yaşasınazərbaycan


80   1   0   0
5.nəsil yazar
entry: 80
reytinq: 338
karma: 82
izləyən: 2
oxunma: 169,699
sifariş sayı: 2





Visions in the mirror heavy zef futuristic



tibu

kəllə-kəlləyə izləyicilərinin nifrətini yığan, gücənə-gücənə rep deyən reper. gələn dəfə yenə qatılsa, mövzusu indidən hazırdır. rəqibi bir qırağa qoyub başlayacaq ikinci qarabağ müharibəsindən deməyə. bir ara da şitini çıxarıb battle-da mən allah oldum, mən şəhid oldum demişdi

lmfao

2011-ci ildə sorry for party rocking, party rock anthem, sexy and i know it kimi üç mahnısı birdən hit olan, klipləri öz dövrünə görə çox baxılan videolardan olan , redfoo və sky blue ikilisindən ibarət qrup. redfoo və skyblue-nun arası dəydiyinə görə qrup dağılır , hətta qrup üzvləri bir-birini məhkəməyə verir. ikisi də kariyerasına ayrı davam edir, redfoo əvvəllər bir az uğurlu olur, x factor-da münsif olur, new thang mahnısı platinum dərəcəsi alır, amma sonradan x factor-dan qovulur, dancing with the stars yarışmasına qatılıb ilk mərhələdən keçə bilmir , sky blue-nun çıxardığı albomlar heç cür populyarlıq qazanmır, tədricən ikisinin də kariyerası məhv olur. bu qrup ailə üzvü ilə musiqi qrupu yaratmağın necə riskli olmasının nümunəsidir(redfoo sky bluenun dayısıdır), redf00-un atası berry gordy-dir, hansı ki onun şirkəti steve wonder və michael jackson kimi məşhurlarla işləyib. lmfao öz dövründə təkcə musiqiləri ilə yox, həm də stilləri ilə ikonik bir qrup olub
yuxarıda adını çəkdiyim mahnılar çox populyar olmasına baxmayaraq, bu mahnıların daxil olduğu albom təndiqçilər tərəfindən çox aşağı qiymətlər almışdır.

mübahisələrin başlamağı sky blue-nun konsert zamanı ayağını zədələməsindən başlayır, bu halda redfoo konsertlərdə tək çıxış edir, sky blue isə heç bir qonorar almırdı. bu hadisədən sonra qrup üzləri bir il boyunca bir-biri ilə kəlmə kəsmir. sonradan qrupun dağılmağı barədə xəbərlər çıxır, onlar isə bunları inkar edərək biz hər şeydən qabaq ailəyik deyirlər, bir neçə ay sonra isə qrup tam olaraq dağılır

(youtube: )

(youtube: )

(youtube: )


the guadian-dakı məqalə https://www.theguardian.com/music/2011/jul/14/lmfao-sorry-for-party-rocking-review

ailə

ailə cəmiyyətdə çox mühüm yer tutur və cəmiyyətin ilkin əsasıdır. ailə ər-arvad, onların uşaqları və bütövlükdə nəsillər arasındakı münasibəti əhatə edir. cinsə və yaşa görə əmək bölgüsü, məişət işlərinin bplgüsü, uşaqların tərbiyəsi də ailə ilə bağlıdır. fərdin inkişafında ailənin rolu böyükdür. ailə birdən-birə bügünkü səviyyəyə çatmayıb. qədim zamanlardan bəri insanlar arasındakı cinsi əlaqə heyvanlarınkından fərqli olub. o vaxtı ər və arvad ümumi idi, əlaqədə heç bir məhdudiyyət və qadağalar yox idi. cəmiyyət inkişaf etdikcə bunlar dəyişildi. ibtidai icmada qrup nikahı(group marriage ) üstünlük təşkil edirdi. ər və arvad qəbilədə yaşayırdı, uşaqlar analarını və yalnız yaxın qohumlarını tanıyırdılar. hətta kişilər arvadlarının qəbiləsinə köçüb bir müddət orda da yaşayırdılar. daha sonra ikili evlilik(double marriage) baş verdi. ər və arvad bərabər hesab edildi. anaxaqanlığı dövründə qadın əməyi kişininkindən üstün sayılırdı. heyvandarlığın genişlənməsi kişi əməyinə tələbatı artlrdı və ataxaqanlığı başladı. qadın ailə qurandan sonra ərinin yanına köçdü və uşaqlar atanın adını daşımağa başladılar . beləliklə, monoqam ailə yarandı, bu da xüsusi mülkiyyətin, quldarlığın yaranması ilə üst-üstə düşür. mülkiyyət məsələsindən sonra da qadının ərinə sədaqəti məsələsi aktallaşdı. əvvəllər qadın ər seçməkdə bir qədər müstəqil idisə də, sonradan bu da ticarət obyektinə çevrilməyə başladı

kris jenner

Kris jenner kardaşyanlar ailəsinin əsas simalarından biridir . Əvvəlki soyadı kardaşyan idi, lakin Bruce jennerlə evlənəndən sonra dəyişdi. Kris kardaşyan ailəsinin təkcə anası yox, eyni zamanda da prodüsseridir, ləqəbi momagerdir. Əlbəttə, bütün bu işləri o havayı görmür və əvəzində qızların gəlirindən müəyyən faiz tutur. Kris özü varlı ailədən gəlməyib, lakin varlı insanların yanlarında olaraq onlara çatmağın yolunu həmişə tapıb. Müsahibələrindən birində o bildirir ki, yaşıdları tədbirə hansı paltarı geyinəcəyi barədə düşünəndə o artıq ailə qurub beş uşağının olmasını fikirləşirdi. Kris gənc yaşlarından belə şeylərə maraq göstərib, onun anası və nənəsi də elə bu xasiyyətdə olub. Kris çox gənc yaşlarında qolf klubunda işləyir, orda varlı biri ilə tanış olub, daha sonra həmin adamın hesabına bir çox ölkələri gəzib, uzun sözün qısası onun hesabına bir müddət yaşayıb, amma heç vaxt evlənmək fikri olmayıb. Daha sonra o robert kardaşyanla tanış olub, əvvəlki adama da elə robertlə xəyanət edib. Bu arada robert kardaşyanla tanış olanda krisin 17, robertim 28 yaşı var idi. Daha sonra onlar evlənirlər, kris bu dəfə də robertdən bezib ona xəyanət edir, onların araları dəyir, bu xəyanətə Kourtney, Khloe də qismən şahid olur. Kuwtk şousu boyunca bu iki qızın analarına digərlərindən fərqli yanaşdığına şahid ola bilərik. Kris Jennerin Bruce jennerdən də iki qızı var- kendall və Kylie.

https://i.imgur.com/Ic2W9u0.jpg https://i.imgur.com/6PB5Jd2.jpg

zibil

Lakin azərbaycanlı üçün onun "zibil" mühiti həyat tərzinin təbii məhsulu kimi görünür və o heç bir narahatçılıq hiss etmir. O evinin dövrəsindəki zibildən əzab çəkmir, çünki yaşayış mühitinin keyfiyyəti haqqında tamamilə fərqli təsəvvürə malikdir. Zibili süpürüb hasarın o tayına atmaqla o özünü kifayət qədər mədəni ( zibildən mühafizə olunmuş) hiss etmək üçün münasib mühit yaradır.
Süpürülüb küçəyə atılan zibil mental şüur tərəfindən təbii landşaftın bir hissəsi kimi dərk olunur. Evin təmiz içi və çirkli çölü vahid mühitin özünkü-yad parametri üzrə bir-birindən ayrılmış iki kəsimini təşkil edir.
Azərbaycanlı zibili evin astanasından ona görə atır və evinin ətrafındakı zibilə ona görə dözür ki, onun sələfləri bu cür hərəkət etmişdilər və belə yaşayırlar.Hər kəs ayrı-ayrılıqda və hamı bir yerdə analoji şəkildə hərəkət edirlər və nəticədə ümumi "zibil" koloriti yaranır.
Bu fərziyyə dolayısı ilə azərbaycanlının şəhərdə də özünü "kəndli sayağı" aparmasını sübut edir. (... şəhərdə yaşayan özünü kənddəki kimi aparır, ekoloji baxımdan evi kənd evi kimi fəaliyyət göstərir, mənzilin divarı iki həyat sahəsini bir-birindən ayırır, bir tərəf öz evinin içi, digər tərəf yad ərazi)
-------arxetipik azərilər kitabından götürlüb
Edit: vaxtım olsa, davamını da köçürdəcəyəm

öyrənildiyində təəccübləndirən məlumatlar

Tanıdığımız dillər içərisində nə üçün yalnız Azərbaycan dilində düyü sözü işlətdiklərini araşdırdım. Məsələn, türklər fars dilindəki berenc sözündən, özləri üçün pirinç sözü yaradıb. Bütün dünyada isə ərəb dilindən yayılmış "ərrəz” sözünün transformasiyasından istifadə edirlər (rice, rıs, roz, riz, arroz və s).

Bizdə isə, çox güman ki, Çin dilinin Cənubi Min ləhcəsində "tiyu” və ya Kanton ləhcəsində "dou” kimi səslənən sözlərdən götürmüşük.
Mənbə: adalet.az

samurai jack

cartoon networkün ən yaxşı şoularından biri. həqiqətən də, samurai jack digər cizgi filmlərindən çox fərqlidir. ingiliscə bilməsəniz belə səslərdən, atmosferdən nə baş verir çoxusunu başa düşə bilərsiniz. ilk dörd sezonu 2001-2004 arası yayımlanıb. onu rahatlıqla deyə bilərəm ki, bölümlərin çoxusu bir-biri ilə bağlı deyil, sadəcə olaraq samurayın başına gələn əhvalatları, xilas etdiyi insanları/varlıqları və akunun göndərdiyi robotlarla döyüşlərini göstərir. maraqlı bölümlər kimi demongo, akunun samurayı yoluxdurduğu,rave, akunun uşaqlara dərs keçdiyi, fake samurai olan bölümləri qeyd etmək olar. hekayənin qısa versiyası elə akunun hər bölümün əvvəlindəki monoloqudur.5-ci sezonda isə əvvəlkilərlə müqayisədə bölümlər bir-biri ilə sıx bağlıdır və cizgi filmi ən gözəl şəkildə sonlandırıblar. onun burdakı düşmənləri artıq təkcə robotlar yox, həm də akunun qızlarıdır. eyni zamanda bu sezonda samurayın sehrli qılıncının olmaması hər şeyi daha da maraqlı edir.samurai jack həqiqətən nümunəvi obrazdır, o, cəsur, dürüst, xeyirxahdır və heç vaxt məqsədindən əl çəkmir.

r/2caucasus4you

dəfələrə müxtəlif adlarla açılıb bağlanan subreddit. axırıncı dəfə gürcülərə görə o boyda qrup bağlandı. kimsə gürcü adminləri doxxing edib bunları təhdid edib, modluğu əllərindən alıb, qrupa da gore videolar zad atıb, axırda reddit özü qrupu bağladı. ondan sonra laundromat subu açdılar o da bağlandı. adətən qrup hər dəfə bağlananda ona oxşar adlı yeni sub açırdılar, amma artıq o da yoxdur, qrupun üzvlərinin bir qismi 2westernasia4you-ya köçüb, amma əvvəlki marağı qalmayıb. qeyd edim ki, bir axır vaxtlar bir fars həmin suba dadanmışdı bizimkilərlə məzələnən şeylər paylaşırdı, ayağı necə ağır oldusa bu gələndən sonra o subun bəxti bağlandı
qrupdan saxladığım bəzi şəkillər
https://i.imgur.com/m3Qs4VG.jpg
https://i.imgur.com/QQO7TQB.jpg

kgbtr

qurucusu furkan topal bu yaxınlarda qrupdan kənarlaşdırıldı və qrupu artıq bəzi modlar idarə edir. qanqaraçılığın əsas səbəbi reklam mövzusu olub. onu da vurğulamaq lazımdır ki, furkan topal özü elə "mülteci" idi və türkiyədən rusiyaya qaçmışdı. rusiyadan da estoniyaya qaçmışdı. adamın gəlir mənbəyi olmadığı üçün subredditdə reklam verməyə başladılar. hətta bir ara öz aralarında dayanışma formu deyə birşey açmışdılar ki qrupda imkanı olmayanlara kömək edilsin. axırda qrupda mərc saytları zad reklam olunmağa başladı, eyni zamanda reklam vermək qanunlara zidd olduğuna görə reddit bunlara xəbərdarlıq etdi. furkan topal da bunları qəbul etmədi. xülasə, axırda modlar furkan topalı idarə heyətindən çıxartdı.

avesta

Alman alimi geldnerə əsasən pəhləvi dilində olan avesta, yaxud avestak əslində "bünovrə" və "mətn" mənasını verən upasta sözündən gəlir

birbank

Kapital bankın it günündə olan applikasiyası. Serverlərində hər gün problem olmaqları bir yana, kartımı boş göstərdikləri üçün müraciət etmişdim. Kartın birinin qeydiyyatını ləğv edib o biri hesaba birləşdiriblər, Ən əsası isə 20 min ürək bonusumu da ləğv ediblər, yenidən müraciət etdikdə isə bunun bərpasının mümkün olmadığını dedilər. Getdi 500 manat heyif

pakistan

uşaq doğma potensialı olan hər varlığı sapıkcasına( sinonimi ağlıma gəlmədi) çəkib tiktoka qoyan qaçqınların ölkəsi

amerikan formatı parlament debatı

britaniya formatında debat ideya üzərindən oynanılırdısa, amerikan formatında burda əsas mexanizmdir. Amerikan formatında müxalifət və hökümət tərəfi olur ( hər tərəfdə bir baş nazir və bir nümayəndə olmaqla).
Debatın dörd əsas prinsipi
1. Hörmət - Nümunə kimi sual, şərh, etiraz veriləndə ayağa qalmxaq lazımdır ( bunların arasında 45 saniyə fərq olmalıdır ki, qarşı tərəfin çıxışı bölünməsin . Qarşı tərəfə 2 dəqiqə üçün fikirləşməyə vaxt verilir, həmin vaxtı onlara mane olmaq olmaz. Çıxışın ilk 1 dəqiqəsində və son çıxışda etiraz, şərh, sual olmaz.
2.Aydınlıq - Çıxışınız başa düşülən olmalıdır. Elə fikirləşməyin ki, başa düşülməyən şəkildə danışım ki, rəqiblər başa düşməsin, çünki hakim də qeydiyyat aparır
3. Düzgünlük - Məsələn, aktuallıq hissəsində səhv məlumat, statistika deyibsinizsə bu prinsip pozulu
4. Öyrənməyi öyrənmək

Ardıcıllıq isə belədir :

Hökümət Lideri -  Baş Nazir (  7 dəq )
Salamlama - Salam hörmətli spiker , dəyərli opponent və möhtəşəm auditoriya
Təqdimat - Mən baş nazir ____ , hökümət nümayəndəsi ___ ( ilk başçılar çıçışdada hər iki üzvün adı çəkməlidir, nümayəndələr isə yalnız özlərini təqdim edirlər)
Qətnamənin irəli sürülməsi - Problemli sahə , əsas mövzü sonda bu iz bu qətnamə il razıyıq sözü mütləq deyilməlidir
Aktuallıq - Burda adətən statistika verilir
Qanun layihəsinin adı - Problemi həll etmək üçün irəli sürdüyünüz layihə
Dəyər - Şuarınız
Tezis - Bu problem niyə həll olunmalıdır? sualının cavabı
Qanun lahiyəsinin mexanizmi - kim, harada , nə zaman, büdcə, risk, nəticə
Sonluq - Hökümət nümayəndəsi ilk çıxışında sonluq verməyə bilər, lakin son çıxışda bu mütləq olmalıdır . Sonluğun iki növü var , - əşyəvi və məntiqi .



Müxalifət Lideri ( 8 dəq ) 
Salamlama
Təqdimat
Qətnamə 
    Razı deyilsə - qətnamənin təkzibi
Sonluq
    Razıdırsa -
Aktuallıq
Dəyərə münasibət
Tezisin təkzibi
Mexanizmin təkzibi
Öz qanun layihəsini vermədikdə:
Sonluq
Öz qanun lahiyəsini verdikdə:
Dəyər
Tezis
Qanun lahiyəsinin mexanizmi
Sonluq


Hökümət üzvü ( 8 dəq )
Salamlama
Təqdimat
Müxalifət palatanın fikirlərinin təkzibi (Qanun Lahiyəsinin təkzibinin təkzibi )
Öz mövqeyinin gücləndirilməsi – ( Yeni tezis və ya faktlar )
Yeni qanun layihəsi verilibsə - Təkzib olunur
Sonluq


Müxalif üzvü ( 8 dəq )
Salamlama
Təqdimat
Hökümət üzvünün fikirlərinin təkzibi
Öz mövqeyinin gücləndirilməsi
Yeni fakt ( varsa )
Sonluq


Muxalifət lideri ( 4 dəq )
Salamlama
Təqdimat 
Öz mövqeyinin gücləndirilməsi
Yeni fakt ( varsa )
Sonluq


Hökümət lideri ( 5 dəq )
Salamlama
Təqdimat
Öz mövqeyinin gücləndirilməsi
Yeni fakt ( varsa )
Sonluq

Əlavə olaraq: Sonda tərəflər layihəylə razı olub-olmadıqlarını mütləq deməlidirlər
Müxalif tərəf debatda bunları da edə bilər, lakin tövsiyə edilmir:
Əgər müxalif tərəf qarşı tərəfdə təkzib tuta bilmirsə truizm verə bilər. Bu zaman oyunda tərəflər dəyişir, hökümət tərəf öz hazırladığına təkzib verməyə başlayır
Status kvo - Müxalif tərəf layihənin vəziyyəti dəyişmədiyini deyir

Təkzibin üç növü var:
Birbaşa - kolanın çəkdiyi pepesi reklamı https://www.youtube.com/watch?v=GyY15Jkkg2A&ab_channel=HEADSHAUSADS
Dolayı - https://www.youtube.com/watch?v=PCKM6kOrLKg&ab_channel=XLadvertisingTop100
Müqayisəli - https://www.youtube.com/watch?v=NNZFZlxcFco&ab_channel=Mernemtokregisztrani

Bu arada verdiyiniz məlumatlar lokal olmalıdır, yoxsa Azərbaycanı müzakirə edənə qayıdıb braziliyadan statistika verəndə səhv sayılır

bioshock infinite

əvvəlcədən deyim ki spoiler var
hadisəsələr 1912-ci ildə xəyali, uçan Kolumbiya şəhərində baş verir. Kolumbiya şəhəri özünü peyğəmbər elan edən Zaxari Hale Komstock tərəfindən qurulmuşdur.Komstokun başçılığı altında Kolumbiyada psevdo-xristian utopiya cəmiyyəti ortaya çıxır. Bu cəmiyyət mistik şəxsiyyət kimi Komstokun özünə sitayiş edir.Kolumbiyada ağların qaralardan, varlıların kasıblardan üstün olması dövlət tərəfindən qanun səviyyəsinə yüksəlmişdir.Kolumbiyada irqi ayrı-seçkilik qorxulu formalar alır - məsələn, oyunun əvvəlində qəhrəman irqlərarası cütlüyün ictimai daşqalaq edilməsinin şahidi olur.
Kolumbiya "Qurucular" ilə "Xalqın səsi" - - tamamilə əks ideologiyaları bölüşən iki birliyə görə vətəndaş müharibəsinin astanasındadır Komtskun rəhbərlik etdiyi "qurucular" Kolumbiyanı idarə edir, irqçilik və ultra-millətçilik iddia edir və Kolumbiyanın yalnız ağ Amerika vətəndaşlarının hüquqlarını qoruyur, əcnəbilərin hüquqlarının olmadığını deyirlər. Deyzi Fitzroyun rəhbərlik etdiyi "Xalqın səsi" bütün irq və dinlərdən olan insanların bərabərliyinə nail olmağa çalışan əmək hərəkatıdır. Buna baxmayaraq, illərlə baş verən terror və təqiblər "Xalqın səsi"ni getdikcə daha sərt və qeyri-insani metodlara əl atmağa məcbur edir
Siyasi qarşıdurmadan əlavə Kolumbiya kosmos-zamandakı "boşluqlar" tərəfindən də daxildən məhv edilir. Lutes əkiz alimlərinin( bu bacı-qardaş şəhərin qurucularındadırlar) elmi təcrübələrinin nəticəsi olaraq bu boşluqlar paralel dünyalara keçidlər açır və onlarla qarşılıqlı əlaqəyə imkan verir. Məsələn həmin dövrdə aid olmayan amma bioshock və bioshock 2 də gördüyümüz bu qarşılıqlı əlaqənin nəticələrindəndir, çünki həmin dövrdə əslində belə cihazlar icad olunmamışdı. bu cihazlar vasitsilə oyunda hekayə ilə tanış oluruq
oyunda buker devit adlı adamı canlandırırıq. keçmiş müharibə iştirakçısı olan buker daha sonra çayda vaftiz olunmağa gedir. hekayənin bu hissəsində zaman ikiyə bölünür. birinci dünyada o vaftiz olunmur . ikinci dünyada isə zaxari komstoka çevrilir, orduda xidmət edir və kolumbiyaya gedir.
birinci dünyada bukerin anna adlı qızı var. ikinci dünyada isə komtokun uşağının olması mümkün deyil( yaşına və üzərində aparılan təcrübələrə görə). Ona görə ona o biri dünyadan uşaq gətirilir. Bu uşaq isə elə Bukerin qızıdır.
Bukerin çoxlu qumar borcunu ödəmək üzün qızını satmağa razılaşır.Anidən fikrini dəyişir lakin qız portaldan keçərək komstokun dünyasına düşür. körpənin çeçələ barmağı portaldan qıraqda qaldığına görə elizabet/annanın çeçələ barmağı kəsikdir.
bukerin borcları silinir, elizabet isə komstokun qəsrində yaşayır. oyundakı hər bir mayak bir seçimi təmsil edir. nə isə, buker şəhərə gəlir əlindəki AD (Anna Devitt) yazısına görə şeytan/yalançı çoban hesab olunur və təqib olunmağa başlayır. Deyilənə görə kolumbiyanın sonunu gətirəcək adamən əlində bu işarə olacaqmış. Sonda buker qızını tapır, hər şey ortaya çıxır - komstok və buker eyni adamdırlar.Baxmayaraq ki buker komstoku öldürür amma komstok alternativ dünyalarda sağ qalır. Bunun qarşısını almağın bircə yolu bukerin ölümdür. Elizabetin variasiyaları Bukerin əllərini tutur və boğulur. Bununla da Bukerin hər zaman və gerçəklərdə Komstocka çevrilməsinin qarşısını alır. Bundan sonra Elizabetin bütün nüsxələri yoxa çıxır.

https://i.imgur.com/9gnt47K.jpg
https://i.imgur.com/hdYZMvl.jpg
Oyunun bioshock və bioshock 2 ilə o qədər də bağlılığı olmasa da burial in the sea dlc-sində hadisələr rapture şəhərində baş verir
https://i.imgur.com/a1LPPd2.jpg https://i.imgur.com/ucpthja.jpg

/ 20 »

blok -   başlıqlarını gizlət