146. yenə nə sən yanımdasan nə mən yanındayam. yenə kilometrələrlə məsafədən danışıb axırda "öpürəm" deyirsən. yenə danışandan sonra dərbədər oluram. bizim ayrı olmağımıza səbəbin sənin hər zaman sevgini içində boğub saxlamağının olduğunu bilirsənmi ata? bilirsənmi ata, 24 il sonra ilk dəfə bu yay saçlarımı sığallayanda nələr hiss etdim, əlini kürəyimə qoyanda içimdən nələr keçdi? ata o böyük əlini hələ də kürəyimdə, incə barmaqlarını saçlarımda hiss edirəm. gələcəm bir gün ata, sən sevgi böyüt əllərində. inan mənə, mən də sənin yanında olmaq istəyirəm, səni doyana qədər qucaqlamaq, bağrıma basmaq istəyirəm. gəlməməyimin ən böyük səbəbi sənsən həm də ata. sevdiyini göstər, mən sənin qızınam. sən mənim uzaqdan uzağa yaxınlaşa bilmədiyim və aşiq olduğum ilk adamsan. bu arada, ata, 3 illik sevgilimi də sev, yanımda sən olmayan vaxtlarda (heç vaxt yanımda olmadın ki) o oldu.