yaşamaq üçün səbəblər



əjdaha lazımdı   izlə   lələ   mən   googllalink

    1. bu sifarişi verən: michaelangelo
    Bir gün gəlir ətrafındakı hər şey öz mənasını itirir. Ətrafındakı insanlar sənə sənimiyyətsiz gəlməyə başlayır. Birini sevirsən, gözlərinin içinə baxıb, əllərini tutub "səni sevirəm" deyirsən, amma onun gözlərində həmin işıltını görə bilmirsən, ən sevdiyin, ən güvəndiyin insanlar gün gəlir düşmənə çevrilir. Hətta uşaqlıqdan etibarən inandığın, istədiyin olsun deyə dua etdiyin allaha belə inanmamağa başlayırsan. Ətrafımdakı dünya yalandan ibarətdir deyirsən. mən ölsəm kimə nə olacaq ki? 7 milyard insan, biri əksik, biri artıq nə fərqi var?

    Əminliklə deyə bilərəm ki, hər bir insan ən azından bir dəfə də olsun intihar etməyi düşünüb, mənim kimi. Belə zamanlarda çalışıram ki, öz motivasiyamı xatırlayam. Və sonra düşünürəm, mən ölə bilmərəm. görmək istədiyim yüzlərlə yer varkən, hələ də dinləmədiyim milyonlarla mahnı , hələ tanımadığım insanlar, oxuyub da yarımçıq qoyduğum kitablar, gəzmədiyim məkanlar, dadmadığım yeməklər, öyrənmək istədiyim dillər varkən, yaşamağa borclu olduğum bir həyat, yarımçıq bir hekayəm varkən. Hələ qələmimi yerə qoymaq üçün çox tezdir. Əlimdəki vərəqə istədiyim hər şeyi yaza bilərəm : istər dram, istər komediya, istərsə də faciə. Bütün bunları bir sevgiyə, bir çətinliyə, bir təhqirə, ən əsası da insanlara görə qurban verə bilmərəm. istəyirlərsə mənə nifrət etsinlər, dəyərimi bilməsinlər, özəl biri deyiləm və buna ehtiyacım da yoxdur.

    Etmək istədiyim çox şey var, birinə dəli kimi aşiq olmaq istəyirəm misal üçün, bütün günü onu düşünmək, xəyalını qurmaq istəyirəm, avstraliyaya getmək istəyirəm misal üçün, məndən minlərlə kilometr uzaqda yaşayan insanlar nə edir, nəyə inanır, nələr hiss edirlər öyrənmək istəyirəm. Amerikaya gedib maşın kirayəyə götürüb, filmlərdəki kimi kaliforniyanın o ucsuz-bucaqsız yollarında gəzmək istəyirəm. Ola bilər ki, bütün bunlar heç bir zaman gerçək olmasın, amma xəyalı belə gözəldi. Sabah başıma nə gələcək bilmirəm, ya da yatdığım yuxudan oyana biləcəyimin qarantiyasını verə bilmirəm.

    Ad günü olan birinə "ömrün uzun olsun", "100 il yaşayasan" demək adətdəndir, mən isə sadəcə "motivasiyan heç vaxt itməsin" deyirəm.

    Yağışlı günləri, heyvanları, dostlarla içməyi, deyib-gülməyi, dava edib bərabər eşşək balası kimi döyülməyi sevirəm. Xoşbəxtlik sadəcə bir andır. Mənim isə qarşıda hələ xoşbəxt olacağım nə qədər anlar var. Bütün bunları düşünmək belə yaşamaq üçün bir səbəb verir insana. Çətinliklər olacaq əlbəttə, həyatın qanunu budur. Amma məni sevindirən, əvvəllər çətinlik dediyim şeylərə indi gülüb keçərək reaksiya verə bilməyimdir.
    2. Yaşamaq üçün səbəb axtarmaq, yaşamaq üçün macəralı səbəbdir.
    3. Mənim yaşama səbəbim bir gün ölkənin səviyyəsin avropa standartlarına qaldırmaqdır. Buradan həyatdan sıxılmış, boşluğa düşmüş dostlarada bir deyim yazım:
    Həyat səni güldürəndə gülürsən,
    Hünərin var ağladanda gülginən.
    Onuda deyim işləriniz yolunda getməyə bilər amma unutmayın ki, bu həyat sizindi siz necə yoldan keçən insanların dərdlərin s#kləmirsiz onlarsa sizi s#kləmir. ona görə çalışın yolunuza davam edin və güzgüyə baxıb dünyanın ən yaxşı insanına məndən salam deyin.
    4. Özünü və Dünyanı ,həyatı dərk edib ilahi həqiqəti tapmaq .


sən də yaz!