millətçilik



əjdaha lazımdı   izlə   lələ   mən   googllalink

    1. bu entry ayıq başla yazılmayıb

    Millətçilik müəyyən millətin maraqlarını müdafiə edən, xüsusilə həmin millətin öz vətəni üzərindəki suverenliyini qoruması və ya qazanması üçün mübarizə aparan ideologiya və hərəkatdır. 1 link dayan bir dəqiqə. məqaləni atmayacam. uzun zamandır məni düşündürən bir məsələdir bu millətçilik. bayaq sözlükdə də bir yazarla danışmışdım bu haqda, daha sonra da məsləhətxanada məni bu yazını yazmağa vadar edəcək şeylər oldu. nə isə, keçək mövzuya.

    uşaq olanda gizlən-qaç, qaçdı-tutdu oyunları oynayarkən xatırlayırsınızsa, bir nənni söyələyərdik: "bir, iki bizimki, üç, dörd qapını ört..." və yenə xatırlayırsınızsa, bunların arasında belə birisi də var idi: "...harda gördün erməni vur başına gül-lə-ni". ya da: "tamara-tamara tat qızı, erməni soldat qızı, tamaranı aldatdılar, damda yumurtlatdılar" kimi. bunları niyə yazdığımız açıqlayacam, ancaq əvvəlcə, mənə bir şeyi deməyini, ya da yazının sonuna qədər bir şeyi fikirləşməyini istəyirəm: sonuncu dəfə nə vaxt yanlış olduğunu bilmisən? öz ideologiyanın/fikrinin səhv olduğu qərarı almısan? keçək indi bu yazının məğzinə.

    keçən gün feysbukda gündəmə uyğun olaraq belə bi post gördüm: "erməni uşağını öldürərsiniz?" cavablar təxmin etdiyiniz kimi hə idi. nə üçün? keçən gün postlarda bir şey paylaşmışdım: "hər uşaq ateist doğulur, ancaq hər uşaq ateist ölmür". biz doğularkən bizə bir kimlik yapışdırırlar: müsəlmanın oğlu/qızı yox, müsəlman. heç ümumiyyətlə, görmüsünüz ki, bir uşağa marksist desinlər? uzağı deyərlər ki, marksistin oğlu, ya da kapitalistin oğlu. niyə? çünki o uşaq onların nə olduğunu anlaması bir yana nə olduğunu belə bilmir (tərsi də keçərlidir). ancaq nə hikmətdirsə, uşaq doğulan kimi biz ona müsəlman deyirik, nə hikmətdirsə, ona türkçülüyü aşılayırıq. hərçənd bunlar bizim ideologiyamız deyil. bunlar doğularkən bizə verilən doğum ləkəsi kimi bir şeydir. lakonik bir şəkildə belə demək olar.

    əgər sən uşağa doğulduğu gündən bu yana türkçülüyü aşılasan, erməninin onu düşməni olduğunu desən, əlbəttə, o adam o cavabı verəcək: "öldürərəm". baxmayaraq ki, o uşağın tək günahı ermənistan sərhədlərində doğulmasıdır. bəlkə də, orada doğulmasaydı, başqa bir şəkildə edərdi.

    mən bütün milləti qınamağı sevmirəm. açıq-aydın bir şəkildə desək, axmaqlıqdır. ancaq bu günlərdə millətçilik tamam ən son həddədir. insanların gözü dönüb, ermənilər hər cür təxribata əl atırlar. onlar torpaq hərləmirlər, onlar bizə can zərəri vermək istəyir. ən azından onu deyə bilərəm ki, hər iki tərəfin itkilərini eşitdikdə üzülürəm, çünki ortada ağlar qalan analar olur. öz anama hörmətim olmasa da, ən azından, onu deyə bilərəm ki, cəbhəyə öz balasını yollayan ana ürəyini ora qoyur və bu zaman millətin də heç bir fərqi olmur. o analar eyni hissləri keçirir. ikisi də öz balasının ölməyindən qorxur, ikisi də anlayır ki, o balasının əziz canından dəyərli heç nə yoxdur, amma millətçiyik axı.

    əziz, millətçi qardaş və bacılarım, insan ölümü zarafat deyil. keçən entrymdə də dedim: mən ailə hisslərindən danışacaq ən son adamam, ancaq o şeyin acı olduğunu anlamaq üçün sadəcə insan olmaq yetərlidir. ermənilər bizim balaları vurursa, bunun həll yolu onların da çiçəklərini soldurmaqdan keçmir. xətanı xəta ilə düzəltməzlər. əmin olun, o ölən balaca balalarımızın tək günahı, suçu bəlkə də, azərbaycanda doğulmaq idi.

    tapdın, əzizim, nə vaxt ideologiyanın yanlış olduğunu qəbul etdiyini? həmin səhvlərini sev. hörmətlər.
    2. qısaca mənim millətim ən bomba millətdir deyən ideologiya. burada millət anlayışı etnik baxımdan da ola bilər (məsələn türk millətçiyi, erməni millətçiyi və s.) və ya hansısa bir ərazi ya ölkədə yaşayan xalqın millətçiyi (Amerikan millətçiyi) və s. kimi ola bilər. Özündə biz millətimizi sevirik, başqa xalqın nümayəndəsindəndə öz xalqımız qazansın hamımız yaxşı yaşayaq kimi pozitiv, milli ruhda mesajlar versə də. işlər çox vaxt italiya faşizmi, Almaniya nasiszmi gələn yerlərə gələ bilir. Millətçilik bəzi ölkələrdə (əsasən Ermenistan kimi monoetnik) daxili siyasətdə müsbət nəticələr versə də digər xalqları aşağı görmək həmişə xarici siyasətdə sənə xal itirir. Azərbaycan kimi çox etnikli dövlətlərdə isə etnik millətçilik daha təhlükəlidir. Azərbaycançılıq ideologiyası xalqı nə qədər bir yerdə toplaya bilirsə türkçülük kimi etnik millətçilik də bir o qədər bölə bilər. Ağlınız Fransa millətçiyinə getməsin ki, fransada qara dərili fransızlar haradasa ağ dərili etnik fransızlardan daha çox fransız millətçisidir. Fransa onu o qədər qanlar axıdıb Əlcəzair və başqa bir çox Afrika ölkələrində qırğınlar etməklə əsrlər boyu yürütdüyü koloniyaçı siyasəti ilə güclə edib. Atatürk belə həmin şeyi Türkiyədə etmək istədi alınmadı, bizim haramıza yaraşır Atatürkün Türkiyədə edə bilmədiyini burada etmək istəmək. Ona görə də bir əski solçu kimi sizə gələcək soldadır demək istərdim amma nə vecinizə.


sən də yaz!