90. az əvvəl, house of cards'a yorğun halda baxanda, bayırdan səslər eşitdim. bəzi "qaqalar" içib, hay-küy salırdı, söyüş söyürdü. saat 2-dən xeyli keçib amma bu yeniyetmələr hələ də evlərinə getməyib. anası, atası hara baxır? bu uşaqların həyatları hələ qabaqdadır amma avaraçılıqla məşğul olurlar. belə yeniyetmələrin valideynləri çox vaxt ya ayrılmış olur ya da ümumiyyətlə olmur. baxa bilməyəcəyi uşağı dünyaya gətirən valideynə allah lənət eləsin! əgər imkanın o uşağa ən azından orta təhsil verməyə çatmayacaqsa, gecə harda olduğu ilə maraqlanmayacaqsansa, niyə onu dünyaya gətirib, həyatını məhv edirsən? beynimdə belə fikirlər yaranmışdı. həqiqətən də hannibal çox gözəl deyib: "vəziyyətindən şikayətlənmə, indiki vəziyyətdə olmasaydın, daha pis vəziyyətdə olardın."
avaraçılığın, narkomaniyanın, cinayətkarlığın, oğurluğun artmasının əsas səbəbi işsizlikdir. işsizlik ailə dağıdar, aclıq yaradar, cahillik yayar, oğurluğa məcbur edər. məhz elə bugün həmin vəziyyətdə olan yeniyetmələrin əsas səbəbkarı kiyafət qədər maaş ala bilməyən valideyndir. əlbətdə, istisnalar var amma çoxluqda götürsək görərik ki, əsas səbəb puldur. işsizlik artır, yoxsulluq artır, cinayətkarlıq artır, cahillik artır, hər şey bahalaşır... ölkənin axırı yaxşı görünmür. məsləhətim də var ki, yanınızda özünü-müdafiə üçün vasitələr daşıyın. nə olar nə olmaz.