95. içək, qardaşım, içək,
qarğıdalı zəmisində
ölən əsgərin şərəfinə.
dağılmışdı saçları
köhnə tüfənginin
sümbəsi üstə,-
bir vaxt eləcə anam
alardı başımı dizləri üstə.
içək, qardaşım, içək,
gözlərimizdən və əllərimizdən
şərab qoxusu gələnədək.
…qadınlar kişi əlləri üçün,
kişilər qadın ayaqları üçün
ölürsə…
bu vətənçün kimsə ölməyəcək.
elə biz öləcəyik
şərab qoxulu meyidlərimiz
səpiləcək düzən-düzən.
nə yaxşı ki, sərxoş doğulmuşuq
və sərxoş olacağıq ölənəcən.

ibrahim quliyev