142. məzi bakının avqust ayı qarışıq isti küçələrində sağa-sola baxaraq addımlayırdı. şəhər yuxuda idi, marka geyim dükanlarının işıqları yanıb-sönürdü, ara sıra bir neçə maşın yüksək sürət ilə şose boyunca şütüyürdü. ətrafda iyirmi dört saat açıq bircə aptek belə yox idi. aman tanrım! məzi geriyə doğru addımladı və cibindəki dəsmal ilə həyəcan, təəccüb səbəbilə yaranan və hipotalamusun idarə etdiyi tərləri silməyə başladı. reklam billboardında aşiq olduğu qadının şəkli var idi. amerikada aldığı ortalama ingilis dii bilgisi ilə yazılanları hecalamağa başladı. aman tanrım! higgs bosonu kəşf olunub. aman tanrım! məzi higgs bosonun kəşfinə peter higgsin verəcəyi reaksiyanı düşünüb gülümsədi. lisa nə qədər xoşbəxt olmalı idi. adi riyazi hesablamanın belə yüz nəfərdən biri tərəfindən bilindiyi bir ölkənin paytaxtında belə onlar haqqında reklamlar asılmışdı. siz cern komandasının dünya şöhrətini düşünün. məzi tanış olduğu sektor qızını və aptek axtarmağı buraxıb evə qayıtdı. sadiq dostu toshiba markalı noutbookunu açıb azalın saytına girdi və anasından ona yadigar qalan köhnə ancaq qiymətli saatını satıb qarşılığında isveçrəyə bir bilet təmin edib, edə bilməyəcəyi haqqında hesablamağa başladı. sabah isveçrəyə gedib lisanı təbrik etməli, professor higgsin neçə illik həsrətinə qovuşması ilə gözlərinin necə dolacağını izləməli idi. günəş işığı bakı üslubunda ev pərdələrindən otağa süzülən kimi məzi yatağından ayağa qalxdı və əynini geyinib köhnə əşyaların alınıb-satıldığı içərişəhər tərəfdəki dükana getdi. saat düşündüyündən belə bahalı idi və dərhal bir bilet almalı idi. köhnə taktikası. yuxulama. təyyarədə öz yerində əyləşən məzinin kefi əla idi və bir neçə saat sonra cerndə köhnə dostları ilə görüşəcəkdi. bakını, sektoru, qaqaşların hamsını unutmaq istəyirdi çünki bir dəfə elmin içində olmuşdu. elmin nə qədər həyəcanlı olduğunu və insanların bir məqsədləri olduğunu- kainatı anlamaq" başa düşmüşdü. məzi fizik olmaq istəyirdi. həqiqətən elm adamı olmaq, saul ilə yenidən görüşüb o konfranslara qatılmaq, kaliforniyada xoşbəxt yaşamaq.