cavablar həmişə var, insanları isə narahat edən həmişə - suallardır. çünki insana həqiqətin nə olduğu maraqlı deyil, ona maraqlıdır ki, öz mənafeyinə uyğun olan hansıdır? kim daha yaxşı sual verirsƏ, kim daha yaxşı sorğulayırsa, kim daha yaxşı cəsarət nümayiş etdirirsə, alqış ona çox düşür, cavab verənin isə qiyməti yoxdur. doğru olanı öyrənmək istəyən insan özünü aldatmır və axtardığını tapmaqla qalmayıb onu qəbul da edir. unutmayaq ki, cavabların bizi tətmin etmək kimi məsuliyyəti yoxdur, kimin nəyi qəbul etməsindən asılı olmayaraq, həqiqət dəyişməzdir, birdir.
bakı, 18.07.2023
mesaj @ 39 ♥
21:20

@ 12517 Yox e onları mən də tanımaq istərdim

celal şengör, ilber ortaylı kimi fenomenlərin azərbaycan cəmiyyətində də "toxunulmaz" imicinin formalaşdırılmasının əleyhinəyəm. bizim kimi millətlərdə "alim aclığı" olduğuna görə, bir az savadlı çıxan, öz sahəsi daxil girmədiyi deşik qalmayan hərşeyşünaslara tələbat təbiidir, amma ifratdır. o qədər ifratdır ki, artıq dediyini sorğulamaq belə günah vəziyyətinə gəlib çıxıb. eləməyin belə. bu iki nəfər axır vaxtlar babat populizmə meyilləniblər. gözünüz açıq olsun. özünüzdən başqa heç kimə inanmayın. amma oxuduğunuz şeyə də baxın, görün, nə oxuyursuz. xudahafiz
bakı, 28.05.2023
mesaj @ 39 ♥
17:41

@ 12517 Yox e onları mən də tanımaq istərdim

əks-arqument gələnə qədər qəhrəman sənsən. vay o günə kimsə əksini iddia edən fikir irəli sürər, halın yaman olar.
mesaj @ 39 ♥
17:34

@ 12517 Yox e onları mən də tanımaq istərdim

fikir artıq bir neçə umbay yeyibsə, onu əjdahalamaq böyük qəbahətdir. suyun axınını dəyişdirmək olmadığı kimi, səndən əvvəl bu haqda artıq düşünmüş adamın fikrini qəbul eləmək də vacibə çevrilib. tənbəlliyin əlamətidir. bəlkə də həqiqəti yazırsan. dəxli yoxdur. umbaysan. "sözlüyün modernist yazarı" bu vərdişini tərk etmədiyi müddətcə söyüb-batırdığı sürü psixologiyasından geri qalmır, əksinə tərəfdar çıxır.
mesaj @ 39 ♥
17:32

@ 12517 Yox e onları mən də tanımaq istərdim

yazarlar hər entrilərində bir az əmək sərf edib informativ məlumat paylaşsalar, cəhənnəm, nəsə yeni bir şey öyrətsələr (cəhd eləsələr), çox yox, bir balaca "inkişaf" zad edə bilərik. sözlüyün qaydalarının bu istiqamətdə dəyişikliyinin tərəfdarıyam. yazarlar entrilərində özlərini açıb buraxmasınlar, yediklərinə kimi qusmasınlar ki, oxuyanın da ürəyi bulanmasın. yazarıqsa, özümüzü yazar kimi aparaq, yeniyetmə (utanmasam ondan da aşağı yaş dövrünü deyərdim) beyniylə işləyən sərgərdanlar kimi yox... "maraqlı deyil, oxuma" düzgün arqument deyil, mən girib axtarış edib oxumuram, qabağıma çıxır oxuyuram. ona qalanda heç kim öz xoşuyla girib oxumur hansısa yazarın entrilərini ki, "görüm bu gün neynədi?". xatirələr üçün ayrıca xatirə dəftəri tuturlar, yazırlar. ola bilər ki, sözlüyün formatına uyğun olaraq, moderator və partizan heyətinin xoşu gələn adama yazarlıq verilir, amma ki bunun bir meyarı da olmalıdır. kim nə yazarıdırsa, bu bilinməlidir. elə yazar olar ki, onun poetik düşüncə qabiliyyəti yüksəkdi, eləsi tapılar ki, jurnalistikası yaxşıdı, eləsi tapılar ki, yaxşı gopa basa bilir, uzunçuluq edə bilir (bu da bir sənətdi). biz yazarıqsa, partizan-moderatorlar bizdən yaxşı yazar olmalıdı ki, iki nəfər arasında hansına yazar demək lazım olduğuna dair obyektiv fikir bildirsinlər. əks halda, yuxarıda da dediyim kimi, ürəkbulandıran entrylərlə dolacaq platforma. belə getsə, axırını öz baxış bucağımdan yaxşı görmürəm.. söz azadlığı, möz azadlığı bir yerə qədərdi. azadlığın başını buraxanda olur - özbaşınalıq. postlarla işim yoxdur, azadlıq motivini postlarda qabartmaq daha məqsədəuyğundur. sözlüyü cavan nəsildən savayı, orta yaşlı nəsilin də istifadəsinə zəmin yaratmaq lazımdır. sözlüyün yeni inkişaf modellərinin işlənib hazırlanmasına rəhbər heyət biganə yanaşmamalıdır. postmodernizmin hərtərəfli və yüngül cərəyanlarında xəbərsiz sovrulmamaq üçün tədbir görülməlidir. təkəbbürlülükdən uzaq olmasa da, cari vəziyyətdə özüm və bir neçə barmaqla sayılan yazar xaric olmaqla, əksəriyyət yazarı bu kampaniyaya qoşulmaq istəyənlərə oxşatmıram. təki elə olsun ki, mən bu zənnimdə yanılım. bu yazı həm bir tənqid, həm də cəsarət nümayişidir, ona görə ki nəticəsindən (uçurdulmaq, umbay olunmaq) asılı olmayaraq, yazmağı özümə borc bilmişəm. nəzər çəkdiyim məqamları diqqətə alan hər bir kəs böyük hörmətə layiqdir..ən xoş arzularla.. bəndəniz, ləbxamuş..
bakı, 15 aprel 2023
mesaj @ 39 ♥
20:12

@ 12517 Yox e onları mən də tanımaq istərdim