51. əslində səninlə onun arasında olan xüsusi, sadəcə sizə xas bir dildir. bu dilin bir çox kəliməsi gündəlik həyatda istifadə olunsa da, sən o kəlimələrə onunla birgə başqa mənalar yükləmisən vaxtında. bəlkə ən məhrəmanə hisslərini kodlaşdırıb terminləşdirmisən. yaxud bir-birinizə verdiyiniz xüsusi adlar da ola bilər bu sözlər və ya sevgilin bir sözü özünə xas şəkildə tələffüzü.

beləcə, bir kəlimə, söz sadəcə yalın bir mənanın yox, sənin yaşadıqlarının, xatirələrinin, ən pak hisslərinin, sevincli yaxud ağrılı anlarının, ötüb keçmiş və bir daha geriyə dönməyəcək olan zamanın daşıyıcısına çevrilir. bu cür sözlər özündə külli miqdarda informasiyanı ehtiva edir.

bəzən adamı içindən parçalayıb tikə-tikə edən də məhz budur. çünki gündəlik həyatda eşitmə imkanın çoxdur bu sözləri. beləcə, səbəbsiz yerə unutduğuna özünü inandırdığın şəxs xatirələrlə birgə gözünün qabağında yenidən peyda olur.

bu sözlərdən xoş olanlarınını eşitmək üçün arada elə darıxırsan ki, aradaki maneələrin, üstünü çoxdan mamır basmış beton divarların, heç vaxt bərpa olunmayacaq əvvəlki münasibətin, qısası yaşanmışlıqların varlığını unudaraq zəng edib məhz o sözləri bir də eşitmək istəyirsən. halbuki, qarşındaki təbii olaraq bunu niyə elədiyini başa düşməyəcəkdir.