ermənistanın demokratiya indeksində azərbaycandan irəlidə olması



əjdaha lazımdı   izlə   lələ   mən   googllalink

    1. Müzakirə edilməyə layiq bir mövzudur. Uzun müddətdir üzərində fikirləşirdim, xüsusilə də müharibə başlayandan bəri ermənilərin internetdə əllərinə keçən hər fürsətdə buna işarə və istinad etmələri ilə yenidən diqqətimi çəkdi. Son nəticələrə görə ermənistan demokratiya indeksində 86-cı sıradadır, azərbaycan 146-cı sıradadır, ermənistan hibrid rejim olaraq kateqoriyalaşdırılarkən azərbaycan avtoritar rejim olaraq kateqoriyalaşdırılıb. Hətta bir sıra afrika ölkələrindən belə daha avtoritarıq. Diqqətimi çəkən daha bir şey də var ki, adətən adı kütbeyin mənasında təhqir məqsədilə işlədilən monqolustan belə olduqca demokratik bir ölkədir, akademik azadlıqlar səviyyəsində belə avropaya yaxındır, indeksdə 62-cı sırada flawed democracy, təxmini tərcümə etsəm ortabab demokratiyadır. Deyəsən burada kütbeyin olan monqollar yox başqalarıdır, daha dəqiq desəm monqolların kütbeyin olduğunu düşünənlər. Bundan başqa bizimlə eyni taleyi bölüşmüş pribaltika son dərəcə demokratikdir, bunu heç müzakirə etməyə ehtiyac yoxdur. Fikrimcə demokratiya mövzusunda sinifdə qalmış olmamız hər şeydən əvvəl düşüncə tərzimizdən irəli gəlir, bunun başqa bir izahatının olduğuna inanmıram, əgər bizimlə birlikdə bürokratik fəhlə dövlətində yaşamış ermənistan belə bizdən daha demokratikdirsə ortada bir problem var deməli. Bir şey dəqiqdir ki, bu bizim əleyhimizə işləyir, demokratiya çox güclü kozurdur, ölkənin vətəndaşı belə hökumətinin sözlərinə inanmıramsa azərbaycanda yaşamayan, amma demokratik olmadığından xəbər tutmuş bir xarici niyə bizim sözümüzə inansın?

    P.S. Bir qədər də düşündüm, düşüncə tərzindən başqa bir səciyyəvi cəhət də var: təbii resurslar. Azərbaycanda avtoritar bir rejimi bəsləməyə kifayət edəcək ölçüdə təbii sərvətlər var ikən ermənistanda bunlar yoxdur, nəticə etibarilə ermənistan kimi ölkələrdə avtoritar rejimləri qoruyub saxlamaq daha çətindir, bunlar bir növ zəif halqadırlar.
    2. indi bunun yeri deyil!1!(böyük və kiçiklə)
    3. Döyüləndən sonra cavab tapmayıb "sən də poxsan üüühü" deyən uşaq sözüdür bu. Uşaqlar olur ki ey döyülür bəhanə tapmır axırda "mənim gündəlikdə 2 dənə 5 var sənin var?" Deyir ey bu da ona oxşadı lap. Ay qardaş sən mənim ölkəmə girmisən? Girmisən mənim sivil əhalimə hücum etmisən?. Etmisən. Mənə nə ala sənin demokratiya indeksindən?. Həri bilət 2-3 il əvvələ qədər qadına maşın sürməyə icazə verməyən səudiyyə azərbaycandan daha demokratik imiş.
    4. Qarabağ üçün gərəksiz olan təsbitdir. Sırf demokratik addımlar atırlar deyə gəlib başqasının torpağını zəbt etmə səlahiyyəti verilmir heç bir ölkəyə. Bunu bizə qarşı iddia edən ermənilər isə başqa sübut tapa bilmədiklərindən deyirlər, çünki bu müharibə dünya ölkələrinin və başqa xalqların ermənilərə olan baxışını dəyişdi. Üstünə də dezinformasiya yayıb manipulyasiya etmək cəhdləri isə texnologiya dövrünün nemətlərinə görə puça çıxdı. Azərbaycan avtoritardır? Əlbəttə. Amma müharibə zamanı oturub bunu danışmağın yeri yoxdur.
    Həmçinin, erməni kimi demokrat olmaqdansa, olmamamq daha yaxşıdır. Özünə demokrat deyən erməni Qarabağ üçün haqsız tələb irəli sürməz.
    5. mənasız göstəricidir. hər iki dövlətin də sistemi pox kimidir.
    6. ermənistanda demokratiyanın nəticəsini gördük dedirdən başlıq. mən də həmişə demokratiya istəmişəm amma bu müharibə başlayandan sonra tam başa düşdüm ki bu regionda, xüsusi ilə də birdən birə çevrilişlə, demokratiyaya keçmək təhlükəlidir. olduğumuz geosiyasi vəziyyəti nəzərə almalıyıq. rusiyanın marağlarını nəzərə almalıyıq. rusiyanın dibində qərbə, qərb ideallarına çox yaxınlaşmaq təhlükədir, necə ki paşinyan etmək istədi və indi indirekt olaraq, müəyyən bir mənada "bədəlini ödəyir" (bu müharibədə tək və ya əsas faktor bu deyil əlbətdə.) axır əvvəl bu prossess getməlidir və müəyyən zamanda rusiyanın özü də bundan istisna deyil. sadəcə əgər xalq seçki edəcəksə ölkəni uçuruma aparacaq kandidatları seçməməyi bacarmalıdır, güclü kadrlar yetişməli, güclü qurumlar olmalıdır. sistem yavaş yavaş oturuşmalıdır. onsuzda bəzi iqtisadi reallığlara görə köhnə sistem sonsuza qədər qala bilməz, liberallaşma olacaq. sadəcə gec tez məsələsidir. bu mövzuda məndən daha bilikli yazarlar daha yaxşı məlumat verə bilər.

    və əlbətdə ki demokratik olmaq sənə başqasının torpağını işğal etmək haqqı vermir.
    7. Cavab yazmaq sözlüyün formatına zidd ola bilər, hər halda doğru olan birbaşa şəxs(lər)in özünə mesaj göndərməkdir, amma hər kəs görsün və səhv anlaşılmağın qarşısı alınsın deyə entry olaraq yazıram.
    inanmıram ki, heç kəs gün kimi aydın olan ana fikri gözdən qaçırıb ermənistana haqq qazandırdığımı zənn etsin, hər halda entry keçmişimə nəzər salan dərhal başa düşər ki, mənim gözümdə bu demokratiyalar burjua demokratiyasından başqa bir şey deyil. Hər iki ölkədə də oliqarxiya var, azərbaycanda dümdüz bir plütokratiya olduğu halda ermənistanda kompromisə getmiş zəif bir oliqarxiya var. Bu gün sabah azərbaycan da indikindən nisbətən daha demokratik olsa və ermənistan da öz növbəsində inkişaf etsə mənim gözümdə hər ikisi də burjua diktaturası olaraq qalmağa davam edəcək. Mentalitet baxımından hər iki ölkə də bir-birinin eynisidir, inanmıram ki, 50 ildən tez müsbət bir dəyişiklik ola. Sözümün canına gəlsəm dediyim odur ki, bu dəqiqə azərbaycan avtoritar bir ölkədir və ermənistan bundan istifadə edib ictimai rəyi manipulyasiya edir, israil də eyni taktikanı fələstinə qarşı istifadə edir, deyirlər ki, biz orta şərqin yeganə demokratiyasıyıq, biz silahı yerə qoysaq ikinci holokost başa verər (tanış gəldi?). Hər iki ölkə də əlindəki imkanlardan kozur olaraq istifadə edib ictimai rəyi öz tərəfinə çəkə bilir, mainstream medialarda ancaq israil və ermənistan tərəfdarlığı təbliğ olunur. Demirəm ki, ermənistan düzgün edir nə edirsə, dediyim tək şey indeksdə bizdən irəlidə olmaları və bunu kozur olaraq istifadə etmələridir, vəssalam. Sözlüyü götürüb homo-qaqaoid səhifəsinə, yap trolu fermasına çevirməyək, ölkədə tək-tük öz fikrimizi sərbəst ifadə edə bildiyimiz yerdir, bu gedişlə bura da xalaların facebookuna dönməsin, onsuz da son vaxtlarda facebook və instagramdan köç baş verdiyi hiss olunur.
    8. azərbaycan demokratiyaya regionda hamıdan qabaq can atıb, buralarda çox da bir işə yaramadığını görüb, ermənistan da öyrənəcək.


sən də yaz!