Avqustun 26-da Heydər Əliyev Fondunun prezidenti Mehriban Əliyevanın təşəbbüsü ilə xüsusi qayğıya ehtiyacı olan uşaqlar üçün əyləncə tədbiri keçirilib. Tədbirə ölkənin ərazi bütövlüyünün bərpası uğrunda mübarizədə şəhid olmuş Azərbaycan qəhrəmanlarının övladları, valideyn himayəsindən məhrum olmuş və internat məktəblərində tərbiyə alan uşaqlar, habelə sağlamlıq imkanları məhdud və xüsusi qayğıya ehtiyacı olan uşaqlar dəvət olunublar. Bayram tədbiri uşaqlara şən və yaddaqalan bir gün yaşatmaq, onların asudə vaxtlarını maraqlı və mənalı keçirmələri üçün şərait yaratmaq, hər bir uşağın diqqət və qayğı ilə əhatə olunduğunu hiss etmələri üçün təşkil edilib.
İstirahət obyektlərinə xüsusi avtobuslarla gələn uşaqlar gün ərzində müxtəlif əyləncə proqramlarında, maraqlı oyunlarda iştirak ediblər. Onlar yaradıcılıq fəaliyyətləri və ustad dərsləri zamanı öz bacarıqlarını nümayiş etdirib, rəqs edib, həmyaşıdları ilə vaxt keçirməkdən həzz alıblar. Dəniz kənarında yay ab-havasında keçirilən şənlik həm də uşaqlara hovuzda əylənmək imkanı verib.
Əyləncədən zövq alan, gün ərzində müxtəlif oyunlarda iştirak edən uşaqlar üçün nahar da təşkil olunub. Ad günləri avqustun 26-na təsadüf edən uşaqlar özəl günlərini həmyaşıdları ilə birgə qeyd ediblər. Tədbirin sonunda hər bir uşağa xoş günün xatirəsi olaraq Heydər Əliyev Fondu tərəfindən hədiyyə verildi.
Heydər Əliyev Fondunun fəaliyyətində həssas qruplara aid olan uşaqların xüsusi yeri vardır. Fond valideyn himayəsindən məhrum olmuş, xüsusi qayğıya ehtiyacı olan uşaqlar, eləcə də ölkəmizin ərazi bütövlüyünün bərpası uğrunda mübarizədə şəhid olmuş Azərbaycan qəhrəmanlarının övladları üçün mütəmadi olaraq əyləncəli proqramlar təşkil edir. Onların sosial müdafiəsinin gücləndirilməsi istiqamətində də təşəbbüslər həyata keçirir.
Brauzeriniz videonu dəstəkləmir. Zəhmət olmasa faylı endirin: video/mp4 İndi sizə xəbərlərlə xidmət edirik. Çox xərc çəkmir, amma diqqətinizə dəyər.
Açıq, müstəqil, keyfiyyətli jurnalistikanı dəstəkləməyi seçin və aylıq abunə olun. Onlayn qəzetimizə abunə olmaqla siz bütün xəbərlərə, təhlillərə və daha çox şeylərə tam rəqəmsal giriş əldə edə bilərsiniz. AzerNEWS-i Twitter @AzerNewsAz və ya Facebook @AzerNewsNewspaper sosial şəbəkələrində də izləyə bilərsiniz
Xülasə — davamını mənbədə oxuyun.
