Üz baxımı və dəriyə qulluq



əjdaha lazımdı   izlə   lələ   mən   googllalink

    1. "Əsas daxili gözəllikdir" , "əsas ürəkdi" filan boş sözlərdi. Ona görə də üzümüzün gözəl və sağlam görünməsi üçün çalışmalıyıq. Ən önəmlisi üz təmiz görünməlidir. Kimləsə danışanda alnından yağ damlayırsa, ya da burnunun üstündəki qara nöqtələr gözümüzə girirsə beynimiz istər-istəməz o adamı kirli, baxımsız biri kimi qəbul edir. Dəriyə qulluq çox vacib məsələdir.
    Highlightersiz də işım-işım işıldaya bilərsiniz, qızlar. Və, bəylər, üzünüzdəki səpkiləri, ləkələri saqqalla gizlətmək yerinə təmiz, şüşə kimi bir dəriylə parıldasanız (3 nömrəli saçlarınızla birlikdə) pis olmaz.

    1.Deməli üzümüzə qətiyyən dırnaq vurmuruq, sızanaqları, qara nöqtələri sıxmaq olmaz.
    2.üzü sabunla yumaq olmaz, normal qiymətə hər yerdə üz yumaq üçün gellər var. Üz tipimizə uyğun olanını seçirik.
    3.Fast fooda limit qoyuruq, davamlı yağlı şeylər yemirik.
    4.bol bol su içirik.

    Eləmirəm tənbəllik sizə məmnun qalmaq qarantiyalı asan bir maska da yazıram. Gedirsiz, çəkib gözəlləşirsiz, mənim adıma da möminə xatun türbəsində iki şam yandırırsız.

    1 çay qaşığı limon suyunu və 1 çay qaşığı südü qarışdırırıq. Pambığa batırıb üzümüzü bununla silib, təmizləyirik.
    Sonra üzümüzü yumadan-
    1 çay qaşığı limon suyu
    1 çay qaşığı quru maya (droj)
    1 çay qaşığı qatıq
    Bunları qarışdırıb üzümüzə çəkirik. Göz ətrafınıza çəkməyin. 20-25 dəqiqə saxlayıb ilıq su ilə yuyuruq. Üzümüzü qurulayıb, nəmləndirici krem çəkirik.
    Yuduqdan sonra ilk dəfədən təsirini görəcəksiniz. 20-25 yaş həftədə bir dəfə, 25+ həftədə iki dəfə tətbiq edə bilər.
    3. waltersiz pinkman, limonsuz tequila, beyonce'suz jay-z, duzsuz alça kimidi mənsiz "özünəqulluq", "baxım" başlıqları. bütün bildiklərimi bir yerə yığıb həm kişilər, həm qadınlar üçün ortaq olan çox mükəmməl tiplər paylaşacam sizlə.
    əvvəla onu deyim ki, kimliyimizdən asılı olmayaraq hamı üzünə, bədəninə dəyər verməli, onu yetərincə tanımalı və vaxtı-vaxtında qulluq etməlidi. özümüzə dəyər vermədən qıraqdan kimlərdənsə dəyər gözləmək o deyil də... keçirəm sədətə.
    üzünüzü təmiz saxlayın. gün ərzində çölə çıxırıq(çıxmırıq), havayla təmasda oluruq, olmasaq da əlimizi 1000 yerə vurub sonra üzümüzə vururuq və sairə və ilaxır. havada olan bütüün çirkli şeylər gəlir qonur dəriyə. dəri təmizlənmir, onlara şərait yaranır, girirlər dərinin qatlarına. sonra da deyirik ki niyə sızanaq çıxdı, niyə qara nöqtə çıxdı vs vs vs. 1 tonik alın, fərqi yoxdu hansı marka, əsas üz rahatlaşdırmaq üçün tonik olsun. alın hər səhər duranda və axşam yatanda üzünüzü silin. ağ pambığın rənginin necə dəyişdiyinin özünüz şahidi olacaqsınız. bir də toniklə siləndən sonra üstünə nəmləndirici krem vurun. krem də bahalı şey deyil, girin aptekdən, mağazadan arko nem alın dəri tipinizə uyğun. 60 qəpikdi. bu kiçik rutini 1 həftə təkrarladıqca görəcəksiz, üzünüz rahatlaşacaq, rənginiz açılacaq, sızanaqlar bir az azalacaq(bu haqda da yazacam). üzünüzə qəti şəkildə sabun vurmayın. dərimizdə turşuluq, əsaslıq balansı var və sabun o balansı qoyur həqiqi mənada pox gününə. fikir vermisiz sabunla yuyandan sonra dəridə bir quruluq olur? sabun dərini tez qocaldır, ay camaat. uzaq durun ondan. əvəzinə üz yuma gelləri olur, yaşıl aptekin 2-3 manata olmalıdı onu tövsiyyə edə bilərəm, maye sabun kimi şeydi, alın yuyun üzünüzü. olun çiçəh kimi.
    istəyirəm bir az hamının evində olmalı ucuz-mucuz məhsulları paylaşım hansı ki aptekdən ala bilirik.
    1) qliserin. qliserin nədi? 50 qəpiklik spirt. bəli, spirtdi və bu söz sizi qorxutmasın və kimsə deyəndə ki ay spirtdi, ay dərini qurudur, ay onu üzə vuranda göydən balina yağır, inanmuyun. bunu deyənlər spirt haqqında heç nə bilməyən və boş-boş danışanlardı. qliserin çoxatomlu spirtdi, evdəki etil spirti kimi deyil, uçucu deyil, zəhərli deyil, acı deyil, şirindi. mənim kimi gördüyünüz hər maddənin dadına baxmağa meyillisizsə azcana dadına baxa bilərsiz, heç nə olmayacaq.
    (bax: qliserinin dadına baxım deyib ölən adam)
    (bax: allah bəlanı versin mariya)
    nəyə işə yaradığını deməyi unudurdum lap. bu qliserin əsasən yağlardan alınır və mükəmməl nəmləndiricidi. tonikdən sonra krem əvəzinə bunu polnu çəkə bilərsiz. gedin özünüzün, yaxud mamanızın kosmetik məhsullarına baxın, hamısının tərkibində mütləq qliserin var. kosmetologiyada dəhşət çox istifadə olunur. bir də eşitmişdim bir ara təkər qaraldırmışlar bunla. nəysə, alın, aldırın. çox bərəkətli məhsuldu bir dənə almışam 1 ildi işlədirəm.
    2) aloe ekstraktı. ampula şəklindədi 20 qəpiyə. nə işə yarıyır? dərinin immunitetini gücləndirir, dərini nəmləndirir, səpkilərdən, sızanaqlardan qalma ləkələri azaldır mütəmadi istifadə edəndə. qış aylarında xüsusilə istifadə olunmalı şeydi. üzünüz şaxtadan çatlamıyacaq. necə istifadə edirik bəs bu aloeni? ampulanı qırıb yatmamışdan qabaq və səhər duranda təmiz üzümüzə çəkirik. istəsəz günə 1 ampula istifadə edin, istəsəz səhər də 1-in, axşam da. vurandan sonra yumaq lazım deyil. bunu kiməsə danışanda sual verirlər ki, bəs evdəki aloeni kəsib içindəki jele kimi şeyi götürüb üzümüzə çəksək fərqi olar? elə də fərqi olmayacaq amma o əziyyətli işdi. əziyyətindən başqa, aloe ekstraktı (!) təkcə aloedən ibarət deyil. içində dəriyə xeyirli başqa maddələr də var və dəri tərəfindən tez həzm olunur, nəinki aloe jelesi.
    3)kalsi-xlorid. bu da ampula şəklindədi və 20 qəpiyə. peeling kimi istifadə olunur. həftədə bir dəfə, 1 ay fasilə ilə tətbiq etməyinzi məsləhət görürəm. yay aylarında ayda 2 dəfə edin, günəşin ultrabənövşəyi şüalarına görə. üzünüzü yandıra bilər. sırf buna görə gecə çəkmək lazımdı. necə? hamamdan çıxmısız, mis gibi tər-təmizsiz, çox gözəl. çiməndən sonra çox gözləmiyin. bir uşaq sabunu 2 parça pambıq və bir az su götürüb keçib güzgünün qabağına. pambığın birini kalsi-xloridlə isladıb üzümüzə tampon hərəkətlərlə vururuq. 15-20 saniyə sonra da digər pambığı isladıb uşaq sabununa çəkib ordan da yenə üzümüzə tətbiq edirik, ta ki kalsi-xlorid qurtarana qədər. uşaq sabunu nəyə lazımdı mariya? bəs demişdin sabun olmaz, ay elə, ay belə, noldu? uşaq sabunu normal sabunlardan fərqlidi və həssasdı. bundan əlavə kalsi-xlorid üzü çox qurutduğu üçün sabunun naifliyindən istifadə edib qurutma qabiliyyətini azaldırıq. quru dərilərə çox da tövsiyyə etmirəm bu peelingi. edirsizdə 2 həftədən bir edin və peelingdən sonra çoooooooxxx yaxşıca nəmləndirin. alınırsa yayda uzaq durun. p.s: sabunun fərqli o olması o demək deyil ki, üzümüzü yuya bilərik. xeyr, bilmərik. sadəcə bu kalsi-xloridlə birlkdə istifadə olunmalı şeydi, başqa heç zad.
    4)vazelin. bu da 20 qəpikdi və demək olar quqlda hər şeyin çarəsidi. alın atın evə, nəmləndirici kimi yaxşıdı. bir də burun kənarlarında qara nöqtələrin azalmasına kömək edir, mən sınamamışam, yaxınım sınıyıb deyib. baxın da özünüz.
    5) rezorsin salisil spirti. saliçlovaya yox ha, rezorsin. aptekə girib salisil deyəndə saliçlovaya verir, siz diqqətli olun. 50 qəpik civarında bir şeydi. istədiyiniz vaxt təmiz dərinizə çəkə bilərsiz. sızanaqları çox yaxşı qurudur, azaldır. qliserin kimi spirt deyil, istifadədən sonra üzünüzü nəmləndirməyi unutmayın. qurudan spirt demişkən. adam var evdəki etil spirtini vurur üzünə. eləmiyin. heç eləmiyin. dərini bilirsiz nə günə qoyur? dərini əcaib şəkildə qurudur. həssas dəriniz varsa ləkəsi belə qala bilər, uzaq durun.
    ağlıma bu qədəri gəldi hələ ki. yadıma düşdükcə əlavə edərəm.
    bir də qara nöqtələr üçün ev üsulu maska deyirəm, söhbəti bağlıyıram, çünki nə yazım heç cür qərar verə bilmirəm.
    1)limon və pesox. abi ömrümdə hər cür şey çəkmişəm üzümə, belə effektiv birinə hələ rastlamamışam. limonu 2 yerə bölün, birini batırın pesoxa, pesoxda çimizdirməmək şəkli ilə, ehmalca batırın nə qədər yapışdısa bəsdi. sonra dairəvi hərəkətlərlə üzünüzə çəkin. burun kənarlarınızda daha çox hərəkət etdirin, qara nöqtələri çooooxx mükəmməl şəkildə aparır, sızanaqları azaldır. 15 dəqiqə üzünüzdə qalsın, soonra yuyun. nə az, nə çox, sadəcə 15 dəqiqə. bir də dadı gəşəng olur, amma siz dilinizin çatdığı yerləri yemiyin. mən yedim, yediyim hissələr qara qaldı, qalan üzüm ağardı. limon üzü ağardır axı həm də. nəysə, dəriyə sağlam sərtlik verir, nəmlənmiş kimi olur, bomba bir şeydi. hər gün istifadə etmək olar.
    2) yumurta ağı. yumurtanın ağın ayırıb yaxşıça çalxalayın. o qədər çalxalıyın ki, köpük max dərəcədə çox olsun, çünki köpük lazımdı bizə. deməli, köpüyü götürüb burun kənarlarında, çənədə və alında qara nöqtələr olan yerlərə çəkirsiz, bir az qalır quruyur sonra dəriyə sıxa-sıxa, dairəvi hərəkətlə peeling edirmiş kimi soyursuz. müəyyən müddət sonra qara nöqtələr yox olacaq.
    son olaraq yenə üz təmizliyinə qayıtmaq istəyirəm. üzünüzü təmiz saxlasaz nə qara nöqtə, nə bənövşəyi nöqtə, nə də sızanaqla məşğul olmaq məcburiyyətində qalmayacaqsız. ola bilər yaşla əlaqəli az-maz çıxsın, o da okaydi, xırda müdaxilələrdə aradan qaldırmaq mümkündü.
    haşiyəyə çıxmaq istəyirəm. dediyim şeylər bütün üzlərə uyğun deyil. ola bilər üzünüzdə 1-2 aktiv sızanaq var, yəni üzünüz normaldı. ola bilər max 7-10 sızanaq var, bu da normaldı. yox əgər 10-dan çox və şiddədlənmiş haldadısa , həkimə gedin abi. üzünüz iltihablaşmış üzdü və mütləq həkimə görünməlisiz.
    haşiyə 2: sızanaqları sıxma deyən də düz deyil, sıx deyən də. tutalım hiss edirsiz ki, sızanaq üzünüzdə filan yerdə kök salıb, 1-2 günə çıxacaq. qəti şəkildə iynəylə deşib əvvəldən çıxartmağa çalışmayın. qəti ha qəti. o çoxalacaq, dəridə dərin iz qoyacaq və kimə lazımdı sonra bunun üstündə oynamaq? sızanaq çıxdı, okay, aktiv sızanaqdı. yenə sıxmıyın, yayılır bütün üzə. sonra da 1 yox, 5 sızanaq sıxassız, 5 olacaq 25. heyifdi, etməyin, eləməyin. onun əvəzinə sızanağın çıxmasını gözləyin, üstəlik 1-2 gün də sönməsini gözlüyün onda dırnaq toxundurmadan təmiz əllə sıxa bilərsiz. sıxandan sonra toniklə, ya da dediyim rezorsin salisil spirti ilə silin getsin. sızanaq üzünüzdə çox da qalmasın. niyə? qalır, orda özünə kök salır girir dərinin içinə və hooop qara nöqtə olaraq geri dönür. bu mövzu haqqında danışacaq o qədər şey var ki, max qısalaşdırıb bu qədərini yaza bildim.
    not: yazı çox uzun olduğuna görə oxuyub düzəliş etməyə vaxtım yoxdu, səhvlər varsa indidən üzrlər
    5. dəri tipinə uyğun olaraq edilməli baxımdır. dəri tipivizi tapın, ona uyğun təmizləyici və nəmləndirici alın, iş görər. *
    6. Eger qidalanma düzgün deyilse 1 milyonluq mehsullar da istifade etsez, işe yaramaz
    7. özəl günlərdə belə highlighter işlətməməyimə baxmayaraq üzümü par par parıldadan sirri açıqlayıram : su. günə 2.5-3litr su içmək təkbaşına dərinizin vəziyyətini gözləmədiyiniz qədər yaxşılaşdıracaq.ətrafda üzümün belə sağlam görüntüsü üçün neylədiyimi soruşanlara bu cavabı verəndə görürəm ki çoxu ciddiyə almır,elə bilir estetik edən məşhurların üz yogası yalanı tərzdə bir şeydi,hansısa məhsul adı çəkməyimi gözləyirlər -* bir də belə sualla qarşı-qarşıya qaldığım olub : nə qədər vaxt elədin bunu? -* duruxmuşdum birinci,heç ağlıma gəlməzdi ki belə anlaşılsın.2il olacaq günə 2-3litr su içirəm,vərdiş halına gətirmişəm və yaşadığım müddətdə də belə davam etməyi planlayıram,siz də nəticə istəyirsizsə qısa müddət edib sonra əvvəlki vərdişlərinizə qayıtmayın
    8. Əvvəl təmizlikdən başlıyaq. sebamed firmasının xüsusən üz üçün sabunları var.sonrasi müxtəlif peeling lər var, kömürlü olanını meslehet görərdim.Medacassol, bepanten kremleriyle c vitamini qarışığından mükəmməl bir kürü duzeldib üz dərinizin necə gözəlləşdiyini görə bilersiz.
    9. Net olaraq, stressden uzaq durun, her şey şamplena olacaq, bir sözle arsiz olun
    10. Ən önəmlisi Sağlam qidalanın. Heç nəyi içinizə atmayın, stressdən uzaq olun. Çoxlu su içib özünüzü tualetlərdə süründürməyin, əgər suya ehtiyacınız olsa beyniniz sizə siqnal göndərəcək və siz də susuzluq hiss edib su içəcəksiniz. Əgər həssas dəriniz varsa dərinizi qıcıqlandıran qidanı tapmağa çalışın. Makyaj üçün olan məshullarınızı diqqətli seçin, nə gəldi üzünüzə vurmayın.


sən də yaz!