sofia nədir

+3 əjdaha

2. Azərbaycanda qoymağa icazə verilən qız adı. Ədliyyə nazirliyinin tərtib etdiyi icazə verilən uşaq adları siyahısında sofia adı olmasa da icazə verilir.

+2 əjdaha

1. uzantısı infraqırmızı astronomiya üçün stratosfer rəsədxanası kimi tərcümə olunan "sofia" (stratospheric observatory for infrared astronomy) "alman kosmik agentliyi" və "nasa"-nın birgə əməkdaşlığı nəticəsində ərsəyə gəlmişdir. yer səthindən 12-14 km yüksəkliklərdə uçuş aparan modifikasiya edilmiş “boeing 747 sp” təyyarəsi öz daxilində rəsədxananın əsası olan reflektor teleskopu daşıyır. təyyarənin arxa hissəsində diametri 2.5 metr olan teleskop üçün açılıb-bağlana bilən təchizat qoyulmuşdur. teleskop özü isə kamera, spektrometr və polarimetrlərlə təchiz olunmuşdur. spektrometrlər göy cisimlərinin kimyəvi tərkibi üzərində çalışarkən, polarimetrlər maqnit sahəsinin ulduzlara təsirini öyrənməyə kömək edir.

belə ki, əksər göy cisimləri infraqırmızı dalğa uzunluğunda enerji yayır və bu enerjini qəbul etmək üçün xüsusi cihazlardan istifadə edilməlidir. halbuki, yer səmasında təbii maneələrə rast gələn bu dalğalar cihazlar vasitəsilə belə tamamilə qəbul edilə bilmir. belə olan halda buludlardan yüksəkdə uçan "sofia"-ya ehtiyac yaranır. infraqırmızı dalğalar sayəsində günəş sistemindəki komet, asteroid və planetlər, eyni zamanda ulduzların yaranması və ölümü barədə dəyərli məlumatlar toplanılır.

"sofia"-nın okean üzərində gecə boyunca 10 saat çəkə bilən uçuşlarına nasa armstrong uçuş araşdırma mərkəzi nəzarət etsə də, uçuşların elmi proqramını universitetlərin kosmik araşdırma birliyi (“usra”) və alman sofia institutu tərtib edir.