pedofiliya



əjdaha lazımdı   izlə   lələ   mən   googllalink

    1. Günümüzün ən böyük bəlalarından biridir.
    Yazıda sizi narahat edəcək informasiyalar çoxdur. Ancaq uşağı olan, uşaq dünyaya gətirməyə hazırlaşan, evdə balaca bacı-qardaş və ya digər uşaqlar olan hamının başını axmaq şeylərdən qaldırıb bir neçə dəqiqəsini ayırıb bu məlumatları oxumağını məsləhət görürəm. Burnunuzun dibindəki təhlükəni ayırd eləməyi öyrənin. Vaxtım olsa bu mövzuda bu gün yenə entry yazacam.

    ilk hissədə pedofiliya haqqında, 2-ci hissədə isə pedofiliya qurbanı uşaqlardakı əlamətlərlə bağlı məlumatlar qeyd edilib.

    Pedofiliya, yetkinlik yaşına çatmış bir insanın cinsi tətminlik üçün azyaşlı bir uşağı istismar etməsi və ya bu istismara göz yumulması deməkdir.

    Pedofiliya psixi xəstəlikdir. Pedofil- 16 yaşını doldurmuş, minimum 6 aydır özündən ən az 5 yaş balaca uşaqlara qarşı mütəmadi davam edən cinsi istəyə sahib şəxslərdir. Yəni 45 yaşında şəxsin 18 yaşlı qızla evlənməsi pedofiliya deyil.

    Pedofillər nə edir?
    1.Yetkinlik yaşına çatmamış uşaqlarla erotik məzmunlu telefon danışıqları və ya mesajlaşmalar
    2.Ekshibisyonizm: uşaqlara yetişkin bir insanın öz cinsi orqanını göstərməsi
    3.Voyurizm: uşaqları soyundurub onları izləmək
    4.Frotterizm: yetişkin şəxsin öz cinsi orqanını uşaqlara sürtünmə yolu ilə təmas etdirməsi
    5.Uşaqların yanında masturbasiya etmək
    6.Uşağın bədəninə cinsi tətminlik yaşamaq məqsədilə toxunmaq
    7.Uşağı pornoqrafik videolara çəkmək
    8.Uşaq şəkillərinə, videolarına baxaraq, geyimlərinə toxunaraq masturbasiya etmək
    9.Uşağı oral sexə məcbur etmək
    10.Uşaqla anal və ya vaginal yoldan penetrasiya-cinsi birləşmə gerçəkləşdirmək

    Pedofiliya 2 şaxəlidir;
    1.Hebefillər: yeniyetməlik dövründəki uşaqları hədəf alırlar
    2.Pedofillər: yeniyetməlik yaşına çatmamış azyaşlı uşaqları hədəf alırlar
    a)Telofillər: 2 yaşdan böyük uşaqlara meyilli olurlar
    b)infantfillər: 2 yaşa qədər uşaqlara meyilli olurlar

    Eyni zamanda, pedofillər:
    1.Ekskluziv- sadəcə uşaqlara cinsi istək duyanlar
    2.Non-ekskluziv- həm uşaqlara, həm böyüklərə cinsi istək duyanlar olaraq 2 qrupa bölünür

    Pedofilik əlamətlər göstərən şəxslər, demək olar ki kişilərdir. Literaturada çox az qadın pedofil vakası var. Ən çox rastlanan istismar növü isə, kişilərin oğlan uşaqlarına göstərdiyi cinsi istismardır.

    Qurban edilən uşaqları istismar edən şəxslər 75%-lik bir statistika ilə adətən, uşağın ailə üzvü, qohumu, ailə yaxını, qonşusu, müəllimi, din dərsləri verən şəxs, baxıcısı, məktəb avtobusunun sürücüsü olur. Pedofillər, onlara ən yaxın olan, asan və rahat ünsiyyət qura biləcəkləri, tez-tez görə biləcəkləri uşaqları qurban seçirlər. Həm də yaxın olduqları ailələrin onlardan şübhə duyması imkansız olduğu üçün bu onların işini xeyli asanlaşdırır. Adətən, yavaş-yavaş yaxınlaşırlar. Tək bir səfərdə təcavüz edib qaçmaq kimi məqsədləri olmur. Yavaş-yavaş, 1-ci gün saç sığallama, 2-ci gün qucaqlama, 3-cü gün qucağa oturtma və s. kimi irəliləmələrlə günlərlə, aylarla hətta illərlə davam edən istismar belə baş tutur.

    Pedofil olmaq üçün “səbəblər”;
    Uşaqlıqda yaşanılan cinsi zorakılıq, travmatik şiddət, ana ilə yaxşı olmayan münasibətlər və s. Kişilər anaları ilə sağlam ünsiyyət qura bilmədiklərində yetişkin qadınlardan qorxduqları və özgüvənsiz hiss etdikəri üçün, hər zaman dominant olacaqları və hökmran olacaqları münasibətlərə -uşaqlara yönəlirlər. Genetik və hormonal faktorlarla birgə din, coğrafiya və s. kimi ünsürlərin də məsələdə rolu böyükdür.

    Özlərini müdafiə etmə şəkilləri;
    1.”Bu elə-belə bir şeydi, oyun oynayırdıq, sadəcə qucaqlamışdım, 1 dəfə olub, siz çox böyüdürsüz”
    2.”Uşaqlarla bağlı mövzularda araşdırma aparırdım”
    3.”Uşaq məni yoldan çıxartdı, məni təhrik elədi, ona görə özümü idarə edə bilmədim”
    4.”Uşağa, sevgi, seks haqqında məlumat verirdim, öyrətmək üçün göstərirdim”

    Türkiyədəki sex işçisi qadınlar, gələn kişilərin onlardan körpə uşaq kimi geyinib, əmzik, biberon istifadə etmələrini, pampers geyinməklərini, uşaq kimi ağlamaqlarını istədiklərini danışır. Bunları edəndə kişilərin onlara baxıb masturbasiya etdiklərini deyirlər.

    Sex fantaziyalarının paylaşıldığı chatlerdə ən çox yazılan hekayələr incest və pedofil fantaziyalardı.

    Şərq ölkələrindəki locationlardan girilib ən çox axtarılan pornoqrafik videolar lesbian, incest və pedofil videolardır.

    CiNSi iSTiSMARA UĞRAMIŞ UŞAQDA GÖRÜLƏN ƏLAMƏTLƏR:
    1.Seksual xarakter daşıyan hər şeyə (iç geyimlərinə, filmlərdəki öpüşmə səhnələrinə, soyunan insanlara) ona toxunmaq istəyən hamıya aqressiv və ya qeyri-adi reaksiya bildirmək.
    2.Konkret insanlara və konkret məkanlara (məktəb, kurs, klinika, bağça, park, hansısa qohumun evi, mağaza) nifrət etmək, onlardan uzaq durmaq. Uşağınız harasa getməmək, kimləsə görüşməmək üçün ağlayırsa, tədirgin olursa, qorxursa, yalvarırsa, diqqətli olun.
    3.Fiziki müayinələrdən çəkinmək
    4.Yuxu problemləri; yata bilməmək, çox yatmaq, gecə tez-tez oyanmaq, çox kabus görmək.
    5.Depressiya, asosiallıq, içinə qapanmaq
    6.Başqa uşaqları da seksual xarakterli hərəkətlərə məcbur etmək (soyunmaq, cinsi orqanına toxunmaq və s.)
    7.Məsanə və bağırsaq kontrolunu itirmək
    8.Məktəbə getmək istəməmək
    9.Oğurluq, döymək və s. kimi hərəkətlərə meyl etmək
    10.Çəkdiyi şəkillərdə seksual məzmunlu detallar qeyd etmək (cinsi orqan təsviri çəkmək, taciz təsviri çəkmək və s.)

    Uşaqlar, adətən, yaşadıqları istismarı doğru şəkildə izah edəcək sözləri və ifadələri bilmirlər. Özlərini necə anlatacaqlarını bilmirlər. Bunu valideynlər öyrətməlidir. Uşağınıza, onları yanına çağıran yad şəxslərlə ünsiyyətdən qaçmalarını, onlarla nə vəd edirlərsə etsinlər heç hara getməməli olduqlarını anlatın. Onlara toxunmaq istəyən, qucağına almaq istəyən şəxslərdən qaçmalarını, qışqırıb kömək istəməklərini öyrədin. Bədənimizdə özəl bölgələrin olduğunu, bu özəl bölgələrə əminin, dayının, xalanın, xalaoğlunun və s. belə əsla toxunmaması gerektiğini, əgər toxunursa gəlib sizə xəbər etməyini istəyin. Utanmadan, qorxmadan, hansısa bir məkanda onları sıxışdıran, təhdid edən, qorxudan, onlara zorla nəsə elətdirən varsa gəlib sizlə paylaşmaqlarını istəyin.

    Əgər uşaq dünyaya gətirirsizsə, lütfən o uşaqlarla sağlam münasibət, ünsiyyət yaradın ki, başına pis bir şeyin gəlmə ehtimalında belə xəbəriniz olsun. Başlıq açıb etry yazmaqda məqsədim odur ki, oxuyub agah olun, bəlkə də ətrafınızda pedofillər və ya cinsi istismara uğramış uşaqlar var, xəbəriniz olsun.
    2. Səbəbi tam olaraq aydınlaşdırıla bilməyən, əksər mənbələrə əsasən seksual sapma (parafiliya) hesab olunan davranış və ya meyl. Dəqiq olan bir şey var ki, uşaqlıqda yaşanan travmatik hadisələr, ana/ata kimi ailə fiqurları ilə yaşanan problemlər və s. kimi freudsayağı psixoanalitik izahlar heç bir ciddi araşdırmada pedofiliyanın səbəbləri kimi sübuta yetirilə bilməyib. Bir çox pedofilin seksual aktivliyi xaricində həyatını təəccüblü şəkildə olduqca normal keçirdiyinin və uşaqlıqda da heç bir problem yaşamadığının nümunələri var.
    3. bir neçə il qabaq amerikada bir nəfər pedofiliya ilə bağlı həbs edilir. bir müddət sonra həbsxanada səhhəti pisləşir və mri çəkilir. beynindəki orbifrontal cortexdə şiş (tumor) olduğu təsbit edilir.

    əməliyyat ilə həmin şiş beyindən çıxarılır və şiş ilə birlikdə həmin şəxsin pedofil davranışları da yox olur. pasiyent evə göndərilir və aylar sonra yenidən baş ağrısı və pedofil davranışlar başlayır.

    bu dəfə də mri çəkilir və şişin yenə böyüdüyü təsbit olunur. yenə əməliyyat edilir və şiş çıxarılır. pasiyentin pedofiliya davranışları yenə yox olur və normal insana çevrilir.

    orbifrontal cortexdəki şiş nə vaxt böyüsə pasiyentdə idarə edə bilmədiyi pedofiliya davranışları görünməyə başlayır, şiş çıxarılan kimi pasiyent normal vəziyyətinə qayıdır.

    nevroloqlar phineas gage hadisəsindən bəri bizi biz edən dəyərlərin beyindəki loblarla əlaqəli olduğunu və bu lobların travma alması zamanı insanın şəxsiyyətinin dəyişdiyini az-çox bilirlər.

    phineas gage 1800cü illərdə yaşayan amerikalı dəmiryolu ustası olub. yaşadığı qəza zamanı dəmir nizə bu gəncin sol frontol lobunu parçalayır amma gage ölmür, sağ qalır. yaxşı ki də sağ qalır. *

    çünki bu hadisədən və gage sağaldıqdan sonra davranışları dəyişməyə başlayır. qəzadan əvvəl hər kəs tərəfindən sakit, xoş bir insan olaraq tərif edilən gage qəzadan sonra bərbad birinə çevrilir.

    beyindəki şiş, travma və kimyəvi birləşmələrdəki balanssızlıq insanın şəxsiyyətini dəyişdirə bilir çünki we are our brains

    yaşanılan depressiyaların səbəbi olan travmatik hadisələri düşünün məsələn. travmatik hadisələr birbaşa beyindəki amygdala, prefrontal cortex kimi loblara təsir edir və hormonal imbalance yaradaraq depressiya və psixozlara səbəb olur. əgər müalicə alsaz depressiya da bitəcək

    bəzən ətrafa baxıb öyrəniləcək nə qədər çox şeyin olduğunu deyirik öz özümüzə. məsələn kainat haqda nə qədər az şey bildiyimizi və s. amma öyrəniləcək ən çox şeyin olduğu yer yenə öz beynimizdir, beyin haqda çox az bilirik
    4. pedofiliya ilə bağlı ən qıcıqlandırıcı məqamlardan biri qadınlar etdikdə media və kənar insanlar tərəfindən göz yumulmasıdır. bəli qadın pedofillər faiz etibarı ilə kişilərdən çox azdı. ancaq unutmaq lazım deyil ki, uşaqlar da başlarına gələn hər hadisəni gedib danışmıllar. internet üzərində dəfələrlə uşaq olanda qadınlar tərəfindən cinsi zorakılığa məruz qalan insanlar haqqında oxumuşam (həm qız həm də oğlanlar). həmin vaxtı bunu heç kimə danışmadıqlarını denyənlər də var.
    xəbər başlıqlarında bu qadınlar çox vaxt pedofil deyə verilmillər. əksinə "uşaqla cinsi əlaqədə olub" yazılır. sanki uşaqla cinsi əlaqədə olmaq pedofillikdən fərqlidi. ən əsəb oyadanı isə cinsi zorakılığa məruz qalan uşaqlar haqqında yazılan "bəxtəvərdi uşaq vaxtı belə qız sikib" zad kimi şərhlərdi. xəbərlər hər şeyi açıb yazmır. həmçinin zorakılıq qurbanının psixologiyası düşünülərək çox vaxt hadisələr tam açıqlanmır. o bəxtəvər deyilən oğlan (ya qız fərq etməz) pedofil qadının fantaziyaları üçün çox iyrənc şeylərə məruz qalmış ola bilər.
    12-13 yaşlarında oğlanların 30 yaşlarda bir qadınla cinsi əlaqədə olmasının onun psixologiyasını necə korladığını bilə bilmərik. bu hadisə onun gələcəkdə intiharına belə yol aça bilər.
    pedofiliya ağır cinayətdi. qadın, kişi, varlı kasıb deyilmədən ən ağır cəzalar verilməlidi. onun haqqında olan məlumatlar da lazımdısa ictimayətə verilməlidi (abşdakı sex offenderlər kimi) ki, hər kəs nə zibil olduğunu bilsin ondan uzaq dursun.

    edit: əlaqəli xəbər link . oxuyun nə demək istədiyimi başa düşərsiniz.


sən də yaz!