11 yazar 9 başlıq və 26 entry
yenilə | gündəm


Qarabağ / yeniliklər + 1 #sözaltı art 10 siz hələ məni lüt görməmisiz azərbaycanın bir cümləlik xülasəsi 2 qadağan olunması istənilən şeylər 4 sözlük yazarlarının favorit serial obrazları 3 pərviz məhəmmədov 3 yazarların prezident olacağı təqdirdə edəcəyi islahatlar 3 cəsur yeni dünya brave new world əbülfəz elçibəy 2 unudulmaz film replikaları depressiyaya salan musiqilər 2 spartacus: blood and sand 26 noyabr 2020 bdu-dan tələbə qovulması 7 baba paradoksu təkcə mənmi edirəm deyə düşünülən şeylər 2 la double vi̇e de véroni̇que xoşbəxtlik 4 zamanla geridə qaldığı üçün darıxılan şeylər 7 v for vendetta azərbaycanlı olsaydı ola biləcəklər 2 yoxsul insanlar depressiyada dinlənəcək musiqilər 5 ağcaqanad 3 flight of the eisenstein 10 noyabr 2020 azərbaycanın ıı qarabağ savaşında qalib gəlməsi ours samplus enstitü coursera 2 ölüm 2 həyatın nə qədər gözəl olduğunun anlaşıldığı anlar 6 sözlük yazarlarının yazdığı şeirlər mike tyson louvre birlikdə oturub siqaret çəkiləsi məşhurlar yazarların başına gələn maraqlı hadisələr yazarların hal-hazırda dinlədikləri musiqilər 3 hər gün bir faydalı məlumat 2 twitter sözaltı etiraf 2 qibtə edilən sənətlər kaliforniya yazarların ən sevimli parfümləri respublikaçı alternativ partiyası 6 afro-türklər 3 intihar edəcək insanı fikrindən döndürəcəklər 8 28 noyabr 2020 fransada etirazçıların mərkəzi bankı yandırması bilmədiyi mövzu haqqında danışan insan freethinker childish gambino 2 left 4 dead 2 2







beynəlxalq müəllimlər günü



əjdaha lazımdı   izlə   lələ   mən   googllalink

    1. azərbaycan müəllimləri hansı gününə qeyd edir görəsən bugün. dünya ziyallılarının üz qarasıdı azərbaycan müəlliməsi. seçkilər zamanı növ növ karusellər, saxtakarlıqlar.təhsildə rüşvətin başını çəkənlər yenə müəllimlər. uşaqa qarşı vəhşicə rəftar hər cür iyrəncliyi göstərən müəllimlərdir elə.indi deyəcəksiz müəllimləri buna vadar edən sistemin özüdü haqlısınız elədi amma müəllimlik ziyallılıqdır haqsızlıqa zülmə qarşı çıxıb öz duruşunu göstürməlidir lakin bizimkilər də onurğa olmadığı üçün vəziyyət belədir.
    2. ingilis zooloq ray lankeste təkamül nəzəriyyəsi ilə bağlı kitabında yazırdı ki:

    any new set of conditions which renders a species' food and safety very easily obtained, seems to lead to degeneration.

    ölkələr var hansılar ki orda hər şey degenerasiyaya uğrayır. insanlar degenerasiyaya məcbur buraxılır çünki ya vəziyyətə uyğunlaşıb sən də hamı kimi olmalısan ya da vicdanını ön plana qoyub daim əzab çəkməlisən, bacarsan qaçıb qurtulmalısan. o da bacarsan.

    saxtakar, rüşvət alan, məqsədi təhsil verməkdən çox məktəbi pul qapısı, uşaqları da bu alverin bir parçası görən müəllimlərin çoxluq təşkil etməsi də bu degenerasiya səbəbilədir. müəllimlik bir peşə olaraq ən ucuz vəziyyətə düşürülüb.

    məsələn, desəm ki, cahit arf hansı ki keçən əsrin ən təsirli türk riyaziyyatçılarından biri olub, fransada ecole normale kimi bir universiteti birinciliklə bitirikdən sonra fransada qalıb həyatını yaşaya biləcəyi halda türkiyəyə qayıdıb karyerasını riskə atmaq bahasına ən aşağı maaş ilə məktəblərdə uşaqlara riyaziyyat dərsi keçib; cahit arfın bu seçimini axmaqlıq olaraq qiymətləndirəcək milyonlar var indi bu ölkədə.

    "yaxşı müəllim" anlayışımız belə kifayət qədər dəyişib. bir müəllimin yaxşı olmasını onun şagirdin yalnız test bacarıqlarına nə qədər müsbət təsir etməsi ilə ölçürük uzun illərdir. halbuki bir neçə il qabaq aparılan bir araşdırmaya görə müəllimlərin uşaqlar üzərindəki uzun dönəm (long-term) təsirləri o uşaqların test bacarıqlarından, x, y kimi akademik qabiliyyətlərindən çox xarakterlərində özünü göstərir. yəni bir müəllim uzun dönəmdə bir uşağın xarakterinə daha çox təsir göstərir.

    araşdırmaya görə işlərində, həyatlarında uğurlu yetişkin insanlar müəllimlərindən dərs mövzularından çox həyatla bağlı vacib dərslər alıblar. yəni 30 yaşına çatmış biri bəlkə də inteqralın nə olduğunu artıq xatırlamır amma müəllimi sayəsində öyrəndiyi başqa vacib keyfiyyətlərə sahibdir.

    illər əvvəl bir müəllim tanımışdım. adı zöhrab idi. ixtisası fizika idi amma əmək müəllimi olaraq işləyirdi. bilənlər bilir ki azərbaycanda saatı çox olan dərsləri tədris etmək üçün gərək hər saatın qarşılığında direktora "şirinlik" verəsən. zöhrab müəllim də məcbur əmək dərsi keçirdi.

    əmək dərsi oğlanların yola verdiyi dərs olur adətən. bizim sinifdə də hər kəs əmək dərsini yola verirdi. zöhrab müəllimin divara asılı kitab rəfi var idi. kitab rəfində fizika kitabları görmüşdüm və marağımı cəlb etmişdi, həmin vaxt fizika da keçmirdik. maraqlandığımı görüb bir-iki kitab vermişdi dərs vaxtı oxumaq üçün. mən hər dəfə axmaq suallar verirdim, o da sakitcə cavablayırdı.

    mən qravitasiyaya ilişib qalmışdım daim. bir dəfə nəsə soruşmuşdum və eynşteyndən danışmışdı. başa düşmədiyim bir neçə şey izah etmişdi, uzun-uzun illər sonra ümumi nisbilik haqda oxuyanda başa düşdüm onları da. təkcə fizikadan da danışmırdıq, müxtəlif mövzularda söhbət edirdik. o qədər gülərüz idi ki. tez-tez zarafatlar edirdi. bu gün sözlükdə, orda-burda müzakirə mövzusu olan bir çox mübahisəli şeyləri illər əvvəl oturub söhbət etmişdik zöhrab müəllimlə.

    bayaq dedim axı; long-term olaraq bir müəllimdən həyatla bağlı öyrəndikləriniz və xarakterinizə təsir edən şeylər daha çox olur, ömrünüzdə daha çox yer tutur nəinki dərslər. zöhrab müəllim dahi fizik deyildi, suallarıma bu gün başqa mənbələrdən aldığım cavablar qədər tətmin edici cavablar verməmişdi amma klişe ifadə də olsa bir uşağı yəni məni şəxsiyyət olaraq görmüşdü. suallara düzgün cavabı axtarmağı, düzgün düşünməyi öyrətmək daha vacibdir nəinki suala cavab vermək.

    bu gün qayıdıb keçmişə baxanda yaxşı ki belə bir insanı tanımışam dediyim insandır zöhrab müəllim. sonralar məktəb ilə bütün əlaqələrim qopdu və onu bir də görmədim. bir dəfə axşam xəbərlərinə baxanda öyrəndim ki, zöhrab müəllimin məktəbdə ürəyi tutub, ölüb.

    həmin xəbərin videosu hələ də qalıb internetdə.
    (youtube: )


    sonra oxudum ki sən demə direktor əlavə iki saatlıq fizika dərsi üçün zöhrab müəllimdən 200 manat "şirinlik" alıbmış.

    https://qaynarinfo.az/az/quotmen-kiminse-qapisinda-yixilacamquot/

    ---

    ümid edirəm uşaqlara şəxsiyyət olaraq yaxınlaşan, onlara dəyər verən müəllimlərin sayı çoxalar. bilirəm ki, haralardasa zöhrab müəllim kimi dəyərli müəllimlər çoxdur. həmin dəyərli müəllimlərimizin müəllimlər gününü təbrik edirəm. yaxşı ki varsız.


sən də yaz!