ataya demək istədiklərimiz



facebook twitter əjdaha lazımdı izlə googlla

141. anam həmişə bizə qarşı laqeydliyinə görə səndən narazı olub. kiçik boyun, əyri qamətin və həmişə saxladığın nazik bığınla övladları tərəfindən qəhrəman kimi görünən ata obrazından çox uzaqsan. əlini çiynimə qoyaraq, məsləhət verdiyin də olmayıb heç. bilmirəm, ya ata olmağı bacarmadığından, ya da həyatımıza müdaxilə haqqını özündə görmədiyindən... amma nə saçıma qarışmısan, nə dərslərimə, nə siqaretimə. orta məktəbdə də həftədə bir dəfə gündəliyimə "valideynin imzası" bölməsinə qol çəkməklə borcunu yerinə yetirmisən. amma yox, bir dəfə əmim siqaret çəkməyimdən danışanda "xoşluqla sənə deyirəm ki, çəkmə" demişdin. amma ikimiz də bilirik ki, əmimin sözü sənə gətirməyindən qurtulmaqçün eləmişdin bunu.
ardımca polis bölməsinə gəldiyin də olub. çıxanda bir kəlmə də deməmişdin ki, bəs "dövlətlə dövlətlik eləmək olmaz" blaa blaaa blaa... mənə münasibətin də dəyişməmişdi. sanki vecinə deyildi. amma mən bölməyə qaçaraq gəldiyini görmüşdüm pəncərədən. ümumiyyətlə, anamdan da, bütün problemlərimizin günahkarının sən olduğunu düşünən qardaşımdan da mən çox görmüşəm səni. əməliyyatdan çıxıb, narkozdan ayılanda ağladığını da görmüşdüm, ilk qısametrajlı filmimizi çəkərkən, evdəkilərə kadrları göstərəndə kənardan monitora boylandığını da görmüşdüm. siqaretimin bitdiyini görəndə cibindən çıxarıb, qutunun ağzını açaraq masaya qoyub, otaqdan çıxdığın da olub... uşaq kimi. amma qutunun ağzını açmasaydın da mən o siqaretdən götürəcəkdim.
həmişə tənbəl və bacarıqsız hesab eləmişəm səni. amma indi görürəm ki, sənə çox oxşayıram. bilmirəm, bunları bir gün özünə deməyə fürsətim olacaq, ya yox - zatən qocalmısan da, amma əminəm ki, tezliklə sənin kimi valideynlərindən çox uzaqda, onları yada salmayan biri olacam. səni sevib-sevmədiyimə əmin deyiləm. amma xəstə olub, evdən çıxa bilməyəndə, zibil qutusuna baxıb, hansı siqaretdən çəkdiyimi öyrənərək, alıb-gətirdiyinçün çox sağ ol.
101. əslində, ataya sevginin, nifrətin necə olduğunu bilmirəm. sən öləndə mən 6 aylıq imişəm.
indi qohumlar dirəşəndə ki, sənin qəbrinin üstünə gəlim, onları başa sala bilmirəm ki, mənim səninlə bağlı heç bir hissim yoxdur və məncə, bu normaldı - düz demirəmmi? axı bizim bir qoşa addımımız belə olmayıb; birgə nəyimiz olu ki: nə birlikdə kinoya getmişik, nə gülmüşük, nə əylənmişik.
qohumlar olmayan bir şeyi sevmədiyimə görə məni günahlandırır. hətta "nankor övlad" deyənləri də var. əşşi, onlar cəhənnəm olsun. mənə sənin yoxluğun dərddi, mənə sənin yoxluğun problem olub - bunu etiraf edirəm!
adətən sevgililərimdən də buna görə ayrılmışam; atasız qızlar adətən azadlıq sevən olur, qoyulan yasaqları, qoruq-qaytaqları həzm edə bilmirlər. ya da sevgilimdən ata sevgisi, ata qayğısı gözlədiyimdən zibil olub hər şeyin içinə.

bunları bura niyə yazdım, bilmirəm. sadəcə, bu gün biriylə danışmağa çox ehtiyacım var idi. kaş ki, sağ olaydın, lap belə başqasının atası olsaydın, eyb etməz, təki bu dəqiqə mən də oturub səninlə söhbət edə biləydim.
7. qızların həyatı qab yumaqdan, ataya çay gətirməkdən, süfrə yığışdırmaqdan ibarət deyil. nə də oxutdurdum, indi də ərə verirəm düşüncəsi ilə onu ikinci başqa bir zindana atmaq da atalıq borcunu yerinə yetirmək deyil.
68. yəqin bilirsən ki yaxşı ata yoxdu və sən də deyilsən, mən də olmayacam.

çünkü ikimiz də bilirik ki yaxşı davam edən nələrsə nə qədər yaxşı olabilər ki? çünkü bizi bir birimizin varlığını xatırladanlar problemlərimizdir. problemlərin ağrıları bir birinə oxşayır. eyni olması mütləq deyil, onsuz da biz mütləq olana inanmırıq.

yəqin bilirsən ki mən səni ata kimi, sən məni övlad kimi dəyişdirmək istəyərdin.

çünkü biz əlimizdə olmayanlara daha yaxın hiss edirik özümüzü. idealist bir atanı oynamaq hər ata üçün keçərlidir. mənim isə idealizmimlə işim yox idi, xarakter məsələsi. bəlkə də var idi. sən idealizminə görə məni, mən idealizmimə görə səni itirmək üçün çalışdıq.

yəqin bilirsən ki sən mənim yaranmağım üçün tələsmişdin, mən isə doğulmaq üçün gecikmişdim.

çünkü hər kişi həyatının baharında ata olmaq üçün çırpınır. bunu bildirməyə bilər. və hər kişi yaşlandıqca həyatının baharını itirdiyinə inanmağa başlayır və tələsməyi özünə borc bilir. övlad isə onsuzda bütün həyatı boyu aid olmadığı ailədə, ölkədə, illərdə doğulur.

yəqin bilirsən ki haqqımızda heç nə bilmirik.
sən məni meterka, şəxsiyyət vəsiqəsi, mən isə səni kafka qədər tanıyıram.

yəqin bilirsən ki artıq nə sən ata olacaq, nə də mən övlad olacaq yaşdayam. ikimiz də susub yaşamağa çalışacağımız yaşdayıq.

və yəqin bilirsən ki heç nə düzəlməyəcək.
27. daha namaz qılmıram. qılmamağımın səbəbi vaxt çatışmamazlığı deyil. allaha inanmıram daha. sənin oğlun çox dəyişib. namaza başlayanda "molla" olmağımdan qorxmuşdun amma mənə güvəndin. indi də güvən, əxlaqsız olmuyacam, bunun dinlə qəti əlaqəsi yox imiş.
10. pultu mənə ver, ged sikdir yat!
137. salam ata,

uşaqlığımda kasıb olmağımıza baxmayaraq məni çox xoşbəxt etdiyin, sevgini göstərdiyin üçün çox təşəkkür edirəm. anam kimi incitmədin məni, ona görə səni daha çox sevirdim həmişə.

çox sağol ata, anamla heç vaxt dava eləmədiniz. dostlarım ailələrinin davalarından danışanda sözsüz qalırdım, həmişə anamla zarafatlarını və gülüşlərinizi gördüyüm üçün.

mən uşaq ikən çox möhtəşəm bir insan idin.

amma əsəb krizlərin üçün səni heç vaxt bağışlamayacağam ata. balaca olanda çox az da olsa mənə əl qaldırdığını heç unutmayacağam. sən məni ağladanda boğazımdakı o düyünü illər keçsə belə hələ də hiss edirəm, nəfəs ala bilmirəm mən.

çox sağol ata, böyüdükdən sonra hər otağımdan çıxanda mənimlə dava etdiyin üçün.
çox sağol ata, böyüdükdən sonra hər xoşbəxt günümü burnumdan gətirdiyin üçün.
çox sağol ata, ən pis günlərimdə belə məni daha çox üzməyi bacardığın üçün.
çox sağol ata, mənimlə danışmayıb bütün əmrlərini anamla çatdıraraq məni evdə həbsə qapatdığın üçün.
çox sağol ata, ən böyük arzum olan bir təqaüddən cavab gələn gecə mənimlə dava edib hönkür-hönkür ağlatdığın üçün.
çox sağol ata, fikirlərimi hər paylaşanda susdurub otağıma göndərdiyin üçün.
çox sağol ata, universitetə belə getməyə icazə verməməklə qorxutduğun, sadəcə buna görə hörmət etməyə məcbur qoyduğun üçün.
çox sağol ata, səndən tək asılılığımın maddiyat olduğunu bilib təqaüdü ala bilmədən ləğv etdirməklə təhdid etdiyin üçün.
çox sağol ata, sadəcə mənə qarşı susaraq bütün tətilimi məhv etdiyin üçün.
çox sağol ata, artıq səni sevmədiyim üçün.

(youtube: )


Dear father forsaken, you knew what you were doing.
In silence your violence has left my life in ruin.
3. ne qeder heç yerde demesem de seni sevirem, kişisen
158. səni çox istəyirəm. təşəkkür edirəm, məni bu dünyada hamıdan çox sevdiyin üçün. mənə hər zaman sevgi dolu o gözəl gözlərinlə baxdığın üçün. yanında özümü güvəndə hiss etdiyim üçün minnətdaram sənə.. bu gün sənə sevgi dolu göyləri, yer üzünü vermək istərdim. amma heyif ki, lənətə gəlmiş ölüm bizim səninlə heç bir zaman ayrılmayan əllərimizi ayırdı.. məni gözlədiyini bilirəm. sənə yenidən qovuşmağı səbirsizliklə gözləyirəm canım "atam"
1. ata, bu internet senin her gün evimizi axtarıb tapıb sevindiyinden yarım saat özüne gele bilmediyin google mapdan ibaret deyil.
172. mənə qarşı bu qədər aqresiyanın səbəbi nədi.uşaq vaxtı maşın maşın oynadım döydün.məktəbə getdim birinci sinifdə dairə çəkə bilmirdim deyə bir saatdan bir gəlib dairəni görməyəndə başıma elə şillələr vururdun ki bu gün də yanımdan kimsə keçəndə şillə dəyəcək deyə qorxuram.dərsi yaxşı bilmədim deyə nənəmin gözü qabağında başımı divara vura vura döydün.hələ bütün məhləuşaqlarında olan şarikli tapançadan istədim deyə döydüyünü demirəm.anamı da belə döyməkdən başını xarab elədin o da hirsini məndən çıxırdı.niyə çünki çirkin idim məndən böyüyə vurmurduz.inşa yazabilmədim barmaqlarımı stola döydün.zəif uşaq idim məktəbdə döyüldüyümü dedim döydün.qorxduğum şeyləri dedim qorxaq deyib döydün.2007 ci ildə təzə aldığın telefona toxundum deyə döydün.köhnə karnizin bəzəyini sökdüm ad günümdə karnizlə məni şiş kabab elədin sement almışdın istifadə elədin qalığı qalmışdı evcik düzəltmək üçün istifadə elədim sabah tezdən uzun məhrabamız vardı onunla döyüb oyandırdın hələ 5 dən aşağı qiymət alanda danladığın yediyim yeməyi burnumdan gətirdiyini demirəm.indi yenə bir zibil elədim düzdü böyük qələt elədim sağol getdin işi həll elədin amma yenə bu zibildə məni günahkar bildin halbuki məni azacıq anlasaydın nə isə hər şeyə baxmayaraq atamsan
153. kaş olsaydında desəydim ....kimsən nəçisən ....hardasan...nəyə görə mən bədbəxtin dünyaya gəlməsinə səbəb olub özünüzdə sikdirmisiz hərə bir yana ...
heç düşündünmü 5-10 dəq. şəhvətini soyudanda bunun sonucu nə olacaq ,tutaq ki sonucu bildin ,niyə atdın ? kaş ki kim olduğunu bilsəydim ...üzünə deyəcək çox sözüm var...
175. səni sevdiyimi bilirsən. sən də məni sevirsən, ata. yan yana ola bilmədik anamı itirdikdən sonra. daim qaçdın, hər şeydən hər kəsdən. məndən də. bilirsənmi, çox sevdiyim və illərdir birlikdə olduğum sevgilimlə ayrıldıq. mənə necə yaxşı davrandığını bilirsən, ancaq onu yenə də sevməmişdin. hər pis və yaxşı anımda o yanımda idi, ata. ən xoşbəxt günlərimi, ən ağrılı günlərimi onunla keçirtmişdim və bir dəfə də şikayət etməmişdi. heç axıra qədər də etmədi. amma mənə yalan danışdı, ata. mən onun sevgisinə, bağlılığına çox inanırdım. hətta özüm özümə pislik edərdim ancaq o etməzdi - belə düşünürdüm. ancaq o xəyanət etdi mənə. düşünə bilirsən mi, bütün yaralarımı bilən, məni anlayan, gözlərimin hansı anlarda işıldayıb hansı anlarda yaşardığını bilən insan, sevgimizə, bizə xəyanət etdi. bunu sənə heç demədim. bilsən nə edərdin bilmirəm açığı. anamı ən gözəl illərimdə itirdim, çox insan tanıyıb, çoxundan zərbə aldım, illərdir sevdiyim, inandığım insan mənə zərər verdi və illərdir istiliyini duya bilmədiyim bir atam vardı. yan yana deyildik, ata, ancaq yenə də nəfəs aldığını bilirdim. sən niyə getdin bəs ata? üst üstə bu qədər şey çox ağır deyilmi səncə? indi düşünürəm, hara gedim, kimi qucaqlayım, heç kəs yoxdu, ata. bir sən qalmışdın, sən də getdin, səni də itirdim. qabırğalarımın qırılıb ürəyimə batdığını hiss edirəm və bu ağrı artıq fiziki ağrıya dönüşüb. 5ay oldu səni itirəli və 7ay oldu sevdiyimdən ayrılalı. eyni tarixdə oldu bunlar bilirsənmi və bu tarixdə oldu. sənə həmişə ehtiyacım oldu ata. lakin 2 dəfə ağlayaraq sənə zəng etdim və sən səhəri gün yanıma gəldin. mən sənə yenə ağlayaraq zəng etdim ata. ancaq telefonun bağlı idi. günlərlə zəng etdim sənə, telefonun bağlı idi, hələ də bağlıdı. 5ay oldu telefonunun bağlı olmağı. sənə tez tez zəng edirəm, bəlkə telefonu açarsan və ağladığımı eşidib, "qızım səhər yanında olacağam" deyərsən. uşaq vaxtı anam sən mən parka gedərdik. mən əylənərdim, siz də gülərdiniz. evə qayıdanda da hamımızın üzündə gülümsəmə olardı. sən indi anamlasan. sizinlə olmağı çox istəyirəm. ancaq yanınıza gələ bilmirəm. gözləyirəm, yanınıza gələcəyim günü.
98. zәng vurmasam da yaşadığını skype-dan online olmağınla öyrәnirәm. söhbәtlәrimiz o qәdәr qısa vә mәnasız olub ki, zәng vurmaq istәmirәm. mәnim sәndәn maliyyә gözlәntilәrim yoxdu vә iki aydan bir danışanda maaşımı almamışam, alacam söhbәti elәyib ürәyimi sıxırsan, maaşına filan ehtiyacım yoxdu amma bilmirәm bunu sәnә necә deyim. mamamı soruşdun keçәn dәfә amma sonra özünü sındırmamaq üçün güldün, guya zarafat eliyirdin. o da sәnin harda işlәdiyinlә maraqlandı. amma bunu heç vaxt bilmәyәcәksiz , ikiniz dә çox qürurlusuz.
bir dә ki, forexlә milyoner olmayacaqsan bunu bil. sәnin kimi savadlı biri necә belә sәhvlәr etdi bilmirәm. riyaziyyatçı olmaq çoxlu pul qazanacağın mәnasına gәlmir. bir dә riyaziyyat demişkәn gecә saat birә kimi riyaziyyat hәll etdirdiyin günlәri yadımdan çıxartmamışam. ya da yay tәtilindә ingilis dili tәrcümә elәtdirdiyin. özün dә qәbul elәmәlisәn ki, 6da oxuyan uşaqdan yay tәtilindә nә etdiyini saatbasaat dәftәrә qeyd etmәsini istәmәk vә sonra bunu tәhlil etmәk saçmalığın daniskasıydı.
konservativ olmadığın, tәhsilimizә çox müsbәt yanaşdığın üçün әn әsası da şahmatçı vә riyaziyyatçı geni üçün ayrıca tәşәkkürlәr.
kompyuterin qabağında da az otur , nә vaxt baxıram onlinesan, mәnnәn çox bilirsәn bilirәm amma gözlәrin xarab olacaq.
194. Neçə yaşım var e, ay ata. Sabah-birisigün evləndirməyi düşünürsən məni. Amma hələ də məndən nifrət mi edirsən, məni sevirsən mi anlaya bilməmişəm. Məncə sevgindən arxayın olmağımı istəməmisən ərköyünlük edərəm deyə. Düz bilirəm, ata? Yoxsa sənin üçün tərbiyə edə bilmədiyin, anamın "qudurtduğunu" düşündüyün övladınam? Həqiqətən də dediyin kimi "nankor" olduğumu düşünürsən? Necə həm belə qayğıkeş, həm də qəddar olmağı bacarırsan? illərdi baxışlarındakı tənəni, istehzanı fərəhə çevirmək üçün nə qədər çalışdığımı bilirsən? Səndən bir afərin eşitməyə nə qədər həsrət olduğumu?
Bir problemim olanda heç vaxt sənə deyə bilməmişəm. Heç vaxt məni sona qədər dinləməmisən. Ən yaxşısını sən bilirsən axı. Əgər başıma pis bir şey gəlibsə, deməli özümün səhvidi.
Uşaqlıq xatirələrimi yada salanda haqsızlıq elədiyimi düşünürəm. işdən yorğun gəlib bizimlə oynamağın, fəhlə qazancınla hər istədiyimizi almağa çalışmağın. Pis ata olmamısan, amma qorxaq olmusan. Ailəni idarə edə bilməməkdən qorxmusan. itəatsizlikdən qorxmusan. Buna görə də ən kiçik azadlıqları belə çox görmüsən bizə. Bir şeyi heç vaxt başa düşməmisən ki, bütün bu hərəkətlərinlə özündən uzaqlaşdırmısan, günbəgün, ilbəil itirmisən məni. Ən pisi də odu ki, məni də qorxaq böyütmüsən, ata. Bu il yarımda yaşadıqlarımda anam qədər sənin də payın var. Bu günə kimi başıma gələnlərin, seçimlərimin, səbəblərimin nə qədərindən xəbərin var? Bilirsən heç vaxt razı qalmadığın qızın sənin başın aşağı olmasın deyə nələrə dözüb? Yox. Bağışla, ata. Sən pis ata olmamısan demişdim, amma yaxşı da olmamısan.
Hər şeyə baxmayaraq, ümid edirəm ki, bu dəfə yanımda olacaqsan. Məni tək qoyma, ata. Sən mənə lazımsan.
41. çox sağ ol ki, məni solfetə və ya tualetə boşalmadın.
186. (bax: vaxtsız getdin)

Dünyadakı ən göt hiss, yəqin ki, yaxşı atanın olmasıdır. səmimiyəm. pis atan olanda yenə deyirsən ki, cəhənnim vurur eləyir ölsə, qoz qoymaram. amma di gəl ki, yaxşı ataya sahib olmaq övladı oxusun deyə gecə-gündüz çalışan ataya sahib olmaq konkret adamı sikir.

ata, artıq əvvəlki kimi səfil həyatı çəkmirəm, özümün bir işi var. kiminsə əlinin altında da çalışmıram. siqareti də sən öldükdən 4 il sonra tərgitmişəm. artıq illərdir ki, siqaretə də toxunmuram. bilirsən, həyat adamı ya sevə-sevə, ya da sikə-sikə dəyişdirirmiş. işlədiyim işlərdən dolayı sevginin nə olduğunu itirmişdim. ikinci yol ilə həyat məni dəyişdirdi. sadəcə 5 dəqiqə görə bilsəydin indiki halımızı. nə qədər yaxşı olduğumuzu, 20-li yaşların əvvəlində olan uşağın necə böyüdüyünü, inkişaf etdiyini artıq sənin üçün aptekdən dərman oğurlayacaq qədər kasıb olmadığını görsən və sənsizliyin dözülməz ağrısını...
184. bax kişi indi gəlmişəmdə zəhərlənirəmdə bir qismət çörəyi niyə burnumdan gətirirsən axı?
bacım öləli 2 il olduda bəsdidə day. yemək yediyim yerdə:
- allah məni qızıma tez qovuşdur
bu nədi səncanı mənimdə bacım ididə məndə insanamda məndə pis oluramda gələcəyimə fokuslanmaq istiyirəm axı, nişanımdıda 1 aya zada mənədə qoz qoyda nolarki.
35. evlənmirəm..istediyim var..evə gec gələcəm..sigaret cəkirəm.. hərdən nəşədə cəkirəm..1 kinoya 1000 dəfə baxa bilərəm..fisbuk yox facebook..radara daha düşməyəcəm..di el cək
40. qadou alaram. ergen vaxtlarımda da telefonda adını "evə gəl" yazdığım üçün ayrıca üzr istəyirəm. di mən nağayrım başqa heç nə üçün zəng eləmirdin.
87. sənsiz çox çətindir .
188. Orta statistik qafqaz kişisi olmayıb, evin əliyimruqlu rəisliyini eləməyə çalışmadığın üçün, "evdə rəis olmaz, öz başına qərar alınmaz, evdəkilərlə məsləhətləşilər" dediyin və bir az böyüyəndə o məsləhətləşməyə qardaşım və məni qatdığın üçün təşəkkür edirəm. Dinləməyə çalışdığın üçün, təşviş atakamın ortasında dəli kimi ağlamağıma da təmkinlə yanaşıb, qulaq asdığın üçün, "mən deyəndir, qurtardıq", "kəs səsini" demədiyin, hər addımımı güdmədiyin, məni sıxmadığın üçün çox sağ ol. Hə, bir də mənim stresdən partladığımı görüb, 6-cı günləri gəzmək günü etmişdin. Mənlə durub künc-bucaqdakı balaca kafelərə gedirdin. Çox sağ ol. Baxmayın, 50 yaşı ötmüş biri üçün 17-18 yaşlı birinin nazıyla oynamaq asan deyil. Ürəkdən istəməsən, edə bilməzsən.
Bizim ölkədə kənddən gələnə geridüşüncəli kimi baxırlar. Mən səndə o geridüşüncəliliyi görmədim. Bakıda 100 ildir qalanlardan daha "bakılı"san. Məncə, "xoşun gələn biri var?" Sualını danlamaq, incitmək üçün deməyən tək-tük atalardansan. Üzrlü say. Onda düzünü deyə bilmədim. Amma narahat olma, onun da xasiyəti sənin kimidir. Deyəsən, qızlar ataları kimi birini tapır söhbəti düz söhbətdir. Mən sənə baxıb, bir kişinin mənimlə necə davranmalı olduğunu, nələrdənsə keçməli olmadığımı öyrənmişəm. Düzü, bunda anamın da rolu olub. Nə anam özünü kişiyə əzdirəcək adamdır, nə də sən qadın üzərindən eqo savaşı aparacaq birisən.
Qısqanc biri olmağımı görüb, anayla birgə "bala,sən kimə oxşadın belə? Adam qısqanmaz, qısqanclıq münasibəti məhv edir" deyirsiniz. Bilirəm, bilirəm. Ona görə də içimdəki şeytanları boğuram. Elə dikbaşlığım, qısqanclığıma görə "bu qız kimlə dolanacaq? Kimə razılıq verəcəm mən?" düşündüyünü də bilirəm. Tanımadığım bibisiqızıyla toyda çəkilən şəklini görüb, sifət asmağımdan sonra kişinin gözü qorxub. LOL.
Arada səndən narahat qalıram düzü. Oxşar olduğumuzdan içimizdəki şeytanları da təxmin edə bilirəm. Bir görürsən, içinə qapanırsan. Susqunlaşırsan. Nə yalan deyim, qorxuram. Ona görə qapıdan girən kimi öpüb, qucaqlayıb, yanağını oynadıram. Ürəyin açılır bir az. Bir qorxduğum şey də varsa, mənə nə vaxtsa küsməyindir.
8-də oxuyanda telefon almışdınız. işlə problemin vardı. Ana "gəl,başqasını götür, sonra daha yaxşısını alarıq" deyəndə "qoy öz istədiyini seçsin" demişdin. Çətin vaxtında qanacaqsızlıq edib, onu seçdiyim üçün indi də özümü pis hiss edirəm. Bağışla.
Ps. Uşaq vaxtı oynadığımız oyunlar yadımdan çıxmayacaq, dədili.
160. bugün qərar verdim ki, bakıya gedəndə sənlə danışacam. bir yerdə pivə içə içə danışarıq. sənə deməli olduğum çox şey var. həyatımla bağlı təsəvvürlərim var ki, sənlə bölüşməliyəm. indidən buna hazırlaşacam. bu barədə ciddi və effektiv danışmaq üçün bir şansım var. onu boşa verməmək üçün hazırlaşacam. yenə içimdə özümü sənə sübut etmək hiss yaranıb. həmişə heyrətləndirmisən məni, bugün də elə etdin. məncə yenə edəcəksən.
180. Bu başlığı görəndə 2 il öncə vəfat edən atam yadıma düşdü. Onu itirəli illər-illər öncə idi. Sadəcə atama onu demək istəyirəm ki, "o zibil içkiyə görə bizi atmamalı idin, çünki hər ağlıma gələndə gözlərim dolur. Sən indi o içkini atsaydın, mən sənsiz böyümənin necə bir şey olduğunu bilməyəcəkdim. Səni çox istəyirəm, amma o içkini bizdən üstün gördüyünə görə səni həyatım boyunca bağışlamayacam".
5. aye, el çek, evlenmirem.
154. bilirəm məni çox sevirsən. mən də səni çox sevirəm hər şeydən çox. ama artıq uşaq olmadığımı qəbul et. hər şeyi sənin istədiyin kimi etmək istəməyəndə səni sevmədiyimi ya hörmət etmədiyimi zənn etmə. sadəcə, artıq böyüdüyümü və öz fikirlərim olduğunu başa düş. bilirəm istəyirsən ki həmişə 5-6 yaşlı balaca qızın olaraq qalım ama böyüdüm ata.
49. məni bağışla,bilirəm sən isdədiyinkimi övlad olmadım,olmayacamda,hər dəfə spor ediriy,əsəbləşirsən mənə görə,amma vallah billah sən deyən dövür deyil indi,nədəki mən 5 yaşlı qızcığazam.çox sağol anam hərdəfə boşanmag isdəyəndə qarşısın aldığın üçün,mənə bu həyatda çox şeyi öyrətdiyin üçün ,amma nolar mazgimi eləmə də papa,vallah bezirəm,hə mən internetdən ayrılmıram,hansısa köpeyuşağlarınan danışıram,evdən icazəsiz çıxıram,sənin o saxta üzlü qohumlarvı saymıram,kobud,acı diləm,o qonşunun qızları kimi ''ağıllı'' deyiləm,sən 9 da gəl desən də 12 də gəlirəm evə, narahat olma men ozümə pislik edəcəy gədər axmağ deyiləm,özunən muğayət ol can ,hə birdəki çəkmə o zəhrimar galmışı a kiwi təzə əməliyyat olunmusan, sən də olmasan mən kimdən öyrənəcəm aşbazlıgı,sən mənən incisəndə mən sənən incimirəm,səni çox istəyirəm atam.

illər sonra gələn edit: incimişəm artıg çoxdandı səndən ata,daha idealım da deyilsən. gör illər nə çox şeyi dəyişir,daha səni canının parcası bilən bir övlad deyiləm ata. mənəm günahkar? əsla. sayəndə sənə olan sevgim,o ata və qız arasındakı pərdə yox oldu. təbrik edirəm. mənidə özünə bənzədə bildin.
70. bu gün məni öpməy istəyəndə marşrutu qaçırtmayım deyə "tələsirəm ata" dedim. sonra dözmədim mesaj yazdım ki "öpürəm". * cavab zad gözləmirdim, çünki mesaj oxuyan, oxusa da cavab yazan deyil bilirəm ki. bir də gördüm cavab yazıb, həm də azərbaycan şriftləriylə. -* sözlükdə yazar kimi görsəm də şaşmaram artıq. * çox abartıram, amma 3 saata hərf axtarıb mənə elə bir cavab yazması bütün gün boyu üzümün gülümsəməsinə səbəb oldu. sözümün canı odu ki, bu dünyada ən sevdiyim adamsan, amma üzünə deyə bilmirəm, atacan. nolar həmişə yanımda ol.

illər sonra gələn edit: istədiyim kimi həmişə yanımdasan, Ata. Amma təkcə ruhən. Artıq ağlamıram da heç. Sənə səni nə qədər çox sevdiyimi səni yavaş-yavaş itirdiyimi hiss edəndə deyə bildim. Amma bunu bir-birimizə deməsək də olardı. Səndən ötrü çox darıxıram, bilirsən yəqin.. Yerini heç kim doldura bilmir.
8. tələblərini yerinə yetirmədim deyə qadağa qoymaq nə deməkdi indi? я уже не подросток пап и мне впрям начинают надоедать твои покровительные манеры.
81. adam biraz 'ata' olar
157. heç yaxın ola bilmədik sənnən ata.heç hiss eləmədim mən atalar qız övladın daha çox sevir deyimini.əvvəllər hiss eləməzdim aramızda olan məsafəni.sən hər yeni ildə şaxta baba kimi gəlirdin,əlində çoxlu sumkalar.gəlməmişdən əvvəl hansı hədiyyəni istədiyimizi deyirdik sənə.uşaq idim onda,mənə çatmırdı heç nə,ağlımda ancaq mənə alacağın hədiyyə idi.amma ata indi milyon dənə qiymətli hədiyyələr versələr mənə ürəyimdəki bu boşluğu doldura bilməz.biz sənnən nə iki dost olduq,nə mehriban ata qız.nə sən bildin ürəyimi,nə mən sənin ürəyini.bir də baxdım ki böyümüşəm.kimsə yanımda atasınnan danışanda yavaş yavaş gözümə görünməyə başladı aramızdakı məsafə.onlar danışanda məndə gopladım bir iki şey danışdım.sənnən deyib gülməyimizdən danışdım necə yaxın olduğumuzdan danışdım.hərdən həyatı borclu çıxarıram ki tüpürüm belə həyata ki məcbursan zibilə qalmış pulu qazanmağa ki yaşıya biləsən.hərdən səni günahlandırıram başqa çarə tapmadığına görə.hərdən özümdə səhv görürəm sənə belə əsəbi olduğuma görə.amma ən çox böyüməyimə heyfslənirəm ay pa
17. mən sən düşündüyün qədər güclü deyiləm.gəl deyə də bilmirəm,özüm də gələ bilmirəm.biri mümkünsüz,biri də mənim götüm çatmayan variantdı."karoçi",bu oğraşxanada sənsiz dözmək olmur.çox darıxıram,boşluğun dolmur.
166. yaxşı kişisən amma xahiş eliyirəm arada bəzi dost-tanışlarının tırkasına gedib evdə beynimi sikmə ki get saçıvı qırxdır. vobşe sən o dalbayob tanışlarınla necə fırlana bilirsən başa düşmürəm. inan mənə onların əksəriyyəti sikimdən aşağı olan adamlardı.
190. mənə ata olmamağın nə qədər vacib olduğunu uşaq,ailə və s. şeylərin bir kişi üçün lazımsız olduğunu göstərdiyin üçün təşəkkürlər yaxşı ki,digər tipik atalar kimi məni evləndirməyə çalışmırsan və anam hər dəfə "tək qalacaqsan,qoy baban da toyunu görsün" deyəndə "mən babama toyumu göstərib yarımışam ki,oğlumu da zibilə salmaq istəyirsən cavan yaşda " deyib məni başa düşdüyün üçün çox sağol.məni qadınların-qızların qurbanı olmaqdan qurtardığın və çox şeyləri başa saldığın üçün və ən əsası mənimlə səmimi olduğun üçün.
52. -adam olmaz menden bilirem.amma yazar olmusham.baax entrylerimee bax
182. Yaratdığın əsərlə qürur duyursan?. Madam bilirdin bu pox kimi həyatı məni niyə əkirdin. Kaşki o gün sənin başın ağrısaydı da olmasaydım. Heçvaxt səninlə ata-oğul əylənmədik. Balığa getmədik idman eləmədik əylənmədik. Ancaq qaşını x işarəsi eliyib gəldin evə. Sən qapını döyəndə ürəyimiz səksəkəyə düşürdü. Evdə terror əsdirirdin. Yanından keçəndə belə qorxuyla keçirdik. Çox sağol yedirdib içirmisən amma ağzıma yeməyi verib burnuma sıçırdın. Hə də bildik arığam bilət hə də təmbəl götüboşam bildik bəsdi də gündə 40 dəfə eyni sözü deyirsən. Əsəbdən gözüm tutulub bilət bəsdi. Indi orucsan niyətin qəbul olsun amma madam ki əsəbi olacaqsan bütün gün mırtdıyacaqsan tutma. Bir tərəfdən qəlb qırıb bir tərəfdən oruc tutursan?. Bugün loser olmağımın səbəbkarısan. Anam da sənin əlindən dəli olub. Atamsan deyə heçnə edə bilmirəm amma yığma canımı boğazıma.
171. başa düşürəm odnoklassnikə girirsən day yazışdığın arvadı gizlətmək üçün niyə yalannan deyirsənki əsgərlik yoldaşımdı yekə kişisən ə dürzüy
183. Heçnəyi vecinə almayan, boş yaşayan, onsuz da keçib fikirləşib, özünü yeniləməyən, heç vaxt nə özünü, nə başqalarını fikirləşməyən, həyat mottosu olaraq nə olar, olar cümləsini seçən bir insandan, ancaq gələcəyini düşünən, insana nə gəlirsə ancaq özündən gəlir düşünən, heç kimdən kömək ummayan, öz ayağı üstündə durmağı bacaran, insanlara dəyər verən, özünə inamı olan bir insan yaratdığın üçün çox sağol. Hər pis xüsusiyyətimi məndə düzəltdirdin, birini saxladın. Bəlkə də onun fərqinə varmamışdın, ona görə. Hələ də özümə dəyər vermirəm. Öz istəklərimi görmürəm. Onun əvəzinə ancaq səninkiləri görürəm. Nə oxumağım, nə işləməyim, heç biri özüm üçün deyil, sənin üçündü. Sənin başının dik olması üçündü. Bir gün indiki qədər sağlam olmayanda, indiki kimi mənim istəklərim üçün hər gün işə getməyi bacarmayanda, əlinin altında hər şeyinin olması üçündü, bir də heç ağrı, əziyyət, yorğunluq çəkməməyin üçündü. Qızın haqqında danışanda gülərək, fəxrlə danışmağın üçündü. Onsuz da elə idin, amma yenə də, ümid edirəm hər mənim haqqımda danışanda üzündə yaranan gülüş, əvvəlkindən daha artıq olar. Mənə çəkdiyin bütün əziyyətlər üçün, məni bu cür böyütdüyün üçün çox sağol. Üzünə deməsəm də, bura yazıram, sən hiss edərsən bilirəm.
Edit: 15 yaşımdan etibarən, xatırlatma olsun deyə, ildə bir neçə dəfə, bütün kişilərin alnında oğraş yazılıb sözünü deməyin eşq həyatımda mənə nə qədər kömək elədiyini təxmin eliyə bilmərsən. Ona görə də ayrıca çox sağol.
156. necə deyim, hardan başlayım, bilmirəm... hə, elə layiqlik məsələsindən başlasam yaxşıdı. belədi ki, ikimiz də çox yaxşı bilirik ki, günahsız, səhvsiz insanlar deyilik, amma, sən başqasan, necə deyim, mən sənə protiv gedirəm. səhv başa düşmə, qəstən eləmirəm, düşüncələrim, hisslərim, az da olsa təcrübələrim məsələni bu hala salır. neynəmək olar? deyəsən sənə layiq oğul ola bilmirəm, bağışla.
səni canımdan çox sevdiyimi, hətta sadəcə sevdiyimi belə deyə bilməmişəm sənə ömrüm boyu, amma, bilmişəm ki, bilirsən özlüyündə sənə demək istəyib deyə bilmədiklərimi. bunun izahı var, ya yoxdu bilmirəm, heç öyrənmək də istəmirəm, amma, bəzən səndən qabaq ölmək istəyirəm... bilirəm, bu çox pis istəkdi, bilirəm, oğullar ... nəsə ürəyim ağrıyır, dahasını deyə bilmərəm, bağışla
12. sənsiz yetiməm ata..
78. ata sən niyə kasıb olub məni padvadit elədün?!
187. Səni sevmirəm, sadəcə bəzi insani keyfiyyətlərinə görə hörmət edirəm. Ölkədə atalar o gündədi ki, sənin özünü normal aparmağın əfsanəvi bir şey kimi gəlir. Bilirəm ki, məni daha yaxından tanısan ağzımı cıracaqsan. Ona görə ruslar demiş bazarımı filtrdən keçirirəm həmişə. Sən "bu nə uşaqdı aq, imtina edim bundan" deməyəsən deyə kardinal rişeyle olub getmişəm, eləmədiyim intriqa yoxdu, yetim. Ha, bu arada, normal danışa da bilmirik, çünki danışdığımın məzmununa yox tərzinə baxırsan ancaq, "o nə sözdü? işlətmə" deyə-deyə. Ona görə ancaq "salam", "yaxşıyam, sən?" səviyyəsində danışırıq.
P.S. xəbərin yoxdu, amma otağımda çaxır deposu var.
191. kaş həmin gecə prezervativ taxardın.
22. rәyis, 2 kәsirim vardı, bu semestr dә nәğd 2si әlavә olunacaq. nәdi nәdi bir fәnndәn davamiyyәt limitini aşmışam, 1 qayıbla. digәr fәnndә isә, tipini siktiyim mәllimin xoşuna gәlmirәm. zatәn keçәn il dә o kәsmişdi 1 fәnndәn. dәrdi pul da deyil. zira digәr qrup yoldaşlarımdan pul alıb keçirdib, mәnә çatanda "sәni keçirtmiyәcәm" dedi. araya adam saldım, soruşub ki, nәdir yәni bu yetimnәn alıb verә bilmәdiyin? deyib heçzad. keçirtmiyәcәm onu. bir ssri artığı gijdillağın әlindә qalmışam. amma mәn ona eliyәcәyimi bilirәm. ağıllıdı biraz, mersedesi ilә gәlmir dәrsә ancaq әlbәt bir gün gәlәcәk. zira intiqam soyuq yeyilən bir yeməkdir
(bax: adam holigan çıktı rıza baba)
80. hər gun bir birimizi gorməyimize baxmayaraq niyə bu qədər məsafəvar aramizda niye uzaqiq., bilirem məni hamidan her şeydən çox isdiyirsən ama niyə ikimizdə bu qədər soyuq adamlar çixdiq.
85. gecә filmә baxanda gәlib "bir dәfә dә faydalı bir işnәn mәşğul olduğunu görәk dә" demә başına dönüm. zira gecәnin 2sindә daha faydalı iş mәnim ağlıma gәlmir.
163. nə həzz alırsan fürsət tapdıqca wifi şunurunu çəkip çıxarmaqdan?
140. məllim, bu gecə də qutudakı son 3 siqaretini çəkdim. ümid edirəm işə gedəndə yolda açıq olan mağaza tapmısan. day üzrlü say, atamsan.
48. özün bilirsən ki, səni çox istəyirəm. amma ki çox gerifikirlisən, bu qədər də olmaz. rusyetdə universitet oxuyan adamsan, di gəl ki bizdən əl çəkmirsən. indi sənə zidd hərəkətlər edirəmsə də yadda saxla ki 1-2 il sonra başıuca gəzəcəksən. hardan bilirəm? həmişə belə olub. öpürəm, mənə kontur göndər bu arada.



hamısını göstər

ataya demək istədiklərimiz