ey həyat sən nə qəribəsən



əjdaha lazımdı   izlə   lələ   mən   googllalink

    1. Sözləri cabir novruza, musiqisi oqtay kazımiyə məxsus olan, ilk dəfə peşəkar olaraq yalçın rzazadə tərəfindən ifa olunan mahnı.
    Oqtay kazımi musiqisini bəstələdikdən sonra şair rafiq zəkaya müraciət edib, bu musiqiyə sözlər yazmasını xahiş edir, rafiq zəka da onu cabir novruza yönləndirir, bu möhtəşəm mahnı da beləcə yaranmış olur. Olduqca xoş, ürəyəyatan bu Mahnı qaya vokal kvartetinin ifasında məşhurlaşır.
    (youtube: )

    Sözlərini də buraxım bura, tam olsun:
    Nə yaxın qonşu olduq bu dünyada,
    Ayrı-ayrı doğulduq bu dünyada,
    Axır gəlib bir olduq bu dünyada,
    Ey həyat, sən nə qəribəsən?!

    Sən ay kimi baxdın mənə,
    Sən gün kimi baxdın mənə,
    Gözlərinin qarasıyla
    Güldü ömrün baxtı mənə…

    Aylar keçir, illər keçir, axın olur,
    Yadlar gəlir doğma olur, yaxın olur.
    Məhəbbətlə ötən ömür nağıl olur,
    Ey həyat, sən nə qəribəsən?!

    Bu ilqarı yaşatdıq canımızda
    Gənclik eşqi qaynadı qanımızda
    Qohum oldu atamız, anamız da
    Ey həyat, sən nə qəribəsən?

    Sən ay kimi baxdın mənə,
    Sən gün kimi baxdın mənə,
    Gözlərinin qarasıyla
    Güldü ömrün baxtı mənə…

    Aylar keçir, illər keçir, axın olur,
    Yadlar gəlir doğma olur, yaxın olur.
    Məhəbbətlə ötən ömür nağıl olur,
    Ey həyat, sən nə qəribəsən?!

    Hamı kimi mənim də "yadlar gəlir doğma olur, yaxın olur" misrası ilə könlümü fəth eləyib. Entryni də yad olub doğmalaşanlara, doğma olub yadlaşanlara yazasım gəldi. *
    3. Deməli, millət, bu mahnının yazılmasının maraqlı bir hekayəsi var. Amma mənbə tapmadım. Ona görə dəqiq ad göstərə bilmirəm. şairin oğlu yemək süfrəsində oturanda fikirli-fikirli baxır və "ey həyat sən nə qəribəsən" deyir. Şairə də bu söz ləzzət eləyir durur gedir başqa şairin yanına ki, bəs bundan qəşəng mahnı sözü olar. Beləliklə, o mahnının sözləri yazılır. Dəqiq mənbəni entryni editləyib göstərəcəm.


sən də yaz!