Qazaxıstanın “KazMunayQaz” (KMG) milli neft-qaz şirkətinin İdarə Heyətinin sədri Asxat Xassenov “TotalEnergies” şirkətinin Qazaxıstandakı rəhbəri Frode Lyones ilə görüşərək ikitərəfli əməkdaşlıq məsələlərini müzakirə edib. Bu barədə “KazMunayQaz”ın mətbuat xidməti məlumat yayıb. KMG-nin məlumatına görə, görüşdə bərpa olunan enerji sahəsində əməkdaşlıq, o cümlədən Qazaxıstanın Cambil vilayətində 1 QVt gücündə külək elektrik stansiyasının tikintisi üzrə birgə Mirnı layihəsi müzakirə olunub.
Tərəflər qeyd ediblər ki, əsas layihə hazırlanıb və təfərrüatlı mühəndislik işləri yekunlaşmaq üzrədir. "Hazırda külək elektrik stansiyasının ərazisinə avadanlıq və işçi qüvvəsi səfərbər olunur, eyni zamanda ərazinin topoqrafik tədqiqatları aparılır", - KMQ bildirib. Qazaxıstanın cənub-şərqində yerləşən Mirnı layihəsinin 25 il ərzində 100 TVt-a qədər elektrik enerjisi istehsal edəcəyi gözlənilir ki, bu da bir milyona yaxın insanın ehtiyaclarını ödəməyə kifayət edəcək.
Enerji hasilatı 2023-cü ildə imzalanmış uzunmüddətli saziş çərçivəsində hökumətə veriləcək. Ümumi investisiyaların 1,2 milyard dollar dəyərində qiymətləndirilməsi ilə maliyyənin təxminən dörddə üçü xarici mənbələr hesabına təmin ediləcək. Layihə Saft tərəfindən təmin edilən 600 MVt/saat enerji saxlama sistemi ilə tamamlanan, təxminən 150 turbinli 1 GVt gücündə külək parkının tikintisini nəzərdə tutur.
Saxlama tutumunun əlavə edilməsi şəbəkənin dayanıqlığını və etibarlılığını yaxşılaşdıracağı gözlənilir. Layihədə TotalEnergies 60%, Samruk-Enerji və KazMunayQaz isə 20% paya malikdir. Mənbə: https://www.trend.az/casia/kazakhstan/4216935.html © 2026 Trend İnformasiya Agentliyi.
Xülasə — davamını mənbədə oxuyun.
