4. əziz oxucu, sözaltı sözlük.
sabah y---sın ad günüdür. seva ona sürpriz ad günü təşkil edir. məni də dəvət etdi. oturub sabah üçün stoliçniy salat hazırladım. dəyişiklik olacaq onlara. çünki məclisdəkilərin hamısı həyatında ilk dəfə olaraq stoliçni yeyəcək. və adım kimi əminəm ki bəyənməyəcəklər.
bu dəfə kiçik-kiçik doğradım, dəzgahdan çıxmış kimi.
sevgili sözlük, yenə sənəd işləri yaxamı buraxmır, bu dəfə də tibbi dil bilgimi yoxlamaq üçün mənə imtahan təyin ediblər və imtahanla bağlı bir çox problemlər meydana çıxıb. necə həll edəcəyimi bilmirəm. bu gün yenə işdə ağlayacaqdım. axı sən böyümüsən change dedim və gözyaşları qapıdan geriyə qayıtdı.

amma bu qucaqlamaq məsələsi ilə bacara bilmirəm. belə hallarda kimisə qucaqlayıb ağlamaq, ağlamaq, ağlamaq və yuxuya getmək istəyirəm...
qucaqlamaq bacarığına və şansına sahib olduğum zamanlarda necə də xoşbəxt olduğumu bilmirmişəm.

gecə yuxuda çox xoşbəxt idim amma. şipşirin yuxu görmüş, zəngli saatın səsinə yuxudan duranda bu günü tətil hesab eləmişdim. şirin yuxumun səbəbi isə, məqsədim uğrunda qurduğum bir tor və bu tora 10 dəqiqə belə keçmədən düşən qurban idi. qurbanın 50-60 yaşlarında və dünyanın hər üzünü görmüş birisi olduğunu nəzərə alsaq, özümlə nə qədər qürur duysam azdı. baş işlədəndə alınır deyəsən. yaşa sən change.
(baxma: elimde yalandan kocaman rengarenk geçici oyuncak zaferler)

haydi gecən xeyrə sevgili sözaltı günlüyüm..