maqnit

dəmir, nikel, kobalt və s. maddələrdən süni yolla hazırlanmaqla bərabət, təbiətdə maqnit daşı deyilən maddə olaraq da tapılır. dəmir, nikel, kobal kimi maddələri maqnitləşdirmək üçün onu yer kürəsinin maqnit qütbləri istiqamətində bir müddət saxlamaq kifayətdir. başqa bir maqnit ilə təmasda da maqnitləşir. vintləri dərin deşiklərə salıb sıxmaq üçün ustalar vintaçanları maqnitə yapışdırıb onu maqnitləşdirirdilər əvvəllər, indiki vintaçanlar maqnitləşmiş şəkildə satılır. bir dəmiri tez maqnitləşdirmək üçün onu isidib yer kürəsi maqnit sahəsi istiqamətində saxlayıb soyutmaq kifayət edir. əksinə bir maqnit küri nöqtəsinə qədər isidildikdə maqnit funksiyasını itirir. bir çox tətbiq sahəsi var, ancaq bizə daha tanış olan mexaniki enerjinin elektrik enerjisinə və əksinə çevrilməsidir. sabit maqnitlərdən əlavə elektromaqnitlər də var ki, naqildən keçən cərayanın maqnit sahəsi yaratmasıdır, bu naqillər cərayan kəsildikdə yenidən ferromaqnit xassəsini itirir.
(baxma: sağ əl qaydası)
(baxma: pyer küri)

homoseksual evliliyə qarşı olan insan

homoseksual evliliyi dəstəkləyənlərə "evlilik nədir? necə yaranıb? " suallarını verə biləcək adamdır. bu sualların cavabını bilən adam, onsuz evlilik- ailə quruluşu ilə nəsil törətməyə yönəlməyən cinsi orientasiyanın arasında əlaqə qurmağın nə qədər absurd olduğunu açıqca görür. yəni söhbət qarşı olmaqdan getmir, yozlaşmış və absurd olana təbii reaksiyadan gedir.#169238 - bu entrydə də səthi toxunub mövzuya. qısaca desək, cinsi orientasiya seçim deyil ancaq evlilik bir seçimdir, heç kim homoseksuallara cinsi mövqeyinə görə irad tuta bilməz, ancaq evlilik tələblərinə rahatlıqla irad tuta bilər, yüzlərlə elmi və fəlsəfi arqumentlərlə;
1. evlilik ailənin cəmiyyət və ya dövlət qanunları ilə tanınmasıdır, yəni homoseksual evlilik, homoseksual ailənin qanunvericilik tərəfindən tanınmasıdır. sual çıxır, homoseksual ailə nədir?
2. ailə anaxaqanlığın hökm sürdüyü dövrdə kobudca ifadə etsək, qadınların ortaq mal olaraq görülməsinə etiraz olaraq qadınların başlatdığı, erkəklərin isə öz övladlarının təyin olunmasını asanlaşdırmaq üçün razı olduqları qurumdur. ailə quruluşu formalaşmamışdan öncə, qadınlar və uşaqlar kommunaya daxil idi. insan növü fərd sayı artdıqca bu böyük kommunanı xırda parçalara bölmək zəruriyyəti yarandı. erkəklə öz övladlarını özlərinə bənzərliklərinə görə seçirdilər və yemək artıq bütün kommuna arasında yox, xırda bənzərlik üzərində qurulmuş ailəyə bənzəyən cəmiyyətlər arasında bölüşülürdü. qadınla isə hələ də ortaq mülk idi. analıq hüququ hələ də həmin cəmiyyətlərdə daha üstün olduğundan bölünmüş bu xırda kommunalarda özünə bənzəyən uşağın anasını qorumaq kimi bir vəzifəsi daha olmuşdu erkəyin. təsadüfi cinsi birləşmədən bezən dişilər üçün əla fürsət idi bu. qısacası, polulasiyanın artması erkəklərin öz övladlarını təyin etməsini gərəktirirdi, dişilər isə artmış fərd sayı qarşısında daha çox mənimsənirdilər, daha çox istidadə edilirdilər. bu iki səbəb ailə anlayışını ortaya çıxardı. və ailə anaxaqanlığın sona çatmasına başlıca səbəb oldu. sualımız isə belədir, ailənin yaranma gedişatında homoseksualların yeri nədir?
3. homoseksualların təkamüldə sağ qalma səbəblərindən biri kimi onların yaxşı uşaq baxıcıları olduqları göstərilir. yəni cəmiyyət üçün dayə vəzifəsini tuturdular, əlbəttə söhbət ibtidai dövrdən gedir. yuxarıda yazdığım kimi, ailənin yaranma gedişatında homoseksualların heç bir funksiyası olmayıb və əlavə olaraq, ailə anlayışı yaranandan sonra kommunadakı dayə vəzifəsi əlindən alınmış olan homoseksual artıq hansısa bir cəmiyyətə aid olmayaraq yadlaşmağa başlayır. burası maraqlıdır ki, anaxaqanlıq dövründa homseksuallıq sərbəst və yad olmayan bir şey idi, evliliyin yaranması ilə yad və təhlükəli mövqeyə düşdü. qısacası ailə anlayışı ilə homoseksuallıq tarixi düşməndir. belə olan halda homoseksuallıq gizlənməli oldu, ailə ilə yıxılan dişi tanrılı dinlərin yerinə gələn tək erkək tanrılı dinlər homoseksuallığı qadağan etdi. hörmətli lgtb üzvləri, sizin etirazının bax burdan başlayır, ailə sizin düşməninizdir, ataxaqanlıq(patriarxat) sizin düşmanınızdır.
4. tutaq ki, ailə ilə homoseksuallığı barışdırmağa çalışırıq, bu nə dərəcədə məntiqlidir? təbiət etibarı ilə əgər bu iki anlayış ziddirsə, zidlikdən ziyadə əlaqəsizdirsə, homoseksualların evlilik istəmələrində nə kimi məntiq var? homoseksual evliliyin leqallaşması həll deyil, ailə cəmiyyətinin dağılması həldir bir homoseksual üçün, yalnız o zaman həqiqi azadlıqlarına qovuşa bilərlər. homoseksuallığın leqal olduğu ölkələrdə hələ də gay təhqir və alçaldıcı məna yüklü bir sözdür, bu dəyişməyəcək, bu süni bir həll yoludur.

qeyd: anlatdığım şeylərin çoxu j. jakob bachofen - söylence, din ve anaerki kitabından götürülüb. etiraz edənlər kitabı oxuyub onun ruhuna etsinlər.

exploit

ingiliscədən tərcümədə istismar etmək mənasına gələn, informasiya təhlükəsizliyində bir təhlükəsizlik deşiyinin istismar olunmasını təyin edən termin. məsələn, bir proqramda kodlaşdırılma səhvi var buna deşik(bug) deyilir, ancaq bu deşik özlüyündə təhlükəsizdir, bu deşikdən istifadə edərək sistemə girə bilən kod yazılır və bu kod vasitəsi ilə sistem həmin deşikdən exploit edilir. məntiqi olaraq aralarına fərq olmasa da exploit kodları local və remote olaraq iki yerə bölünür. local exploitlər sistem istifadəçisi tərəfindən işlədilə bilər və həmin sistem uzaqdan exploit edilə bilməz. local exploitlər əsasən virus yazımında, istifadəçinin hüquqlarının artırılmasına(root olma) istifadə olunur. remote exploitlər uzaq məsafədən, internet üzərindən sistemin deşiklərini exploit etməyə imkan verən kodlardır. aşağıda yazılan saytlardan var olan açıqlar və onlara yazılmış exploit kodlarını tapmaq mümkündür.
exploit-db
securityfocus
osvdb
web.nvd.nist.gov
secunia

joan cornella

yol işarələri ilə problemi olan anti-faşist karikaturaçı, illustrator. ilk baxışdan psixi problemləri olan yeniyetmə kimi görünsə də, karikaturalarına diqqətlə baxdıqda başqa mövzular görürsünüz və daha çox gülürsünüz.
link
link
link

indiana jones

sayəsində illərlə arxeoloq olub misirə getmək xəyalları ilə yanıb tutuşduğum qəhraman. oxuduğuma görə rejissor steven spielberg personajın xarici görünüşünü heyranı olduğu federico fellininin səkkiz onda beş filmindəki hərəm səhnəsindən götürüb.

möhtəşəm azərbaycan musiqiləri

alim qasımov - ay qız, əziz dostum, kor ərəbin mahnısı

(youtube: )

(youtube: )

(youtube: )

(youtube: )

(youtube: )

lakposhtha ham parvaz mikonand

möhtəşəm bahman ghobadi filmi. city of god filmini izlərkən rejissorun aktyorluq təcrübəsi olmayan uşaqlarla necə yaxşı işləməsinə heyran qalmışdım, bu film onu kölgədə qoydu. 2-3 yaşındakı kor bir uşağı uzun uzadı ssenariyə uyğun necə çəkmək olar? qolları, ayaqları olmayan uşaqlar necə təbii rol aparırlar. film milçəklərin tanrısı əsərini anımsatdı, ancaq daha dramatik və daha gözəl. filmin musiqilərinə, aktyorluğuna, səhnə dekorasiyasına, resjissor işinə, ssenarisinə heç bir söz tapmaq olmaz ancaq bir yerdə tənqidə açıqdır ki, film gərək siyasi cəhətdən neytral qalardı, filmin içindəki bir-iki siyasi atmaca filmin dadını qaçırdı, ancaq yenə də uzun-uzadı övüləsi filmdir.

minds.com

anonymous qrupunun kodlaşdırdığı deyilən yeni sosial şəbəkə. open source olmaqla bərabər təhlükəsizliyi və istifadəçi bilgilərini qorumağı söz verir. qeydiyyatdan keçərkən heç bir məlumat və ya təsdiq istəmir, sonradan heç bir məlumat soruşmur. ən xoşuma gələn isə bitcoin ilə işləyən elektron pul qabı( wallet) təklif etməyidir. digər bitcoin bank sistemləri kimi heç bir cihaza ehtiyac duymadan asanlıqla hesab açıb, əməliyyatlarınızı görə bilərsiniz. newsfeed dizaynı əla, blog bölməsi çox yaxşı, chat bölməsində xüsusi şifrə ilə şifrələmə isə sözsüz təhlükəsizlik məsələsində dediklərini təsdiqləyir. android və ios üçün appları var ancaq baxa bilməmişəm hələki, ancaq düşünürəm ki, adamlar nə etdiyini bilir, applicationları da yaxşı olacaq.

qeyd: qeydiyyatdan keçən olsa məni izləsin kejan yazıb. həqiqətən məsləhətlidi.

qoğalın nağılı

faciə janrında olan nağıl.

--spoiler--

ailə ierarxiyasına etiraz edərək qaçan qoğalın başına gələnlər anlatılır. nağıl heç gözlənilmədik şəkildə əsas personajın faciəvi ölümü ilə bitr və oxuyucuda posmodernist bir boşluq, bir sartr ürəkbulanması yaranır.

--spoiler--

nağılın mətni üçün bura link
səsləndirməsi üçün isə bura(şirin danışmağa çalışan qız travması olanlar linki açmasın) link baxa bilərlər.

(bax: azərbaycan nağılları)

türk kinoları

yeşilçam filmlərinə girmədən bir neçə müasir və gözəl nümunəsini yazmaq istədiyim başlıq.
masumiyyet - zeki demirkubuz
kosmos - reha erdem
kış uykusu - nuri bilge ceylan
sen aydınlatırsın geceyi - onur ünlü

voodoo

dörd milyondan çox inananı olan din. vudu dedikdə bir çox insanın ağlına vudu kuklası, qara magiya, cadugərlik və s. gəlir, halbuki vudu afro-haiti inanc sistemidir. bu inancda fərqli xüsusiyyətlərdə olan idarə edici ruhlar(döyüşcü ruh, ölümün ruhu və s. ) və bir yaradıcı fikri var. vudu inancında bu ruhlar asanlıqla bir insanı ələ keçirə bilir və həmin insan tanrı olur, ölümsüz olur və asanlıqla tərk edib gedə bilir. vudu çox elastik dindir və hər fərddə fərqli təzahür edir, çox yaxın coğrafiyalarda belə kəskin fərqlərə müşahidə olunur. 17-18-ci əsrlərdə avropanın afrikanı işğal etməsi ilə buranın qədim inancı olan vudunun yerinə xristianlığı qoymağa çalışsalar da tam olaraq uğurlu alınmayıb, xristianlıq və qədim vudu inancının qarışımı bir inanc sistemi yaranıb. afrika camaatının kölə olaraq yeni dünyaya daşınması ilə vudu inancı da daşınmışdır.

əlavə: düşünürəm ki, game of thrones serialındakı yeddi tanrıdan ibarət olan inancı yazarkən george r.r. martin vudu inanışından ilhamlanıb.

kastrasiya kompleksi

sigmund freudun psixoanalitik nəzəriyyəsində 2-6 yaş arası uşağın penisini itirmə qorxusudur. penisini yeni kəşf etmiş uşaq, qadağan edilmiş hərəkətləri etdikdə penisinin kəsiləcəyi qorxusuna düşür. sünnət və sünnət haqqında zarafatlar, qız uşaqlarında penis olmamasının fərqinə varmaq, edip kompleksi, "çükünü kəsək bunun" kimi yalançı təhdidlər və s. bu qorxunun yaranmasına və böyüməsinə yol aça bilir. patriarxat cəmiyyətlərdə daha çox görülür və uşaq əsasən penisinin atası tərəfindən qoparılacağını düşünür, bununla belə cəmiyyətdə(ailədə) olan sevimli erkək mövqeyini itirib qız olacağı qorxusu ilə yaşayır. bu vəziyyət yetişkin şəxsdə qadın düşmanlığına(misogyny) səbəb ola bilər.

qız uşaqlarında bu vəziyyət fərqli müşahidə olunur, şüuraltı formalaşmamış qız uşağı hansısa erkəkdə penis gördükdə özününkünün kəsildiyini, qoparıldığını düşünür. buna görə qız uşağı həyatı boyu penis əldə etmək və ya penisini qaytarmaq düşüncəsində olur. bəzi tədqiqatçılara görə ananın oğlan uşağına olan ifrat sevgisi sonunda penisə sahib olduğu düşüncəsindən qaynaqlanır.

islam ölkələrində patriarxiyanın getdikcə güclənməsinin və qadın düşmanlığının artmasının səbəbi kimi göstərilə bilər sünnətə bağlı kastrasiya kompleksi.