6. tərif: müsbət yüklü nüvədən və mənfi yüklü elektronlardan ibarət olan mürəkkəb dinamik sistemdir.
nüvənin özü isə müsbət yüklü protonlardan və yüksüz zərrəciklərdən - neytronlardan təşkil olunmuşdur.
normal halda atomdakı protonların sayı elektronların sayına bərabərdir. ona görə, mütləq qiymətcə elektron yükü (-e) protonun yükünə bərabər olduğundan, normal halda atomun elektrik yükü sıfıra bərabər olur, başqa sözlə atom elektroneytraldır.
nüvədəki protonlarla (z) neytronların (n) cəminə kütlə ədədi deyilir: a = z+n

kimyəvi elementin simvolunda protonların sayı solda aşağıda, kütlə ədədi isə sağda yuxarıda göstərilir.
protonun sükunət kütləsi elektronun sükunət kütləsindən çox-çox böyük olduğundan (mp/m0 ~ 2000), atomun əsas kütləsi onun nüvəsində cəmlənir. ona görə klassik fizikada nüvə fiksə olunmuş cazibə mərkəzi qəbul olunur, elektronlar isə onun ətrafında müəyyən orbitlər üzrə fırlanırlar. beləliklə, klassik fizikada elektron eyni zamanda müəyyən koordinata və sürətə malik ola bilən, başqa sözlə orbit trayektoriyasına malik ola bilən nöqtəvi zərrəcik kimi təsvir olunur.