Azərbaycan-Ukrayna münasibətlərinin mövcud vəziyyəti müzakirə edilib - YENİLƏNİB-2 Xarici siyasət 06 avqust, 2026 22:21 Azərbaycanın xarici işlər naziri Ceyhun Bayramov Ukraynaya rəsmi səfəri çərçivəsində bu ölkənin Prezidenti Volodimir Zelenski tərəfindən qəbul edilib."Report" xəbər verir ki, bu barədə Azərbaycan XİN məlumat yayıb.Görüş zamanı, Azərbaycan ilə Ukrayna arasında strateji tərəfdaşlıq münasibətlərinin mövcud vəziyyəti və inkişaf perspektivləri, siyasi dialoq, enerji, nəqliyyat, humanitar əməkdaşlıq, habelə qarşılıqlı maraq doğuran regional və beynəlxalq məsələlər ətrafında fikir mübadiləsi aparılıb.Azərbaycan ilə Ukrayna arasında dostluq və qarşılıqlı hörmətə əsaslanan strateji tərəfdaşlıq münasibətlərinin inkişafının önəmi vurğulanıb. Gələn il diplomatik münasibətlərin qurulmasının 35 illiyinin qeyd olunacağı, ötən dövr ərzində yüksək səviyyəli siyasi dialoqun və qarşılıqlı səfərlərin ikitərəfli əməkdaşlığın inkişafına mühüm töhfə verdiyi qeyd edilib.Zelenskinin cari ilin aprel ayında Azərbaycana həyata keçirdiyi səfərin və səfər çərçivəsində əldə olunmuş razılaşmaların ikitərəfli münasibətlərin keyfiyyətcə yeni mərhələyə yüksəlməsi baxımından əhəmiyyət daşıdığı bildirilib.Görüşdə regional təhlükəsizlik məsələləri, Ukraynada mövcud vəziyyət, habelə beynəlxalq gündəlikdə duran digər aktual mövzular ətrafında fikir mübadiləsi aparılıb.Azərbaycanın Ukraynanın beynəlxalq səviyyədə tanınmış sərhədləri çərçivəsində suverenliyi və ərazi bütövlüyünə ardıcıl dəstək verdiyi bir daha diqqətə çatdırılıb.Zelenski Ukraynaya humanitar dəstəyə görə Prezident İlham Əliyevə və Azərbaycan hökumətinə dərin minnətdarlığını bildirib.Azərbaycan ilə Ukrayna arasında münasibətlərin bundan sonra da inkişaf etdirilməsi və müxtəlif sahələr üzrə əməkdaşlığın genişləndirilməsinə dair ortaq niyyət ifadə olunub.20:51Azərbaycan xarici işlər naziri Ceyhun Bayramov Ukraynaya rəsmi səfəri çərçivəsində Prezident Volodimir Zelenski tərəfindən qəbul olunmaqdan məmnunluğunu ifadə edib."Report" xəbər verir ki, C. Bayramov bu barədə "X" sosial şəbəkəsində paylaşım edib.Nazir bildirib ki, görüş zamanı Azərbaycan–Ukrayna strateji tərəfdaşlığının mövcud vəziyyəti və gələcək perspektivləri ilə bağlı hərtərəfli müzakirələr aparılıb. Müzakirələrin əsas mövzularını siyasi dialoq, enerji, nəqliyyat, humanitar əməkdaşlıq, eləcə də qarşılıqlı maraq doğuran regional və beynəlxalq məsələlər təşkil edib.C. Bayramov V. Zelenskiyə Cənubi Qafqazda münaqişədən sonrakı reallıqlar, sülh gündəliyinin irəlilədirilməsi istiqamətində göstərilən səylər, həmçinin Azərbaycanın işğaldan azad edilmiş ərazilərində həyata keçirilən genişmiqyaslı bərpa-quruculuq işləri barədə məlumat verdiyini qeyd edib.Nazir həmçinin Zelenskinin Azərbaycanın Ukraynaya göstərdiyi humanitar yardımla bağlı xoş sözlərini və davamlı dəstəyə görə Prezident İlham Əliyevə ünvanladığı təşəkkürü yüksək qiymətləndirdiyini bildirib.Honored to be received by President @ZelenskyyUa during my official visit to #Ukraine. We held comprehensive discussions on the current state and future prospects of the Azerbaijan-Ukraine Strategic Partnership, with particular focus on political dialogue, energy, transport,… pic.twitter.com/hsoQu347fs— Jeyhun Bayramov (@Bayramov_Jeyhun) August 6, 2026 Müxbir: Sevil Seymur20:29Ukrayna Prezidenti Volodimir Zelenski Azərbaycanın xarici işlər naziri Ceyhun Bayramovu Kiyevdə qəbul edib və onunla müdafiə və iqtisadi əməkdaşlığı müzakirə edib."Report" xəbər verir ki, bu barədə V. Zelenski "Telegram" kanalında bildirib."Azərbaycanın xarici işlər naziri Ceyhun Bayramovu qəbul etdim. Cənab nazir Rusiyanın işğalı başlayandan bəri Ukraynaya ilk dəfədir səfər edir. O, səfərinə İrpendən başlayıb və Azərbaycanın yardım göstərdiyi məktəb, xəstəxana, reabilitasiya mərkəzində olub. Ölkəmiz və xalqımız üçün bu çətin günlərdə buraya gəlməyə və bizi dəstəkləməyə imkan tapdığınıza görə çox minnətdarıq. Ukrayna xalqı ilə həmrəyliyə görə təşəkkür edirəm", - o yazıb.V. Zelenski Rusiyanın Ukraynaya davam edən zərbələri, Qara dənizdəki vəziyyət və Moskvanın taxıl dəhlizlərini bloklaması barədə C. Bayramovu məlumatlandırıb.Tərəflər yüksəksəviyyəli diplomatik təmasları, müdafiə əməkdaşlığını, eləcə də energetika, neft-qaz və kənd təsərrüfatı sahəsində iqtisadi qarşılıqlı fəaliyyəti müzakirə ediblər."Ukraynaya verdiyi dəstəyə, enerji və humanitar yardıma, həmçinin konstruktiv dialoqa görə Azərbaycana minnətdaram", - Zelenski deyib. Ceyhun Bayramov Volodimir Zelenski Rusiya-Ukrayna münaqişəsi Ukrayna Ən son xəbərləri bizim "Instagram" səhifəmizdə izləyin Müəllif Aydan Ələsgərli Sosial şəbəkələrdə paylaşın Скопировано Обсуждено текущее состояние азербайджано-украинских отношений - ОБОВЛЕНО - 2 Ukrainian president receives Azerbaijani FM, thanks for support (function () {var rand = Math.floor(Math.random() * 1e9);var adv_1164_iad_div = document.createElement("div");adv_1164_iad_div.setAttribute("id", "adviad-zoneid-1164" +rand);adv_1164_iad_div.style.cssText = "display: flex !important; justify-content: center !important;";document.currentScript.parentElement.appendChild(adv_1164_iad_div);var adv_1164_iad = document.createElement("script");adv_1164_iad.setAttribute("zoneid", 1164);adv_1164_iad.src = "https://newmedia.az/nativebanner/get_ads.js?v=" + new Date().toJSON().slice(0,10).replace(/-/g,'.');adv_1164_iad.async = true;document.currentScript.parentNode.appendChild(adv_1164_iad);})(); USD - 1.700 EUR - 1.963 TRY - 0.036 GEL - 0.649 RUB - 0.021 UAH - 0.038 Bakı 27° C Son xəbərlər 04:48 Tramp növbəti prezident seçkilərində Vensi dəstəkləməsi barədə xəbərləri təkzib edib Digər ölkələr 04:25 Zelenski ilk dəfə Serbiyaya səfər edəcək Digər ölkələr 04:07 Suriya DİN Dəməşqdəki partlayışda ölənlərin sayı barədə xəbəri təkzib edib - YENİLƏNİB-2 Digər ölkələr 03:50 Türkiyə, Səudiyyə Ərəbistanı və Pakistan birgə müdafiə sazişi imzalayacaqlar Region 03:14 Səudiyyə Ərəbistanında husilərin hücumları nəticəsində on bir mülki şəxs yaralanıb Digər ölkələr 02:37 Tramp ABŞ-də doğum hüququ ilə
