Adətdəndir, gəldim bu başlığa yazım nəticələr çıxandan sonra.
Overall: 8.0 (L: 9.0, R: 7.5, w: 6.5, s: 8.0)
Öncədən deyim ki, Hazırlığa upper-intermediate olaraq başlamışam. Və Vaxtında Ən çox nədən narahat olub üzərinə düşdümsə onlardan yüksək score almışam (listening və speaking).
Listening üçün cambridge testlərini işləsəniz bəsdir, məncə. Hər Testi bitirdikdən sonra analiz edin, əsasən hansı sectionda, nə tip suallarda səhviniz çıxırsa onların üstünə düşün. Misal üçün, hazırlığa təzə başlayanda spelling suallarında səhvlər edirdim, onların üzərinə düşdüm. Həmçinin, section 2 və 3-də mcq tipli testlərdə çox zaman itirdiyimə fikir verdim. Bunun üçün belə bir taktika "icad" elədim. sectionın sonunda sectionı yoxlamaq üçün verilən 30 saniyəni növbəti sectionun mcq suallarını oxumağa sərf edirdim, bu mcq sualları sectionun sonunda və ya əvvəlində gələ bilər, harda olmasından asılı olmayaraq həmin 30 saniyəni orda istifadə etmək məntiqlidi. Təbii ki, bu hamıya uyğun olmaya bilər, Əsas məsələ testi işləyərkən sizə rahat olan patternləri kəşf eləyə bilməkdi.
Təcili şəkildə imtahana hazırlaşmırsızsa, vaxtınız olduqca maraqlandığınız mövzularda youtube vs.-də ingilis dilindəki podcast, videoessaylərə baxmağı tövsiyə edirəm, native speaker-lərin danışığını anlamaqda çox kömək olacaq. Bu, həmçinin, speaking-də də köməyinizə çata bilər.
Reading-də, məncə, hər hansısa bir taktika yoxdu, oxuduğunuz mətni başa düşməlisiz, vəssalam. Və, təbii ki, vaxt limitini də nəzərə almaq lazımdır. 1 saatlıq taymer qoyub hər sectiona ortalama nə qədər vaxt sərf etdiyinizi analiz edin. Fikrimcə, ideal 15/20/25 dəqiqədir. Hə bir də burda əlavə vaxt verilmir cavabları kağıza köçürmək üçün, ona görə internetdən cavab kağızlarını tapıb çap edin, və hər section-un sonunda cavabları kağıza köçürməyə çalışın.
Writing haqqında özümün etmədiyi məsləhəti verə bilərəm, çoxlu inşa nümunələri oxuyun və yazın. Çox vaxt apardığı üçün edə bilmədiyim bir şeydi, amma boş vaxtınız varsa etməyiniz yaxşı olardı. Və bir də Band descriptorları oxuyun və araşdırın.
Speaking mənim üçün ən çətin görünən hissə idi, ən çox da part 2. Çünki 2 dəqiqə kiminsə qarşısında monoloq danışmaq qədər qorxuducu bir şey yoxdu lol.
Sualları "ielts speaking assistant" applikasiyasında tapa bilərsiz. Mən hər hansısa mətni əzbərləmək yerinə hər mövzunun sualına özümə uyğun cavab hazırlamaq yolunu seçdim. Yetərincə yorucu prossesdi nə qədər tez başlasanız o qədər yaxşıdı. Danışığınızın təbii alınması üçün phrase, idiom filan öyrənməyiniz məsləhətdi, amma çalışın kənarda küncdə qalmış, sonuncu dəfə 1950-də işlənənlər yerinə native speakerlərin də gündəlik istifadə etdiyi idiomları və s. istifadə edin. bu kanal speaking üçün çox yardımçı ola bilər.
Və son olaraq, hazırlığa getmək yaxşı olar deyə düşünürəm əgər imtahanı ilk dəfə verəcəksizsə və disiplinli hazırlaşmaqda çətinlik çəkirsizsə. imtahanla bağlı peşman olduğum iki şey var. Birincisi, mock imtahana getməməyimdi. çalışın ən azından bir dəfə gedib özünüzü imtahanın şəraitinə alışdırın və vaxtı necə idarə etdiyinizi test edin. Digəri isə writing üçün yetərincə yaxşı hazırlaşmamaqdı, mən olmayan writing skillərimlə 6.5 almışamsa, çox adam bir az daha ciddi hazırlaşmaqla 7.0 və s. Ala bilər, yəqin ki.
əsasən, narsistlər tərəfindən partnyorlarına və ya ətraflarındakı digər insanlara edilən manipulyasiya və cəzalandırma növlərindən biridir.
Silent treatment qarşı tərəfi səssizliklə cəzalandırmaq, şəxsi görməzdən gəlmək, onunla danışmaqdan boyun qaçırmaq, varlığının fərqində deyilmişcəsinə davranmaq kimi hərəkətlərlə xarakterizə oluna bilər. Narsist insanlar bunu qarşı tərəfi idarə edə bilmək, yaşanan problemlərdə günahın tək tərəfdə olduğunu düşündürmək üçün istifadə edirlər.
"silent treatment" "time-out" anlayışı ilə qarışdırılmamalıdır. Time-out anlaşmalı fasilədir, tərəflər bir birlərini incitməmək üçün fasilə verib, daha düzgün zamanda danışmağa qərara gəlirlərsə, silent treatment tək tərəfli, qarşı tərəfi cəzalandırmağa yönələn davranış biçimidir.
təqaüd və təcrübə proqramlarının müsahibə mərhələsinə hazırlaşarkən bu mərhələ haqqında ətraflı məlumat tapa bilməmişdim, növbəti illərdə maraqlanan tələbələrə faydalı olar ümidi ilə öz təcrübəmi paylaşıram.
not: aşağıda yazılanlar şəxsi təcrübə əsasında yazılıb, ildən-ilə qaydalar dəyişə bilər. proqram barədə ümumi məlumatı bu linkdən oxuya bilərsiniz.
ilk mərhələ standart form doldurma mərhələsi idi. Transkriptinizi*
universitetdən möhürlü
, niyyət məktubunuzu*
400 söz civarında idi, səhv etmirəmsə
easyhire saytı vasitəsilə yollayırsınız. Müraciətiniz şərtləri ödəyirsə(misal üçün, transkriptinizdə yalnız a və b qiymətləri olmalıdır), ikinci mərhələyə(test mərhələsi) dəvət alırsınız.
Anladığım qədəri ilə bu mərhələ əvvəlki illərdə online olaraq keçirilməyib, pandemiyadan sonra online formatda keçirilməyə başlanılıb. ilk test ingilis dilindən idi, çətinlik səviyyəsi orta məktəb ingilis dili ilə eyni idi, məncə. Test mərhələsinin ikinci hissəsi riyaziyyatla bağlı idi, mövzu olaraq, yenə orta məktəb mövzuları idi, kəsr hissə, faiz və s. tipli məsələlər, lakin verilən vaxt və bəzi sualların məntiq sualları tipində olmasına görə daha çətin hesab edilə bilər.
Üçüncü mərhələ müsahibə mərhələsidir. Bu mərhələ də online şəkildə keçirilmişdi, müraciət etdiyiniz sahədən 2 mütəxəssis və 1 hr iştirak edirlər. ixtisasım və müraciət etdiyim sahə IT ilə əlaqəli olduğu üçün müsahibədə 2 software developer var idi. Suallar daha çox search, sort alqoritmlərlə bağlı idi, həmçinin, spesifik olaraq maraqlandığım sahə sql bilikləri tələb etdiyindən sql, rdbms, nosql ilə bağlı əlavə suallar da verilmişdi. HR-ın sualları daha çox niyə bu proqramı seçdiyiniz, digər təqaüd proqramlarından nə kimi üstünlükləri olduğunu düşünürsünüz tipində olur.
Məsləhətim, əgər maraqlandığınız sahə ilə bağlı az-maz danışmaq istəyirsinizsə, ətraflı araşdırın. CV-ə nə yazdığınıza diqqət yetirin, çünki cv-nizi diqqətlə nəzərdən keçirdiklərini verdikləri suallardan anlaya bilirsiniz (hətta müsahibə götürənlərdən biri linkedin profilimi də yoxlamışdı).
Üçüncü mərhələdən sonra HR-dan yenidən zəng almışdım, ikinci, qısa müsahibə mərhələsi üçün. Təxmini 10 dəqiqə və telefon üzərindən olmuşdu bu mərhələ. Nə qədər qeyri-rəsmi və önəmsiz görünsə də, bu mərhələdən də "elimination" olur. Daha çox "soft skills", texnologiya üzrə ümumi suallar verilir. Bu sonuncu mərhələdir, bu mərhələnin yekununda emailinizə qəbul olub - olmamağınızla bağlı mail gəlir.
2021-ci ildə "suraxanı" tankerinin yenidən təmirindən sonra istifadəyə verilən muzey. muzey daxilində gəmiçiliklə bağlı əşyaların sərgisi, müxtəlif oyunlar var. əlavə olaraq, gəmi daxilində restoran da fəaliyyət göstərir. muzeyin saytı da mövcuddur .
getmişkən sözaltı reklamı etmədən çıxmayaq dedik:
bu sifarişi verən: Elimelikov06 alfred adler tərəfindən yaradılan termin.
adler, üstünlük kompleksinin aşağılıq hissindən qaynaqlandığını deyirdi. hər uşaq aşağılıq hissini yaşayır, və onları öyrənməyə, öyrədiləbilən olmağa təşviq edən də bu hissdir. içində olduqları aşağılıq, acizlik vəziyyətindən çıxmaq üçün öyrənməyə çalışırlar, və böyüdükləri zaman, bəzi uşaqlar bu hissi geridə qoyur və özlərini digər insanlara bərabər görürlər. əslində, bu, uşaqların həmin aşağılıq hissinə yüklədiyi anlamdan asılıdır, bəzi uşaqlarda bu hiss normadadır, bəzilərində isə mübaliğəli dərəcədədir. güclü aşağılıq hissinə sahib olan uşaqlar bunu kompensasiya etməyə çalışırlar, və adler bunu digər insanlardan güclü olmağı, onlar üzərində dominant olmağı istəməklə izah edirdi. həmçinin, bu uşaqlar özləri haqqında çox yüksək düşüncədə olurlar, gördükləri işlərin digər insanlarınkından üstün olduğunu düşünürlər.
üstünlük kompleksi və üstünlük üçün çalışmaq bəzən eyni anlayış kimi düşünülür, lakin bu düzgün deyil. üstünlük üçün çalışmaq (ing. striving for superiority) müsbət anlayışdır, cəmiyyətə və ya ətrafınıza faydalıdır. üstünlük kompleksi isə şəxsin öz aşağılıq hissini gizlətməsi üçün yaranır, və digər insanlara da ziyan vura bilir, çünki bu insanlar özləri ilə bağlı neqativ fikirlərini digər insanları geriyə salaraq örtməyə çalışa bilirlər.
dəniz səviyyəsindəki atmosfer təzyiqində suyun qaynama temperaturu 100°C-dir. hündürlük artdıqca təzyiq azalır (P=P0*exp(−Mgh/RT)), və qaynama temperaturu da azalır. misal üçün, everestdə suyun qaynama temperaturu, təqribi, 70-71°C-dir. bundan sonra da hündürlük artdıqca qaynama temperaturu aşağı düşür, və müəyyən hündürlükdə su bədən temperaturunda qaynamağa başlayır, həmin hündürlük dəniz səviyyəsindən 18-19 km yuxarıdadır. "armstronq limiti" harry george armstrong-un adı ilə bağlıdır.
armstronq limitində və ya yuxarıda insan bədənindəki digər mayelər də(qan, tüpürcək və s.) də qaynamağa başlayır (baxma: ebullism).
arqumenti dəstəkləmək üçün şəxsi təcrübəni dəlil olaraq göstərmək. mübahisə edərkən tərəflərdən biri özünün və ya hər hansısa bir tanışının şəxsi təcrübəsini dəlil olaraq göstərirsə, bu "anecdotal fallacy" sayılır. həmçinin, anecdotal evidence və ya volvo fallacy olaraq da bilinir.
bu sifarişi verən: User123
şəxsin öz başına gələbiləcək mənfi hadisələrin ehtimalının az, müsbət hadisələrin ehtimalının çox olduğunu düşünməsi halı. fikrimcə, polyanna olmaqla çox da əlaqəli deyil və yəqin ki, bir çoxumuz fərqinə belə varmadan "optimistic bias"a sahibik, yəni düşündüyümüzdən daha çox rast gəlinən haldır.
misal üçün, çox adam özünün xərçəng xəstəliyi tuta bilmə riskini az hesab edir, və ya sürücülərin çoxu təhlükəsizlik kəmərindən qəzaya düşəbiləcəkləri ehtimalını az gördükləri üçün istifadə etmir.
ümumən, optimistic bias anlayışı iki yerə ayrıla bilər: qeyri-real mütləq optimizm (baxma: unreal absolute optimisim) və qeyri-real müqayisəli optimizm (baxma: unreal absolute optimism). qeyri-real mütləq optimizm: şəxsin başına gələbiləcək hadisənin özünün verdiyi ehtimalla statistiki göstəricilərin göstərdiyi ehtimalın müqayisə edilməsi. qeyri-real müqayisəli optimizim: şəxsin başına gələbiləcək hadisənin ehtimalının az və ya çox olmasını digər insanlarla müqayisə etməsi. mənbə
(bax: məqsəd)
Söhbət etmiş olduğum insanlar planlarım, gələcəyim haqqında nə fikirləşdiyimi soruşanda həmişə qarışıq, fərqli cavablar verirəm. Birinə elə deyirəm, birinə belə, yalan da demirəm əslində, dəqiq bir məqsədim olmadığı üçün o an könlümdən keçənləri deyirəm sadəcə.
Bu ildən gözləntim bir məqsəd tapıb onun üçün çalışmaqdır, əldə edə bilməyim belə vacib deyil.
Ətrafımdakı məqsədlərinə çatmaq üçün əzmlə çalışan insanları gördükcə özüm haqqında daha da qəribə hiss edirəm.
grooming və ya child grooming, yetkinlik yaşına çatmış bir şəxsin uşaqlarla emosional münasibət quraraq onların inamını qazanması və bundan müəyyən məqsədlər (cinsi zorakılıq, adam qaçaqmalçılığı və s.) üçün istifadə etməsi halıdır.
Grooming uşağın və bəzən də ailəsinin də inamını qazanmaqla başlayır, və manipulyasiya ilə uşağı ailəsindən və dostlarından uzaqlaşdıraraq, grooming edən şəxsə yaxınlaşdırır. inam və minnət hissi yaradıldıqdan sonra, grooming edən tərəf öz real məqsədini həyata keçirir.
not: bir müddət əvvəl, maraqlı bir tvit oxumuşdum, heyf ki, tapıb birbaşa paylaşa bilmirəm. Qısaca məzmunu belə idi: "neçə yaşınız və mövzunun nə olmasından asılı olmayaraq, nə vaxtsa, hər hansısa bir mövzuda böyük bir adam "valideynlərinə demə" deyirsə, mütləq valideynlərinizə deyin."
agatha christienin 1972-ci ildə çap edilmiş əsəri. mövzusu: bir qadın qonaqlıqda olarkən ariadne oliverə yaxınlaşıb oğlunun evlənmək istədiyi qızın valideynlərinin necə öldüyünü öyrənməsini istəyir. oliver qadına kömək etməkdən imtina edir, amma, puarodan da kömək alaraq hadisəni özü araşdırmağa başlayır.
fikrimcə, yazıçının ən zəif əsərlərindən biri idi. hətta, kitabın ortasına gəldikdə hadisənin necə baş verdiyini təxmin edə bilirsiz az-çox. təbii ki, bu çox da ciddi problem deyil, amma, təxmin edilən hadisənin "cliche" olması əsəri zəiflədir.
bu adam kumirimə çevrildi artıq. hamımız burda aztvni ələ salırıq gülürük amma bu adam aztvnin öz efirində bütün telekanalı trolluyub. sırf müasir azərbaycan gənci adlı verilişi də seçməsi azərbaycan gəncliyinə göndərmədir yəqin ki. fular uzun saç gitara müasir azərbaycan gəncinin marjinal olmaq cəhdini çox gözəl əks eliyib.
digər adı ilə saas. "software as a service" proqramların təqdimedilmə növlərindən biridir. bulud texnologiyasından istifadə edilərək istifadəçiyə (müştəriyə) xidmət göstərilir. internet təminatı və uyğun cihazla istifadəçi proqramdan istədiyi an istifadə edə bilir. saas-ın ən böyük üstünlüyü quraşdırılma, yeniləmə kimi işlərlə istifadəçini məşğul etməməsidir, çox hallarda istifadəçinin ehtiyacı olan tək şey veb brauzerdi.
Aşiq olmaq ilə bağlı gözəl və bəsit bir cümləyə sahib olan kitabdır.
"I cannot fix on the hour, or the spot, or the look, or the words, which laid the foundation. It is too long ago. I was in the middle before I knew that I had begun."
ölkə şizofrenik ruh halı içindədir rəsmən. planlı, birbaşa hər hansı bir qurum vasitəsi ilə edilən bu hərəkətlə nəyi isbat etməyə çalışırdılar ki? sevilmirsiz də, niyə elə davranmağa çalışırsız axı, nə dəyişdi ki bunu edəndə. aaa polisə gül atıblar uje biz də sevirik polisi filan deyəcəyəyik?
not: ölkənin konservatoriya işçilərinin vizyonlarının dönər qədər olması biraz qəlbimi qırdı
Jackie coogan uşaq ikən Charlie chaplinin filmlərində oynayır və milyonlarla dollar qazanır. 18 yaşında ailəsindən hesabındakı pulları tələb etdikdə pullarının xərclədiyini öyrənir. Buna görə də coogan ailəsinə qarşı məhkəmə işi açır və məhkəmə coogan-ın xeyrinə qərar verir.
qanun incəsənət və ya idman sahələrində çalışan uşaqların gəlirlərinin 15%-nin coogan hesabına yatırılmasını və bu hesabdan yalnız uşağın yetkinlik yaşına çatdığı vaxtda istifadə etməsini təmin edir.
1 saat içində artıq bilmirəm neçənci dəfədir ki, son görülmənə baxıram, təxmin edirəm ki, yatmısan, sən yatanda nədənsə narahat oluram, sanki online olsan, danışmasaq belə daha rahat olacam, bilirəm bu yazdığım çox axmaqcadı amma nə etmək olar, darıxmışam.
23 ay sonra gələn edit: o vaxtlar yaman duyğusal olmuşam -*, hamını unutmaq olurmuş -*
Bayaq bilmirəm tam olaraq necə ora düşdüm, amma camaatın bu adama fəxri ad verilməsi ilə bağlı hashtag açdığını gördüm, bu adamın "mənalı" hekayə danışıb, şeir oxumasından başqa nə kimi fəaliyyəti var ki, həqiqətən maraqlıdır, fəxri ad almağı istənilir.
speaking üçün çox yardımçı ola bilər.
