aleksi zorba

5 əjdaha! 13.02.2016 04:40, aleksi zorba

(bax: submarino)
hər adama demirəm bu filmi, onsuz da hər adama deyiləsi film də deyil. baxın, həzz alın.

#198821 şikayət

yerli tvlərdə sevilən simalar

5 əjdaha! 15.02.2016 00:03, aleksi zorba

rəşid mahmudov.
çox da qeyri adi şeylər danışmasa da, hətta çox da qeyri adi şeylər danışacaq dərəcədə bir düşüncə tərzi olmasa da tənqid etmək üslubu, məzəli danışığına görə təsadüfən hansısa verilişdə görsəm bu adama qulaq asaram.

#199039 şikayət

siddhartha

+7 əjdaha

herman hessenin möhtəşəm romanı və buddanın doğum ismi. məhz belə olduğuna görə kitabı oxumayanlar səhvən əsərin buddaya həsr olunduğunu düşünürlər.
əsərin baş qəhrəmanı gənc siddharta artıq illərdir qəbul olunan, qəlibləşmiş qaydaları, müddəaları qəbul etməyərək və ya yetərsiz görərək atmana, qəlbindəki cavablanmayan suallara, ona tam rahatlıq verəcək reallığa, başqa bir sözlə desək nirvanaya çatmaq məqsədilə öz rahat, varlı, brahman həyatını atasının təkidinə məhəl qoymayaraq geridə buraxaraq, dilənçi həyatına doğru gedəcək və bu yolda ona ona ən yaxın dostu govinda yoldaşlıq edəcək. bu axtarışı ərzində budda ilə qarşılaşması və onunla uzun-uzadı söhbəti siddhartada böyük ümidlər yaradsa da, zamanla heyranlıq duyduğu buddanın da yetəri qədər xeyri dəyməyəcəyini duyaraq, öz yoluna davam edir. siddhartanın yolları kəsişən hər kəsdən bir xüsusiyyətini öyrənməsi yəni, birindən dinləməyi, digərindən sevməyi, başqa birindən pul qazanmağı və s. həyatda onu hər kəsdən daha vaqif bir insan edəcəkdi.

--spoiler--

kitab möhtəşəm kitabdır, ona heç bir söz ola bilməz, amma kitabdakı bir iki epizod belə bir kitabdan tam istədiklərimi qarşılamadı. siddhartanın govinda ilə yolları ayrılandan sonra iki dəfə görüşləri olur. bu görüşlərdə govinda tanımasa da siddharta onu tanıyır. hər iki təsadüfi görüşlərində iki yad adam kimi danışırlar. hər dəfəsində siddharta özünü dostuna tanıdır. yəni niyə tanıdır ki? niyə tanıtsın ki? bir insanın onun vəziyətində ikən köhnə dostuna özünü tanıtmağına nə səbəb ola bilərdi? məhz burada əsərdə tanıdılan siddhartadan başqa bir tərzdə hərəkət gözləyirdim ki, hessenin bir bildiyi vardır.

--spoiler--

6 əjdaha! 13.01.2016 20:11, aleksi zorba

#194309 şikayət

türklərin sevilməyən cəhətləri

+6 əjdaha

cox sevdiyim, cox beyendiyim şexsiyyet atatürkün lenine yazdığı mehşur mektub, mondros müqavilesindeki neft buruqları ve demir yollarının ingilislerin ixtiyarına buraxılması, ismet paşanın azerbaycanlı ziyalı qrupu kommunistlere tehvil vermesi ve s. onların bizlere qarşı elediyi sehvler kimi qiymetlendirile biler. ama ne olursa olsun pis cehetler nifret etmeye getirmemelidir. ecdadı bizimle eyni olan insanlardılar ve belke de olası tek heqiqi müttefiqlerimizdi. orda yaşayan 60-70% milletin de bizi sevdiyini yaddan çıxartmamaq lazımdı. bir sözle her şeye reğmen nifret edilesi yox sevilesi insanlardırlar.

5 əjdaha! 24.05.2015 00:27, aleksi zorba

#165839 şikayət

the danish girl

+4 əjdaha

tom hooperin david ebershoffun einar wegener/lilie elbe haqqında yazdığı roman əsasında çəkdiyi film.

filmdə eddie redmayne-in aktyorluğu yenə də tərifə layiqdir. amma screenplay-in rejissor, kinomatoqraf işinə çatmadığı üçün filmdə biraz boşluq olduğu hiss olunur.

--spoiler--

məsələn, filmdə gerda wegenerin məsələni anlayışla qarşlaması və einarın artıq alman həkimin yanına cinsiyyət dəyişdirmə əməliyyatına getməsi hissəsi olmalı olduğundan tez baş verdi kimi gəlir mənə. yəni filmdə müəyyən məsələlər o qədər yüksək sürətlə oldu ki, məhz belə filmdən gözlənilən bəzi dramatik səhnlər va dialoqları görə bilmədən filmin sonuna gəldik. lap elə filmin sonunun da heç gözlənilmədən gəlməsi istər-istəməz tamaşaçının ürəyində xal qalmasına səbəb oldu. belə düşünürəm ki, filmin düz iki saatlıq olması vacib deyildi. adama deyərlər, çək bunu üç saatlıq oturaq biz də rahat-rahat, həzm edə-edə filmin dadını çıxaraq.

--spoiler--

aktyorluq cəhətdən məncə redmayne və vikander bir-birinə çox uyğun cütlük olublar. screenplay məsələsi bir qırağa, filmdə lilie-nin keçid mərhələsində keçirdiyi hisslər çox böyük ustalıqla təsvir olunub. ssenaridən asılı olaraq məcburən redmayne-in üstünə böyük yük düşüb ki, ustalıqla öhdəsindən gəldiyi danılmazdır. bu arada amber heardin də filmə ayrı bir rəng qatdığını da demədən keçməyək.

kinomatoqrafiya hissəsi isə tamam ayrı bir mövzudur. filmin demək olar hər bir səhnəsi insana xüsusi bir həzz verir, xüsusi bir özəllik hiss etdirir. rənglər, mənzərələr, bucaqlar elə bir formada işlənilib ki, filmdə özəl bir incəlik olduğunu hiss olunur. danny cohen "the danish girl"-dən əlavə eyni kamera (red epic dragon) ilə "the room" filmini də çəkdi amma filmlər birbirindən fərqli janrlarda olduğuna görə görsəl olaraq iki film arasında demək olar ki, oxşarlıq yxdur. amma bütün bunlara baxmayaraq yenə də bu ilki oscar namizədləri siyahısında cohenin adı yoxdur. yenə də mənim bu ilki favori seçimim cohenin xeyrinədir.

4 əjdaha! 18.02.2016 03:07, aleksi zorba

#199428 şikayət

yorgos lanthimos

+4 əjdaha

barmaqla sayılacaq qədər rejissor var ki, məs. tarantino, cronenberg, trier və s. filmlərini izlədikdə istər istəməz kimə aid olduğunun fərqinə varırsan. bu adam da öz tərzini artıq qəlibləşdirmiş rejissordu. filmdə kənar ünsürləri tam absurd şəkildə təqdim edərək əsas nöqtəni istədiyi kimi bəzəməyi filmi daha bir baxımlı, daha bir fərqli edir. bir də colin farrellin əsl qabiliyyəti məncə bu məllimin filmlərində ortaya çıxır.

4 əjdaha! 17.02.2018 18:09, aleksi zorba

#268723 şikayət

sürətli kitab oxumaq

+4 əjdaha

nə dərəcədə bacarıqlı olunursa olunsun kitabdan kitaba fərq edəcək bir hərəkət.
hər hansı bir romanı oturub sürətlə oxumaq olar. hətta bəzi kitablar var ki, məhz o kitablar oxudum demək üçün mövcuddur, bax bu kitablar üçün ideal bir üsuldur.
və bir də söhbət hər hansı humanitar elmi kitabdan gedirsə və əgər kitab ən az 2-3 dəfə təkrarlanacaqsa, birinci gedişdə primitiv bilgiləri yola verməkçün kitab sürətli oxunula bilər (gündə 90-100 səhifə), belə ki, kitabdakı bütün ağır və kompleks məsələlərə ilk dəfədən baş qatılsa kitabın sonlarına doğru əvvəlki məsələlər hamısı yaddan çıxa bilər.

4 əjdaha! 15.02.2016 00:16, aleksi zorba

#199041 şikayət

13 mart 2016 ankarada partlayış

3 əjdaha! 15.03.2016 02:39, aleksi zorba

ekşisözlükdə elian adlı yazarın sözü ilə desək: "milli istihbarat teşkilatı'na haber verilmesi gereken olay."

#203725 şikayət

azərbaycan mentaliteti

4 əjdaha! 11.07.2015 13:04, aleksi zorba

bir zamanlar vaxtına göre heç de uyğunsuz olmayan, lakin indiki formasında artıq azerbaycanlıyam demeye utandıran bir mövhum. ümumiyyetle qanuni oğru, kriminalistika heveskarlığı, namus-qeyret söhbetlerinin hedden artıq qabardılması ve dinin insan heyatındakı yeri müasir mentalitetin tezahürü mü, yoxsa milletin ümumi psixozu olması müzakire olunabilecek mövzudur. çox böyük bir inamım var ki, tehsil ne vaxtsa yüksek seviyelere çatsa, hemin andan etibaren 10-15 il müddetinde bu problemler aradan qalxacaqdır.

#174651 şikayət

deyilməsi zövq verən almanca sözlər

5 əjdaha! 18.01.2016 00:34, aleksi zorba

"tschechisches streichholzschächtelchen" deyə yazılar,
[çexişes ştğayşholsşextilşen] deyə oxunar

#194805 şikayət

galileo galilei

1 əjdaha! 17.02.2018 17:33, aleksi zorba

inkvizisiyanın "sındırdığı" böyük elm adamı. papalığın koperniki ölmədən elə keçirə bilməməsi bunun kimilərin başında pis partlayıb. (bax: giordano bruno) .
məhkəmənin təhdidinə dözməyərək dünyanın fırlanmadığını qəbul etdikdən sonra "eppur si muove" - "yenə də fırlanır" kimi müdhiş ifadəni söylədiyi rəvayət olunur.

#268711 şikayət

azərbaycanın şəriət dövləti olması

+6 əjdaha

azərbaycanın tam zibili çıxmış bir ölkə olacağının dəqiq təsdiqi. onsuz da irandan, ərəbistandan gələn şəriət çuxurunun təsirləri həm inananları həm də inanmayanları rahat yaşamağa qoymur. bir də sekulyar quruluşdan şəriət baltası altına keçsək ölkəmizdəki fanatiklərin nə oyundan çıxacaqlarını təsəvvür etmək elə də çətin deyil.

ən çox dindar qadınların bu haqda fikirləri mənə maraqlı olub. görəsən hansı özünə hörmət qoyan bir qadın istəyərdi ərinin başqa üç qadınla da evlənməsini və ya əarinin istədiyi cariyəsi ilə istədiyi qədər yatmasını, hansı normal qadın istəyərdi mirasın yarısı yerinə üçdə birini onun payında düşməsini, hansı mənliyi olan qadın istəyərdi ərinin ona əl qaldırmaq hüququnun olmasını və hansı ağıllı qadın təsdiq edərdi kişidən iki dəfə daha ağılsız olduğunu?

təəssüf ki, bu halı arzulayanlar az deyil. özü də arzulayanların içində ağıllı,savadlı, dünyagörmüş insanlar da var. özləri də başa düşürlər inandıqları və tətbiq etmək istədikləri bu sistemin bir çox küncündə məntiqsizlik və ədalətsizliyin olduğunu. məhz bu səbəbdəndir ki, əgər başqa bir ölkədə həyatdan söhbət getsə, əlbəttə ki, bütün ehtimallarda daha sekulyar, daha sivil bir ölkənin adını çəkəcəklər bu kardondan şəriət əsgərləri.

6 əjdaha! 30.06.2015 03:33, aleksi zorba

#173441 şikayət

feminizm

2 əjdaha! 13.08.2016 20:53, aleksi zorba

müasir təhrif olunmuş variantından söhbət gedirsə, qadın fərdlərin cəmiyyətdə qarşı cinsə olan münasibətdə eyni dərəcədə və hətta daha yüksəkdə durduğunu mənasız aktlarla və mübahisələrə dəstəkləyən bir cərəyanın adı.

hüquqi, siyasi, ictimai və s. prizmalarda mövcud olan cins ayrıseçkiliyi qəti şəkildə müdafiə edilməz bir mövzudur. əgər feminizm məhz bundan ibarətdirsə, bəli mən də daxil olmaqla çox əminliklə deyə bilərəm ki, özünün də xəbəri olmadan ölkəmizdə bir xeyli feminist düşüncəli oğlanlar var. lakin feminizm feminizm deyə deyə bəzi qadınların öz rollarını bu dərəcədə böyütməyi artıq məsələnin şişirdilməyinin, hətta ifrat dərəcəsinə çatmasının göstəricisidir. belə ki, özünə feminist deyənlərin məhz kişilərlə eyni statusda olmaq xatirinə kişilərə məxsus xüsusiyyətləri əldə etmək cəhdləri artıq bunların fərqinə varan insanlarda anti-feminist düşüncələrin yaranmasına səbəb olur. qeyd etdiyim kimi cinsiyyət ayrıseçkiliyi edən biri olaraq yox, realist düşüncələrlə məsələyə baxsaq, görərik ki, həqiqətən də, təbiətdə (seleksiyada) növlər, fəsilələr, ailələr arasında nəzərəçarpan fərqlər olduğu kimi insan cinsiyyətini arasında da bəzi fərqlər özünü göstərir. təəssüflər olsun ki, bu şüurlu olaraq yox, sadəcə insanövladının təbiətindən irəli gələn bir şeydir.

bir çox feministlərin reflektiv olaraq istifadə etdiyi "kişilərin cəmiyyətdə qadınlar üzərində olan dominantlığının səbəbi, onların tarix boyu fiziki imkanlarının daha geniş olmasıdır!" kimi primitiv cümlələr qurmaq yerinə, məsələni misallarla araşdırsaq kişilərin nəinki fiziki imkanlar, eyni zamanda düşüncə və təfəkkür cəhətdən də daha irəlidə olduğunu görməmək mümkün deyil. feminist qadınların əksər hallarda gözəl ölkəmizin rayon və kəndlərindəki, o cümlədən elə şəhərlərdə də olan dar düşüncəli oğlanlarla özlərini müqayisə edərək, özlərini zəka cəhətdən daha üstün görmələri, bir nöqtədən sonra sözügedən oğlanlarla birlikdə bütün kişi cinsinə də şamil olunur. əgər cinsiyyətlər müqayisə olunursa hər hansı bir kənd, rayon, şəhər hətta ölkə bir cəmiyyət modeli olaraq götürülməlidir. ədalətli qiymətləndirilmə üçün müqayisə bütün dünya üzərindən aparılmalıdır. belə müqayisələrin də əlbəttəki, sorğu yoluyla həyata keçirilməsi mümkün deyildir. sadəcə dünyada zəkaları, təfəkkürü, öz görüşləriylə iz qoyub getmiş və eyni zamanda hazırkı qabaqcıl insanarın əksəriyyətinin hansı cinsə aid olduğuna fikir verək. əlbəttə ki, araşdırmağa ehtiyac yoxdur. bu sadəcə bir misaldır.

əgər mütləq kimsə feminist olacaqsa, qadınların hüquqlarının tapdalanmasına etiraz etsin, qadın cinayətlərinə etiraz etsin, yəni xülasə cəmiyyətdəki fərd olaraq statusunun saxlanmasına çalışsın. yoxsa bütün qadınları kişi roluna bürüməyə, bir şeyləri sübut etmək istəyirmiş kimi, qadın statusunu qaldırmaq əvəzinə kişini endirməyə çalışmasın.

#224589 şikayət

suicide squad

3 əjdaha! 15.07.2015 05:03, aleksi zorba

dc comics personajlarından bir çoxunu görə biləcəyimiz, 2016-cı ildə tamaşaçı qarşısına çıxacaq bir film.
rejissor, ssenarist: david ayer
ssenarist(comics): john ostrander
batman: ben affleck (bu rolda onu görmək heç də ürəkaçan olmasa da)
joker: jared leto
deadshot: will smith
harley quinn: margot robbie

jack nicholsonun "the joker" rolundaki möhtəşəm performasından sonra heath ledger-in daha möhtəşəm rolu insanları "suicide squad"a daha çox cəzb edir. tamaşaçılar hər zamankından daha böyük bir rol, daha möhtəşəm ifa gözləsələr də mənim fikrimcə jared leto o effekti yarada bilməyəcək. achtung: daha yaxşı rol sərgiləyə bilməyəcək demirəm, o effekti yarada bilməyəcək deyirəm. çünki heath ledgerin jokeriylə jack nicholsonun jokeri arasındakı fərq, indiki möhtərəm jokerlə heath ledger jokeri arasındakı fərqdən qat-qat yüksəkdir. ( loading ) jared letonun aktyorluğundan danışılırsa əgər, ona qəti bir sözüm yoxdur. adamın işinə elə güvənirəm ki ,çox rahatlıqla deyə bilərəm ki, o filmin castında ən yaxşı aktyor elə bu adamdır.

#174979 şikayət

amışma

2 əjdaha! 08.02.2016 04:06, aleksi zorba

ing. pussying
alm. fotzung

#197392 şikayət

çeynənilib iyrəndirilən replikalar

2 əjdaha! 26.09.2016 23:41, aleksi zorba

-hardan bilirsən?
-bilirəm.

#231591 şikayət

george bernard shaw

2 əjdaha! 22.02.2016 22:49, aleksi zorba

tarix boyunca həm nobel həm də oscar almış yeganə şəxs kimi tanınan yazıçı.

#200263 şikayət

varlı olmağın müsbət tərəfi

3 əjdaha! 13.03.2018 02:39, aleksi zorba

cəhdlərin, zəhmətlərin, düşüncələrin və s. təməl ehtiyaclardan daha çox kiçikli böyüklü lükslərə sərf olunmağı.

#269849 şikayət

rəşid behbudov