ölüm
əjdahalar googllasözaltı günlük - sözaltı etiraf - yazarların paylaşmaq istədikləri şeirlər - intihar - sözaltı sözlük - sözlük yazarlarının qorxuları - isa şahmarlı - snuff - vətən üçün ölməyi istəyəcək qədər axmaq olmaq
insan bir canlıdır. canlıların istənilən funksiyası var olmağa xidmət edir: qidalanma, böyümə, çoxalma və s. qorxu da var olmağa hesablanmış refleksdir. qorxunun səbəbi var olmağa yaranan təhlükədir. var olmağa ən böyük təhlükə, onun əksi - ölümdür. ilk insan ölümü heç bir zaman təbii hal kimi qəbul etmədi. onu həmişə təbiət üstü qüvvələrlə bağladı. ona görə də hər hansı bir təbii fəlakətlə qarşılaşdığı zaman ölüm qorxusunu aradan qaldırmaq üçün tanrı saydığı şeylərə qurban verdi. beləcə dinin əsas prinsipləri formalaşdı.
var olmağa can atmaq ölümlə qarşılaşan insanı ölümdən sonra da həyatın varlığına inanmağa məcbur etdi. daha irəli gedib ölümdən sonra rahat həyat yaşamaq üçün çox zaman mülkiyyətini də özü ilə birlikdə apardı. mәişәt әşyaları, daş-qaşı, heyvanları, nökәri, hәtta qadını ilә birlikdә dәfn olundu. bəzən axirətdə qaytarmaq şərti ilə ölümdən əvvəl borc verildi. öldükdən sonar heç kim dirilmədiyi üçün digər dünya haqqında heç bir təsəvvür yoxdur. buna görə də müxtəlif dinlər və inanclar digər dünyanı fәrqli variantlarda təsəvvür edir.
ölüm statistik olaraq qocalığa yaxın, praktik olaraq həyatın hər yaş dövründədir. əgər ölümdən sonra həyat varsa, ölümün ciddiyyəti qalmır. ölüm başqa həyata keçiddir. beləliklə, bu dünyadakı yaşamın qiyməti azalır. ölümdən sonrakı həyata inam insana ölümsüzlük vəd edir. həyata məna qatan və bir o qədər də şüurlu hər bir varlığı ölüm depressiyasına salan həyatın faniliyidir. əgər ölüm bir sondursa, əgər hər an ölüm varsa, demək hər an yaşam var. yaşamın hər an yox olma ehtimalı onu mənalı edir.
ölüm bir sonun başlanğıcı deyil. ölüm sonun özüdür.
üzv ol