12. mömin yazarların sözlükdən facebook-a sürgün etmək istədikləri yazar. öncə deyim ki, seçdikləri qurbanın gücünü doğru dəyərləndirə bilməyiblər, tələm-tələsik hücuma keçiblər * glş bu baxımdan fövqəl insan bu müharibədə stratejik olaraq bir addım öndə olan yazardır.

fövqəl insan qul deyil, azad insandır. özünü, öz düşüncələrini istədiyi, uyğun gördüyü hər hansısa bir yerdə sərbəst şəkildə ifadə edə bilər. bunun üçün ona heç kimin məsləhəti lazım deyil. o, hamıya qulaq assa da, öz bildiyini edən yazardır.

facebookda deyil, sözlükdə yazmasının səbəbi isə, sözlüyün daha səviyyəli, reytinq, axtarış mühərikləri baxımından daha əlverişli olmasıdır. fövqəl insanın yazıları sözlükdə daha çox oxunula bilinər nəinki facebookda. o, bunu bilir və dəyərləndirməyə çalışır. yazdıqları isə sözlük qaydaları çərçivəsindən kənara çıxmır. yəni bu yazılar sözlük qaydalarını pozmur. əks halda moderatorlar tərəfindən xəbərdarlıq alardı.

quranın maidə sürəsinin 8-ci ayəsində allah deyir "ədalətli olun" yəni ki, fövqəl insana qarşı bu cür haqsızlıq etməyin. o, əks fikirli yazarlara qarşı çıxmır, oları qovmaq niyyətində deyil. amma bu xoş davranışa göstərilən munasibət çox təəccübləndirir.

fövqəl insan ölkəsindəki insanların yoluxduğu çox təhlükəli islam virusu ilə mübarizə aparan böyük mütəfəkkirlərdən biridir.