115. bəzi ailələrdə doğulduğu üçün belə günahkar olan varlıq. nə olursa olsun səsini çıxartmamalı, qardaş, ata, ər zülmünə məruz qalmalı, böyüdüyüm cəmiyyətdə gördüyüm qədəri ilə ya 9 cu sinfə kimi oxumalı,ya da " qız uşağının gözü açılmamalıdır" deyilib ömürlük ev həbsinə nmruz qalmalı, bütün mənəvi dəyərlərinin üzərindən xətt çəkilməli, şəxsi üçün heç bir istəyi, gələcəyi üçün pəzəvəng bir ər və damazlıq olmaqdan başqa heç bir xəyalı olmamalı, təcavüzə şiddətə məruz qalsa da tək günahkar özü olmalı, aldadılmalı, ağladılmalı, sevgini yalnız bayağı türk, hind və braziliya istehsalı kinolarda görməli, qayğı və nəvazişi isə unutmalı olan, müqəddəs adı altında insan yerinə belə qoyulmamalı ana, bacı, "həyat" yoldaşı, qulluqçu, və sair adlara layiq qul, kölə. p.s. bir çox eşşəkbaşlara görə idi sadaladıqlarım.

böyük qüvvəyə malik, iti ağıllı, güclü intuisyaya malik, dünyagörüşünü inkişaf etdirdikcə kimsənin qarşısını kəsə bilməyəcəyi, şərəfli bir kişiyə şərəfli bir həyat yoldaşı, namuslu atanın namuslu qızı, qayğıkeş qardaşın şəfqətli bacısı, tərbiyyəli övladın nümunəvi anası, uğurlu iş qadını, qədri bilinən,təmizkar və qayğı dolu evdar qadın, yeri gəldiyi zaman sözünü deməyi bacarmalı, haqlının yanında durmalı, özünə olan hörmətini qorumaq üçün dilinə küfür gətirməməli varlıq.