azərbaycan qadını


facebook twitter əjdaha lazımdı   googllalink

    1. Haqqında başlıq açılmamış qadındır.
    anadır,bacıdır,yoldaşdır,sirdaşdır.
    paltaryuyandır,qabyuyandır,ütüləyəndir,bişirəndir,yedirdəndir,geydirəndir,çimizdirəndir,evin ekonomistidir. Eyni zamanda yeyəndir,geyəndir,hər toyda fərqli görünməyə çalışandır,seçəndir,seçiləndir. Avtobusun yarısıdır,bəzən tamamıdır. Əməkdardır,sənətkardır,əmək itirəndir. Yerli bilib,yersiz danışandır. Kimisi dindardır,kimisi mundardır.
    Oğul doğub evləndirən,qız doğub ərə verəndir.
    deyingəndir,öyüngəndir. Yaş artdıqca söyüngəndir.
    düzgündür,pozğundur. Haqqdır,nahaqdır.
    sevəndir,seviləndir. Qədr biləndir,qədri gec bilinəndir. Yaxşısı cənnətdir,pisi cəhənnəmdir.
    2. At belində, ər yanında, əlində tüfəng, belində xəncər savaşlara mərdcəsinə qatılmış, vətən torpağını sevən, qoruyan igid qadındır azərbaycan qadını. Azərbaycan tarixinə yön verən, azərbaycan igidləri kimi ada sana sahib tomrislər, həcərlər, sara xatunlardır. Azərbaycan qadını əsas məqamlarda verdiyi qərarlarla mərd ərlərdən heç də geri qalmadığını sübut edən gözəldir.

    Azərbaycan qadını anadır. Evimizin baştacı, ailəmizin nuru, övladlarını səbrlə əzmlə yetişdirən hər çətinliyə dözən anadır. ədəbiyatımızda dərin izlər qoyan yazıçılarımızın, şairlərimizin əsərlərinə baxanda anaya olan hörmət, sevgi aydın nəzərə çarpır. Ana bütün dünyada qayğıkeşdir bəlkə ancaq, azərbaycan qadını övladını sabahın azərbaycanına yetişdirən, gözünün ağı-qarasını vətən keşiyini çəkməyə yollayan anadır. Azərbaycan qadını babəklər, koroğlular anasıdır.

    Azərbaycan qadını qarabağda qızğın müharibə gedərkən, igidcəsinə vətən oğulları ilə birgə düşmən üstünə gedən vətən qızıdır. Azərbaycan qadını cəsurluluğunu tarix səhifələrində, döyüş meydanlarında bütün dünyaya sübut edən ali varlıqdır.
    3. Məsələn Həmcinsinə paxıllıq edəndir, öldürülənə özü ağırlıqda günah yaza biləcək qədər mərhəmətsizdir. Ama bir başqası qarabağda kişilərlə çiyin-çiyinə döyüşəcək qədər qeyrətlidi bu qadınların. Sonra biri də var məsələn; qardaşı, oğlu müharibədən gizlənən ancaq cəbhə qadınlarına pozğun deyəcək qədər ikiüzlüdür... Bir başqası haqqını tapdalatmayandır, ya da kimisi boyunduruq altındadı... Bir də ana olanları var sevgisinin həddi bilinməyən, başqa biri də var övladını atıb gedən. Nə bilim şərqi yaşadanı da var, qərbi gətirəni də. Hə bir də yeməksevərdi azərbaycan qadını, hələ bir də evlidirsə qışda ərinin aldığı kürkləri də geyinib qütb ayısına bənzəyənlərdi bu qadınlar, sonra hovuza 1ton qır-qızılla girən növləri də çoxdu. Sadəlikdən ölənləri də var bizim kimi; heç nəyi bəyənməyən -* dünyanı da düzəltmək mənə qalıb axı -* bildiyin adi qadındı azərbaycan qadını, hər yerdə olanın bir az daha "abartılmış" şəkli.


sən də yaz!