın. internetdə necə yerdə süründürülərək, ora-bura çırpılaraq maşına mindirildiyi videoları var. anası polislərin arxasınca qızım xəstədi, aparmayın deyir.

hal-hazırda insanlar etiraz və həmrəylik əlaməti olaraq saçlarını kəsirlər. iranda qadınlar hicablarını yandırır, küçədə başı açıq gəzir və biri-birlərinə buna görə təşəkkür edirlər.
(link:

elçin sadıqov

illər öncə eynulla fətullayevi müdafiə edib işini udan, amma indi həmin eynulla fətullayev tərəfindən şərlənmə paradoksuna düşən insan hüquqları vəkili.

sözaltı günlük

bir ilə yaxındır ki, bütün sosial varlığımın dünyadan çəkilməsinə səbəb olan, müəyyən fasilələrlə davam edən iş axtarma prosesimdən danışmaq istəyirəm. çünki yaxınlarıma danışmaq mənə bəs etmir.

bu dəqiqə rahat-rahat yerində uzanıb dərslərin açılmasını gözləyən bütün tələbələrə demək istəyirəm ki, ürəyiniz istəyən kimi yaxşı iş tapacağınız xülyasına qapılmayın. mən də sizin kimi xam idim. özümə, bilik və bacarıqlarıma (istər ixtisas, istər qeyri-ixtisas) o qədər güvənirdim ki, birinci kursda yekə-yekə deyirdim, mən heç üçüncü kursda təcrübəçiliyə baxan deyiləm, iş tapacam. təbii ki, qurban olduğum kainat pandemiyanın qədəmləri ilə mənim ağzımdan elə vurub yerimə oturtdu ki, hələ də özümə gələ bilməmişəm. bütün arxasınca qaçdığım tədbirlər, iş və təcrübə imkanları, tələbəlik illərim, hamısı puç oldu, getdi.

yenə də pandemiya yoxmuş kimi fikrimizdə tutsaq, sizin güvəndiyiniz o kitabları da oxuduq, ortalamamızı yüksək də tutduq, həm yerli, həm beynəlxalq müsabiqələrə də getdik, yerimizdə durarıq? yoo, online kurslardan sertifikatlar da aldıq, təcrübəçi də olduq (yerli və xarici şirkətlərdə, ödənişsiz və ödənişli). bəs axırda nə oldu deyim? universitet bitib hələ də iş axtarırıq. sizcə, niyə?

cavabı bəsitdir. indi nəinki azərbaycanda, bütün dünyada day-day institutu networking deyə bir bəla ilə əvəz olunub. o bəla ki, sırtıq, öz xeyrini güdən, heç nədən başı çıxmayan extrovertlər həmişə sizdən bir addım qabaqda olacaq. çünki sizin etik hesab etmədiyiniz, özünüzə yaraşdırmadığınız hər cür girişmələri onlar edəcək. hətta deyək ki, heç sırtıq deyillər, normal amma extrovert insandırlar. heç nə etməsələr belə siz saytları ələk-vələk edəndə onlar heç ictimai şəkildə paylaşılmamış bir vakansiyanın qalibi olacaqlar.

networking sizə şirin və saf bir sistem kimi gəlməsin. məsələn, bu gün köhnə iş yerimdəki əməkdaşdan öyrənmişəm ki, mırta cv atıb adını belə unutduğum yer onunla əlaqə saxlayıb recommendation istəyib. biz bilmədən qapılar arxasında nələr dönür, nələr.

nəysə, dünən bir intervyudan çıxmışam, bu gün də yenə bir intervyum var, qabaqda yenə intervyularım olacaq. artıq intervyulara girməkdən bezara gəlmişəm. o həddə çatmışam ki, hazırlaşmağa da həvəsim yoxdur. niyə olsun ki? hər dəfə eyni stressi yaşamaqdan yorulmuşam. hər şirkətin də işə götürmə prosesi ən yaxşı halda üç intervyu ehtiva edir. bu da o deməkdir ki, üç dəfə eyni qurumun fərqli işçilərinə özünüzü satmağa çalışacaqsınız.

qısası, mənim kimi lox olmayın, ağlınız olsun, gedin sizdən böyük tələbələrlə, müəllimlərinizlə, universitetinizdəki təşkilatların üzvləri ilə aranızı yaxşı saxlayın. sizin gələcəyinizə gedən yolun ən azı üçdə biri onların əlinin altından keçəcək. heç vaxt qürurlu davranmayın və utanmayın. mən keçən yaz göydə tutacağım işi sırf magistr təhsilini təcrübə yığandan sonra xaricdə düşünürəm dediyimə görə itirdim. dilimi qarnıma soxsaydım, indi həyatımdakı problemlərdən ən azı üçü həll olacaqdı. başımın üstündə duran biri əvvəldən mənə "ay gic, o cür şeyləri müsahibədə deməzlər, ay qanmaz" desəydi, sözsüz, elə boşboğazlıq etməzdim.

ailəmdən başqa hamı elə bilir ki, hələ də işləyirəm. hamıya deyirəm ki, intern-əm deyə mənə evdən işləməyi tapşırıblar. artıq insanların boş-boş suallarına cavab vermək istəmirəm və müsahibələrdə kifayət qədər alçaldıldığım üçün tanışlarımın da mənə yuxarıdan aşağı baxmasına şahid olmaq istəmirəm.

edit: iş tapdım.

insanı əsəbləşdirən şeylər

kimləsə eyni otağı bölüşmək. fərqi yoxdu, dost, sevgili, doğma bacı-qardaş. adam heç evləndiyi şəxslə də bir otağı bölüşməməlidir. virginia woolfdan yola çıxaraq deyilməlidir ki, insanın yaşayıb yaratması üçün şəxsi otağı olmalıdır, vəssalam.

nana

ai yazawa tərəfindən yazılmış manga. animesi də var. tiktok hər ay bir dənə animeni şaha qaldırıb trend edir. nana da bu tendensiyadan nəsibini alıb çox şükür. indi hansı yeniyetməni dindirsən, nana izləyib, nana üzükləri, stili var və s.

senari sadə başlayıb qəlizləşir. əsas obrazlar iki 20 yaşlı qadındı və ikisinin də adı nanadır. nana komatsu sevgilisi universitetə daxil olandan sonra arxasınca tokyoya getmək üçün qatara minir. nana osakinin isə punk rock qrupu var. bass gitarist sevgilisi daha prestijli və məşhur qrupa transfer olaraq tokyoya gedib köhnə qrupunu atır. nana da öz eks sevgilisini tapmaq üçün qatara minir və allahın işinə bax ki, oturacaqları yan-yana olur. beləcə bu iki qızımız yaxın dost, ev yoldaşı olurlar.

nana yaponca 9 deməkdi. bir-birlərini fərqləndirmək üçün nana osaki bu birini hachi(ko), yəni 8 adlandırır. o qədər şirin, yumşaq və bir o qədər də kədərli animedir ki.

bu arada maraqlı referenslər də var. məsələn, nana osakinin sevgilisi sid viciousdan ilhamlanaraq yaradılıb. sid and nancy filan söhbətləri də var. sonra obrazlardan birinin adı reiradı, yəni layla. guya qızın atası eric claptonun laylasını dinləyib onu belə adlandırıb. nə bilim, obrazlardan birinin evində kasetləri arasında radiohead albomu var və s.

(youtube: )

(youtube: )

media haqqında qanun layihəsi

hüquqşünas ələsgər məmmədli media haqqında qanunda hansı "red flag"-lər olduğunu detallı şəkildə izah edib

(youtube: )

shikisai wo motanai tasaki tsukuru

ingiliscə adı colorless tsukuru tazaki and his years of pilgrimage olan haruki murakami əsəri. məzmunu qısaca uni vaxtı beş nəfərdən ibarət neçə illik dost qrupundan "sürgün edilmiş" tsukuru tazakinin yalnızlığı, depressiv və travmalı həyatını əhatə edir.
dostların hərəsi soyadlarına uyğun olaraq bir rənglə assosiasiya olunur: aka - qırmızı; ao - mavi; shiro - ağ; kuro - qara və rəngsiz tsukuru.

dostlarından biri bir gün zəng edib deyir ki, daha bizi axtarma, yığma, çünki səninlə danışmaq istəmirik və bu hamımızın birgə qərarıdır. normal olaraq şoka düşən tsukuru bu qərarı sorğulamağa heç vaxt cürət edə bilmir. 36 yaşında isə sevgilisinin təkidi ilə kəsilib atılmasının səbibini öyrənməyə qərar verir.

bütün murakami romanları kimi axıcı və maraqlı əsərdi. amma bu əsər bir daha göstərir ki, bu kişi sonluq yazmaq istəmir. havada buraxır, gedir. kitabın özündən daha maraqlısı isə uzun müddət ərzində eyni tsukuru kimi heç bir səbəb göstərilmədən dost qrupum tərəfindən ghosted olunduqdan sonra həmin qrupdan olan ən yaxın dostumla ilk dəfə görüşəndə mənə oxumağı məsləhət görməsidi.

"i've always seen myself as an empty person, lacking color and identity. maybe that was my role in the group. to be empty."

mujeres libres

ispan vətəndaş müharibəsi zamanı anarxist, anarxo-sindikalist və liberterian qadınlar tərəfindən yaradılmış təşkilat (ing. free women). əsası yazar Lucía Sánchez Saornil, hüquqşünas Mercedes Comaposada və həkim Amparo Poch y Gascón tərəfindən qoyulub. təşkilat müxtəlif sosial siniflərə mənsub qadınlarda inqilabi şüuru artırmağa, onları inqilaba cəlb etməyə çalışıb. cəmi üç il fəaliyyət göstərsə də, 20 mindən çox qadın mobilizasiya edilib.

həmin dövrdə qadınlar cnt, fai, fijl kimi anarxist təşkilatlarda yer alsalar da, vaxt keçdikdə bu qrupların özlərinə seçdikləri istiqamətdə qadınların sosial və iqtisadi problemlərinin diqqət mərkəzinə qoymamalarına şahid olublar. yəni sanki kişilər inqilab edir və qadınlar sadəcə "kömək" edir təəssürtı yaranırdı. buna görə də qadınlar ayrıca təşkilatlanmağa qərar veriblər.

əslində isə mujeres libres özünü heç vaxt feminist təşkilat adlandırmayıb. təşkilatın əsas prinsipi humanizm olub. qadınlar iddia edirdilər ki, onlar kişilərə qarşı yox, kapitalizmə qarşı vuruşurlar. bu inqilabda qalib olmaq üçün isə ayrı-seçkilikdən daha çox birliyə ehtiyac var.

Lucía Sánchez Saornil tərəfindən yazılmış mujeres libres himnindən bir hissə:
Affirming the promise of life
we defy tradition
we mold the warm clay
of a new world born of pain.

audre lorde

amerikan yazıçı, interseksional feminist, aktivist, özünün deyimi ilə qaradərili lezbian.

The Master’s Tools Will Never Dismantle the Master’s House yazısında qeyd edir ki, ustanın alətləri heç vaxt ustanın evini sökməyəcək. müvəqqəti olaraq onu öz oyununda məğlub etməyimizə icazə verə bilər, amma əsl dəyişiklik etməyimizə əsla imkan verməz. yəni patriarxal rejimə qalib gəlmək istəyiriksə, liberal feminizmin sırımağa çalışdığı kimi patriarxatın qaydalarına uyaraq yaşamağa boyun əyməməliyik, onu kökündən məhv etməliyik.

depressiyada dinlənəcək musiqilər

həyatımda katastrofik bir hadisə baş verəndə bu mahnını beynim avtomatik olaraq backgroundda oxumağa başlayır. yaranan dağıntını ani gələn şok içində bu mahnıyla izləyirəm.

(youtube: )

kannazuki

yapon (lunar) təqviminə əsasən "tanrılarsız ay". əfsanəyə görə hər ilin onuncu ayı 8 milyon tanrı öz məbədlərini tərk edərək izumo şəhərinə toplaşır. buna görə də yaponlar bu ayı "tanrıların olmadığı ay" kimi qeyd edirlər. bizim təqvimdə isə oktyabrla üst-üstə düşür.

argumentum verbosium

auditoriyanın mövzuya tam hakim olmamasından sui-istifadə edərək arqumenti daha da qəlizləşdirib sübut göstərmədən boş söz yığını ilə əsaslandırma. burda dinləyici qarşısındakının reputasiyanı da nəzərə alıb məlumatın etibarlı olub-olmamasına qərar verir. məsələn, filankəs müəllim çox savadlı insandır, o heç vaxt səhv məlumat verməz.

anime terminləri

dere tipləri. dere özü yapon dilində söz sonuna artırılan şəkilçidi və tərcümədə hardasa mehriban, qayğıkeş (ing. lovey dovey) deməkdi. animelərdə əsasən qadın obrazlara məxsus xüsusi şəxsiyyət tipləri olur və bunlar dere adlanır. ümumi 16 dere tipi var. hamısını yazmayacam, bəziləri:

1. tsundere - qarşısındakına əvvəlcə kobud davranıb sonra yumşayan, mehribanlaşan tiplərə deyilir. "tsuntsun" iyrənərək başqa tərəfə baxmaqdı. misal olaraq anime tarixinin ən önəmli tsunderesi kimi neon genesis evangeliondakı asukanı göstərmək olaraq.

2. yandere - bunu da hardasa tsunderenin əksi kimi izah eləmək olar. əvvəl-əvvəl özünü şirin və mehriban göstərib sonra içindən psix çıxan adamlara deyilir. belə tiplər stalkla məşğul olur və sevdikləri adamlara qarşı zorakılıq törədir. anormal da konkret. "yanderu" psixoloji xəstə deməkdi. elfen lied lucy yanderedi, məsələn.

3. kuudere - heç bir emosiya göstərməyən süst və kinayəli tiplərə deyilir. amma deyilənə görə sevdikləri adamlara tək olanda qayğıkeş tərəflərini göstərirlər. məsələn, violet evergardendəki violet. "kuu" yaponcada "cool" sözünün deyilişinə əsaslanır.

4. dandere - bunlar sakit, asosial insanlardı. normalda qəti adama qaynayıb-qarışmırlar, amma müdafiə xəttini yaran sevdiklərinə qarşı birdən şirinləşə bilirlər. "danmari" sakit deməkdi. naruto animesindəki hinata hyuuga dandere imiş.

5. deredere - bunlar da elə allahından şirin və pozitiv olan tiplərə deyilir. nəsə eləməyə ehtiyac yoxdu, onsuz da, həmişə ətrafa xoş aura yayıb insanları xoşbəxt edirlər. sailor moonda usagi məsələn.

ukiyo-e

hətta, van goghun belə ilham mənbəyi olmuş sənət növü. deməli, 1854-cü ildə yaponiya öz sahillərini qərbə açır və qərblə yenidən ticarətə başlayır. bununla da niderland, fransa və başqa avropa ölkələrinə taxtaya çəkilmiş ukiyo-e şəkilləri də ayaq açır. 1860-larda isə impressionist rəssamlar arasında ukiyo-e sənəti yayılır və geniş rəğbət qazanır. məsələn, cladue monet, edgar degas, paul gagauin və başqalarının əsərlərində bu təsiri sezmək olar.
(bax: japonisme)

unagi

deyirdilər ki, dişi ilan balıqları yoxdur, ancaq erkəklər var. dişilər yumurtalarını 2000 km-dən çox cənuba daşıyırmışlar. ancaq duzluluq səviyyəsi münasib olan yerlərdə yumurtalarını qoyurlarmış. 2000 km! ekvatordan da uzaq. erkəklər də arxalarınca izləyirmiş. elə çoxu da oradaca ölürmüş. bala ilan balıqları isə yaponiyaya qayıtmaq üçün altı ay boyunca üzməlidirlər. onların da çoxu evə qayıdanda ölür. okean ölü balalarla doludur.
(bax: az bilinən mükəmməl filmlər)

black lagoon

yenə "animedə nə görmüsünüz ee, məllim? o bunu vurur, bu ora uçur" deyə boş-boş söhbətlər edən retardların üzünə rahatlıqla çırpa biləcəyiniz 2006-cı ildə eyniadlı manga əsasında çəkilmiş anime.

əsas obrazlarımız cinayətkarlar üçün cinayət törədərək karqoları ələ keçirən və çatdıran, illeqal gəmiləriylə o sahil sənin, bu liman mənim gəzən, axırda da hər növ psix cinayətkarların məskəni olan roanapur şəhərinə qayıdan kayfarik lagoon company-nin üzvləridi.

hər seriyada fərqli temalı karqoları çatdırırlar: hotel moscow, the hong kong triad, the colombian cartel, the church of violence və başqa qırğın mafia qrupları/cinayətkar dəstələri. yapon yakudzasından tut uşaq pornoqrafiyasına qədər yol alan dark animelərdəndi.

animeyə vurulmaq üçün əsas qızlarımızdan revy-nin "Revy, show 'em a taste of Two Hands" sözündən sonra əllərini sword cutless pistoluna aparıb yan-yörəsində nə varsa biçməyi bəsdir. hələ anime elə bir endigə sahibdir ki, adam çorta düşür və növbəti seriyaya klikləyib openingi eşidənə qədər elə orda da qalır.

(youtube: )

(youtube: )

judgment at nuremberg

1961-ci ildə stanley kramer tərəfindən çəkilmiş 1945-49-cu illərdə nasist rejiminin dövlət nümayəndələrini mühakimə etmək üçün nüremberqdə qurulan hərbi tribunallara həsr edilmiş şah əsər.

filmdə 4 hakim/hüquq adamının insanlıq əleyhinə cinayətlər törətməklə ittihamı əsasında mühakimə prosesi işıqlandırlır. filmin mərkəzində isə amerikan hakim dan haywood və ittiham olunan ernst janning durur. insanın diqqətini cəlb edən əsas məqam isə bütün proses boyu ernst janningin digər ittiham olunanların əksinə özünü müdafiə etmək istəməməsi və üzündən oxunulan dərin peşmanlıqdı.

filmi üçün çox uzun bir icmal həsr etmək olar, çünki 3 saatlıq ibrətamiz marafondu. amma ən yaddaqalan və maximilian schellə "ən yaxşı aktyor" nominasiyasını qazandıran bu çıxışı yad eləmədən keçmək olmaz link link

filmdən ayrı maraqlı bir tarixi fakt isə alman xalqı heç vaxt nüremberq tribunalının qərarlarını ədalətli hesab etməyib. yəqin ki, indi də çıxıb küçədə sorğu aparılsa, o qərarları müttəfiq dövlətlər tərəfindən verilib və post-almaniya mühakimə prosesində iştirak etməyib deyərlər. görəsən, haçansa qarabağ müharibəsinə də həsr olunmuş hərbi tribunal qurular?

ryunosuke akutagawa

adının mənası "əjdahanın oğlu" demək olan xarizmatik və bir o qədər də psixoloji problemli yapon qısa hekayə ustası. məktəb vaxtı uşaqlara oxutdurulması mütləq olan yazarlardandır.

əlavə olaraq bungo stray dogs animesində də eyniadlı obraz var. animedə, demək olar, hər obraza xüsusi ilahi güc verilib və akutagawanın gücünün adı rashomondur.

/ 20 »

blok -   başlıqlarını gizlət