S Ö Z A L T I

son gündəm:

bugün bəyənilənlər:

yaş artdıqca daha yaxşı dərk edilən şeylər | anket

+3168

doğru zaman deyə bir şey yoxdu.Həyatda qarşılaşacaqlarına heç vaxt tam olaraq hazır ola bilmirsən.İnsan planları üçün doğru zamanı gözlüyür.O gün gəlsin bunu edərəm , bu bitsin sonra baxaram və s. Halbuki hər zaman planlamadığın hadisələr də paraleldə yaşanmağa davam edir və həyatın daha da şaxələnir.İndi geri dönüb baxanda , həyatımda heç mükəmməl başlanğıclar yoxdu.Bir qərar verib yola çıxırsan və hər şey elə yolda formalaşır.Məncə əgər beyninizin arxasında qalmış bir fikir, düşüncə , hiss , plan varsa onu ordan çıxarıb analiz edin və reallaşdırmağı yoxlayın.Nəysə uzattım , qısaca hər zaman praktika > theory . Heç nə kağızda yazıldığı kimi deyil , ancaq yoxlayaraq öyrənirsən həyatı.

+10 əjdaha! maraqlı dünən 07:51, floydian geek

#390828

abbas səhhət | ədəbiyyat

+11131

111 il əvvəl, sanki, öz dövrünün millətçi-patriot olmayan intellektuallarını və ya onun nöqteyi-nəzərində psevdo-intellektuallarını öz müasirləri sabir (#296479) və hacıbəyov (#307443) kimi tənqid edən, "müsəlman ürəfaları" * intellektualları adlı satirik bir şeir yazmış şair -*

o dövr siyasi-ideoloji cərəyanlarını, baş vermiş tarixi hadisələri göz önünə gətirdikdə - xüsusən, 1905 - 1907-ci illərdə baş vermiş erməni - tatar qırğınlarını və 1908-ci ildə osmanlıda ikinci məşrutiyyət dövrünün əsasını qoyan gənc türklər inqilabını, hiss olunur ki, müəllim, hadisələrdən bərk şəkildə təsirlənmiş, öz hislərini cilovlaya bilməmiş və əli bəy hüseynzadənin də təsiri ilə qatı millətçi pafosa bürünərək avropapərəst intellektualları bu şeiri ilə sərt tənqidə məruz qoymağa çalışmışdır...

Yeri düşsə əgər müsəlmandır,
Vaxt olur ya İvan, ya Vartandır.
O nə bundan, düzü, nə ondandır,
Yeni bir şey, əcaib insandır.

Geyinir “en qrand” * kübarcasına , gəzir “ala-şiq” * dəbdəbəli ,
Başda bir şapqa, əldə bir zontiq.
Rus, frəng ləhcəsi deyir “bon”dur * yaxşı ,
Türk dilin sevməyir: “moveton”dur * pis tonlu .

Nə “Həqiqət”, nə də “Günəş” oxuyur,
O ya “Morninq” və ya “Deba” oxuyur.
Danışır ya frəngi, ya rusi,
Metropoldur yeri, ya San-susi.

Yuxudan durmağı saat birdə,
Çay içir orda, yatdığı yerdə.
Saat üçdə durur yeyir “dine” * nahar ,
Saat altı olar, yeyər “dejune” * şam .
Professor olub bizim “müsyö”,
Öyrənib “bonjur” ilə bir “adyö” * xudahafiz ,

Götürür felyetondan ünvanı,
Dağıdır söhbət ilə dünyanı.
Mətləbi başlayır o, Homerdən,
Danışır Götedən, ya Şillerdən.
Bəd deyil Kant, Marks ya Bualo,
Vəli xoş gəlməyir ona Hüqo.
Adların öyrənib bu əşxasın,
Başın aldatmağa əvam-nasın.

Təkcə o, arif, aqil insandır,
Başqalar cümlə vəhşi, heyvandır.
Bir ağıllı odur, qalan dəlidir,
Əcəba, halbuki o cəzvəlidir * narazı .

Dolanır restoranları sərxoş,
Cibi boş olsa səhldir * asan , başı boş.
Millətin boynuna qoyur minnət,
Umur etsin hamı ona hörmət.
Onun axmaqlığı mühəqqəqdir * təsdiq olunmuş ,
Ona hörmət edən də əhməqdir.

qeyd.
şeiri təsadüfən alman türkoloq michael reinhard hessin facebook profilində gördüm. alman dilinə də tərcümə edib.

mənbə.
abbas səhhət, seçilmiş əsərləri, 2005

+26 əjdaha! 2 maraqlı 25.05.2021-04:30, Apollo

#328219

özünəməxsus saytlar | texnologiya

+4798

http://www.stumbleupon.com/ - istədiyin üslubda sayt verir sənə

https://fotosintez.wordpress.com/ - film,musiqi,incəsənət kimi mövzularda
https://circirama.wordpress.com - fotoqrafiya,film, kitab kimi mövzularda
https://kinoroman.wordpress.com/ - kino bloq
http://www.cavidaga.net/bloq/ - işsiz gücsüz adamın bloqu
http://sinemaresenziya.blogspot.com/?view=flipcard - kino blog
http://www.damdabaca.org - Həbib Heydərin müəllifliyini daşıyan yazılar
http://labratschronicles.blogspot.com/ - daha bir milli blog
http://alizadeh.ucoz.com/icindekiler.html - bilmrəm kimdi ama ahahhahahah
http://wildboarstore.wix.com/wbstore - Outdoor geyim, tәchizat vә lәvazimatların sifarişi vә satışı.

http://bsnmmc.az/bsn_site/index.php?type=1&mod=routesearch - optimal marşrutun axtarışı

http://theredlist.com/wiki-2-17-513-view-cinema.html - film sahəsində
http://qisafilm.com/ - hələlik təmirdədi, qısametajlı filmlər dünyası
http://film-grab.com/ - film sahəsində
disaster films link

LGBT films link

teen dramas link

teen films link

http://www.starer.ru/ - bir çox aktyor və tanınmışların bütün profisional fotoları

http://moodstream.gettyimages.com/ - əhvalına görə musiqi seçimi
http://www.tubalr.com/#/ - musiqi sahəsində
http://8tracks.com/alejandrocdgo/in-a-dream-with-post-rock-as-a-soundtrack - post-rock musiqi

http://www.windows93.net/ - turnback - 93
http://yyyyyyy.info/ - what r u doing
http://lmgtfy.com/ - biri sənnən birşey soruşanda “google-a girmək məgər çox çətindi” deyə Face Slamming eləmək
http://www.allmyfaves.com/ - logolar
http://www.chooseveg.com/mealplan - vegeterianlar üçün gündəlik yemək planı
http://whathappenedinmybirthyear.com/ - neçə təvəllüdsən qaqa
https://en.wikipedia.org/wiki/List_of_lists_of_lists - nə lazımdı
http://www.nohomophobes.com/#!/today/ - Homophobic language isn’t always meant to be hurtful,
but how often do we use it without thinking?

http://www.africam.com/wildlife/naledi_live_channel - afrikanı canlı izlə
http://the-camera-in-the-mirror.tumblr.com/ muzeylərə canlı səyahət et
http://www.fromhot.com/ - tvdə belə tapa bilməyəcəyin futbol maçlarını izlə
http://www.prosoccer.gr/ - topaz yazanlar üçün
http://catroulette.be/5 - pişiklərlə dolu videochat

spacetelescope.org kosmos link

http://www.howmanypeopleareinspacerightnow.com/ - hal hazırda kosmosda neçə nəfər var

http://www.culturainquieta.com/en/ - jurnal
http://keinmag.com/ - jurnal
http://surrealismtoday.com/ - jurnal
http://www.mymodernmet.com/ - ART DESIGN PHOTOGRAPHY ARCHITECTURE

http://www.gamesforthebrain.com/ - sadə oyunlar saytı
http://open.adaptedstudio.com/ - vaxt öldürməli saytlar
http://www.pointerpointer.com/ - vaxt öldürməli
http://neave.com/ - vaxt öldürməli saytlar
http://weavesilk.com/ - gir bir əsər yarat
http://mrdoob.com/ - əsər yarat
http://erppy.co/ - trip * timidus elə belə oğlan deyil
http://www.cake23.de/reaction-diffusion-fish-soup.html# - mini trip
http://www.cake23.de/matterjs-simple-ball-pool.html - mini trip
http://www.cake23.de/coupled-Turing-pattern-fluid-sim-particles-16bit.html - mini trip
http://www.cake23.de/coupled-Turing-pattern-fluid-sim-singletouch-16bit-fullscreen.html - mini trip
http://www.cake23.de/coupled-Turing-pattern-vortex-pair-warp.html - mini trip
http://cake23.de/compartmental-Turing-pattern-environment.html - mini trip
http://www.flaminglunchbox.net/curvy - puzzle oyunu
http://iloveyoulikeafatladylovesapples.com/ - gijdıllağ bir sayt
http://www.bestshockers.com/video-gallery/ - mizantrop ruhlu insanların saytı. iyrəncidiyin bir şey varsa sınamayın. həzz ala bilmirsinizsə
http://vgadreams.neocities.org/ - vga dreams

saytların bəzilərini elə sözlüydə kəşf etmişəm ama hansı olduqlarını xatırlamıram ki qeyd edim

+23 əjdaha! maraqlı 05.10.2015-00:04, murad_jamal

#182844

qəribə yuxular | anket

+322

Deməli təxminən altı-yeddi il əvvəl gecə saatlarında, səhər məktəbə getməliyəm deyə yatmışam. Nənəm yaşayan vaxtlarda, "Kristal Abşeron"un yeni istifadəyə verdiyi hələ həyəti tamamlanmamış binaların bir mənzilində qalırdıq. Yuxum elə yatdığım yerdən durmağımla başladı, nənəmin telefonu səslədi bizi, açdım telefonu eşitdim ki xalamdır. Səsi həyacanlı gəlirdi, sanki marafonda qaçmışdı. Dedi ki, bəs dünyanın axırıdır, qaçın şərqə. (Yadımdadır, bir ara düşündüm ki görəsən binanın şərqi hansı tərəfə baxır) Mən nələr olduğjnu sorğulayıram, dayanmadan suallar verirəm, o da dedir ki, "get balkondan bax, başa anlayacaqsan." Girinc-giriftar qalmış halımla qaçdım balkona. Normalda 7-ci mərtəbədə qalırdıq lakin balkondan mənzərə elə görünürdü ki, sanki on dördüncü mərtəbədə filanıq, ikiqat artmışdı. Gördüm zəmin silkələnir, sabit bir arayla zərbə səsləri exolanır elə bu ərəfədə qapının zəngi çalındı. (normalda qapınızın zəngxarab idi, lakin mən hələ də reallıqdan ayıra bilmirəm məsələni) Xalam imiş gələn. Tələm-tələsik məni evdən çıxarmağa çalışdı amma çıxmadım. Mənim otağıma sarı gedəndə, nənəmin yuxulu formada qapıdan çıxdığını gördü. Qadına da dedi ki bəs, "Mama, dünyanın axırıdır, qaçın." Qoca qadın təlaşlandı, (gözəlimin ürəyi də zəif idi) bir təfədən onu sakitləşdirməyə çalışıram digət tərəfdən də balkona biylanıram. Gözüm aya sataşdı, qəribə bir simvolun kölgəsi düşmüşdü üzərinə. Sonra laaap o başqa yekəpər bir görgə gördüm, yaxınlaşdıqca daha da böyüdü. ((baxma: Tinker bell and the legend of the neverbeast)-dəki yaşıl gözlü heyvanın(?) daha nəhəng və qorxunc versiyası idi) Yanında isə onlarla hətta bəlkə də yüzlərlə əcaib məxluq var idi. O anki stressim hələ də yadımdadır. Nəysə, bu qədər idi. Bitdi çünki davamı yadımda deyil lakin yadımda olan bircə şey var o da bu yuxudan bir müddət sonra həqiqi həyatda, səmada həmin mistik simvolun çox bənzərinin əks olunmasıdır. (Əgər şizofren deyiləmsə, əlbəttə ki...) Daha mənalı yuxular görmək diləyilə, həyatda uğurlarr!!!

+1 əjdaha! maraqlı dünən 01:43, Anyes.

#390827

brauzer ★ wiki

+10294

-- Google Chrome link

/ spyware
Google tərəfindən hazırlanmış və open source olan chromium üzərinə qurulmuş populyar browserdir.
Problemlər:

- Chrome sizin yazılarınızı izləyir. Nəsə axtarmaq üçün adres çubuğuna bir şey yazdığınız an(1) Chrome bunu həm Google servislərinə həm də istifadə etdiyiniz axtarış sisteminizə yollayır (Tapın görək Google Chrome-un default axtarış sistemi hansıdır). Bununla yanaşı əgər hər hansısa google servisinə qeydiyyatdan keçmisinizsə (youtube gmail vs) Chrome axtardığınız şeyi sizin Google hesabınızda saxlayır.

- Chrome sizin səsinizi qeyd edir. Əgər telefonunuzda mikrofon icazəsi varsa sabit olaraq mikrofonunuzu dinləyir və sizdən əmr gözləyir (məs: ok google). Verdiyiniz əmrdən sonra dediyiniz hər şey sizin google hesabınıza qeyd olunur.(2)

- Chrome sizin kompüter avadanlığınız və kompüterdən istifadəniz haqqında detallı məlumatları öz servislərinə göndərir

(1) - Yazdığınız anda, enter-ə basmasanız belə.
(2) - Əgər mikrofona icazəsi yoxdursa əllə aktivasiya gözləyir və əllə aktivasiyadan sonra dediyiniz hər şeyi yenə hesabınızda saxlayır.

-- Mozilla Firefox link

Mozilla tərəfindən yazılmış gizlilik yönümlü olduğunu deyən browserdir.
Problemlər:

- Firefox Google-u default axtarış sistemi kimi seçir. Bu çox problemli deyil amma Google yerinə Startpage kimi gizliliyə daha önəm verən axtarış sistemlərini default edəbilərdilər.

- Firefox çox istifadə etdiyiniz saytlara daha asan daxil olmağınız üçün həmən saytları yeni tab bölməsinə daxil edir. Bura qədər okay amma bəzən yeni tab açdığınızda Firefox həmən saytlara və onların izləyicilərinə link

istək göndərir.(1)

(1) - Bunu etmələrində səbəb nədir bilmirəm. Tapsanız mənə də deyin

-- Ungoogled Chromium link

Google ilə bütün əlaqələrini kəsmiş chromium forku. qısaca chrome, amma yuxarıda sadalanan zibilləri olmadan. Yegane problemi eyni zamanda ən böyük gücüdür: Chromium forku olması
Problemlər:

- Chromium manifest v2-ni öldürdüyü zaman yerinə manifest v3 keçəcək. manifest v3 isə ublock origin kimi adblocker vəzifəsi görən və trackerları bloklayan extensionları limitləyir və ya istifadə edilməz hala gətirir.

-- Librewolf link

Daha yaxşı defaultlar ilə gələn, gizliliyə firefoxdan daha çox önəm verən firefox forku.(1)

(1) - əslində bu browserə ehtiyac yoxdur. firefox yükləyib 10-15 dəqiqə ayırıb firefox-un bütün zibillərini disable etmeyiniz bəs edir.

-- Brave link

Brave gizlilik yönümlü olduğunu deyən chromium forkudur. adblocker kimi browser ilə birlikdə gələn fərqli xüsusiyyətləri ilə önə çıxır.
Problemlər:

- Brave default axtarış sistemi kimi google-u seçir.

- Brave ilə default gələn adblocker facebook və twitter trackerlarını bloklamır.

- Brave chromium üzərinə qurulub(1).

(1) - Bildiyim qədərilə manifest v3 brave-ə təsir etmir çünki onlar extension yerinə browserin daxilində gələn adblocker istifadə edirlər. Ancaq chromium monopoliyasına dəstək verməsi bəzilərini narahat edəbilər.

TL;DR hər browserin öz yaxşısı və pisi var. opera gx kimi "oydaa nə zor görsənir" deyib üstünə çullanmayın. işinizə yarayacaq və gizliliyinizə azdan çoxdan önəm verən browser seçin.

mənbələr:
privacytoolsIO link

spyware watchdog link

+ 15 əjdaha! maraqlı 25.07.2022-13:58, ecma

+10294 oxunma #354995

yaş artdıqca daha yaxşı dərk edilən şeylər | anket

+8538

valideynlərin davranışları, qoyduqları qadağaların səbəbləri. haqq verməsən də, başa düşürsən.
böyüdükcə həyatda daha çox şey görürsən, hər cürə insanla rastlaşırsan. onda yavaş-yavaş anlayırsan valideynlərin verdikləri məsləhətləri. hansı ki, bir vaxtlar mənə mənasız gəlirdi, ehtiyacım olmadığını düşünürdüm. dərk edirsən ki, üsyan etdiyin konservativlik səni nələrdənsə qorumaq üçün olub, çünki hər cürə əclaf, şərəfsiz insanlar var. valideyn olaraq bacardıqları qədər qorumağa çalışıblar əslində səni. təbii ki, övlad olaraq bu konservativlik sıxıcı və bezdirici gəlir insana. amma böyüyüb həyatı dərk etdikcə görürsən ki, valideynlərinin bir vaxtlar üsyan etdiyin, ağız-burun əydiyin düşüncələri ilə razılaşırsan indi.
həyatımda öz qərarlarımı hər zaman özüm verməyə çalışmışam, heç kimdən məsləhət almadan. biraz dikbaşlıqdır bəlkə də, bilmirəm. amma artıq mühüm qərarlar verərkən valideynlərimlə bölüşmək istəyirəm, amma utanıram, ya da necə reaksiya alacağımı bilmirəm deyə demirəm heç nə. bəlkə də, illər boyunca aramızda hörülmüş divarların nəticəsidir. hərdən nəsə fikrimi bölüşüb dəstək görəndə dəhşət çox xoşbəxt oluram.
mövzudan çox uzaqlaşmayım. hə, deyəsən, həyatı dərk etdikcə az da olsa valideynlərə bənzəməyə başlayırıq. düzdür, düşüncə fərqi həmişə olur. məsələn valideynlərim mentalitetə uysa da, mənim vecimə deyil.
böyüdükcə və bizim üçün çəkdikləri əziyyətləri dərk etdikcə onlar üçün nəsə etmək, sevindirmək istəyirəm. oxumaq motivasiyalarımdan biri də savadımı artıraraq daha yüksək gəlirli bir yerdə işləmək həvəsidir, heç olmasa onlar yaşa dolanacaq əlim pula çatsın, layiq olduqları həyatı yaşadım onlara. pul çox şeyi həll edir çünki.
düzdür, bəzi entrilərimdə anamdan şikayətlənmişəm. amma keçən dəfə hüzünlü şəkildə "istəyirəm ki, həyatın yaxşı olsun, mən çox əziyyət çəkdim, heç olmaya siz çəkməyəsiz" deyəndə içim parçalandı. valideyn sarıdan şanslı hesab edirəm özümü, doğrusu. və onları başa düşdükcə, etdiklərini dərk elədikcə daha çox qayğı göstərmək istəyirəm. amma aramızda hördüyüm buz dağlarını əritməliyəm əvvəlcə, bu da çox vaxt aparacaq.
başa düşmək biraz da ağrı verir, daha əvvəl etdiyim yekəbaşlıqlar üçün vicdan əzabı çəkirəm biraz.
Gecə melanxoliyası ilə yazılmış daha bir iç tökmə entrisi...

pink floyd - hey you

(youtube:

)

+18 əjdaha! maraqlı 12.01.2022-01:28, Nellie Crain

#343242

» Son Entrylər «

Sözaltı bugün

S Ö Z A L T I