10. hot seat (split-screen) oyunlar. uşaq vaxtı məhlənin arxasındakı qarajda sony* playstation 1 açmışdılar. 1 məmmədə* 20 qəpik 40 dəqiqə. məsələn təksənsə 40 dəqiqə oynaya bilirdin amma 2 nəfər olanda hərə 1 məmməddən 80 dəqiqə edirdi, həm də 2 vəya çoxnəfərlik oyunlar daha maraqlı idi. crash team racing, need for speed: porsche unleashed, vigilante 8, metal slug, crash bash vardı. bəzilərini hətta 4 nəfərə qədər qoşmağı öyrənmişdik. sonralar nəsə təzə modellərdə buraxmadılar belə oyunları. halbuki dendydən, segadan yaranan vərdişlərimiz idi, evdən icazə alıb konsolu olan dostumuzun evinə gedirdik, gecəyə qədər, gözlərimiz qıpqırmızı olana qədər oynayırdıq.
təzə konsollarda futboldan (hansı ki zəhləm gedir) və ps3də blurdan başqa ciddi iki-üç nəfərlik oynamalı oyun gəlmədi. online oyunlar qurdular amma bir nəfər bir konsol şərtiylə. dramatik və şit səslənir amma oyunçu sayı artdı, insanlar daha da yalnızlaşdı.