azərbaycanda gənc həkim olmaq


facebook twitter əjdaha lazımdı   googllalink

    1. hələ üstəlik yaşınızdan daha da gənc göstərirsizsə.

    kabinetinin qapısı açılır, içəri bir keçimliyinə 4 nəfər girir: pasient, onun anası, xalası, maşınıyla gətirən xalası əri və pasientin qaynanası. girər-girməz buruşmuş sifətlə verilən reaksiya: bıy filankəs həkim sizsinqyiz? bə biz helə bilirdük təcrübəli, samballı(!) hekimdü. bunu deyən qaynana üzünü digərlərinə döndərərək: filankəs doxtura bax ee dedük bizi yaxşı həkimə göndersün bu bizi uşaq-muşaq yanına göndəribdi ki?!
    bu an səsinin rəsmi tonuna basıb, ərklə: keçin əyləşin! deyirsən. o an silkələnmə yaranır bunlarda biraz. məhlədə olmadıqların xatırlayırlar. amma bununla bitmir. şikayətindən sual edər etməz yenə eyni büzüşük sifət geri qayıdır "ay mən buna nə başa salım e özüm bundan çox bilirəm" manevrlarıyla danışmağa başlayırlar. ta ki, sən 1-2 dənə yağğlı tibbi terminlər işlədənə qədər...

    əgər sertifikatlarla boğuşmaq kimi hobbilərin yoxdursa, kabinetinin divarını qızılı rəngə çərçivələnmiş diplomlar bürüməyibsə, boynunda qalıstux və saçlarında balta tağı yoxdusa işin çətindi. neçə illik təcrübən belə olsa kabinetə gələn çox əksəriyyət ortalama belə reaksiyalar verir. kiminə görə bunun sürmə müddəti 7-10 saniyə, kiminə görə də bir ömür boyu. təəssüf ki, camaatımız belə şeylərlə həkimə etibar edirlər: terminlərlə danışmaq, kobud olmaq, yaşlı olmaq, dinləməmək, dərman döşəmək və s.

    keçən il belçikada yerli cavanlarla söhbət zamanda universitetlərində 66 yaşlı bir müəllimi protest etdiklərini öyrəndim. səbəbi isə onun artıq pensiyaya başlaması idi. "bizdən çox qazanır, dövlət ona ev kirayesində və digər xərclərində güzəştlər edib, nəyə görə biz cavanların yerini daraltmalıdır? getsin ərizəsini yazsın, bizlərə iş üçün şans olsun" deyirdilər.
    hətta kreslolarını belə dəyişdirməyən həkimlər, müəllimlər hətta nazirlər olduğu müddətcə, camaatı niyə qınayaq ki? gözlərini açandan kök salmış qocalar görüblər, əllərində it ilinin reseptləri və yazılmış ən azı 3 əlaqəsiz dərman.


    ilk başlarda kompelksə girə bilərsiniz. hətta niyə cavanam? kimi sarsaq fikirlər gələ bilər ağlınıza amma əgər savadlı və professionalsınızsa sonra həmin ağız buruşduran adamların gəlib sizə minnətdarlıq edərək haqqınızda yanlış düşündüyü üçün üzr istədiyi an kiçik xoşbəxtliklər yaşayacaqsınız. şəxsi münasibətlərə girmədən, deyilənləri şəxsi qəbul etmədən işini düzgün görməyin əslində hərşeydən üstün olduğunu görəcəksiniz.

    ...


sən də yaz!